It gesin út de Jouwer, wêr't de Holtroppen wennen?
Nee, it wiene Dijkstras dy't mei 8 bern nei Kanada gyngen.
En de Holtroppen dan?
De Holtroppen seinen op it lêste momint ôf fan dizze reis.
Yn septimber soe mem Annie befalle fan harren twadde
en dokter hie oanjûn dat reizgjen net mear ferantwurde wie...
It gie oer en fan útstel kaam ôfstel.
Op 18 septimber 1951 waard Jeltje berne,
de reden fan it "net trochgean"
Op 1-1-1977 trof ik Jellie (nammen feroarje) yn de Panbar yn Snits,
wij trouden yn 1978
krigen 3 bern en hawwe no 5 pake- beppesizzers.
.....dat hie dus allegear ek oars rinne kinnen
Noch wat stikjes út de krante fan doe oer emigraasje
It liket sa lang lyn: de jierren 50.
It is ek lang lyn en ik bin fan dy jierren.
1954.
Ea krige ik in boekje as oantinken oan dy tiid
It lei jierren op souder, mar no gean ik it dielen
Foto's fan dy tiid
it is prachtich om herinneringen op te heljen.
 |
| HJir wit ik fansels neat fan, mar ik mei oannimme dat yn huize Hofstra mem Hiltsje dit ek brûkte |
 |
| Dat ik hjir út iet is wis. dy panne hawwe wij noch. Ha pap zegt Fik Mis hoor, lacht Mop Poes roept, eerst ik Tís allemaal op |
 |
| de ynhâld fan de la mei medisinen |
 |
| Flipje fan Tiel, dat wie de baas fan de sjem en mei de segels koene je boekje krije of keapje |
Nije wike mear.........
Frysk,
Ik tink deryn, ik dream deryn en ik skriuw it hast altyd.
Mar lêze,
Fryske boeken lêze,
dat doch ik dan wer net sa folle.
Alle jierren tink ik dat it oars moat,
mar der binne te folle moaie Skadinawyske trillers,
dus meitsje ik mij alle jierren wiis dat ik der net oan ta kom.
It is 21 maart 2021
en ik set myn tosken fanôf hjoed yn dizze twa Fryske boeken.
Geart Tigchelaar,
ik neam him foar it gemak mar in kollega lange ôfstânsfytser
hat de iene skreaun
en Hilda Talsma hat mooglik in aktueel tema oanboarre:
Lockdown.
Dat rinnen net myn hobby is, mei jim allang dúdlik wêze.
Mar soms, at it te hurd waait, at it te kâld is
om in lekker ein te fytsen,
dan moatte je patroanen trochbrekke.
Dus rûnen wij juster fan Snits nei Drylts
oer de âlde Himdyk....
en rûnen wij fan Drylst nei Snits
oer it rin/fytspaad lâns de Geau.
10 kilometer
en it foel mij net of.
De dagen fleane om, de wiken ek.
Altyd wol te dwaan:
Iets mei koroana en oppasse.
Iets mei in jierdei dy't wij wol fiere
Iets mei kilometers dy't ik wol fyts
Iets mei âlde Diggelfjoeren en herinneringen
Iets mei eardere gemeenten en twitter
Iets mei stimme en hope
Wat plaatsjes.......
 |
| Baaium, it dykje wêr't je hast nea lâns komme |
 |
| Baaium mei in nuttige oanwizing |
 |
| Begjin 2001 lei it der sa noch bij yn Wommels |
 |
| Fûgelhutten, moai útsicht en in prachtich plak om in namme efter te litten |
 |
| ik haw de fûgels gewurde litten yn de Súdhoeke |
 |
| 2002, de tiid fan www begong |
 |
| it AD mei de koppen nei de ferkiezings |
 |
| Het grote Bosatlas puzzelboek helle |
 |
| stimme en it moat wat Perienkomme mei de foto op de ID kaart |
 |
| Fan 44 nei 18 gemeenten: Op twitter pleats ik alle dagen de gemeenten dy't er net mear binne |
 |
| Sa as Utingeradiel |
In adfertinsje fan it Dielshûs,
dy't yn dy tiid leuke bands nei Wommels helle.
