Nij

It âlde gemeentehûs yn Wommels

dat omboud wurdt ta appartemintenkompleks foar âlderen

krijt de namme Nij Walpert.

Dêr is djip oer neitocht troch de gelearden dy't er oer gean

en dit is de beste namme.

It sil wol.

Ik bin wol wat klear mei dat wurdsje "nij"

De Nije Kromme

Nij Stapert

't Nije Bosk

en no Nij Walpert.

Foaral dat Nij Walpert, 

dat stiet mij net oan,
dat hawwe wij hjir al hân yn Wommels.

Foar 1991 hjitte de skoalle foar fuortset ûnderwijs yn Wommels ek "Nij Walpert",
foardat it letter de namme Bogerman krige.

Ik begryp dat it gebouw nij liket mar dat net is

en dat soks útnoeget om it wurdtsje nij te brûken,

mar krekt as alles bliuwt it net nij.

As foarbyld kinne je sjen nei Nij Stapert,
dat hast Ald Stapert neamd wurde kin.

Oer Walpert haw ik noch wol wat te sizzen.

Wij hawwe hjir yn Wommels al in Walperterwei en in plan Walpert,

oan de kant fan it doarp dêr't de terp Walpert wie.

Ik kin mij no net foarstelle

dat der in momint komt

dat ik fan plan Walpert 

fia de Walperterwei, 

lâns de eardere mafû Nij Walpert

yn Nij Walpert kom te wenjen

Werom net?

De namme stiet mij net oan

en ik bin dan wol wat klear mei Walpert en Nij

Oh ja

Ik neam it gebou "de Lichte"

sa neamden wij earder de Keatsebaan

omdat it dêr wat oprint nei it doarp ta.

Koroanakonsert

Net te hoopjen dat dit ús nije wurklikheid wurdt. 

Justerjûn yn it Bolwerk yn Snits it ienige 30 minsken koroanakonsert mei wat hardrock fan Anquest. 

It like wol in gymseal mei al dy fakken fan 1,5 meter breed en 1,5 meter lang.

Yn 15 fakken in (stean) tafel en twa stuollen/krukken. 

It falt net mei om der in hardrockeftige sfear fan te meitsjen mei al dy sittende minsken op ôfstân. 

Muzyk wie prima mar om tusken alle nûmers sokke (âldejongeskrintebôle) ferhalen te fertellen draacht net bij om der wat gong yn te hâlden en dat is bij dit soarte muzyk wol in eask. 

Wij hawwe dy lêste ferhaaltsjes net mear ôfwachte.

Midden Nederlân

It is 15 juny. 

It sanitêr op  kampings is wer iepen

Wij stappe gelyk op.

Fytse fan Hoorn nei Wyk aan Zee. 

In moaie route

In matige kamping

Wij sette ús tinte op

Metersheech gers

27 euro mar leafst

Sa djoer komme wij it net wer tsjin.

Wij sliepten op de Nivon kamping.

Wij sjogge om ús hinne bij Wijk aan Zee.

Meast opfallend dêr binne de Hoogovens

Tatasteel sizze se tsjintwurdich

Wat in kompleks.

Kilometerslang oan de oare kant fan it wetter

De oergong nei de rekreaasje

is makke mei in keunstprojekt.

"Een zee van Staal"

foaral sponsere troch Tata Steel

De fytsroute troch Hoorn

liedt lâns it stedhûs en in byld.

Wij fytsten der faak lâns.

Och in pleatslike held tinke wij bij soks

en fytse wer fierder.

No net, 

de diskúsje giet oer dizze man

Jan Pieterszoon Coen.

In foto foar letter

want dat sil it byld dêr wol net mear stean.

Sa giet it hjoeddedei

Wij fytse faak troch Volendam.

Mis,

ik kin better sizze,
wij rinne foar troch Volendam

Op de Dijk, blykber in populêre bestimming

foar Aziatyske toeristen.

