Achlum dêr ferbaas ik mij altyd.
Sa'n lyts doarp en se hawwe (hiene) alles dêr (hân).
Rykdom, omdat er in kleaster stien hat earder?
Twa tsjerken,
twa skoallen,
in sûkelade fabryk, earder molkfabryk
in prachtich kafégebou
in rojaal keatsfjild
in eigen fuotbalfjil mei it karakteristike klaailkokaal
en earder oan it spoar
Sneontemoarn fytse ik der hinne
en ik seach wer nuttige ynformaasjebuorden stean.
Dus makke ik in pear foto's
Fytse, betiid op de moarn.
De wyn noard-noardwest dus rjochting Frjentsjer.
Mei dizze wyn en kjeld is earst yn de wyn op it best.
Freed wie it Hitzum .
Myn oandacht waard lêsten al in kear lutsen
troch de nep spoarrails yn de dyk
mei de derbij hearende ferkearsbuorden.
Hitzum lei oan 1`939 oan it spoar.
De stoomtram gie fan Frjentsjer nei Achlum
en fandêr út koene je nei Harns of Boalsert.
Moai dat bij it opkreazjen fan de dyk yn Hitzum
dit stikje skiednis meinommen is.
De âld spoardyk nei Frjentsjer
is al langer yn gebrûk as fytspaad
 |
| Yn moai fytspaad yn de lijte |
 |
| Oer de rûnwei hinne..... |
 |
| De binnenkomst yn Hitzum |
 |
| it spoar |
 |
| in ynformaasjeboerd, in prima saak |
 |
| sa siet it mei de tram |
Oer it kontenerskip dat fêstlei yn it Suezkanaal is al in protte sein.
It skip is te lang, te breed en te heech.
It giet myn foarstellingsfermogen hast te boppe
at se it hawwe oer 400 meter lang en hast 60 meter breed
en mei 22000 konteners 40 meter heech.
Der is in alderaardichst programma op ynternet
wêrbij je it skip op in eigen keazen lokaasje dellizze kinne.
Dat haw ik efkes dien....yn Wommels
it sportfjild,
de tennisbaan,
it keatsfjild,
it gemeentehûs
de Keatsebaan
en de Suderhaven ferdwine ûnder it boatsje
de hichte sil fergelykber wêze mei de tsjerketoer
It is bisar....
It ferfolch fan de jierren 50.
De printsjes komme út dit boekje
 |
| Skriuwe op skoalle mei East Yndyske inkt, mei floeipapier en in doekje foar it griemen |
 |
| De kaarten mei illustraasjes wiene talryk. Dit wie de tiid fier foar it digiboerd |
 |
| en mem wurke net bûten de doar, dy die de wask..... |
 |
| of se bjinde mei Vim of poetste de skuon mei Erdal |
 |
| Wêr't sân foar wie wit ik no noch net..... |
 |
| wa sjongt dat ek al wer "met waxinelichtjes van Verkade......" |
Woansdei wiene der simmerske temperaturen.
Dat hat gefolgen foar ús fytsgedrach.
Wij fytse wat fierder en dogge de koarte broek oan.
Op nei de Weerribben, fytse fanút Willemsoord.
De Weerribben yn dizze tiid jout it in byld fan reidsnijers
Oeral wiene se dwaande of dwaande west.
Boaten leine fol mei reiden
en op spesjale reidfjilden stiene de bulten klear.
Yn de rekreative doarpkes wie it rêstich.
Yn Bloksyl, oars in drokte fan belang bij de slûs
wie it stil bij "Kaatje bij de brug"
Yn Giethoorn koene wij frij fytse
sûnder ús fingers blau te beljen
om EastYndysk dôve Japanners, Sjinezen en Koreanen oan de kant te jaaien.
De drokte wie ûnderweis
mei al dy fytsende echtpearen lykas ús....
No ja, hast sa as ús.
Sy fytse elektrysk en wij net
 |
| Rêst bij de brêge fan Kalenberg |
 |
| rêst op it wetter bij Kalenberg |
 |
| rêst bij de slûs fan Bloksyl |
 |
| rêst foar de earrebarre boppe yn de beam |
 |
| rêst bij it reidsnijen.....it is klear |
 |
| rêst op it wetter bij Giethoorn |
 |
| rêst op it wetter en de rinpaden yn Giethoorn |
 |
| de skiednis fan Willemsoord is ryk |
 |
| de koloanje yn Willemsoord |
It gesin út de Jouwer, wêr't de Holtroppen wennen?
Nee, it wiene Dijkstras dy't mei 8 bern nei Kanada gyngen.
En de Holtroppen dan?
De Holtroppen seinen op it lêste momint ôf fan dizze reis.
Yn septimber soe mem Annie befalle fan harren twadde
en dokter hie oanjûn dat reizgjen net mear ferantwurde wie...
It gie oer en fan útstel kaam ôfstel.
Op 18 septimber 1951 waard Jeltje berne,
de reden fan it "net trochgean"
Op 1-1-1977 trof ik Jellie (nammen feroarje) yn de Panbar yn Snits,
wij trouden yn 1978
krigen 3 bern en hawwe no 5 pake- beppesizzers.
.....dat hie dus allegear ek oars rinne kinnen
Noch wat stikjes út de krante fan doe oer emigraasje
It liket sa lang lyn: de jierren 50.
It is ek lang lyn en ik bin fan dy jierren.
1954.
Ea krige ik in boekje as oantinken oan dy tiid
It lei jierren op souder, mar no gean ik it dielen
Foto's fan dy tiid
it is prachtich om herinneringen op te heljen.
 |
| HJir wit ik fansels neat fan, mar ik mei oannimme dat yn huize Hofstra mem Hiltsje dit ek brûkte |
 |
| Dat ik hjir út iet is wis. dy panne hawwe wij noch. Ha pap zegt Fik Mis hoor, lacht Mop Poes roept, eerst ik Tís allemaal op |
 |
| de ynhâld fan de la mei medisinen |
 |
| Flipje fan Tiel, dat wie de baas fan de sjem en mei de segels koene je boekje krije of keapje |
Nije wike mear.........
