Ik kom dizze foto tsjin op ynternet.
In prachtige loftfoto fan Arc de Triomf yn Parys.
Myn tinzen sjitte werom nei in herinnering dêroan
Op fytsfakânsje bij de Loire lâns
op weromreis kampeare yn Parys
en in dei op de fyts lâns de hystoaryske hichtepunten
Wat in drama is it oam hjir oer te fytsen
Tusken al dat ferkear troch de goeie ôfslach kieze
12 ôfslaggen mar leafst.
De twadde deis binne wij mar op de stope gien,
mar moasten doe oeral wachtsje.
Wij skriuwe 2019
.jpg)
Al wer in gergrizingsdeskundige mei erfaring.
Irene Overduin skriuwt moaie opinystikken yn de LC.
Har stik "Vader"slút aardich oan bij
wat ik juster op myn bloch sette
oer it âld wurden.
De lêste 15 jier wurdt der skreaun,
mar wannear begjinne dy?
"Zoek op tijd naar rollator, dwaalalarm en heupairbag",
dat wie in kop fan in arikel op Nu.nl hjoed.
De wurden komme fan in fergrizingsdeskundige.
Ik moast suver efkes stean gean om dit te ferwurkjen.
Earder gongen je sitten at je wrâldskokkend nijs trochkrije
mar dat kin net at je al sitte.
De fergrizingsdeskundige dus,
dat wurd allinne al, je soene der griis fan wurde.
It past wat yn dizze soarchlike tiid (wat de wrâld oangiet)
om ús generaasje in eangstkompleks oan te praten.
Wij binne noch net safier dat de pake/beppesizzers
gjin boartersguod mear nedich ha.
Us souder stiet fol mei spultsjes,
bij de kratten mei playmobyl en lego
Wij hawwe nivelspul, poppespul en in autoreesbaan
sadat bern in Max gefoel krije kinne.
At dat spul net mear nedich is,
en dat komt miskien fluggers as dat ik hoop
mei mobyltsjes en tablets dy't favoryt binne,
en at alles dan fuort kin
dan komt der romte foar in rollator alfêst
foar in bêd mei papegaai alfêst
foar in skootmobyl alfêst
foar in 4 heapairbags en 2 fertiisalarmen.
Troch dizze bloch (datfynik) haw ik bij tafal kunde krigen oan Gerrit Tjallema,
in âld ynwenner fan Wommels.
It bijsûndere is dat hij mij regelmjittich in oansjenkaart stjoert
mei in moaie tekst.
It binne sawat de ienige kaarten
dy't ik noch krij, want de tiid fan oansjenkaarten is allang foarbij.
De kaarten komme út Manchester,
want dêr wennet hij en binne skreaun yn geef Frysk.
De kaart mei de tsjerke en toer is fan Boalsert
en is makke fan in skilderij fan Johannes Elsinga,
de Fryske ynpressionist, dy't yn 1893 yn Wommels berne is
en yn 1969 yn Ljouwert ferstoar.
De oare kaart is neffens Tjallema in stoomskip oer it skolperjend wiet
en it is de 'Aant Hofstra', dy't op koers leit
.jpg)
.jpg)
Motorhead dat wie Lemmy, seine in soad lju.
Foar mij net,
Motorhead binne de gitaren
of better sein de gitaar fan Phil Campbell.
De befestiging krige ik justerjûn yn it Bolwurk yn Snits
Hearlike gitaarmuzyk fan Phil en ien fan syn soannen
De oare soan spile bas en noch in soan sloech op de trommels
In sjonger, dy't fan bûten de famylje komt
Geweldich dat sa'n band yn Snits stiet te spyljen.
In moaie seal fol Motorhead fans
dy't foar in goeie sfear soargen.
It wurd dat ik it faakst heard haw?
Motherfucker.....
Hast yn alle sinnen wurde wij útskolden as motherfûcker
en de punkband yn it foarprogramma
de Lucifer Star Machine koe der ek wat fan.
Gjin foto, gjin filmke makke
mar in optreden fan koartlyn yn Essen
In fytsdei yn Noard Hollân
lâns tulpen en oare blommen
wêrfan ik de fryske nammen net wit.
Yn Anna Paulowna de blommentún troch rûn
en ik soe sizze
at je dat sjoen hawwe, dan haw je alles wol sjoen
Ik wie hjoed wer op stap foar in bakje bij
myn fêste rubryk yn Diggelfjoer.
In wie er in feest om iepen te kletsen mei in frou op leeftyd
mar foaral te harkjen nei it eigen libbensferhaal.
Ek sûnder in stikje yn it krantsje
soe ik dit dwaan bliuwe.
In moai ferskaat oan soarten muzyk
freedtejûn yn Ljouwert bij it Fenixfestival
Historian, sjoch ik foar it earst en it is wol in nijsgjirrich optreden
It klinkt aardich en de útstrieling fan de band is noflik.
Bij Boaz haw ik wat in minder gefoel.
Krekt as earder fyn ik syn pittige nûmers bêst genôch
mar ferfeel ik mij bij syn "seurnûmers"
Op nei Homesick.
Earder op Greidhoekfestival mei in basgitaar
no twa "gelûdsjemannen"dy't ek "sjonge|"
Bijsûndere sound dy't je meisleept
mar gjin sound is foar in oere lang.
Dan nei Baldrs Draumur, folk muzyk
út de djipste krochten fan Noorwegen en Fryslân.
Gesellich optreden mei Sjoerd as sjonger
Dêr haw ik op Aaipop ek al in oere mei ferwûndering nei sjoen.
Prima optreden.
Nei dit alles is it ttid foar gitaarwurk
Ik wurd op myn winken betsjinne
Swim of Drown batst in hearlik stikje hardcore metal út
yn Neushoorn Café.