Bussen fol wurde dêr brocht

en in pear oeren letter 

at se útdangele binne op de Dijk

wêr't echt hielendal neat bijsûnders te sjen is,

stappe se wer yn de bus mei in klompke of in molentsje

of in foto wêrop se yn kleandracht steane.

Dy lju, rinne dêr altyd yn it paad

at wij dêr lâns wolle

No net, wij kinne no gewoan fytse

Komme wij op in kamping

sjogge wij meast earst at er in picknicktafel stiet

sadat wij in plakje ha om te sitten.

Op in kamping yn de Glind

stiet de troan foar ús klear

Underweis op de fyts mei wat waarm waar

is in bank ûnder de beammen in lust.

Hiel soms wolle wij noch wolris stopje bij in bank yn de sinne

Sa as dizze bijsûndere yn Ravenswaay

Pontsje farre ek wer

sa sjogge wij hjir en dêr oankundige.

De wettertaksy fan Velsen Noard nei Ymuiden

soe ek wer farre at wij dêr binne

It klopt.

Der binne noch net folle dy't dat witte, 

Wij binne de ienige twa reizgers

dy't it Noardseekanaal oerbrocht wurde

Op ôfstân bliuwe fan in oar

is net in drege klus.

Jaarsveld, bekend fan it polstokspringen.

Leit deun oan de Lek

en wij sille der mei it pontsje oer,
want 3 kilometer fierder op leit ús kamping.

Mis dus, de pont faart net.

Mooglik it hiele jier net.

Wij moatte omfytse.

In frekt moai ein

en it is waarm

In dei letter wer in oerstek

Bij Amerongen.

Pont faart wol

6 dagen fytst

420 kilometer

it wie in moaie tocht

Bijsûnder

Soms sjoch ik in adfertinsje

dy't opfalt en nijsgjirrich makket.

Sa as dizze yn de krante fan 18 juny2020.

Ik kin de minsken net,

mar de tekst seit genôch.

50 jier nei in fatale datum

pleatse de bruorren en susters in adfertinsje

foar harren broerke

dat ferûngelokke is yn Balk

It fertriet fan dy famylje nei 50 jier

is der noch en sil altyd bliuwe

Moai dat se it op dizze wize kenber meitsje

Ut de LC fan 19 juny 1970

Jan Rot

Muzyk is foar mij ûnmisber,

de radio is prima en Spotify fult it geweldich oan,

mar, der giet neat boppe livemuzyk.

Op 7 maart wie myn lêste jûntsje  mei livemuzyk

en snein wie myn earste wer.

Jan Rot yn Kûbaard

bij Pim en Petra yn de tún.

Wat in prachtige middei

mei 30 man/frou yn in hearlike ûntspannen sfear

harkje nei de taalkeunstner Jan Rot.

Hij hat mear as 1000 teksten skreaun

en wit ik hoefolle cd's makke.

Syn sjongen is mei emoasje

syn ferhalen binne mei humor

en syn teksten binne prachtcih.

"Tillefoan út. gjin foto's en gjin fideo's"

rôp Petra fan te foaren.

Gelokkich hie ik bij ynkommen al in foto makke,

sûnder Jan Rot,

dy kinne jim yn dit klipke sjen

mei in oersette nûmer fan Johnny Cash

Strontsiik

Ik sei it al earder,

strontsiik wurd ik fan dy protesten.

Lju dy't stânbylden fuort helje wolle

omdat it harren net (mear) oanstiet.

Fertsjinlik yn it ferline

en dêrtroch  eare mei in stânbyld.

Nim no Jan Pieterszoon Coen.

Wêr't syn byld stiet, wist ik net,
wat hij krekt dien hat earder, bin ik ek ferjitten.

Dy skiednisboekjes sjoch ik net alle wiken troch.

Ynienen is hij aktueel.

In meute hat iets ûntdutsen

en siket it doel op.

Hoorn dus, yn Noard Hollân.

