Strip fan neat

Ik haw lekker fytst tiisdeitemoarn

Betiid fan hûs op wei nei Friens en Flânsum

Kofjetiid wer thús 

Yn de brievenbus leit in stripboekje

Ik nim de muoite om it troch te sjen

Wat in ûnsin, hat dy baptistengemeente rûnbrocht.

Frijwilligerswurk

 Woansdeitemoarn de helpdesk bemand

yn de byb

De belangstelling wie minimaal

Middeis de boarterstún hast ûnkrûdfrij makke

Untploffe

Hoe is it mooglik?

Woansdeitejûn goed 22.00 oere

ûntploffe der trije stadions

Dat fan FC Groningen, omdat se gelyk spylje

Dat fan PSV, omdat se no gewoan kampioen wurde kinne

Dat fan Feyenoord, puntferlies fan Ajax levert altyd wille op

en no ek noch de ferminderde kânsen op it kampioenskip.

Freonen op de fyts

Sûnt 2003 lid fan Vrienden op de Fiets

Totaal no 114 adressen hân foar in nachtje sliepe mei moarnsbrochje.

Frijwol alles yn Nederlân,

mar sûnt dizze fakânsje ek twa yn Belgie der bij.

Wij hawwe ek al twa yn Dútslân hân.

 

Beatriks

 

It bêste nijs dat sneon yn de Ljouwerter Krante stiet !

Het smoarge gat

 

Sneintejûn sjoch ik it berjocht dat de Haringvlietbrêge

fan middeis 14 oan jûns 19.00 oere ticht is fanwege in steuring.

Krekt in wike lyn, 

op sneontemiddei fytse wij oer dy brêge.

Middeis in oere as 14.15.

Dat hie wat west, 

oan de oare kant fan de brêge, 15 km fierderop

leit ús sliepersadres.

Dêr haw je gjin alternatyf.....

Het Vuile Gat is de bijnamme

Dy namme docht it ear oan.

Arena

 

Nei 14 dagen  fakânsje

(10 dagen fytse en 2 dagen bekomme)

is it wer tiid foar in muzykje

Nei Neushoorn yn Ljouwert

Wat in jûn.

Molstone klinkt as Deep Purple

en dat stiet mij tige oan.

(Klaas Hingst docht it slachreau)

The Ayreon Project is in muzykfeest fan komsa

mei wit ik hoefolle muzikanten

en wit ik hoefolle instruminten

en wit ik hoefolle ferskillende muzyksjenres.

Machtige jûn.

79%

 

Dat nim ik dan wer moai mei

at ik in rûntsje Nederlân doch.

12 gemeenten der bij,

foaral yn Brabân, Seelân en Súd Hollân.

Ik sit no op 79 %.

Mei sa'n grinsrûte kom je ek regelmjittich yn Belgie.

Dat is te sjen.

Ik sit dêr op 5 %

Ik haw it idee dat de weryndieling yn Belgie noch begjinne moat

60

 

Nei de Berkwertertunnel stie okkerlêsten dit ferkearsboerd.

Dat is raar, tocht ik.

Alle diken sûnder fytspaad binne 60 kilometer yn ús gemeente.

Ik skriuw op 17 spril in mailtsje nei de gemeente

dat dit net goed is.

Op 6 april krij ik antwurd

Geachte meneer Hofstra,

Wij hebben naar de situatie gekeken en wij geven u hierin gelijk.
Dit betekend dat het bord van 'einde zone 60' weg gaat en er een bord 'zone 60' voor terugkomt.

Bedankt voor uw oplettendheid!

Met vriendelijke groet,

Team Verkeer

Op 8 maaie fyts ik der wer lâns

Kompliminten foar dizze flugge ôfhanneling

Nee, it is net sa raar

dat je yn in fierstentegrutte gemeente wenje.

Grinsrûte

 

Oan in moaie fytstocht is in ein kommen.

De grinsrûte tusken Belgie en Nederlân folbrocht.

Mei Tsjeard en de jonges meiriden nei Eysden

en dêr de rûte oppakt.

Dan wer yn B. dan wer yn N.

Wij binne hiel wat grinzen oergien.

Rêstige paden, hast altyd.

It wie in fytsfeest.

De rûte begong yn Eysden

en einige yn Cadzand.

Wij hiene prachtich waar dêr.

Dan stean je yn Cadzand  

en moatte je wer nei hûs.

Yn 4 dagen dagen dien, 

mei in hurde kâlde noardenwyn

10 prachtige dagen

en neffens Jellie wie it totaal 805 kilometer

8 kear sliept bij freonen op de fyts

en 1 kear in appartemint fia Bookin.com

Oer de grins en werom

 

It soe samar wêze kinne 

(nee, it is wis)

dat wij de kommende dagen de reade line fytse

It is de grins fan Belgie mei Nederlân 

en dat bochtet aardich faak oer de grins

Maondei sette wij ôf bij Eysden

en dat leit ûnder Maastricht

Byld

 

Prachtich, 

in oar wurd haw ik net 

foar dit byld dat bij it âldereinhûs stiet 

yn Weidum

De ein of de nije wurklikheid

Ferline jier like Aaipop der in ein oan te meitsjen.

It wie úteinlik in 1 april grap

Dit jier like it of wie it net as in grap sjoen

Twa grutte tinten en in harkerseal

se wiene meast leech.

