Marten

Tegeltsjewiisheid
it is in fermaak betiden

ik kaam dizze krektlyn tsjin
like mij wol tapaslik

1 novimber 2016
út it it wurk.......

Foar dy nei dy

Doe't ik in skoft lyn de oankundiging seach
fan de foarstelling  "Fan dy foar dy"
en it efterlizzende ferhaal lêsde,
wist ik it gelyk:
dêr wol ik hinne....

Doe't wij juster yn de seal sieten
bij Rottefalle
oan de Leyen
seach ik minsken om mij hinne
wêrfan ik tocht:
in protte sitte hjir krekt as my:
mei in reden,
mei in oorsaak
mei in ferhaal,
mei in ferline...

Selden sa'n bysûndere foarstelling sjoen:
sa trochtocht,
sa leechdrompelich,
sa ynteger,
sokke moaie eigen teksten
en tapaslike gedichten fan Douwe Tamminga,
safolle emoasje,
en sa moai spile troch Popke en Froukje

it wie sa echt
omdat it ek echt sa wie

beide in bern ferlern,
en dan beide dat eigen ferhaal
dat eigen gefoel,
yn de eigen omjouwing

It fielt hast net goed
om te sizzen dat wij genoaten ha
fan alles..

fan it loopke yn it tsjuster nei it gedicht fan Douwe
fan de ûntfangst troch de beide akteurs
fan de sfearfolle oanklaaiing
fan it prachtige spul
en de allessizzende teksten

en doe't it dien wie.
wie it efkes stil,
deastil...
it fielde as in wrakseling fan it publyk:
is in daverjend applaus op syn plak
foar dizze twa minsken
dy't in oandoare
sa'n fertrjitlik ferhaal sels te spyljen?

It fertsjinne applaus bleau gelokkich net út..

en sa moai
dat ûnder it genot fan in hapke en in drankje
elkenien bleau
om noch efkes nei te praten en nei te tinken
oer dizze bysûndere jûn.

en as lêste
sa moai
sa bysûnder
krigen wij dit prachtige boekje mei
mei gedichten fan Douwe Tamminga
en foto's fan de twa spilers......

Snein wiene wij by in stik fan Tryater
ik fûn it prachtich, Jellie fûn it net echt,
"dit is wat ik bedoel", sei se
doe't wij weromriden
"dit wie echt, sa echt, sa moai"

Tryater yn Wommels

Ik ha mij kostlik fermakke bij it stik fan Tryater..

In stik mei hiel soad ferhalen, tema's en boadskippen

Tragysk, meislepend mar ek grappich

De akteurs wien de gasthearen en gastfrouen bij binnekomst.

Wij krigen in kjessentsjes om op te sitten.

Want Tsjerkebanken wiene hurd earder

en no noch altiten....

Into the Void

Fan middeis 14.45 oere oant nachts 2 oere

it into the Void festival 

yn de Neushoorn yn Ljouwert

stoner, swier ôfstelde gitaren....

donkere lûden

foar mij allegear ûnbekende bands

op ien nei...

dus tusken middeis 5 en jûns 10 oere

gewoan alles meipikt.

allinne...

hearlik dus,
lekker lústerje nei muzyk

oars neat

oeral efkes sjoen...

sels boppe

wylst ik toch echt leaver gewoan yn de seal stean

ik woe efkes hingje, leune

en dat kin dêr op de balustrade.

en op in moaie tiid mei de bus werom

in hearlike jûn mei in ferrassend optreden fan Zoon

Kampeare

It Frysk fersenpaad rint bij de Boalserterfeart lâns

fan Iens nei Boalsert,

In pear fersen per kilometer

Bij Djiplân, 

tusken Burchwert en Wommels

stiet ek in boerd

ûnder wat beammen

op in plak flakbij de kamping

de eardere kamping

At it no komt dat de kamping ticht is,
wit ik net,
feit is wol dat it boerd der net útsjocht...

dêr ûnder dy beammen

Mar miskien hat Meindert Bijlsma
persoonlik wol lâns west op syn fyts
fanút Kimswert
en hat hij der foar soarge
dat syn fers wer te lêzen is

Burdmannen

In kreas artikel

okkerdeis yn it Friesch Dagblad

Dit omdat er in boek útkommen is

mei 200 foto's fan burdmannen

makke troch Arie Bruinsma fan Sint Nyk.

De Aanten binne favoryt bij de FRysk Deiblêd, mar leafst twa fan de flouwer hjitte sa...

