It wie in moaie snein

In moaie dei juster. 
Mei twa mantsjes op de fyts nei Camping de Finne yn Reahûs foar in ysko. 

De prachtige wetterbaan en de trampoline foelen krekt as de ijsko ek goed yn de smaak. 

Om 1 oere op fyts nei Ljouwert foar ien fan de Prinsentuinconcerten Leeuwarden. Blues fan Richville en de Stevie Ray Vaughan Undercover. It is in tige ûntspannen muzykbarren, wêr't it in kommen en gean is fan minsken mei kleden om op te sitten, kuolboksen mei "6 yn in pakje" en oare snobberij. Ik haw myn superlichte kampearstuol mei en jou mij krekt as hûnderten oaren noflik del oan de râne fan de fiver. 

De muzyk is neat mis mei, de lêste band is sels top. De ijskoleppel en de bierpomp hawwe it drok en fan it fêste kâldwetterpunt yn de Prinsentún wurdt in soad gebrûk makke. 

De tajefte duorret twa nûmers en langer hie net goed west want dan hie de swiere bui in rap en ferfelend ein makke oan dit barren. No fang ik him krekt bûten it sintrum op wylst ik skûlje bij de nije parkeargaraazje tichtbij it WTC. Wat in wetter yn koarte tiid. 

Bij it Holt yn Deinum noch efkes gesellich sitten mei twa ús bekende fytstoeristen út Frjentsjer en at it dan echt droech is en de wyn is draaid, giet it fierder (wer yn 'e wyn fansels ), op hûs oan. 

Oan de ein fan de jûn de F! noch efkes sjoen yn werhelling. Reinwetter, je kinne der net sûnder, docht ek no wer bliken. In moaie dei.

In rûntsje om

Moandei

de dei foardat it waarmteplan yngiet
en wij de doar net mear útmeie as âlderen.

It lege midden troch

mei de start yn Wurdum.

De hurde wyn earst tsjin rjochting Grou en Akkrum

 Kofje drinke bij in "Rustpunt", dat dogge wij fol faker.
Dizze kear yn de Wylgen bij in soarchpleats.
wêr't bern helpe mei de betsjinning

 Wat in leuke doarpswinkel yn Earnewâld,
sa ütnoegjend mei kassa's op in tafel
en de bakte produkten ek gewoan útstald op in tafel

 Gewoan Frysk op it fytserek
en dy tekst jildt ek foar dizze Dútser dy't syn bân oppompt

Je kinne 7 kilometer minder fytse
at je gebrûk meitsje fan dit pontsje,
In goeie skipper.....wij moasten it drokke kanaal oer
in freonlike gastfrou......wij krigen ek in dropke

Efkes balje

Dy Jelske, ús âldste pake-en beppesizzer,
7 jier is se al
en se kin prachtich tekenje.
It bewiis sjoch ik alle dagen at ik it doarp yn fyts.
Bij de skoalle stiet in boerd
mei in prachtige tekening fan har.
Kreatyf, fleurich en kleurryk.

Sneon hie ik myn jierdei
en Jelske hat har bêst dien
om der wat moais fan te meitsjen.

Dat is tige slagge:
de fuotbaljende pake sjocht er op de tekening
folle sportiver en flugger út as yn it echt it gefal is.

Heit en mem

Op Facebook dit berjocht

it wurdt 11 kear dield
8 minsken dy't dit leuk fine,
15 reaksjes wêr't de iene de oare oanpriizget
of der attint op makket

bij ien fan dy reaksjes stie myn namme
en omdat ik neat te dwaan ha
en graach skriuwe mei
haw ik ek wat ynstjoerd.....

483 wurden
en dat falt moai binnen de marsje

Sjoch no mar ris op heit en mem

Alkoholfrijbierkekenner

Wannear it begong is wit ik net
mar earne yn 2018 bin ik thús oerskeakele
fan soms in spesjaal bierke  nei meast in alkoholfrij bierke
It favorite spesjaalbierke is Cornet
en it wie sykjen om it beste alkoholfrije bierke te finen.

Ik bin dus in alkoholfrijbierkekenner
neffens de Telegraaf fan sneon.
It measte wat yn de Telegraaf stiet
is krekt net de wierheid,
mar yn dit gefal krije se it foardiel fan de twivel

Warsteiner op 1
Erdinger op 2
en Heineken op 3
dat fynt de redaksje fan de leageneftiche krante
en dat fyn ik ek.

Warsteiner, lekker kâld,
docht je yndie ferjitten
dat der gjin alkohol yn sit..

