Burdmannen

"Baard verdubbelaar"
wie it tema fan in lannelike Burdmannenklup

doel wie om it oantal ynwenners fan Baard
te ferdûbeljen mei it selde oantal mannen mei in burd

dus kafé Baard en Baard
wiene sneon it toaniel
fan in hiel soad burdmannen

in ympresje

In rûntsje ......

Wat in foarjierswike,
prachtich waar,
prachtich fytswaar
foar Jellie en mij

Moandei: In rûntsje Swette
Op de lisfyts
nei Weidum
en werom lâns de Swette
fia Boazum en de Slachte werom
40 kilometer

Tiisdei: in rûntsje Fluessen
Op de lisfyts
lâns Snits, Drylts, Jutryp en doe

lâns de Heegemermar en de Fluessen,

fia de fiskboer yn Warkum

en lâns it lûd fan tûzenen fûgels bij de Aaltsjemarpolder werom.
Totaal 85 kilometer


Woansdei
reinich dus rêstdei
Op de lisfyts
in rûntsje Kûbaard
8 kilometer

Tongersdei
mei de auto nei Wynjewâld
en op de bukfyts

in rûntsje Appelskea

65 kilometer
mei 12 doarpen foar de AFDFT17

AFDFT 2017

Snein 26-3

moai waar om in stikje
Tytsjerksteradiel,
Kollumerlân en Dantumadiel
te dwaan op de AFDFT2017

de bijsûndere tsjerke fan Jistrum

pypskoft oan de râne fan Koatstertille

mei útsicht op de tsjerke

en om it "tserkepaad" wat ôf te meitsjen

fytsten wij troch

Readtsjerk

Aldtsjerk

Oentsjerk

Gytsjerk

en Ryptsjerk

Metallica

Je sille mar in baan ha
en nei Metallica yn de Ziggo Dome wolle
yn septimber 2017

dan moatte je op freed 24 maart suver frij nimme
want in kaart skoare
sil in ynspannende bezichheid wurde

9.30

ynlogge

wachtsje op de wachtrige

10 oere

te let foar de wachtrige

kofje

10,20

hast bij de wachtrige

en dan it ferlossende tillefoantsje

fan Tsjeard

dy't oan de oare kant fan Wommels

ek sit te wachtsjen

"ik bin der troch"

moandeitejûn 2 kaarten

steanplakken, sa moai as wat

olleee

Letteretún

It hie sa moai wêze kind,
mei grutte stappen troch de Fryske letteretún
(moaie wurd)
ûnder lieding fan Pieter de Groot

hie.....
want nei in flinke striid mei de noardeastenwyn tsjin
stiene wij foar in tichte doar:
wij, dat wienê twa mannen en 7 froulju,

yn ferwûndering
mei ferbazing
dat it der net wie.

gjin lilkens,
want der wie  nimmen
dy't er in frije middei foar nommen hie

"it giet net troch"
sa liet de behearder ús tillefoanysk witte:
"te min belangstelling"

teloarstelling:
de helpkarkes waarden wer keard, de rjochting hús;
de auto koe fan it slot
en twa fytsers gongen wer op nei Wommels:
Anna-Marie en ik

gelokkich,
wij hiene foar de wyn.......

thús mar efkes de bondel fan Tsjebbe der bij
as treast

Herinnering en wurklikheid

Herinnering ien

De Terp
Wommels
1964
jûns, in oere sân
fuotbalje,
poatsje en kieze
hij as earste,
syn technyk
syn oanfalspul
syn gepiel
syn doelpunten
better bij him as tsjin him

Herinnering twa

it Keatslân
de Freulepartij
1968
Wommels mei Minne en Pyt
en in balkearder:
tûk, attint en linich
4de priis

Herinnering trije

fuotbalfjild
Easterein
SDS 1
argewaasje oer de spits
oer syn meiferdigenjen
oer de poat ynhâlde
oer syn sleauwens;
mar ek  ferwûndering oer
de lytse romte
it noaske foar it goeie plak
de doelpunten
de kampioenskippen

Herinnering fjouwer

bushalte Wommels
moarn 7 oere
1995
ik wachtsje op bus nei Ljouwert
in fytser, ûnderwei nei KMA
foaroerbûgd
yn him sels keard
"moarn " sei ik
"môge", mompele hij

