Op de fyts nei de Ofslútdyk
Op Koarnwertersân yn de bus
Twa kilometer
Bij it jildfergriemende fiskmigraasjeprojekt der út
Fytse oan Waddenseekant
Wat in rêst
Je heare gjin auto
Bij it monumint wer yn de bus
Foar de lêste 6 kilometer
Omdat it sa moat
Fierder op fyts nei Tessel
bus 
 |
| Penjum |
 |
| bij Wûns |
 |
| Piaam |
 |
| Nynke's pleats |
 |
| Efkes bij nû 2, 1 en 3 sjen |
It wie ferskuorrende dizich dy jûn
en it wie dan ek foar meardere feestgongers in speurtocht
om it te finen en om der wer wei te kommen.
Hjoed is it helder en wij fytse fia Penjum, Wûns, Makkum (fisk) nei Piaam.
Wij fytse nei Nynke's pleats (dat stiet der no op)
en jouwe ús del bij Punt Piaam.
Wat in moaie toeristyske formule. F
ia Gaast, Bonjeterp en Allingawier werom.
Ik kin Penjum en Piaam ôfstrepe, dêr ha ik alle diken /paden fytst
De byb yn Wommels hat wat te fieren
Ik krij de fraach om as frijwilliger in rol te krijen
Op freedtemiddei is de Lego brick party.
Alderaardichst.
Earst al dat er 8 bern komme mei it prachtige waar
Dan it spultsje sels.
"Meitsje in toer" seit de kompjûter
De bern krije 90 sekonden de tiid
90 sekonden is net lang
mar elkenien skrept in toer ynelkoar
De kompjûter jout oan wa't de winner is
"en de winner is......wa't de measte reade blokjes brûkt hat"
Sa hat elknien kâns om te winnen
Meardere rondes spile
en de kompjûter wiisde ferrassende winners oan
bij it robot of in blom of in hús meitsjen
Ik bin fan de listje
To do....te dwaan, dat is myn hâldfêst
Sa binne der altyd doelen en is der foldwaaning at it klear is
Dat lêste is fan belang.
Ik lies dat immen om dy reden in list bij hold
Done..... dien
Oan de ein fan dei skreau dy op wat se hjoed dien hie.
Dat joech hiel wat foldwaaning.
Dêrom al fêst de list fan hjoed
Dien
Op fyts nei Laerd en Saerd (27 kilometer)
Boek útlêzen
Twa kruswurdpuzzels makke
Iten klear makke
Bij Wietse lâns foar wat oerlis
In bloch skreaun
Twadde boek trije haadstikken
Tredde boek (Flânsum) in begjin makke
In histoarykse dei yn it Wandrer projekt
Wolsum, sa'n gat en ik koe it mar net kompleet krije.
Alle hoeken en hernen haw ik dêr befytst
mar in stikje Wolsum leit yn Laerd en Saerd
Dêr fyts ik hjoed hinne
nei it uterste puntsje
de pleats fan Lycklema ä Nijeholt
Sjoch hjir
De boppesteande kaart komt út Manchester
mei de fraach at ik dêr wolris omfytst haw
Antwurd: ja seker
Sommige dingen feroarje net
Nim no it suertsjehappe
Suertsjehappe?
Ja, dat is der noch op "gewoane" jierdeifeessies
Dat binne feessies dy't net bij ien of oare ynstânsje fierd wurde
foar grou jild
mar gewoan thús of yn de buert
Mei ûnder oaren suertsjehappe dus.
14 bern kamen lâns op it jierdeifeest fan Nyck
7 jier is hij wurden.
Suertsjehappe dogge se bij ús yn de tún
Ik sjoch ta.
Ik sjoch dat it net oars is as froeger
De trysten dy't net wachtsje kinne
De ôfwachters dy't graach earst nei oaren sjogge
De skruten bern dy't hoopje dat se net oan de beurt komme
Freed nei it Bolwurk
sneon de metaljûn op de Ijsbaan yn Wommels
De oerdekte Iisbaan bij Pieter Wiersma
Twa bands op it poadium en yn de seal swart fan de minsken
want sa wurket dat bij metalfans.
Je hoege gjin klean koade oante jaan dat giet fansels.
It wie wat op útnoeging
( de net metalleafhawwers mochten thúsbliuwe)
en dat wurket geweldich.