Fytspaad

No't Bogerman yn Wommels ticht is

en der dus mear bern nei Boalsert fytse,

no't fytstoersime hieltyd wichtiger wurdt 

mei hieltyd mear fitte senioren,

no't wenwurkferkear hieltyd mear op de fyts ôflein wurdt

wurdt it tiid foar it opkreazen 

fan it fytspaad tusken Wommels en Burchwert

It paad fan de reed nei de feart wurdt ferlein

(dat wie no te smel)

in nij stikje paad lâns de trekfeart

en it stikje tusken mûne en it brechje is ferbrede

19 july sil it allegear klear wêze.....

best genôch

Juster yn it park

It is hjoed snein.
Juster wie ik Frjentsjer.
"Hjoed yn it park"
sa hjitte juster it festival yn Frjentsjer.
Muzyk, wat aktiviteiten foar de bern
en in noflik sfearke om de fiver hinne

Middeis efkes sjen bij

Tjeerd Abma

Piter Wilkens

 Jûns noch efkes op de fyts dy kant út
foar de optredens fan

Br Double you 

Electric Hollers

Volendam

De Iselmar route rint ek troch Volendam.

Ja sels oer de Dijk,

dy ferskriklike strjitte lâns it wetter,

wêr't Koreanen, Sjinezen, Japanners en oar Aziatysk folk

harren kamera's fol sjitte
mei foto's en mei films

en fierders neat sels sjogge mei eigen eagen.

At se dan in pear wiken letter

harren opnames sjen litte oan kunde en famylje

dan freegje se harren miskien ek wol ôf:

wat wie dêr no feitlik te sjen

behalve winkels mei prullaria.

De Dijk Volendam,

ik fyn it it meast oerskatte toeristysk fermaak fan Nederlân

Ik haw mar efkes rûn,
want in nussie Aziaten ûnder de fyts

dêr kin er net goed oer.

Rûntsje Iselmar

Wij diene tegearre in rûntsje Iselmar,

trije dagem fytse lâns dizze buordsjes

de LF 21,LF 22 en de LF 23

Start Stavoren

oernachting yn Kampen en Naarden

Einpunt Enkhuzen

Totaal 290 kilometer

lâns n prachtige route wer.

Yn Kampen, twa kreaze banken

mei moaie teksten

Frysman

Us soan Tsjeard is ien fan organisatoren fan de Frysman,
it triatlon evenemint bij it Reaklif.
Dit jier foar de 5de kear en wij binne altyd helden helpers.
Sa wurde de frijwilligers neamd (totaal sa'n 150)
dy't der foar soargje dat de atleten goed presteare kinne.

It is in grutte prestaaasje om de finish te heljen,
fyn ik.
3,8 km swimme yn in wyld Iselmar
180 km fytse mei in hurde wyn
42 km drave op heuveleftich parkoers

Sport is emoasje
en bij de triatleten hielendal.
Nei de swiere ynspanning
en de wurden: Do bist in Frysman
komme bij in soad de emoasjes los.

Bij de iene, dy't mei in tumor yn de holle draaft
bij de oar, dy't twa dagen earder syn heit ferlern hat
bij wer in oar dy't sa graach dit in kear dwaan woe

Deawurch mar grutsk op harren sels.

Wat in boeiende sport om te sjen
wat in moai evenemint om bij te wêzen en te helpen.

Trije dagen Warns (Reaklif)
it wie wer prachtich

De beste noorderling giet altyd mei it swurd nei hûs. Yn dit gefal Tiedo Tinga út Boalsert

Strewelleguod

Us fierstentegrutte gemeente
hat it betiden drok mei de kealslach fan it plattelân.
Want beammen en strewelleguod
meie net te heech, te grut en te wiid útgroeie.

De gemeentemantsjes ride rûn
yn harren giele autotootsjes
en at se wat sjogge dat net past yn in keal lânskip
dan wurdt er al gau aksjes ûndernommen.

It wurdt oars at it paad
wêr't it strewelleguod hinderlik foar fytsers is
net berikber is foar auto's.

Sa as oan de Boalserterfeart
flakbij de mûne.
Op trije plakken beamkeguod
dat bij in hurde súdwestewyn echt foar oerlêst soarget;
sels op myn lisfyts moat ik dûke.

Trochjaan oan de gemeente liket mij gjin goed plan,
foar je it witte wurdt alles der wei helle.

Snein fytsen wij der wer lâns
en seagen yn de fierte al immen drok dwaande
de takken der wei te knippen.

Selde argewaasje as ús
selde gefoel om net te beljen
dus sels aksje

It sjocht er kreas út no
en it hat hiel wat koordinaasje en wurk besparre
foar de amtners fan ús fierstentegrutte gemeente

Moai dien Nico!