Fan in stik as wat, net allinne de foto, mar ek it ferhaal......

en fansels mochten The  Beards net ûntbrekke yn dit prachtige boeke (al sis ik it sels)
en sij sjonge foaral oer burden...

Trije

Ien foar ien, 
dat is meast myn rigel bij it lêzen fan in boek. 

No samar yn trije boeken tagelyk oan de gong. 
In literaire triller, wêr't it ek wer wreed oan ta giet, 
in boek oer it "wrede" libben fan in wrâldfytser yn Iran en Turkistan (neat foar mij dus) 
en oer it wrede paradys (op ierde). 

Trije boeken tagelyk,

 it wurdt no echt tiid foar in hiele lange fakânsje.

Hekkelje

Hekkelje

de meast fersteurende hanneling 

foar de wetterplanten...

of moat ik sizze "ûnkrûd" yn it wetter?

Alle jierren,

sa om en bij oktober komme se wer lâns

dy hapgrage gripers

dy gripers komme lâns,

foardat dy kontroleurs fan de provinsje

lâns komme

Neat bliuwt er yn sitten
en wat er útkomt
is in paradys foar fûgels

dy\t op syk binne 

nei wat lekkers

alles komt boppe wetter
ek wat er ynsmiten is
troch bolstjurrige jeugd,
ûnder ynfloed (oars dogge se dat net)

sa as dizze ferkearspilon
dy't al ôfskreaun wie
troch de gemeente Súdwest Fryslân.....

Warkum yn de ban fan de strontrace

At wij sels net fuort binne 

stiet it begjin fan de hjerstfakânsje

meast yn it teken fan in ritsje Warkum

Net foar de ferrassing

want at er iets net feroaret

is it wol it barren bij de haven.....

Der stiet âld spul en dizze kear stiene houten kroaden wer sintraal

Op it selde plak as oars stiene wer wat muzikanten
dy't fiskersferskes songen op âlde ynstruminten

Wij hiene Jelske mei, dêr wie alles nij foar

Wachtsje foar de brêge en in moai sicht op de haven

In rikke hearing op de leagenbank (ligersbolle) ite

harkje nei in koar mei sliepferwekkende ferskes....

En Jelske fûn it prima dat ek wij ús efkes deljoegen yn de sinne

Pake - en beppedei

"Foar altyd jong"

wie it tema fan de bernboekewike

dat betsjutte dat de skoalle de doarren iepen setten

foar pakes en beppes

De mienskipsromte yn deit Trochpaad

wie mear as fol mei pakes en beppes

Wij seagen bij Jelske, 4 jier, groep 1 dus

wij seagen wat se diene, wat se kinne, en wat se makke hiene

der wie mear oandacht foar de kleuterdingen as foar pake en beppe

trije talige skoalle dus.....

Rêstich

It is wat rêstich op de blog.

Dat stiet mij mar min oan.

It is krekt of haw ik it te drok.

Of haw ik gjin sin mear...?

Ik haw seker noch wol sin,

Te drok dus...

Nei 1 novimber wurdt alles better. 

Dan stop ik mei wurkjen

En sis ik jim ta dat ik folle faker

wer tiid nimme kin om wat te finen...

Ik sjoch der nei ú:

It stoppen mei wurkjen

en it stikje skriuwe

Folk yn Ljouwert

Ljouwert neamt him ek al Folkcity

seach ik yn in folderke:

It kommende winterskoft in stik as 6 jûnen op sneon

mei ûnder oaren Gerrit Breteler en freonen

In opwaarmer foar dit alles wie it folkfestival

op freed 23 septimber yn de Harmony

Wij wiene der bij 

en it wie alderaardichst,

en tige gesellich.

Dy gesellichheid kaam foaral troch in tsiental dûnsers
dy't neist in folksdûnswurkwinkel

bij alle optredens soeral trochhinne dûnsen.

Sels de muzikanten fan Fling

wiene ferrast mar ek fereard dat 

harren optreden

opfleure waard mei dûnsende steltsjes

It wie in moai gesicht

de grize golf dy't noflik yn stuollen efterút hong

en dat fleurige dûnsfolk der foar, efter en tuskenlâns

Fling, muzikaal sjoen in prima band.
en it waard in fleurige boel bij de dûnsers derbij

Dubh Linn, trije Ieren dy't tochten
dat it sjongen fan grutte Ierke hits 

en it meiklappen genôch wie
om de minsken in oere te boeien....nee dus

Stroatklinkers, gesellich en in ferskaat oan 

muzyk en ynstruminten en spile mei emoasje

Ad Vanderveen en Kersten de Ligny

wie adembenimmend moai.

