De hikkepeal is foar de skries,
dat is al sa sûnt Waling Dijkstra de sin opnimt
"skries op de hikke"
yn syn ferske "wat bisto leaflik rizende simmermoarn"
Dy skries op dy hikkepeal dêr mei ik wol oer
Op Skrok binne skriezen en hikkepeallen
Hikkepeallen deun bij it fytspaad
Ik rin dêr sneintemoarn.
Gjin skries op de hikke
mar wol wat oars op de peal
In doaske bokjes
Yn 1960 wurd ik 6
Fan de beukerskoalle oan de dr Sipke Stapertstjritte
nei de Herfoarme skoalle oan de Hofkamp.
Se hawwe it spesjaal opkreaze foar mij
want it sil dochs gjin tafal wêze
dat it "sombere en trieste"gebou
der "verheugend" moai útsjocht.
Alteast dat stiet yn de Boalserter Krante fan febrewaris 1960
It wie mij yndie in genoegen
"Wolst lêze, helje mar in boekje"
dat sis ik meast tsjin Brecht fan twa.
9 fan de 10 kear komt se mei deselde twa boekjes.
Dy hellet se sels út in kastje
Woansdei is it moai waar
en wij sitte bûten
Brecht is mei fan alle dwaande
en se liket moai te boartsjen
At se nei hûs is, komme wij yn de keamer
It kastje is leech
alle boeken binne der út,
dat hat noch in hiele klus west
en ik haw net iens foarlêzen
Dat je dat noch meimeitsje meie,
stopljochten op Kramershoeke
It wie tydlik, je kinne no wer gewoan trochride
Sneupe troch de Boalserter Kranten ( online fanôf oant 1961)
levert moaie adfertinsjes op.
Tallships yn Harns, dat lûkt minsken.
Mei de jonges derhinne, op de fyts te fier
Dus de auto yn Kimswerd en mei de pendelbus fierder
Prima regele, net in tel wachte.
Werom ek net.
Moai de boaten
mar oare dingen meitsje mear yndruk.
Sa as it byld fan Hotze
en foaral syn want
Speltjses, dy sparren wij froeger
yn de jierren 60.
Je krije se bij in protte produkten.
Fergees en sa kinne je in moaie samling oanlizze
Letter, at ik grut bin, smyt it se fuort
Wat moatte je der ek mei
Sa net Pyt Postma út Wommels
Hij hat se bewarre.
Se hingje no yn de bybliotheek yn Wommels
Moai dien Pyt,
ik helje efkes herinnerings op
oan de VIVO en de A&O
Ik haw in gat yn de dyk melden bij de gemeente Súdwest Fryslân
Bin benijd wannear it oplost wurdt.
Der is wol immen dy't er sân ynsmiten hat
mar it flinke gat bliuwt
Dy Bob Dylan,
dy komt wer nei Nederlân foar twa konserten.
Syn lêste konsert yn Nederlân wie net om oan te hearen en oan te sjen
at ik de ferhalen op ynternet leauwe mei.
Hij en syn menutsjmint sil harren bêst wol dwaan
om it no fol te krijen.
Nee, dus
It betsjut dus
dat je eigen tillefoan dêr "ynseald" wurd
en dat je dy dan net brûke kinne.
Ek net as wekker
nei in sliepferwekkend konsert
De Boalserter Kranten oant 1961 binne digitalisearre.
Sij binne te finen op de wepside fan De Tiid.
Ik ha de moanne jannewaris 1960 efkes troch west
om te sjen wat it nijs doe wie yn Wommels
en wat der yn de krante kaam.
It is dúdlik dat er in stoarm west hat,
dat de "Chr HIst. kiesvereniging" in jiergearkomst hie,
dat der krekt in nije ULO hoofd kommen wie,
dat de skaakklup yn Wommels Vomelius hjitte en ....
dat myn heit yn de útslagen stiet mei in tredde priis
en dat is no nijs foar mij
.jpg)
.jpg)
170 helden
dy't swimme, fytse en hurdrinne,
dat is de Frysman triatlon,
dit wykein it evenemint yn Súdwest Fryslân.
170 heldenhelpers
dat binne de frijwilligers
dy't nedich binne om it mooglik te meitsjen
Broadsjes smarre, tassen fulle, tinten bouwe
dranghekken delsette, boeien lizze, flaggen ophingje,
kleden dellizze, fytsen kontroleare, startnûmers útjaan,
it winkeltsje beheare, ferkear regelje,
fersoargingsposten befroue
foarride op motors, foarride op fytsen,
kanofarre, sjuereare, út wetter hellers
EHBO-ers en noch tal fan oare funksjes.
170 heldenhelpers
en dy lykje nei 7 jier suver in bytsje famylje.
Wat binne der in triatleten bij
dy't in jier meidogge
en de jierren dêr heldenhelper wurde,
mei wille
Ik seach sneon om mij hinne
en seach net nei de atleten
mar nei de heldenhelpers
Dit binne de foto's
fan in grut oantal heldenhelpers
Flagje, ik haw der net safolle mei
De Fryske flagge bij ús bliuwt meast yn de meterkast stean
at it doarpsfeest, keningsdei of fiif maaie is.
Dy Fryske flagge ophingje
is soms noch wol in dinkje.
De pompeblêden moatte net op de kop.
Dat is in skande,
dêr kinne je foar op oansprutsen wurde.
Dêr haw ik wol mei
dat der wat fan sein wurdt
at de flagge op de kop hinget.
Dat fyn ik in skande.
Dat dogge je net, seker net mei opsetsin.
Dat dogge je net, ek al binne je in boer
Dat dogge je net, ek al hawwe je in trekker as wapen
"Wol pake ek keatse", sa freget Jelske fan 10.
"Mei mij, hjir foar"
Dat kin ik net wegerje.
At se fuotbalje wolle, jeu de boule, tennisje
ik sis meast ja tsjin de bern.
Mar keatse, dat bin ik (noch) net wend.
Se kin it spul heal, of noch iets minder
mar wij dogge in partijtsje en ik lis it har út.
Se krijt der suver aardichheid oan.
Fansels wurdt it 5-5 en 6-6
en net fansels, Jelske wint
Al dy platte ballen fan har krekt oer de line
ik kin der net bij.
Ik wit no wer, wêrom ik stoppe bin mei keatsen
dy bal fan de grûn pakke,
en dat hieltyd wer,
dat is neat foar mij.
Mar at Jelske wer wol
dan sil ik mij net fersette.
Fan Eagmaryp nei Nes bij Akkrum is mar in eintsje
at je mei it pontsje (nije skou) gean tusken Stobbegat en Akkrum.
Flakbij Akkrum leit Nes en dat doarpke hat twa hichtepunten:
de wettertoer en de klokkestoel.
In klokkestoel op in plak mei skiednis.
In grut tsjerkhôf mei wer in oantal bijsûndere fertuteaze "grêfstiennen".
Der lizze ek wat Hofstra's, sil sjen at dy ek yn ús stambeam passe.
De 23ste klokkestoel stiet yn Eagmaryp
mei in prachtige stekpeal.
Fanôf Sniksweach twa kilometer fierder