It idee is no
dat ik in takkeskjirre meinim at ik te fytsen gean
neist in feger om it glês op de dyk op te romjen
want dat jout noch mear argewaasje

Paradiso

Unferwacht dochs noch nei Fatal Flowers.
Sykte fan de ien (Eddy)
is in gelokje foar de oar (Aant)

Fatal Flowers, in lekkere Amsterdamse rockband,
dy't aktyf wie tusken 1984 en 1990.
No yn 2019 in toernee fan 14 konserten
hast oeral útferkocht.

Juster de lêste yn harren thúsbasis Paradiso,
binnen it kertier útferkocht
en dêrom hjoed noch de alderlêste

Wij (Janet, Pep, Lolke en ik)
wiene bij it lêste konsert
en it wie sublym.
Sa'n geweldich stik muzyk
mei bijsûnder entoesjast publyk
yn sa'n sfearfolle seal.

It klote gewoan allegear.

Opfallend wie de ôfslúter
wêrbij se letterlik de stokken en gitaren oerdroegen
oan (harren) bern.
It publyk wist it tige te wurdearjen

Sjoch dit filmke
en klik troch nei 5 minuten
wêr't jong it plak yn nimt fan âld

Bijrider

Ik hie der noch nea fan heard
mar it is dus mooglik
dat je útroppen wurde ta "Beste bijrijder"

Raar dat ik der nea fan heard ha
en noch frjemder dat ik net nominearre bin

al 41 jier bin ik bijrider,
bemoui mij sa hast nea mei it riden
en haw ik noch nea ropt
"lit mij mar ride"
Ek wichtich,
ik kin aardich kaart lêze
en haw 41 jier skeafrij bijriden

Ik gean foar de titel fan 2020 en letter

Samme

Lekker yn it skaad
kofje- en roosvicee drinke
en appeltaart mei slachreamme ite mei Samme:

dan hawwe it der efkes oer......

Moaie bermen

In moaie berm
fleuret it (fyts) paad en de dyk op.

Sa as oan de Swette tusken Mantgum en Boazum,
is is wer in aardichheid om te sjen
wat wat kleurige blomkes dwaan kinne mei it lânskip

Tusken it Spannumertunneltsje en Spannum
hawwe bewenners en in stikje berm opfleure.
en om foar te kommen dat oeriverige
neatûntsjende meaners fan de gemeente
it koart meane
hawee sij der in kreas boerd bijsetten

Oan't no ta komt it boadskip goed oer

Gjin foto

In stikje sûnder foto of filmke,
dat komt net sa faak foar.
It stikje giet oer Maarten
en de gekte dy't dat feroarsaakt.

In skoft lyn sette in frou op facebook
dat se "Maarten moe "wie,
neidat hij bekend makke hie
dat er in nije poging dwaan soe
om de 11 stêden lâns te swimmen.

Ik begryp dy frou wol wat,
mar mei dat fansels net lûdop sizze,
want Maarten swimt foar in goed doel
en hellet wer hiel wat jild op foar ûndersyk
en set it allegear yn de belangstelling.

Dus sis ik it mar net lûdop,
mar typ ik it hjir del:
Ja,
ik haw ferline jier twa kear west te sjen,
nee,
ik folch it dit jier net echt
en bin der ek net bij west.

Ik seach op twitter in reaksje fan immen:
"vreselijk dat iemand zich zelf zo pijnigt,
terwijl hij beter binnen zijn eigen politieke partij (VVD)
actie kan ondernemen om meer geld voor onderzoek vrij te maken"

At ik dit skriuw,
is hij ûnderweis nei Bartlehiem
oanmoedige op dizze moandeitemoarn
troch tiidsilers en skoalbern.

At er der is, sil ik sizze
moai dien Maarten,
tige tank foar dyn bijdrage oan ûndersyk nei kanker
en foar it fermaak datst miljoenen minsken jûn hast
en it yn de belangstelling setten fan ús moaie provinsje

Gjin foto dus
want ik bin der net bij west

Essent

Moai,
dat komt goed út,
tocht ik
doe't it reklamebriefke fan Essent út de brievebus helle.

In offerte oanfreegje bij harren,
dat moasten je dwaan at je de sinne net oan je foarbij gean litte wolle
en at je plannen hawwe foar sinnepanielen
en at je profiteare wolle fan de BTW werombeteleaksje

Plannen haw ik, in foardieltsje is moai meinommen
dus gelyk mar in offerte oanfreegje bij Essent,
úteinlik leverje se mij no ek gas en elektrys

Binnen 7 dagen in antwurd sa stie yn de befestigingsmail.

En op de sânde dei kaam dy binnen
mei dizze tekst.....