Sij krigen elkenien yn de hal fan de Harmony stil

mei prachtige sang en syblym gitaar-en harpwurk

Wat in gemis at je dy noch nea sjoen ha.....

De Drops of Green mochten ôfslúte:

4 mannen út Ierlân
mei in goeie fariaasje tusken meisjongers en ballads

en dat gong der prima yn bij

de ûnderútsitters,
de hegetafelsteanders,
de barhingers
en de dûnsers

Al mei al in prima jûn

mei te min minsken

mar ja der is ek safolle

Freed 23-9

It wie in moaie  freed

In rûntsje lisfytse en mei stoofparren thúskomme

De huldiging fan Liesette Bruinsma op de Terp yn Wommels

It Folkfestival yn Ljouwert mei ûnder oaren Ad Vanderveen en Kersten de Ligny
En wat kinne dy twa spylje en sjonge...

Greidhoekfestival

Prachtich fansels dy moaie resinsjes

yn de krante en op ynternet

dy't de mannen en froulju fan de organisaasje  krije

nei it sechsde festival yn Wommels

Ik doch der noch in grut komplimint bij,

út namme fan in hiel soad besikers

want wat haw ik in soad positive reaksjes heard

op de jûn sels

fan  minsken dy't altyd komme

of foar it earst de stoute skuon oanlutsen..

wat haw ik in soad fleurige minsken sjoen

op de jûn sels

En dêr docht de organisaasje it foar....

foar de minsken en de bern hjir yn de buert

sadat se net nei Lowlands hoege

It selde fermaak

de selde goeie muzyk

de selde bijsûndere dingen 

dy selde kreativiteit

mar dan allegear wat lytser

wat nofliker

wat koarter

wat fertrouder

wat goedkeaper

en folle leuker

At ik de foto's no besjoch

dan is der mar ien konkluuzje

it wie super goed

at ik de muzyk weromhelje yn myn earen

dan kin ik allinne mar sizze:

it wie geweldich.

der siet net in ferkearde band bij.

de moaiste twitts nei ôfrin kaam út Winsum fan 

Prachtige jûn hawn tn Wommels. Mei syn 4en Bob de fiets nei @Bob_Greidhoek Bierke, hapke, én ferrekte gezellig! pic.twitter.com/oQfEGLoWQz

omkomme per boat.......

binnenkomme mei 1000 kraanfûgels

the Blind Roovers

Jick Munroe & Amazing laserbeam

Fytse yn de Bildthoeke

Fytse yn de Bildthoeke
wie net echt populêr.
neffens mij.

it waait dêr
it waait dêr altyd
it waait dêr altyd hurd.....

en al hoe rom it dêr ek is,
mei de Waddensee op de eftergrûn,
al hoe moai it ek is
om op of lâns dy seedyk te fytsen,
en al hoe bysûnder dy AldeBildtdyk ek is,
mei syn ferskaat oan húzen;
en al hoe gesellich dy doarpkes ek binne,
fytse dat dogge je dêr net
want
it waait dêr altyd hurd........

Snein waaide it net hurd,
dus wij nei it Bildt.
in rûntsje fytse.

wij hawwe in prachtige middei.
en wij net allinne,
it is dêr in drokte fan belang,
mei fytsers
en foaral E fytsers

At er ien gebiet yn Fryslân
profitearret fan de opkomst fan E-bikes
dan is dat de Bildthoeke

want wat is der moaier
om noflik yn standsje 2 of 3
in hurde wyn te trotsearen yn it Bildt
en in stel út de Greidhoeke
op gewoane fytsen
foarbij te fleanen

Noch twa pakken Brinta

“Bist al oan it ôftellen”,
freget mij wolris immen
It giet dan om it stoppen mei wurkjen.
1 novimber
2016
In nije útdaging wachtet
”prépensjoener”
Op de fraach oer it ôftellen,
Wie myn antwurd okkerlêsten
Ja,
ik bin oan it ôftellen:
noch 700 kilometer wenwurkferkear
en noch twa pakken Brinta.

(ik yt allinne Brinta at ik nei it wurk gean)

Fannemoarn kaam ik bij Minze thús
In kollega út Snits
wêr’t ik tiisdei meiriidt nei Beetstersweach.
Der stiene twa pakken Brinta klear…….
ik fertink Bouwien hjir fan
syn frou...

In hint?
Útstelle?

Dit wurde grutte boarden fol oant 1 novimber ta.....

Feroarje

Ik rop it al jierren

en dan moatte se gnize

dy kollega's fan mij....

dêr ha je him wer......

no wittensiplik bewezen

( ik haw it altyd socht yn in oare baan)