It wie gesellich mei in prachtich optreden fan Innerself
Sij koverje Sepultura en dat dogge se prima
De band Armada trape ôf en dat wie oars (lês minder enersjyk)
It slotstik wie sate sjen
Armada mei de sjonger fan Innerself
Dat sil fêst ek prima west ha
want dizze songer nimt fêst de enerzjy mei fan syn eigen band.
Doe hie ik myn wrakke bealch (nei twa jûnen te lang stean) al del jûn
Yn july komt hij nei Nederlân.
Neil Young dus.
Je kinne it stadspark yn Grins yn foar 129 euro en 60 eurosinten.
Dêr heare je hopenlik syn geweldige muzyk ûnder ideale waarsomstannichheden.
Je sjogge him op in skerm lofts en rjochts fan it poadium.
At je gelok sjogge je him echt.
Ik gean net.
Foar dat jild kin ik nei hiel wat mear konserten,
want it giet mij om de muzyk en net om de persoan.
Freedtejûn wie ik yn it Bolwerk yn Snits.
De Belgyske band LeNoise spilet dêr nûmers fan trije albums fan Young.
De albums út in dregere perioade.
Wat in band!
De lilkens fan Young dy't yn in soad nûmers siet,
wiene yndrukwekkend.
Moai dat wij safolle romte hiene,
spitich dat net mear leafhawwers dit op wearde skatten hawwe.
Sels de grutste Neil Youngfan út Wommels hearde ik sizzen tidens en nei ôfrin:
sublym, perfekt en fenomenaal.
De Belgen wisten fan gjin ophâlden
ek troch de hearlike sfear yn de seal.
Twa en healoere sûnder skoft..
Wat in jûn.
Ik begjin frijwol alle dagen mei in lyts rûntsje op de fyts
Om de lege holle, noch leger te meitsjen oan it begjin fan de dei
Dan begjin ik de dei krêftich
Dat seit it pak Brinta.
Der stiet in fytser op dy't yn de wyn hat.
Sûnder ûndersteuning fansels.
Nei de Brinta in bakje en dan der op út.
Op de fyts mei ûndersteuning fansels
Woansdei in rûntsje om it Fean hinne (55 km wêrfan 38 nij)
en tongersdei in rûntsje om Dokkum hinne (60 kilometer wêrfan 55 nij)
93 nije kilometers skoare; dik tefreden
Moai waar en moaie doarpen
 |
| Yn Dokkum bij de fontein |
 |
| Mei wat fantasij sjogge jim fêst in fontein |
 |
| In moai oantinken oan de eardere gemeente Ferwerderadiel |
 |
| Ie, dat is it flaaksdoarp fan earder. |
 |
| Ek bij Broeksterwâld oandachtsbuorden bij de molen |
 |
| Hoi, rôp ik werom....... |
 |
| mar neffens Jellie en de tekst wie it oars bedoeld |
 |
| dizze bole stiet bij Oranjewâld |
 |
| Moaie strjitanmmen fyts ik net samar foarbij |
 |
| Op in berch piipskoft hâlde bij Aldskoat |
Ja ja, dy oerbuorfrou sûnder panielen betellet mei oan de saldearing.
Dat soe samar kinne.
Sij hie ek panielen lizze kinne ynstee fan
sigretten en in oare auto en fjouwer kear op fakânsje
en liters wyn ....
Wat in belachlik argumint.
Sa folle letters, mar gjin ferhaal
skreaun in twa wiken werom oer de trije fiadukten
yn de provinsjale dyk fan Boksum nei Boalsert
Ik bin te fluch mei myn konklúzje
Niels Boonstra stjoerde mei in link
dy't oanjout dat der noch in ynsprekjûn komt
om fan de letters in ferhaal te meitsjen
Sjoch hjir
Tsjonge jonge
en noch de lêste alinea fan in stik fan Irma van Steyn
Rock en Roll út Makkum!
Wat in moaie opset fan in boek.
Alle Makkumer bands,
dus in band mei in Makkumer der yn,
wurde hjir beskreaun
mei de nedige sterke rock en roll ferhalen.
In oersicht soe ek aardich wêze foar Wommels?
Miskien folgjende hjerst in opsetsje meitsje?
Laard en Saard
ik krige de fraach út Manchester fan Tjallema
at ik wolris fytst ha yn Laard en Saard
Myn andert is ja
en ik keas foar de rjochter kant ut.
It is wat mei Laerd en Saerd.
Laerd is in lytse delsetting ûnder Wolsum
en Saerd falt ûnder Boalsert.
It wurdt altyd yn ien adem neamd.