As 16 jierrige wie dat moai om in begjin te meitsjen
mei it besykjen fan live optredens.
Op 8 febrewaris spile dus I Punti Cardinali.
In prachtige namme at ik dat sa sjoch, mar it seit mij fierders neat.
Wêrom dizze band, wat wie dêr no sa bijsûnder oan.
In Italiaasnke topband?
Hoe sit dat?
Ik gean op syk en wurd holpen troch in sekere Peter Smit.
Hij hat yn 2008 alles op in rychje setten oer dizze band.
Nijsgjirrich ferhaal mei in link nei Borsato.....
Op Joe Tjoep gie ik op syk nei en fyn ik in hit
en stel mij foar dat dit sa yn it Dielshûs ek sa west hat.
Ik kin it mij net herinnerje,
miskien wie der wol wat betters
yn de Koornbeurs yn Frjentsjer of yn it Park yn Boalsert
Stimme, earder wie it in plicht.
no is it in demokratuysk rjocht.
Je kinne dêr gebrûk fan meitsje
at je it idee hawwe dat it wat bijdraacht.
Dat haw ik net altyd.
Polityk bedriuwe is in gemien spultsje.
Je sizze fan alles ta, meast komt der neat fan op de hispel.
Je wurkje gear mei oaren, dy't je earder foar bagger útskolden
Je slane je sels op it boarst, at je in hiel lyts dinkje foar elkoar krigen ha
Je sykje oare skuldigen at er iets hiel gruts ferkeard gien is
It is om al dy redenen selden dat ik in praatprogramma sjoch mei politisi der yn,
dat der om hinne draaie en ûnfatsoenlik diskuseare, ik fyn it mar neat.
Nije wike moat ik stimme
want dat doch ik meast wol.
In lestich putsje dat stimmen foar de twadde keamer.
Safolle partijen en neat te kiezen, seit de FNP,
de partij wêr't ik myn hiele libben op stim at it kin.
Ik stim no op Habtamu de Hoop
in jonge fint út de Súdhoeke.
In aardige jonge, fuotballer, keatser, Fryskprater
en tagonklik.
Ik jou him dizze 4 jier myn fertrouen
en at syn dwaan en litten mij net oanstiet
dan sprek ik him oan tidens in tredde helte bij SDS
of yn de supermerk of bij it keatsen
en at hij in boppeslach is,
dan sil him dat ek sizze
Ien auto, twa kisten,
dat wie fannemoarn it tryste byld
dat oan ús foarbij gie,
doe't wij oan de kant fan de dyk stiene.
Tusken de Fabrykswei en it Noard
wie it oan beide kanten fan de dyk
twa lange rigen mei fertrietlike minsken.
Twa tige aardige doarpsgenoaten.
beide troffen troch koroana,
gyngen foar it lêst troch Wommels.
It hat wol wat, sa'n earbetoan oan de dyk
mei al dy minsken dy't in lêste groet bringe wolle.
Tjitze en Doet,
beide belutsen doarpsgenoaten
fertsjinje dit.......
1971, dat is no 50 jier lyn.
De tiid is omflein en ik sjoch werom
mei help fan de Ljouwerter kranten fan doe.
De kommende tiid sa no en dan in opmerklik berjocht
oer Wommels yn 1971
"Do wurdst fan de sokken blaasd", sei immen dy't er wat fan sizze mocht,
op it kaft fan it boek.
In bizar boek.
In oar wurd kin ik der net foar betinke.
Lês it net, soe ik fan it dak ôf raze wolle.
Mar dat doch ik net,
dat makket just nijsgjirrich
en krekt dat wurd wie op mij fan tapsssing
Wêrom lês ik troch, at it ferhaal bizar is,
at ik mij hielendal gjin foarstelling meitsje kin
wat dy minsken meimeitsje.
