De toer krekt bûten Easterwierrum
dêr haw ik noch nea west.
It is hjoed sa'n dei om de rinskuon oan te dwaan
en yn en om Easterwierrum te rinnen.
"Der moat hjir in paad wêze"
sis ik tsjin Jellie at wij oan de râne fan it doarp bij de Tysker stean
en de toer yn de fierte sjogge
De rinbuordsjes sjogge wij
de brechjes ek, mar in paad leit der net.
Dit is dus swalkje.
in paad sykje troch it lange gers
en besykje net yn de hûnestront stean te gean.
At dat slagget stean wij bij de terp
mei de toer der op.
Yn 1903 is de tsjerke ôfbrutsen
mar kin de toer bewarre bliuwe.
Wij sogge in slach oer it tsjerkhôf
en ik sjoch noch in stien fan in Hofstra
Jûn mar efkes sjen at dy persoan ek noch in plakje krije kin
yn myn stambeam
In opmerklike tekst oer it libben bij it hôf
Werom yn Easterwierrum, lâns de dyk werom,
sjogge wij efterôf ek noch in toer stean.
Troch in steegje komme wij bij in tsjerke mei toer
dy't yn gebrûk is as fakânsjeferbliuw
De foarkant eaget as in tsjerke
de sydkant hat keunststof kezinen en sinnepanielen
en de efterkant hat in oanbou mei terras ensafuorthinne
Dizze tsjerke is dus yn it plak kommen fan dy oare dy't ôfbrutsen is
want der stiet "gesticht yn 1911"
Mei oare wurden, de iene is ôfbrutsen en 8 jier letter wie dizze klear.
Easterwierrum hat twa wetterkes.
en in skoalle dy't leech stiet,
mar dêr komme apparteminten yn at alles goed giet.
Wij meitsje de 4 kilometer fol
en hawwe oan twa tsjerken genôch
want der is ek noch in katolike parogy mei in tsjerke yn Easterwierrum.
At der in kroech west hie en waarm
hie it miskien tiid foar tsjerkebier west
want dat wurdt yn dit doarp makke
Geen opmerkingen:
Een reactie posten