In dei nei de slach fan Hoorn op freed 18 juny,

fytse wij der lâns.

It byld stiet er noch

en it prachtige stedhûs ek.

De terraske oan de foet sitte fol

en de opruiers binne foar in diel oppakt.

Gelokkich.

Op basis fan in eardere beoardieling hat hij it fetsjinne

om ferheven op in plein yn Hoorn te stean.

Want om no noch te bepalen at hij net doogde

of at hij in dogeniet wie, is wol lestich.

Ofbliuwe fan de stânbylden.

Bin bliid dat de Freule, Clara de Vos fan Steenwijk,

in byld krigen hat foar allinne mar goeie dingen

en wat sij dien hat foar Wommels.

In keatspartij foar jonges en hûzen foar de earmen

Of soene de dolle mina's harren kâns rûke

en konstateare dat de Freule frou/famke ûnfreonlik wie

troch in jongepartij yn it libben te stellen.

Kom mar net op, want ik gean der foar lizzen

Fytse

In rûntsje fytse, dat dogge wij graach,

It waar like goed, (de hiele wike droech)

neffens de waarprofeten,

dus setten wij moandei ôf nei Hoorn.

Dêr begong ús tocht.

Sûnder doel, sûnder idee.

De earste nacht kampearden wij yn Wijk aan Zee.

De twadde dei fytsten wij ûnder prima omstannichheden nei Wassenaar

Foardat wij de tinte op sette koene, foel der 48,5 millimeter binnen twa oeren.

It foarútsjoch joech oan dat op de jûn fan de tredde dei
wer swier waar kommende wei wie.

Wij boekten yn it midden fan it lân (mei kâns op minder rein) in trekkershut.

Wij fytsten dy tredde dei mei moai waar nei Lexmond

wêr't dy trekkershut stie.

Jûns eaze it en tongere it....

Wij sieten moai droech.

De fjirde dei yn de buert fan Barneveld

in flinke bui, mar wij fûnen it no mar in buike 

It lêste buike wie bij de Loosdrechtese plassen

In soad wetter dus, 

mar de reinjas hawwe wij net oanhân.

At wij fytsten wie it droech en wie it moai waar.

It wie in moaie wike mei sa'n 420 kilometer

(letter mear)

Net samar in boek

Hans van Z.

wa fan myn leeftyd kin him net.

Like bekend as Age M en Anton B.

Wêr't dy lêste twa "gewoane " ynbrekkers wiene,

wie Hans van Z in searje moardner.

It ferhaal
sa't it beskreaun wurdt yn dit boek is unyk.

It docht bij mij in grutte oanslach

op myn foarstellingsfermogen.

Net de moarden dy't hij pleecht

mar wol it ferhaal fan dizze sjoernaliste

dy't sels in ûnderdiel wurdt

yn it libben fan Hans van Z.

Ik fal fan de iene ferbazing yn de oare

en soe al dy fragen hjir delskriuwe wolle.

Ik doch ik net.

Ik riedt jim oan dit boek te lêzen.

Selden sa'n ferhaal lêzen

fan trije hiele bijsûndere minsken

wêrfan ien in sike geast hie.

Moaie útspraken

In moaie kollum yn de Ljouwerter Krante fan Asing Walthaus.

Moai prachtige útspraken fan de Gaulle

Sjina

Ik jou de Sjinezen wol in bytsje de skuld

fan de tastân wêr't wij no ynsitte.

Dus in boikot fan dy lju

stiet heech op myn listje.

Ik meitsje in útsûndering foar de Happy Family,

de ôfhelsjinees yn Wommels,

dy kinne it net helpe

en ik wol graach dat se hjir yn it doarp bliuwe.

Myn smartbân, sis mar horloazje mei in hiel soad funksjes 
mar wêr't je de tiid ek op sjen kinne

is al fan eardere tiden.

Myn Huawei  komt út Sjina

en krekt as in hiel soad oare dingen dêrwei,

giet it polsbandsje net sa lang mei.