Moaie jûn dy't miskien noch lang trochgiet,
mar ik haw genôch sjoen,
boppedat de ien nei lêste bus ropt....
It is mar goed dat it stik Allinnich Anna
net langer duorret as dy hast oardel oere,
want oars hie ik fan de stoel ôfglide.
Geande it stik ferpleatste myn lichem him nei it puntsje fan de stoel.
Ik hie der wat oer lêzen
ik hie der wat oer heard,
mar it oertrof myn heechste ferwachtingen.
Wat fyn ik dit in prachtich stik.
Wat sit dat geweldich ynelkoar
wat de tekst oangiet
wat binne der orizjiniele dingen yn (de hûn)
en wat wurdt der prachtich spile.
Safolle djipgong, teksten dy't rekke binne
en in ferhaal......
It is in prachtige jûn yn it Marneteater yn Boalsert
Op de fyts werom is der wol wat te bepraten
en nachts wat om min yn sliep te kommen
Ik sjoch fannemoarn betiid (dat is goed 7 oere) nei bûten,
It driget, mar it reint (noch) net.
Ik wol der efkes út, mar wol net al te wiet wurde,
at ik rin of fyts.
De waarfrou komt oer in kertier
Dêr wachtsje ik op.
"Buiengebiet, mar ek opklearingen der tuskentroch"
"Letter op de dei wurdt it droeger"
Hjir haw ik wat oan!
Net dus.
Ik wol der no efkes út at it kin.
Sa gie it jierren lyn, doe't er noch gjin Buienradar wie
Buienradar, it is leaf en lijen
Foarhinne doe't Buienradar gewoan fergees hie
en gjin Plus en Pro abonneminten hie,
doe kloppe it meastentiids wol
No jout de fergese ferzje in yndikaasje.
Nettsjinstaende dat, bin ik wol bliid mei Buienradar/
Ik sjoch der fannemoarn efkes op om 7.15 oere
want ik moat der moarns earst efkes út.
It begjint tsjin njoggenen te reinen seit de fergese ferzje
Ik haw dus rom te tiid om in rûntsje te dwaan,
want it kin best noch wol wat letter (of earder) wurde.
Leve Buienradar
Om 8.45 is it noch droech
en haw ik myn rûntsje droech fytst
Ik bin net sa'n âldespullen sneuper.
Freed in slach lâns de boekenkasten
Ik kin foar 3,50 foar 4 boeken wer in skofke foarút
Aaipop stoppet is it berjocht foarôf.
It hie kinnen mar it is gelokkich net sa.
It soe ek te gek foar wurden wêze
dat dit fantastyske festival ferdwynt.
Ik wie der wer bij , dizze edysje fan 2024
en it wie in geweldige dei.
Prima (stevige) bands mei genôch fariaasje.
Der wiene 13 optredens
mar troch de dûbele programmearing
koe ik der 9 sjen.
 |
| Fol gas mei Folgas |
 |
| Marcel Smit op in mini podium |
 |
| NNB mei gastoptreden fan Piter Wilkens |
 |
| Jitizer, wat in enersjy |
 |
| in lekkere sound fan Sjoerd ensa |
 |
| Farsk , altyd gesellich |
 |
| It strakke begjin fan de metal fan Drôvig |
 |
| Pakesizzers Samme en Nyck pikten de metal ek efkes mei |
 |
| It is goed om ek de earste artyst te sjen: Melissa Pander mei band |
Hjir hie ek noch in foto fan Hûnekop stean kinnen.
Dat wie de lêste band yn in grôtfolle, hite en rikkerige seal.
Dat fûn ik nei trije nûmers wol prima
Tradisjoniel fytsten wij der hinne
en fytsten wij ek werom.
Op nei 2025
Je sille der mar bij stean freed yn Neushoorn
De grutte supermerkeketens binne de baas.
Dat is al in oantal kear dúdlik wurden
Earder misten de Nestlé produkten, noch letter de snoep fan Redband
No hawwes sa't it skynt spul mei Douwe fan de Jouwer.
Yn Wommels wiene sneon alle soarten DE op.....
Sneintemoarn
in graad as 8,
eastenwyn en hast droech
Mei oare wurden, it is hast perfekt waar foar
in rûntsje Surch
 |
| Wij rinne boppe op de dyk, sij lizze ûnderoan de dyk Oplettende fiskers. Twa man, trije angels |
 |
| It eaget driigjend dat is it ek: motrein |
 |
| Surch, mei toer en winkel (foar fiskers) |
 |
| Oer de N31 is in brêge. De meast ûnnutige rinbrêge Ek de meast knoffelige brêge Neat kloppet dêr |
 |
| In brêge sa steil de leuning te fier fan de treden |
 |
| In goate foar fytsen mar der mist in takel Hjir treau je in gewoane fyts mei muoite omheech en een E-fyts soarget foar in gebealch fan komsa. Nei ûnderen ta , dêr wol ik net oan tinke |
 |
| Zürich en Zurch, dy nammen hawwe wol wat fan elkoar It iene leit lykwols yn Switserlân , it oare yn Fryslân. Dêrom nimme wij ús Zurich ek Surch. It giet wolris mis mei de post....... |
 |
| Sa mis kin it gean |
 |
| Sa feilich as de bank fan Surch |
 |
| 8,3 kilometer |
Wa't Winsum seit, tinkt oan fierljeppe.
Alteast dat hoop ik.
Bij de Skâns is ynformaasje te finen
oer it fierljeppen en de tiid
dat se midden yn it doarp sprongen
Dat haw ik earder ek noch wol meimakke.
Moai dy ynformaasje oer Roel Bokke Span
en junior Tamme Velstra ( de letters topkeatser),
dy't mar 1 sentimeter minder fier sprong
as de beste senior.
