Wite bôle

Dizze kop seach ik yn de krante stean
bij in artikel oer de Voedselbank.

Ik tocht er oan doe't ik dizze wike  op Amelân wie,
as lieding bij in skoalkamp

15 bern dy't krekt as ús froeger
op moandei mei in tasfol klean en snobberij
bij de boat yn Holwert klear stean

snobberij,
wêr't ik it hiel jier net oankom
mar no de hiele dei op traktearre wurdt

want wat wurdt er in soad dield
en ik fiel mij suver oplitten
dat ik gjin snobberij mei haw..

werom  nei de titel fan dit stikje,
de wite bôle
boppemjittich populair bij dizze bern
yn de leeftyd fan 11 12 jier

it griist mij oan al dat wite spul
mar it is moai dat elkenien moarns
oan tafel sit, sûnder tv oan
en gewoan bôle yt,

ek al is it wite.

grappich is ek om te sjen
dat plaskes oerbliuwe
nee, ik sis it ferkeard
dat alle stikje bôle oerbliuwe
wêr't ek mar in ôfrinnende koarste opsit

en dat is per bôle sa'n trije stikjes,
oan beide siden

De iene brûne bôle is ek opkommen,
mei trije yn de lieding