Klokkestoel

In pear lyn fytse wij nei alle klokkestuollen yn Fryslân

Ik stik as 66 binne dat.

In moaie útdaging en hij is ôffinkt

Mar wat lês ik no?

Jutryp krijt in klokkestoel

De kommende tiid mar in kear nei Jutryp ta.
 

Oanrieder

 In oanrieder

dat is it museaum fan Marinus van Dokkum.

It stiet yn it sintrum fan Hurderwyk

en je komme der mei in goed sin wei.

Fanwege de kleurrike skilderijen

mar foaral fanwege de humor.

Hearlik hoe't hij hast elkenien glimkje lit

bij it sjen fan in protte fan syn skilderijen.

De audiotoer fertelt it ferhaal fan it hoe en wêrom.

Wij sjogge dat ek bern it grappich fine.

Dus gjin dolfinen mear dy't keunstkes dwaan moatte

mar nei it museum yn Hurderwyk

In ympresje.....

De K fan Keunst

Hjoed efkes bijkomme fan de keunst.

Sa seach ús wykein bij de Holtropfamylje der út

Letter mear

Ootmarsum

Ootmarsum

Kröller Möller museum yn Otterlo

Kröller Möller museum bij Otterlo

Kröller Möller museum bij Otterlo

Marius van Dokkummuseum Hurderwyk

Marius van Dokkummuseum Hurderwyk

Ik

 Ik sei tsjin Chat GPT

'meitsje in 'spotprint' fan mij op basis watst wist

Ik haw gjin foarsetsjes jûn,

Ik kin der wol om gnize, 

it sit ticht bij de wierheid...

It is ek wol wat nuver want....

hoe wit GPt dat wij in wite kat hawwe

Bylden

Ik mei graach oer bylden

Underweis stopje wij dêr foar 

Gewoan in foto, meastal sûnder te witten wat of wa it is

Stress

 Dy Einstein koe der moai bijkomme!

Bierkarre

Wij hawwe in tuskenstop yn Dútslân

at wij ûnderweis binne nei hûs

De erfaring leart dat je dêr altyd te let oankomme

en dat it fluch, fluch giet

It iten is meast gewoantsjes

Yn Denkersdorf is it bijsûnder ienfâldich.

De frou fan it hotel, al aardich op leeftyd,

nimt op wat elkenien drinke wol.

Dat  docht se mei pin en papier

Efkes letter komt de karre

At de karre leech is, wurde der trije ferdjippingen  sop nei binnen riden

Wer wat letter, in karre fol mei schnitzels

en ta beslút in karre fol mei iets wat men in toetje neamt

Alp Adria 3

 It is snein en wij fytse hjoed fan Villach nei Tarvisio

It is in prachtige rûte sa tusken de bergen

en mei goed waar

Yn Eastenryk soargje se wol goed en op tiid foar de brêgen.

In ferskil mei Nederlân is dat der gjin omliedingsbuorden stean.

Wij fytse mei rûteplanner Komoot

en kinne maklik in alternatyf fine

Foar de leafhawwers is der in klim fan 10 kilometer

om bij twa markes te sjen

Prachtige kleuren dêr, it is de muoite wurdich

Kleurryk

Natoerlik

At wij werom fytse,
...dale dus......
dan sjogge wij 15% stean

Sels E-bike fytsers begjinne dan te kreakjen

Alp Adria 2

 Sa healwei de twadde dei giet it los

De fytsen út de karre, de akku's der yn en fytse mar........

De R1 folge oan Villach, dêr stiet it hotel

Moaie fytsepaden en blau wetter

Tusken bergen fytse hat wol wat

De leechhingjende wolken 

Villach leit oan de Drau, wêr't wij bij lâns fytse

Hotel stiet oan de Drau, bêstgenôch

Alp- Adria 1

Freed 9 oktober ride wij moarns om kertier foar seizen 

mei de auto nei Ljouwert

Dêr stiet de bus al mei fytskarre

Om 6.30 sitte wij yn dy bus

De Fitalbus, foar in fitale fytsfakânsje

Wij binne de ienige ynstappers hjir

 

Wij sille fan de Alpen nei de Adriatyske see fytse

Yn Drachten  (6) en  yn Assen (17) stappe de noardelingen yn.

