24 febrewaris

24 febrewaris 1978
der lei wat iis
yn de fearten
ûnbetrouber
jûns wie it mistich,
wat sis ik
it siet potticht
de brulloftsgasten hiene muoite,
grutte muoite
om Piaam te finen
Nynkepleats
ús troufeestlokaasje

24 febrewaris 2015
nij libben
dochter Hildau befalt
in soan
wat in feest
in pake- en beppesizzer der by

24 febrewaris
de troudei ferjitte?
nee, no net mear
maklik te ûnthâlden
de dei dat Roan berne is

PS: de sokken binne fan de Fryske flagge
en hawwe gjin inkele ferwizing
nei in fuotbalklup