Oan de rjochter kant fan de swarte grinsline leit Wolsum
Sa't jim sjogge, moat ik dêr noch hinne
om Wolsum kompleet te krijen.
In stikje skiednis
Yn 1502 komt de namme Laerd al foar
en komt mooglik fan Alaerd.
Stichting Wommels hat in potsje jild
wêr't se goeie dingen mei dwaan kinne foar Wommels.
Sybren de Vlas hat it doarp dit jild neilitten.
Meastal organisearret in oar wat en stypjet de stichting dat finansjeel.
Tongersdei 13-3-2025 organisearren sij sels in dei.
Moarns foar de jeugd in prachtich programma
mei drone fleane, mei natoer nijs, mei nestkasten meitsjen
mei padel op de tennisbaan en mei fuotbal yn de pannakoai.
Tryater wie yn it Dielshûs mei in foarstelling wat ek tige slagge is.
Ik wie mei Han frijwilliger bij it fuotbal
en der kamen sa'n 150 bern lâns
om in kertier te fuotbaljen.
Hearlik om te sjen nei talinten en it ferskil yn belibbing.
Wat in moaie moarn oant 14.00 oere ta.
Middeis wie der feest foar de âlderen
dy't meast oan de Sybren de Vlasstrjitte wenje
Wat in optocht mei skootmobyls, rollators en oar ridend materieel
fan NIj Stapert nei it Dielshûs ta.
Wat in oandacht foar Lisette Bruinsma, olympysk paraswimkampioen
foar har ynspirearjende wurden.
Bijsûnder hoe't sij krekt dit publyk in pracht motivaasjeferhaal foartovere.
Mei humor, mei oertsjûging en earlik
Dêrnei gie it publyk hielendal los.
De hantsjes gongen omheech en der waard omraak meisongen en mei klapt.
Wij hawwe genoaten fan dy âldtsjes.
De Freulesjongers hiene in tankber publyk.
It wie in prachtige dei
Ik lês it boek Revanche in de Andes fan Frank van Rijn
Hij is in wrâldfytser en altyd op syk nei útdagings.
Net fan A nei B fia de koartste of moaiste rûte
mar fia C, D en F oer striminne paden en bergen fan 5000 meter
Ik krij it der betiid kâld fan yn de ús keamer
at ik lês hoe't hij yn syn tintsje op 4500 meter
besiket waarm te bliuwen mei al syn klean oan
dy't der bij him hat op de fyts.
Healwei de oare dei is hij wer in bytsje waarm at er gelok hat.
Dit boek giet oer in reis troch Bolivia, Peru, Argentinie en Brazilie
In moai stikje fyn ik it stikje oer it jild.
Hast in fytstas nedich foar 300.000 pesos
Nyck hat fansels net sjoen dat ik fytsend in foto makke
mei de mobyl yn myn hân
Wij bringe jierdeiskaarten rûn
en sjogge ek noch efkes bij syn klasgenoaten dy't fuotbalje
Der wie ein ferline jier in oprop
It Berkwert fiadukt moast keunstich opfleure wurde
en sa't it dizze tiid heart
moat der ynspraak wêze.
Gjin idee, at der sinfolle ideeën binnen kamen.
Ik haw it idee dat it úteinlike idee fan immen wurden is
dy't sei: doch mar wat
Safolle letters, mar gjin ferhaal
Oerdei tusken it fytsen troch
en jûns at de tv neat oan is (frijwol altyd)
lês ik of doch ik in puzzel.
Dit is myn spul dizze wike
mei noch in boek op de E-reader
fan Herman Koch.
It moat freed allegear útwêze
is it doel
Ik tocht lit mij ris wat dwaan mei nammebuorden
 |
| It begjint fansels yn Baard |
 |
| Lâns de Ie kom ik út yn Burdaant |
 |
| Hjir fiel ik mij in jonge g(e)ast yn Aldegea(st) |
Foaral werom, foar de wyn
Ik fyts in rûntsje.
Dat doch ik wol faker.
Ik sykje wer wat dearinnende dykjes op
wêr't ik noch net earder wie.
Dat doch ik ek wol faker.
Ik sjoch in iensume picknicktafel.
Ik stopje foar in piipskoft
Dat doch ik faker.
In tafel foar mij allinne.
Dy sykje ik wol faker.
Op de tafel in tekst mei Qr koade.
Wat soe der efter dy koade sitte.
In liet, in gedicht, in ferhaal oer de omjouwing.
Neat fan dat alles
Sjoch hjir.
 |
| Mar gau wer op de fyts. Der sit mij neat dwers |