Gjin herinnering

oan de tiid dêrnei;
yn it selde doarp wenje
en him miskien 3 kear sjoen
yn de lêste 20 jier

De wurklikheid

18 maart 2017
Siep Visser
Siepie of Siepy
is net mear
ferstoarn
64 jier âld

Muzuder rock

De gemeente Ljouwert hat tal fan festivals en poppodia.
Grutte podia en noch gruttere festivals.
Yn in net hielendal fergetten úthoeke fan dy gemeente leit Reduzum.
In doarp mei kreativiteit wurdt er wolris sein.
Foaral ek op muzikaal gebiet. Reduzum hat ek in kroech sa't earder hast alle doarpen in kroech hiene. De kombinaasje Reduzum, kroech, kreativiteit, entûsjasme en muzyk komme yn maart wer bijelkoar: Muzuder rock.... in festival... mei stevige muzyk: rock en punk sa't je it graach heare wolle yn in doarpskroech op in moaie sneontejûn.

Op it programma bands dy't best wol ris mei je gefoel op de rin gean soene.
Wat te sizzen fan De Tigers fan Greonterp dy't swiere betiden drege opswypkjende muzyk meitsje, dy't sommigen miskien wol ticht bij in spontane depresje bringe kinne. Je kinne der ek fan opfleurje, sa seach ik om mij hinne en sa fielde ik it sels ek.

Wat te sizzen fan bands mei nammen as Bad Mood en der Untergang.
Kin Bad Mood der foar soarchje dat ik mei in goed sin nei hús gean en soarget dêr Untergang der foar dat ik mij fiel as yn de "zevende hemel".
Antwurd: ja en ja.
It rockte en it punkte en it klonk mij as hearlike muzyk yn de earen.
Ek Ravenne, de ienige band mei in frou op it podium, paste hielendal yn dit programma en myn muzyksmaak.
Neist al dat geweld op it "grutte" podium , mochten wij efkes ôfkuolje bij Roel en Marty, dy't songen bij de muzyk fan Johnny Cash en sa...
In moaie jûn op in prachtich festivaltsje en dat foar 9.99 euro; dy iene sint werom fûn ik fannemoarn yn kontbûse.....
Noch 998 sinten sparje en dan folgjend jier mar wer...
No al sin oan.

Ravenne

Roel en Marty

Der Untergang

Bad Mood

it begjin foar 2018

AFDFT17

It soe in moaie dei wurde 

sa sei ynternet en de waarman

Om 11 oere kaam it sintsje der heal troch yn Wommels

dus mar op reis op myn AlleFyskeDoarpenFytsTocht2017 

(AFDFT17) foar in stikje súdwesthoeke

mar hoe tichter ik bij it Iselmar kaam, hoe tichter de mist,

Sa as hjir bij Skuzum.

De waarman
dy't fanôf myn fytsradio meireizge

om te sjen dat de wurklikheid

betiden oars as it foarsizzen,

hie it no ek oer mist......

ja..ja

fansels it dearinnende Piaam noch efkes trochwest,

en üteinlik 58 km fytst mei de sinne der op lêst bij

dy't er net mear foar soarchje koe dat myn stienkâlde fuotten

waarm wiene foar't ik thús wie

Dat ik 14 doarpen bijskriuwe kin 

joech mij lykwols wol in waarm gefoel

Fiksje

Ik fyn it frjemd 

dat ik dit spannende boek net spannend fyn,

it gie oer terroristyske oanslaggen

oer moslimbern dy't ynset wurde

en oer driging, 

oer plysjeaksjes,

oer de wrâld fan no dus....

it boek lêst maklik

en it ferhaal sil best wol basearre wêze op in wurklikheid,

dy't ûntstean kin

mar it wol mij net oan allegear...

dat komt neffens mij troch it feit

dat it boek spilet yn Ljouwert

op bekende lokaasjes

as Heechterp, Bilgaard, Schieringen

allegear te ticht bij

it wol mij net oan dat sokke oanslaggen

hjir yn Ljouwert plakfine,

raar is dat

ik hâld fan non-fiksje boeken

en dit komt mij foar as fiksje,
gjin wurklikheid 

mar miskien haw ik myn eagen wol ticht

foar de wurklikheid

Roan en Samme

Roan mei auto's en trekkers

Roan yn de boarterstún efter it stjoer

Samme op ferkenning ûnder de tafel

Samme sjocht poes rinnen

It stiet mij oan

Snútboek
je wolle der hast net oan
mar je kinne der hast net sûnder

dêr bart it "allegear":
trij soarten snútboekers binne der:

Sij dy't der bij heare wolle
sa no en dan de profylfoto feroarje
der oars neat opsette
mar foaral de "it stiet mij oan knop"yndrukke

De twadde groep binne sij
dy't harren (kommende) belibbenissen (alfêst) diele
en it  dêr drok hawwe mei

De tredde groep binne sij dy't
in protestaksje begjinne op snútboek
omdat se net tefreden binne

Net tefreden binne
oer it sakjen fan it hús nei wer in ierdskodding
oer de fryske muzyk op Omrop Fryslân
oer it wol/net ferlingen fan in kontrakt bij scHearrenfean
oer in fontein dy't net op it goeie plak delsetten wurde sil
of oer in fontein dy't net moai genôch is

en wij mar "tomkes"delsette
want dat kost neat en seker gjin muoite
en it liket sa ûnskuldich
dat "it stiet mij oan"
mar oh wee..... at it net nei de sin fan de baas is
dy't ek meisjocht op snútboek

dy kin it samar net oanstean....

Efkes Balje

Freed wer Efkes Balle.
It wie wer in moai potsje.....

Foarhinne wie bier gewoan bier. Neat gjin smaakjes en spesjale bierkes. Oke, der wie "donker" bier mar dat wie foar foar froulju om de boarstfieding op gong te hâlden of soks sa wat.
Kom no yn in supermerke as Jumbo en der is mear ferskaat oan bier as oan griente en fruit bijelkoar.
Bier smakket ek net altyd gelyk want dat hat mei de omstannichheden te meitsjen. Bij waarm waar falt it der yn as in preek yn de âlderling en it skynt nei in oerwinning ek better te smeitsjen. At je de twa winnende doelpunten meitsje is it hielendal hearlik. Dat moast ik justerjûn meardere kearen heare doe't ik mei Pieter Veenje weromfytste nei Wommels. "It bierke smakket aansens best" sa liet hij mij bij alle hikken witte.
It wie opmerklik fan ploechje 6 ( Wouter, Folkert Rients, Wiebren, Sipke, Menno en Pieter Messi) om yn de finale de twa kânsen dy't se krigen gelyk te benutten. Yn de grutte partij wie it meast neist, oer, latte, peal of der stie ien fan ploechje 5 ( Ferrie, Remco, Frank, Harrie en Aant ) yn it paad.
Oan de oare kant wisten dy wol rie mei de romte en de kânsen. Strak en fluch nei foaren en skoare. De útslach fan de grutte partij wie dan ek net spannende te neamen, it op en delgeande spul wol.
De finale wie de Pieter Messie sjow. Ûnbegryplik dat twa Efkes Ballers dit wykein nei Barcelona binne om Messi te sjen, wylst de Messi fan de greidhoeke gewoan op freedtejûn mei harren stiet te baljen.
Myn bierke smakke justerjûn wat bitter, mar dat wie dan ek in spesjalen.
Aant

Alle Fryskedoarpentocht 2017

Twa moannen sitte der no op

en it rûntsje om Wommels hinne 

wurdt hieltyd grutter

blau is jannewaris,

read is febrewaris

77 hân 

noch 340 te gean

Foarjiersfakânsje

Noch mar trije moanne lyn

seach ik út nei de fakânsje...

al wer fakânsje?

seinen oaren fan bûten it ûnderwiis.

wat in libben...

ik kin jim sizze,
dat dit pas it libben is

altyd fakânsje

de foarjiersfakânsje dus;

Jelske en Roan in nachtje te sliepen en

Jelske en Roan mei pake en beppe
nei it museum,

it modelspoarmuseum yn Snits

it wie prachtich:

dy ferwûndering en dat entûsjasme

fan dy twa pake- en beppesizzers

en doe noch twa dagen
oppasse op de jongste sprút
Samme,
dy't de hiele dei ek op ûntdekkingsreis wêze wol
en it sliepen net oan tiid hat...

wij hiene it suver drok yn de fakânsje.
moaie drokte, dat wol....