Ja krekt,
ik wie nijsgjirrich hoe't dit komme soe.
Nijsgjirrigens wint it fan sûn ferstân.
Dus mei oare wurden
Lêze dan boek.......
De Terp yn Wommels is in moai plak foar eveneminten.
Yn gewoane tiden is dêr dan ek faak wat te dwaan.
Wij meie hast neat (mei de klam op wij), mar de politike partij fan Wommelser Habtamu de Hoop koe dêr hjoed wol kampanje fiere.
It tema slute oan bij Habtamu syn persoanlike sitewaasje.
Hij woe wol yn eigen doarp bliuwe mar kwaam yn Easterein telâne fanwege de wenningneed yn Wommels.
No is der neat mis mei Easterein want dêr hawwe se moaie kreake yn de tsjerke, moaie bluesjûnen op snein, in prachtige fuotbalklup en dêr wenje ek aardige minsken.
Mar, it is gjin Wommels....
Doe't ik hjoed de tintsjes en de doazen stean seach op de Terp, tocht ik oan Boudewijn de Groot.
Hij song yn 1966 Woningnood en der is dus net folle feroare troch al dy regearingen dy't wij hân hawwe yn de ôfrûne 55 jier....
Asjeblyf
sis net dat it der net is hjir.
Koroana.
Yn it tsjerklik krantsje 4 stikjes
oer minsken dy't ferstoarn binne.
Alle 4 troch koroana
wêrfan 3 direkt linkt wurde oan Bloemkamp yn Boalsert
en ien yndirekt.
Koroana,
it liket soms sa fier fuort.
mar it is tichtbij.
4 doarpgenoaten
dy't er oars noch west hiene.
Ynintsje, ynintsjes, ynintsje
dat soe ik graach fan it dak ôf raze wolle
Ik doch it net.
De minksen dy't oer ús gean witte it sels ek wol
mar binne te ôfhinklik fan te folle partijen en ynstânsjes.
Wat pynlik dúdlik wurden is
is it feit dat wij der net klear foar binne,
foar sa'n pandemy.
Dat nim ik net ien kwea ôf,
want sa'n senario as no
koe net ien him foarstelle.
Koroana
sis net dat it der net is....
Ik kin grutte argewaasje hawwe oer gedrach fan minsken.
Nim no Tadic, Berghuis en Dumfries,
alle trije oanfierder bij in topklup yn Nederlân.
Walchlik hoe't sij harren gedrage yn it fjild.
Dat hat neat mear te meitsjen bij professioniel gedrach.
Sij binne in min foarbyld foar de oaren yn it fjild
en foar it publyk en foar de jeugd.
In oanfierder dy hiene wij op ús nivo ek.
Dy hie de bân oan,
dy regele de opstelling
en dy die de toss
dy regele de wiksels
en tekene it formulier nei ôfrin.
De oanfierder mocht yn it fjild wol wat sizze tsjin de skiedsrjochter
en drige der wat skeel te ûntstean yn it fjild,
dan stapte de oanfierder der tusken en suste de ploechgenoat.
Us oanfierder gie sels net oer de skreef
want dat soe in min foarbyld wêze.
Us oanfierder wie meast net dom.
Dat is no wol oars yn it betelle fuotbal.
De lju mei freeslik gedrach wurde oanfieder
want wat ferantwurdlikheid sil him yn toom hâlde,
sa wurdt er sein.
Net dus.
Se binne de oanfierdersbân net wurdich........
Dizzen wol
Twa moanne ûnderweis
en it giet as it spoar mei de kilometers
Nea earder fytste ik yn febrewaris safolle.
De goed 800 fan febrewaris en de 900 fan jannewaris
haw ik ôflein op dizze diken.
Wat reader wat faker ik dêr west ha.
Yn maart sil ik der in flinke nije hoeke bij fytse...