Myn syktocht nei in nij bandsje

fan dit ferâldere model

levere mij gelokkich in risseltaat  op:

Bol.com koe ien leverje foar 19 euro,

binnen twa dagen.

19 euro foar in bandsje,
wylst de smartbân amper 30 euro koste hat.....

Fierder sykje dus
en dat levere in bandsje op bij Amazon.

6 euro en trije wiken wachtsje.

De Amearikanen (minus Trump) binne de beroersten net

dus pleatste ik de oarder foar in bandsje bij Amazon
foar 6 euro sûnder kosten fan ferstjoeren,

Binnen 14 dagen falt it pakketsje yn de bus:

it bandsje, twa skroefkes en
der sit sels in skroevedraaierke bij.

It past en hij docht it wer

en ik bin bliid dat ik myn stappen wer sette kin

en se teld wurde.

Ien probleemke lykwols:

it pakketsje komt út Sjina,

streekrjocht

Mûlekapkes

Wij binne hjoed op reis gien.

In fytsfakânsje yn Nederlân.

Dat kin omdat it sanitêr wer iepen is.

Alles wer ynpakt.

In listje fan eardere jierren der bij.

Ien oanfulling: mûlekapkes

10 stiks, 1 foar Jellie, 1 foar mij
en 8 foar it brekken dus.

Wij hawwe se nedich

dat wit ik no al,

op de fearpont van Ymuiden nei Velsen

of yn Amsterdam efter it sintraal stasjon.

Gelokkich nimme se net folle romte yn

en binne se licht.

Kommunikaasje

Yn Dokkum giet it mis

mei it foarstel om in fuotbalklup oer te pleatsen

nei in oare plak yn de stêd.

Yn Frjentsjer giet it mis 

mei it idee fan de horeka om terrassen
boppe de grêften te pleatsen,

flak foar de ruten fan omwennenden
dy't dêr net folle fan ha moatte.

It giet mis lês ik yn de krante troch de kommunikaasje.

In wurd dat eartiids net bestie,
yn alle gefallen net yn de selde betsjutting.

It moat sa stadichoan dúdlik wêze
dat bij alle projekten en feroaringen

"elkenien" der wat fan fine moat.

Bart dat net, dan giet it allinne al mis,
omdat de kommunikaasje net goed wie.

It is fansels ek mooglik
at de kommunikaasje net ferkeard is en op tiid is, 

dat belutsenen it plan net oanstiet

en dat er dan ek sein wurdt dat de kommunikaasje net goed is.

Op ynternet binne allegear kursussen en skema's

hoe it wurket bij kommunikaasje.

Oars is der ek noch tegeltsjewysheid

Sjoch hjir foar de wepside

De romte

Jelske is 8.

Sij hat in bijsûndere belangstelling foar de romte.

Sij wit er ek aardich wat fan.

Sjoch pake, 

op de planeet dy't it tichtst bij de sinne is,

kinne je net libje, it is te hyt.

Sjoch pake, 

dizze  lytse bal is Pluto, 

dy heart er feitlik net bij

Sjoch pake,

dit is Saturnus, dy hat in ring......

Machtich

de strânbal is de sinne

en Jelske tovert mei ballen en in ring

Mei Google derbij set se op

yn hokker folchoarder de planeten fan de sinne ôf steane.

Lytse en grutte ballen wurde der bijhelle

en mei grut entoesjasme

makket se de romte yn de tún.

"Ik gean thús ek soks meitsje"
jout se oan,

"op myn keammerke"

Ik tink oan Eise Eisinga

wat dy dien hat en wat no it planetarium is

Wij ha ôfpraten dat wij dizze simmer

nei in Planetarium gean.

Beammen

Oh nee,
tocht ik doe't ik dit lêsde,
ús fierstentegrutte gemeente jout rie beammen.