Yn Deurningen, flakbij Almelo de rest fan Nederlân

Dat binne der mar 7 

Nei in dei 'busse' binne wij yn Sud Dútslân 

yn de buert fan Kipfendorf foar ús oernachting

Wij ite dêr.........Schnitzel

Tidens it iten sitte wij om ien grutte tafel.

sa kin ik it selsskip oan in earste blik ûnderwerpe

en komme de earste gegevens nei foaren

In stik as 11 steltsjes, 

de rest binne "losfytsers"

De iene hat syn frou of man thúslitten

de oare is widdo of widner

en in inkele liket in ivige frijgesel

Fan 52 oant 86 jier.....

Der binne twa moantainbikers bij

en twa fytsers sûnder ûndersteuning

De rest is grutsk op de eigen E-bike

wêrfan der frijwol net ien gelyk is.

Fakânsje

Mochten jim de kommende wiken tinke

wêr bliuwe de stikjes

dan kin ik jim melde

dat it grutte kâns hat dat ik jûns nei it fytsen yn Eastenryk 

gjin sin haw om noch wat te skriuwen

of wij sitte oant jûns let te iten 

Hjoed gean wij mei de bus op reis

en dei as 9 letter binne wij werom

"In goeie fakânsje tawinske"

dat hear ik jim sizzen

"Dankjewol"

Ferhalenjûn

Op 20 novimber is der wer in ferhalenjûn yn Fryslân

Ek no wer yn museum it Tsiispakhús yn Wommels

Ik sjoch de oankundiging yn de agenda fan it museum

It tema is "myn Roots"

Dat liket mij wol wat en ik nim kontakt op mei it bestjoer

It kin, graach sels, der binne al trije ferhalenfertellers en se sykje noch ien

Sa sjogge jim myn namme  ynkoarten op it affysje stean.

De titel fan myn ferhaal is

"wa is myn pake?"

Fuotbal op sneon en snein

Gerrit Hulzinga is in âld Boalserter

Syn heit wie dêr plysje en hij hat keept bij Bolswardia

Syn hert leit dêr noch wat.

At SDS 1 út fuotballet, wol hij meast nei sc Bolsward

Sneon bellet hij wer

"Jan van Asselt fytst ek mei" 

en sa hawwe wij wer in moaie middei

Wij eamelje wat, wij dogge krekt of hawwe wij der ferstân fan

en wij hawwe altyd in soad wille.

"At it net better wurdt yn de twadde helte,

dan gean ik hjir net wer hinne" pleagje ik Gerrit.

sc Bolsward makket nei de tee 3 doelpunten

en it spul is in stik better

"Sa" seit Gerrit, "wij kinne ris wer"

Snein is it wer prima waar om nei Boalsert te fytsen

Op it selde fjild spilet de trots fan snein Blauw Rood tsjin Blauwhuis

In kelder kreaker yn de fjirde klasse

Oare minsken, oar nivo , mar ek wer leuk

Blauwhuis wint mei 0-2 

Ik bin bliid dat der fuotbal op sneon en snein is

Draaftalint

 

Ik freegje mij wol gauris ôf fan wa't ik dat draaftalint haw.

Net fan pakesizzers Samme en Nyck

Sij wurde beide earste op de hurdrindei yn Kûbaard

yn harren kategory

Sjoch Nyck, in kilometer yn 4.24 , dêr doch ik 8.48 oer (at it meisit)

Sa moai

Wat in feest fannemoarn op de fyts nei Iens

It is 7 graden en in prachtige  dize hinget oer de feart en it lân 

"Moaier wurdt it net", sis ik tsjin in rinner