It falt net ta

It is wat 

âld wurde meie,

it falt net ta;

se sitte dúdlik yn de hoeke

wêr't de klappen falle

Geastlik of lichaamlik lijen

geane somtiden hân yn hân

it tinken wurdt wat ferjitlik

en in fal leit op de loer

falle,

dat mei net mear sa faak;

tehúzen jouwe boetes

at je te folle falle

dus.. in gat yn de merke

En sa wurde de âldtsjes twongen

om djoere kursussen te folgjen

yn sportskoallen

leare om te fallen......

om foar te kommen dat je wat brekke

soe oars ek wol wat wêze 

foar de besitters fan de nije I-Phone

sa'n falkursus mei as doel de snútfoan hiel te hâlden

want dy brekt gelyk midstwa
bij de earste de beste fal

 in fjoerwapenferbot yn Amearika
dat soe oars ek wol wat wêze
dan falle dêr fêst minder deaden

en fierders:

falle de mosken noch net fan it dak

is it kwartsje bij mei noch net fallen

fal ik oer sokke berjochten

lit ik miskien wol in stek falle

bin ik net op myn efterholle fallen

fal ik miskien wol út de toan