Yn Wommels hawwe se net rie hûn,
dêr hawwe se gelyk aksje ûndernommen.
De rissultaat is te sjen oan de van Sminealeane
Beammen dy't kealmakke binne
en no allinne noch blêdgroei hawwe op de stam.

Sa wurdt it ek oan de Terp.
Ek dy beammen binne snoeid
mei as gefolch dat dy der aansens ek sa útsjogge.

Rie freegje bij de gemeente oer beammen,
ik soe it net dwaan

Beroppen út 1814

Bij it projekt "Heden is overleden" fan Fryske Hannen 

sitte wij no op sa 60% ferwurke akten

At it moai waar is, giet it net sa hurd,

It oantal dielnimmers is dan mar minimaal.

Yn de regel doch ik alle dagen in stik as 20

en sit ik noch altyd yn Boalsert.

Ik krij foaral troch de beroppen

in aardich byld fan de stêd.

Dizze nijsgjirrige beroppen diel ik noch efkes mei jim.

Se binne allegear fan 1814 

1. De kaasdrager
2. de lintweversknegt
3. ontvanger der indirecte belastingen
4. pijp en dopmaker
5. schouts bode
6. vetspinner

100 jier

Der binne minsken dy wurde 100 jier.

Dat is in respektabele leeftyd

en in geweldige prestaasje.

Of is it deagewoan gelok?

Ik tocht er hjoed oan omdat it 6 juny 2020 is.

6 juny, de bertedei fan myn heit.

Berne yn 1920 yn Iens, hjoed 100 jier lyn,

hij hie der noch wêzen kinne,
at er gelok hân hie

en ek 100 wurden wie.

Hij stoar op 12-1-1999 yn Boalsert,

78 jier âld, 

neidat hij lange tiid yn Bloemkamp wenne hat.

At ik wat typearingen jaan moat,
dan binne it dizze.

• berne yn Iens
• opgroeid yn Spannum
• wurke bij de boer
• focht yn Yndie
• swijde oer Yndie
• troude mei 32 jier mei Hiltsje Boerstra
• sentrifugist op de molkfabryk yn Wommels
• wenne op Hofkamp, Molewâl en Opslach yn Wommels
• folkstún 
• Solex en fytse
• skake
• radio harkje, Hilterman en klassyk
• de oerhaal dy't him feroare
• 5 jonges, wêrfan ien ferdronken
• nea op fakânsje
• stil, stikem, op him sels
• Bloemkamp
• stoarn op 12-1-1999

De measte foto's fan heit dy't ik noch ha,  binne fan Yndie.

Ik haw gjin foto's wêr't wij beide op stean,

want hij makke thús de foto's

Dy Denen

Ein febrewaris wiene wij yn Utert

om ús fakânsjebestimming te bepalen.

De fytsfakânsjebeurs is in plak wêr't fan alles oanbean
en útlein wurdt.

Wij rekken entoesjast oer de Baltic Sea Cycle Route

800 kilometer yn Denemarken,

in lân dêr't wij ien kear de westkust fytst hawwe.

Wij wiene der wol út,
it wurdt Denemarken

en it fromminske fertroude ús it route boekje wol ta.

In wike letter komt koroana op jim en op ús paad.

Wij folgje de tastân yn Nederlân en..... Denemarken.

Denemarken docht it goed yn de striid tsjin koroana

neffens de berjochten

en wij binne hoapfol dat wij yn juny

of op syn lêst begjin july 

op fytsfakânsje kinne nei Denemarken

Teloarstelling is der op woansdei 3 juny

at wij heare en sjogge
dat ús lân fan fakânsjebestimming oant 31 augustus
de grins ticht hâldt foar Nederlanners

en ik mei oannimme ek foar Friezen.

GRRRRRR

Stake en demonstreare

Wol faker haw ik oanjûn
dat ik net folle ha moat fan demonstrearje en stake.

Miskien bin ik wol in rjochtse bol.

