Folk yn Ljouwert

Ljouwert neamt him ek al Folkcity

seach ik yn in folderke:

It kommende winterskoft in stik as 6 jûnen op sneon

mei ûnder oaren Gerrit Breteler en freonen

In opwaarmer foar dit alles wie it folkfestival

op freed 23 septimber yn de Harmony

Wij wiene der bij 

en it wie alderaardichst,

en tige gesellich.

Dy gesellichheid kaam foaral troch in tsiental dûnsers
dy't neist in folksdûnswurkwinkel

bij alle optredens soeral trochhinne dûnsen.

Sels de muzikanten fan Fling

wiene ferrast mar ek fereard dat 

harren optreden

opfleure waard mei dûnsende steltsjes

It wie in moai gesicht

de grize golf dy't noflik yn stuollen efterút hong

en dat fleurige dûnsfolk der foar, efter en tuskenlâns

Fling, muzikaal sjoen in prima band.
en it waard in fleurige boel bij de dûnsers derbij

Dubh Linn, trije Ieren dy't tochten
dat it sjongen fan grutte Ierke hits 

en it meiklappen genôch wie
om de minsken in oere te boeien....nee dus

Stroatklinkers, gesellich en in ferskaat oan 

muzyk en ynstruminten en spile mei emoasje

Ad Vanderveen en Kersten de Ligny

wie adembenimmend moai.

Sij krigen elkenien yn de hal fan de Harmony stil

mei prachtige sang en syblym gitaar-en harpwurk

Wat in gemis at je dy noch nea sjoen ha.....

De Drops of Green mochten ôfslúte:

4 mannen út Ierlân
mei in goeie fariaasje tusken meisjongers en ballads

en dat gong der prima yn bij

de ûnderútsitters,
de hegetafelsteanders,
de barhingers
en de dûnsers

Al mei al in prima jûn

mei te min minsken

mar ja der is ek safolle

Freed 23-9

It wie in moaie  freed

In rûntsje lisfytse en mei stoofparren thúskomme

De huldiging fan Liesette Bruinsma op de Terp yn Wommels

It Folkfestival yn Ljouwert mei ûnder oaren Ad Vanderveen en Kersten de Ligny
En wat kinne dy twa spylje en sjonge...

Greidhoekfestival

Prachtich fansels dy moaie resinsjes

yn de krante en op ynternet

dy't de mannen en froulju fan de organisaasje  krije

nei it sechsde festival yn Wommels

Ik doch der noch in grut komplimint bij,

út namme fan in hiel soad besikers

want wat haw ik in soad positive reaksjes heard

op de jûn sels

fan  minsken dy't altyd komme

of foar it earst de stoute skuon oanlutsen..

wat haw ik in soad fleurige minsken sjoen

op de jûn sels

En dêr docht de organisaasje it foar....

foar de minsken en de bern hjir yn de buert

sadat se net nei Lowlands hoege

It selde fermaak

de selde goeie muzyk

de selde bijsûndere dingen 

dy selde kreativiteit

mar dan allegear wat lytser

wat nofliker

wat koarter

wat fertrouder

wat goedkeaper

en folle leuker

At ik de foto's no besjoch

dan is der mar ien konkluuzje

it wie super goed

at ik de muzyk weromhelje yn myn earen

dan kin ik allinne mar sizze:

it wie geweldich.

der siet net in ferkearde band bij.

de moaiste twitts nei ôfrin kaam út Winsum fan 

Prachtige jûn hawn tn Wommels. Mei syn 4en Bob de fiets nei @Bob_Greidhoek Bierke, hapke, én ferrekte gezellig! pic.twitter.com/oQfEGLoWQz

omkomme per boat.......

binnenkomme mei 1000 kraanfûgels

the Blind Roovers

Jick Munroe & Amazing laserbeam

Fytse yn de Bildthoeke

Fytse yn de Bildthoeke
wie net echt populêr.
neffens mij.

it waait dêr
it waait dêr altyd
it waait dêr altyd hurd.....

en al hoe rom it dêr ek is,
mei de Waddensee op de eftergrûn,
al hoe moai it ek is
om op of lâns dy seedyk te fytsen,
en al hoe bysûnder dy AldeBildtdyk ek is,
mei syn ferskaat oan húzen;
en al hoe gesellich dy doarpkes ek binne,
fytse dat dogge je dêr net
want
it waait dêr altyd hurd........

Snein waaide it net hurd,
dus wij nei it Bildt.
in rûntsje fytse.

wij hawwe in prachtige middei.
en wij net allinne,
it is dêr in drokte fan belang,
mei fytsers
en foaral E fytsers

At er ien gebiet yn Fryslân
profitearret fan de opkomst fan E-bikes
dan is dat de Bildthoeke

want wat is der moaier
om noflik yn standsje 2 of 3
in hurde wyn te trotsearen yn it Bildt
en in stel út de Greidhoeke
op gewoane fytsen
foarbij te fleanen

Noch twa pakken Brinta

“Bist al oan it ôftellen”,
freget mij wolris immen
It giet dan om it stoppen mei wurkjen.
1 novimber
2016
In nije útdaging wachtet
”prépensjoener”
Op de fraach oer it ôftellen,
Wie myn antwurd okkerlêsten
Ja,
ik bin oan it ôftellen:
noch 700 kilometer wenwurkferkear
en noch twa pakken Brinta.

(ik yt allinne Brinta at ik nei it wurk gean)

Fannemoarn kaam ik bij Minze thús
In kollega út Snits
wêr’t ik tiisdei meiriidt nei Beetstersweach.
Der stiene twa pakken Brinta klear…….
ik fertink Bouwien hjir fan
syn frou...

In hint?
Útstelle?

Dit wurde grutte boarden fol oant 1 novimber ta.....

Feroarje

Ik rop it al jierren

en dan moatte se gnize

dy kollega's fan mij....

dêr ha je him wer......

no wittensiplik bewezen

( ik haw it altyd socht yn in oare baan)

Goeiemoarn

Tongersdeitemoarn betiid,

ûnderweis nei Snits

nei it wurk

op de lisfyts

Altiid wer oars,

mar iets is it selde.....

dat is.....
"the man with the dog"

dêr earne yn de fierte,

dêr rint hij

alle moarnen betiid

ik tink al 17 jier lang,

sa lang ik nei Snits fyts

lit hij syn hûn út

en 17 jier lang 

hâldt hij syn hûn strak oan de line

at er in fytser oankomt....

...at ik der oan kom.

17 jier lang

4 dagen yn de wike
sizze wij elkoar "goeiemoarn"

Tongersdei haw ik efkes mei him praten,

dat like mij goed

foardat hij aansens ûngerêst wurdt

at ik net mear lâns kom

ûngerêst sa't ik dat ek wie

doe't hij in jierke lyn der moarns net mear wie....

wikenlang, moannenlang wie hij der net,

ik seach him net mear

"the man with or without the dog"

doe't ik syn buorfrou seach,
haw ik mar efkes frege:

"wat is der mei buorman,

ik sjocht him nea "

"mei buorman is neat,

de hûn is dea.........

it loopke is net mear nedich"

gelokkich hat er wer in nije hûn......

en sizze wij mekoar wer goeiemoarn.

foar it lêst sa'n bytsje

want ein oktober stop ik en no....

......krekt no

wurdt de brêge opknapt

en kin ik der net mear lâns...

noch ien kear en miskien wol foar de lêste kear

nei it wurk ta fia Reahús en Turns

want 1 novimber stop ik....

ik sil it fytsen moarns misse.........