Fryskehannen

Der wiene dus 24946 dia's
mei foto's fan objekten yn Fryslân
yn de jierren tachtich, njoggentich

133 dielnimmers hawwe sûn novimber oan de gong west
ûnde de wurknamme Fyske hannen
om de teksten fan al dy dia's yn in digitaal systeem te setten

twa kear sels
meielkoar dus hast 50.000 dia's......

en no is it klear:

133 man/frou  hawwe harren bijdrage levere,

foar sommigen wie it mear as in oerke dwaande wêze deis.

ik koe mij noch krekt yn de top 10 handhavenje

(ha,ha) foar wat it wurdich is.

it wie in moaie klus.

Alles dûbel ynfierd

en no moat alles kontrolearre wurde

en dêr mei ik in bijdrage ynleverje

mei njoggen oaren

ek dêr binne wij al in moai ein op wei.

foardat skries Amalia oankomt yn Fryslân 

binne wij al klear...

spitich

want ek dit is moai oerke deibesteging....

Statistiken

Ik bin sljocht op statistiken..
Moai dat je sifers fergelykje kinne
op basis fan feitlike gegevens

ik folch op twitter dan ek it CBS
dy't regelmjittich mei sifers komme

sa as:
it gemiddeld oantal molkekij per bedriuw per gemeente

sjoch hjir

de gemiddelde priis fan in keapwenning yn in gemeente

sjoch hjir

Fonteinen

2018 is Fryslân Kulturele Haadstêd
en dat hâldt wat yn.
Earst de striid om it binnen  te heljen
en dêrnei de askjes....
dy't net oeral like goed falle

Om de hiele provinsje der bij te belûken
en de 11 stêden úthingboerden binne
foar de bekendheid fan Fryslân
waard betocht dat alle stêden harren
eigen fontein krije maotte

ik moat feitlik sizze "Fountains"
want oars begripe al dy bûtenlânske keunstners net
wat sij meitsje moatte ..
en boppedat l
it KH2018 graach wat fan harren heare
yn it Ingelsk

wat in poppekast en wat in gedoch.
dy fonteinen

Net oer de keunst op sich
want dat bliuwt altyd subjektyf
en neffens de measten altyd fiersten te djoer...

De diskúsje giet foaral oer it plak
want dêr mei de eigen stêd wol iets fan fine
dus kamen se
yn Snits
yn Warkum
yn Frjentsjer
yn aksje  foar in oar plak

It is wat mei de 11 Fountains.....
ik bin foaral benijd .....

Moetsje en .........

Woansdei ûnder de titel Meet en Greet
wiene de Wommelser ferienigingen
en doarpsgenoaten útnoege om elkoar te moetsjen en te ferbinen

Ik woe de hystoaryske nederlaach
fan Barcelona ek sjen,
dus in oere west......

Klaas Jansma wie de ferbiner dizze jûn
en syn teksten binne altyd leuk

Pieter Kamstra genoat sichtber
fan syn redens,
syn slypjen en syn ferhalen

Meinte Wesselius woe O O O
dy't hij faak opfangt yn Wommels

oersette yn trije W's.....

Wolkom

Wille

en ...Klaas Jansma grapte "Wesselius"

Lucas Offringa sit fol fan de WEK
en dat is in kwesty fan lange adem
krekt as syn ferhaal dat fier
oer de twa tawiisde minuten hinne gie

Foar de nije "klup" "De Fryske Dammers"

ûnder lieding fan wrâldkampioen Jelle Wiersma
in moaie gelegenheid om it striken sjen te litten

en SDS wie der fansels,
statutair yn Easterein
mar fierwei de measte leden út Wommels

Grou

Snein in kear te rinnen west

yn Grou:

in rûntsje Grou dus....

en wêr't je ek binne yn Grou

der is altyd wetter 

Op de leugenbank hawwe se oer it hege wetter, de groue snoeken en de djoere boaten

In bank bij it wetter mei fansels it seilteken G

De wyn skoode al iy wiis fan de pikmar rjochting it doarp

in inkele boat oan de kade, yn de haven net ien 

wol wat grutte huzen mei grutte tunen bij it kanaal

ek op it kanaal net in boat te sjen, in inkele rinner op de wâl, lykas Jellie