It kin hûndert kear yn de grûnwet stean

dêrtroch hoecht it noch net goed te wêzen.

Seker yn dizze tiid net.

Sjoch no ris nei it dilemma fan Femke Halsema.

boargemasterke fan ús húskeamer, sa't se sels miend dat it is.

Sij stie, sei se sels, foar in duvelsk dilemma:

Demonstreare is in rjocht

en 1,5 meter ôfstân hâlde is hjoeddedei in plicht.

In demonstraasje tsjin plysjegeweld útelkoar slaan

wie gjin opsje

en de kâns dat men frijwillich útelkoar gean soe, 

wie nulkommanul,

want it folk dat demonstrearret hat meast lak oan rigels.

Ik tink dat er lju binne 

dy't er harren berop fan makke ha om te demonstrearjen,
omdat se te dom binne foar echt wurk
of te beroerd binne om te wurkjen

Halsema kin it nea goed dwaan.

It is har lot dat de heale wrâld gelyk oer har hinne falt.

In grienlinks politikus en it frou wêzen sit har tsjin.

Ik bin bliid dat op woansdei de nuanse weromkomt

en dat har tûkelteammen wat mear fan mear kanten besjoen wurdt.

De boargemaster fan Rotterdam falt har earst ôf

en is yn de oertsjoeging dat hij it op woansdei better oanpakke sil

Nee dus, 

Hij moat geweld brûke en ek dat is net goed.

At koroana bestriede sa wichtich is,

dan moat demonstraasjes ferbean wurde,

want fan demonstranten kinne je net ferwachtsje

dat se harren ferstân brûke en oardel meter ôfstân hâlde.

 

It pontsje dat net fart

Dêr steane je dan oan it van Harinxmakanaal

op de stiger op Keimpetille

mei de ferwachting dat er in pontsje fart nei Sweins.

Oankundige op ynternet dat it wer los wie

mei wat rigels sa as wij dat wend binne dizze tiden,

soene wij graach efkes op de bel drukke

Gjin pont te sjen

"aan deze of gene zijde"

wol in briefke mei de meidieling 

dat der dizze dei in needreperaasje is 

en dat it nei twaen oplost wêze kin....

Wachtsje yn de sinne is gjin opsje,

dus kieze wij foar in eintsje om.

It doel is Frjentsjer, dus wurdt it earst Dronryp

en mei de stelling "at wij dan omfytse moatte dan sille wij it ek goed dwaan", 

fytse wij oer Skingen, Peins, Boer en Doanjum nei Frjentsjer

Hast 40 kilometer foar in in lidl boadskipke 

De dyk leit der gewoan

Miskien wat flau om te freegjen,

mar wêr wiene al dy 11 stêdenfytsers hjoed?

Hawwe dy 14.999 oare fytsers nedich
om in moaie prestaasje del te setten

troch 240 kilometer te fytsen

lâns de 11 stêden dy't 365 dagen per jier 

op it selde plak lizze yn Fryslân.

ferbûn troch deselde diken as pinkstermoandei.

De 11 stêdentocht fytse is net myn ding (fierstente drok)

mar om Jellie wat yn de sfear te hâlden ( sij fynt it in hichtepuntdei)
fytse wij hjoed seker wol.

Hjir en dêr in groepke

hjir en dêr in ienling

mar it rûn net yn de papier doe't  wij hjoed

de noardlike route foar in diel fytsen.

Sa hiene wij alle romte op de bank bij de Hallumer hoeke,

dêr't Hoogland graach sitte mocht

Goed 12 oere wiene tusken Holwert en Dokkum 

en dat wie der tiid dat terassen wer iepen mochten.

Sa koene wij de tafel mar útsykje
op it terras fan in Rust lokaasje yn De Lytse Jouwer

Sa hiene wij alle romte bij de mânske "fontein" fan Dokkum,

dy't wij noch net besjoen hiene.

De roppige mage dy't him op in bepaald momint meldt

koe stild wurde yn Burdaard