Yn it earste plak, fannemoarn betiid soe it net folle waaie
en dat komt mij goed út
twadde reden, ik hie Strava ta sein dat ik yn febrwaris
ien kear 10 kilometer drave soe
en beloftes moat je neikomme
Dus hjoed Spannum om
foar de earste kear 10 kilometer op de teller.
1 oere en 20 minuten......
Ik sis jim ta dat it yn maart flugger wurde sil,
want ik kin it parkoers no
Oer in pear wiken meie wij wer stimme
De kandidaatgemeenteriedsleden hawwe it der mar wer drok mei
Yn gjin waar en wyn besykje se de de stimmen te winnen.
De kommende wiken komme wij wer thús mei struibledtsjes
of fine wij dy yn de brievenbus.
De earste fan in rjochtse wappie/flappiepartij leit al yn de kontêner.
De stimwizer haw ik dêr noch wat oan
betocht ik mij hjoed.
Sa te sjen wol.
Lannelik stim ik meast PvdA
en lokaal altyd FNP.
Ik sjoch dat it ek no wer ferantwurde is
Wommels hat al hiel lang in waarman.
Hij hâldt alles per dei bij yn in skrift
en hat al skriften fol
Ien kear yn de moanne sjogge wij de sifers
fan de ôfrûne moanne yn Diggelfjoer
Oan de ein fan it jier eaget hij it jier oer.
Rients Smit
sa hjit is dizze Wommelser waarman.
Sûnt juster hat hij konkurrinsje
Selden sa'n belachlike omskriuwing sjoen.
It komt fan de hertstifting.
Skooie om jild.
At it grappich bedoeld is wit ik net.
ik fyn it yn alle gefallen net grappich.
Wat se bij de hertstifting miskien wol net grappich fine
is dat dizze brief net fierder kommen is as de papierkontêner
Net iepen makke.
Alles wat ik fierder noch krij fan harren
smyt ik mei hert en syl yn dy selde kontêner.
Alles út it ferline wurdt opgroeven.
No is Yndie al wer oan bar.
Us heit libbet net mear.
Dat is mar goed ek
Wer in rapport, wer in diskúsje, wer in feroardieling.
Ik haw him der nea oer heard.
Net oer de minne
mar ek net oer de moaie dingen.
It is sa't it is.
In moaie sinneopkomst sneintemoarn
ik rin Iens om
Opmerklik,
alle trije dea yn in moanne tiid!
Yn de Ljouwerter Krantee fan doe sykje ik
en fyn dizze twa oankundigingen
oer in ferkeap en boelguod
De oankundiging is al rûn 20 juny,
noch foarat de frou ferstoarn is
It kin net misse dat dizze famylje Kuipers
kûpers wiene troch wat yn de adfertinsje stiet
"door den dood ontruimd"
"ten sterfhuize van de weduwe Kuipers"
wat is it efterlizzende ferhaal.......
De skriuwster fan dizze twiit en har man hawwe in jonkje ferlern.
Harren Berend wie 4 en ferstoar oan kanker.
In drama, dat wij as twitterfolgers fan har, meibelibbe ha.
Miskien kin ik better sizze
"dat hawwe wij ek mei ûndergien"
Nienke sit noch yn de rou oer de dea fan har Berend.
Dat dielt sij en alle kearen fiel ik har fertriet
Sij twittere oer de himel of it mearfâld dêr fan.
Dat die mij tinken oan in foarfal yn in tiid
dat ik noch wol nei in tsjerke gong
en dêrnei net mear.
Ik haw har skreaun
en wij hawwe ús erfarings efkes útwiksele
Twitter, at je it goed brûke is it sa moai....
dat is projekt fan "de Tiid"yn Boalsert
Sa'n 86000 skans moatte digitalisearre wurde.
Dat kinne je thús dwaan
Ik hâld wol fan sokke projekjes
Haw mij gelyk ynskreaun
en haw al 10 skans adressen yn Peinjum ôfwurke
Genôch wetter snein.
Der binne guon dy fine dat net slim
dy dogge de learzens oan, pakke de fyts
en gean Skrok om....mei
pake en beppe
Wij sjogge de earste katsjes útkommen
en de earste maarteblomkes komme ek al op
Der is in alderaardichst twitterakkount oer strjitnammen.
mei regelmaat komme der aardige berjochten foar,
hoe't strjinammen ûntstien binne mei in útlis
Dizze wike in aardich oersicht
hokker namme it meast foar komt yn in provinsje
Foar de aardichheid dy fan Fryslân en Grins mar efkes neist elkoarsetten.
Yn Wommels hawwe wij sokke nammen net
Adfertinsjes dy't lêze je net, dy sjogge je of krekt net.
Soms falle se op en dan lês ik se.
De LC lês ik digitaal.
Dan sjoch ik de adfertinsjes frijwol net.
It Ad lês ik fan papier
en falt der wolris ien op
Sa as dizze.
Stie moandei yn it AD.
betocht troch Amnesty International.
Kreatyf fyn ik soks
Wannear dit krekt wie wit ik sa net mear.
It stik is skreaun omdat wij yn Wommels kabeltillefysje krigen
en wêrtroch it oantal stjoerder flink útwreide waard.
Ik gie efkes mei myn fantasij op de rin
en makke dit stikje foar Diggelfjoer
Nei al dy jank- en seurprogramma's sjen
doch ik al jierren net mear.
Is der wat leuks, dan hear ik dat wol
en sjoch ik it letter.
