Pinkstermoandei is it de Bûnspartij.
Dat neame se tsjinwurdich it NK foar senioren
Ik sjoch de list troch.
Der falle mij twa dingen op,
yn it earste plak
Wommels docht net mei.
At dat faker sa west hat,
sûnt ik der hinne gean
wit ik sa net.
It is wol djiptryst foar in keatsdoarp
It twadde dat mij opfalt is de omskriuwing
fan in oantal plaknammen
Yndie it wurdt tiid foar in nije wepstek
foar 130.000 euro at ik it goed begryp
Pechfûgel Syb mei syn fuotsje yn it gips
liet him noflik rûnride yn Skearnegoutum.
Pake plukte wat bûterblommen
en hij mocht se oerbringe nei hûs.
Twa jier en noch gjin memmeblommedei gefoel.
10 meter fierder as dizze foto
smiet hij se oerboard.
De bôle dy't hij yn de oare hân hie trouwens ek.
Ik mocht hjoed op stap mei Jelske
ús âldste pake/beppesizzer.
Tolve jier (foar de bus hjoed noch 11)
en sij mei meidwaan oan de finale yn Ljouwert.
Jelske praat mij de earen net fan de holle,
dat dochst se nea,
sij praat net om it praten
sij lêst leaver.
Dus sitte wij hinne yn de bus,
bij it wachtsjen foarôf
yn it skoft
en yn de bus werom te lêzen.
In moaie erfaring foar har
yn de grutte Steatenseal mei sa'n 30 oaren.
Alle winners en trije dy't er boppe-ut stutsen.
Jelske komt thús mei in moai boek
yn it Frysk en Ingelsk
want dy lêste taal "kin ik noch better" seit Jelske
 |
| wij koene it fanút in sealtsje heare en net echt sjen |
 |
| de trep derbij foar de groepsfoto |
Dit is Snits
Totaal 226 kilometer oan diken, fytspaden en stegen.
Myn doel wie om 75 % te fytsen
Dat is slagge,
Alles wat blau is haw ik fytst yn Snits
Dat is 75,2 % is 170 kilometer
Alles wat noch read is
is de restearjende 25 %.
Dêr richtsje ik myn oandacht earst net op.
Frjentsjer is it folgende grutte doel
Ja, Wandrer it is in pracht programma
om te bewegen mei in doel
Al wer op de gewoane fyts
In slach troch de wâlden fanút Garyp.
In goeie kar efterôf want
wij fytsten aardich yn de lijte
yn dat sm^k, skaad en beamtegrien.
En wij komme lâns Middelbuorren
Bij Middelbuorren stiet dit prachtich gekleurde elektrisiteitsgebou.
Alteast, ik nim oan dat dy steurende warskôgingsbuordtsjes
der net foar de lol opsitte.
Wat in moaie kleuren en in goeie tekst.
Wij fielden ús suver oansprutsen
It oantal gemeenten yn Nederlân wikselt wol gauris.
De weryndielingen binne hjir foarbij,
mar fierderop yn it lân is it noch geande.
Der soene no sa'n 343 gemeenten wêze kinne.
Ik sjoch dat oan myn akkount op Wielervrienden
dy't bijhold yn hokker gemeenten ik fyts en hoefolle dat no totaal binne.
Ik bin sljocht op dit kaartsje
neidat wij 5 dagen fytsten yn in gebied
wêr't wij net safolle west hawwe
Mar leafst 25 gemeenten kin ik bijskriuwe nei dy 5 dagen
 |
| 71 % fan alle gemeenten hân, dat is 244 oan no ta |
Hjir en dêr noch wat gatten
mar dat is goed,
dan bliuwt der in útdaging,
in reden om te fytsen
 |
| Fletscher hotel en Fortuna Sittard stadion |
 |
| Stadion |
 |
| In Limburge folkssjonger |
 |
| Alles wyt yn Thorn, útsein de tsjerke |
 |
| Weert |
 |
 |
| in stikje Belgie |
 |
| it "Dodenpad" op de grins mei Belgie |
 |
 |
| Fytsretonde bij Eindhoven |
 |
| In nacht sliept yn Lennisheuvel |
 |
| Den Bosch |
 |
| In moai p[lakje efter yn de tún |
Wij fytsten troch Brabân en Limburch.
Dêr hat in hiele oare oarloch west as hjir.
Mear striid, mear deaden.
Wylst wij hjir yn Fryslân tsjerkhoven hawwe
mei in pear oarlochsslachtoffers
fine je dêr massahôven
Nim no Uden, mar leafst 437 grêven
Ik wie ûnder de yndruk fan it ferhaal