Gelokkich hie ik bij in oaren ek in offerte oanfrege.
"Wij kunnen 11 panelen plaatsen op uw dakvlak dat op het oosten ligt"

Mei oare wurden,
Essent wit it ferskil net tusken súd en east
Essent wol elkenien wol ha as klant om enerzjy te leverjen
mar klant wurde mei sinnepanielen......
dat jildt allinne foar de grutten

Under de brêge

It is noch net drok mei boaten
yn Wommels.
At de brêge omheech stiet
is der in nijsgjirrich doek te sjen.

Wat soe dit no wer wêze?

It reade blokje

Oanmerke bij it keatsen
dat dogge je mei in wyt en read blokje.
In moai putsje wie dat earder
doe't wij fan dy jonkjes fan in jier as 12 wiene.
Foar in ysko of foar wat kwartsjes
hiene wij in moaie en drokke middei.
Wij fleagen wat ôf:
earst it wite blokje te plak bij de boppe
it reade blokje in lytse keats
it wite blokje wer ophelje bij de boppe wei
en dan werom nei it reade blokje.

Dêrnei begong it wer op nij,
smoardrok hiene wij it
om it sa mar te sizzen

Ien oanmerker fan no
kinne wol trije partijen tagelyk betsjinje.
Wat in direkte winst of direkt ferlies
haw ik juster wer sjoen.
Oanmerkers sitte betiden earstenlang te wachtsjen
om yn aksje te kommen.
Yn, út, boppe. kwea, út, ut, boppe, út, ut,
it giet mar troch sûnder keats

De toppartoeren Bitgum en Sint Jabik
makken der hast in partij fan sûnder it reade blokje:
twa , miskien trije kear stie wie der in twadde keats
en moast it reade blokje pleatst wurde.

Keatsen is in stik minder leuk wurden,
dat waard ek juster op de bûnswedstriid wer pynlik duúdlik

Fierljeppe

Fierljeppen

in typysk Fryske sport,

ien fan de 4,
neist it keatsen, it damjen Frysk spul en it skûtsjesilen.

It is dan wol wat frjemd

dat it grutste part fan de Friezen
noch nea bij it fierljeppen west hat,

alteast dat tink ik.....

Woansdeitejûn wie ik yn Winsum,

mei wat parse, wat famylje en in inkele Winsumer

dy't nei alles giet wat dêr te rêden is.

Ik joech mij del op de bank,

en siet  twa en heal oere
te sjen nei wietsprongen, skeefsprongen 

en in stik as wat fiere sprongen

It is in aardichheid om dat sa no en dan 

yn it echt te sjen.
In ferslach yn in krante lês dan ek mei oare eagen.

Wietspringe en skeefspringe,

dat sjogge je it meast.
Dat hat mei risikonimme te meitsjen.

Wat dat oan giet,

 liket it op keatsen

dêr't hieltyd mear risiko bij de opslach nommen wurdt
mei it gefolch dat er in soad bûten giet.

Bij it ljeppen wolle of moatte je fierder springe

as in oar en nimme je risiko troch de stok wat fierder te setten

Ik siet neist de tiidwaarnimming.

Alle ljeppers hawwe in maksimale tiid om de sprong te dwaan.

Sjoch

dat soene se bij it keatsen ek ha moatte:

Nei in slach,
binnen twa minuten de folgjende slach,

Punk

Punk jout enerzjy, is myn erfaing.
De punk fan JC Thomaz & the Missing  Slippers wie bizar om te sjen
op Fortarock sneon.
Trije gitaren dat is net ûngewoan mar
en trije drumstellen, it wie ongekend.

De enersjy fan dy trije drummers
sloech oer op it publyk
en it wie 40 minuten holderbebolderhupsakee

Fortarock

Sneon wie Fortarock,
in moai festival yn Nijmegen.
Gjin "topband" sa't men op facebook seurde,
mar wol 18 prima bands op trije podia.

Tanksij Jellie ie is op tiid
en koe fanôf de earste toan fan God mother om 12.30 oere
hast alles meibelibje oant 22 oere ta.

It wie wer in hearlike lekker lûde muzyk feest,
mei metal, mei rock en mei ferrassende punk.

In hearlike sfear troch it moaie waar
en allegear relekste lju.
It wie in genot  dizze dei......

 

God Mother (út Sweden) mocht begjinne en sjonger hat hast net op it poadium stien......kopketûmelje, mêstklimme en oare meneuvels

Ne Obliviscaris út Australie

Ferrassend leuk en stevich Atreyu (Californie)

Flink drok bij de Noren fan Enslaved, 

It Deenske Myrkur metal mei de prachtige folkstim fan Amalie Bruun

Foaroan......sa goed,,,,,,de stoner fan Uncle Acid & the Deadbeats (UK)

hearlike punk fan JC Thomaz & the Missing Slippers

Folle bak yn de lytse tinte bij X Raiders....