In "bytsje" minsken, in bytsje sfear

Twa kear nimt it meast hiele jonge folk 

wol de muoite mei syn allen nei de muzyk te gean yn de tinte.

Bij De Doelleazen en The Bounty Hunters

Foar in muzykleafhawwer lykas mij 

is der gelokkich noch wol oars en wat moais te sjen

In geweldich optreden fan Fegebart.

Hearlike sound mei in krêftich sjongen.

In band mei útstrieling

Janjakobus Seunnenga yn de Harkersseal

mei syn bijsûndere teksten en presintaasje

Lieten oer froulju en de dea,

sels syn eigen dea besong er mei gefoel

Foar de dea koene wij ek telâne 

bij de metal fan Stoflik Omskot

Prima optreden, mar dat sjênre past mij wol.

It slagge De Greideroaskes ek net 

om de lju yn de tinte te krijen

nettsjinsteande de enerzgy 

dy't foaral sjonger Hille der ynstuts.

Ik sjoch ek bij fan Batsum, Sletten en Skraal.

It ferrast net.

Ferrast wurd ik wol troch Something Else,

In lekkere sound mei de karakteristike stim fan Else van der Grift.

No mar hoopje dat de skea net te grut is

en dat er fertrouen is yn de takomst.

want it foar mij is al sa'n 25 jier 

in moai ritsje op peaskemoandei

Beam sûnder tûke en blêd

 

Dizze beam stiet  flakbij Lollum,

ik mei wol oer sokke beammen

80 jier befrijing

 Woansdeitejûn 16 april fierde Wommels

80 jier befrijing.

Oerdei in protte Wommelser flaggen oan de muorre

en jûns in rintocht lâns oarlochslokaasjes

Der binne yn Wommels gjin oantinkens 

en dat komt omdat er "net safolle bard is" yn dy 5 jier.

De rintocht begjint yn it Dielshûs

en bij it Reade Hynder wurde bij steande holden troch Pyt

ferklaaid en pratend as in Dútser

Er sagt dass dy Deutsers ein goed plak hatten yn it kafe

mit snapkes en bratworsten

is war da better wie auf dy Hofkamp

Pyt siet alhiel yn syn rol....prachtich!

Bij de Hofkamp stie in eardere tsjerke en  doe in gymlokaal

wêr't se earst sliepplak hiene

Dit wie yn myn skoaljongestiid it gymlokaal

Dit wie myn herfoarme skoalle dy't dêr bij stie.
Ik haw dêr 6 jier opsitten mei genoegen

Wij rûnen lâns it tsiispakhûs

en sjogge dêr in moaie filmke oer de molkstaking fan 1943

Wij heare yn de opkeamer fan it earder gemeentehûs

it ferhaal fan de boargemasters dy't net allegear fan Oranje holden.

Wij rinne nei in gebou op de Hottingawei

wat tsjinst die as distribúsjekantoar

Dêr is in oerfal pleecht, bonnen binne meinommen

mar represailles fûnen wol plak ( op oare plakken)

Wij krigen ynsicht yn it iten fan doe 

en dêr siet net folle fariaasje yn

Wij seagen bij it plak wêr't de Kanadezen 

harren deljoegen foar in lyts momint

foardat se trochreizgen nei Peinjum

Wij koene ta beslút noch harkje nei twa koaren yn de tsjerke

Dat haw ik ien liet dien, 

want it Championsleague partijtsje tusken In Dútske en Italiaanske klup,

tusken in Spaanske en Ingelske klup

dat woe ik net misse

De jûn soarge foar in prachtige loft

In prima jûn mei nijsgjirrige ferhalen en prima regele

Dat er miskien wol 200 minsken de route rûn hawwe seit genôch.

MIddeis hawwe de bern fan de herere groepen dat ek al dien.

Hulde, organisaasje.

Verbazing wie der bij mij en wat oaren

dat er twa kear sein is dat Wommels bekend stie om syn NSB-ers

" Der wiene hjir in soad NSB-ers", waard der sein

Wêr't dy   stellige útspraak weikomt, begryp ik net.

Dêr bin ik wol nijsgjirrich nei.

It is úteinlik sa dat der in hiele minne dokumintaasje is fan de NSB-ers

Op ynternet wurdt oeral oanjûn 

dat der gjin komplete betroubere oersichten binne

Luchthapper

 

Ik fal oer de sin, 

"dan troosten wij ons graag met iets zachts, dat ook een beetje krokant is". 

Ik wist net dat dat sa wie.

Luchthappers neame wij dy dingen

Bildthoeke

 

Foar wat tulpen besjen 
hoege jim nei de Keukenhof of Noard Hollân
Tusken Sint Jabik en Minnertsgea sjogge jim dit

De Groate kerk yn Sint Jabik,
it is bijsûnder gebou

Binnen en bûtendyks, it is keale flakte op dit momint
útsein wêr't wij tulpkes bloeie

Bûtendyks fytse dat moat kinne sizze se.
Se sizze wol mear. It stek op slot

Oosthoek en Westhoek, twa hast ferjitten "doarpsnammen"

Sprek dit mar ris op syn Bildtsk út.
Sjoen yn Sint Anne

Yn in protte doarpen yn de Bildthoek
herinneringen oan it spoar.
Dit is yn Sint Jabik

De tredde man

 Ik haw de Fryske spreukekalinder

Dy is ûnderwilens út de hannel helle

fawege grutte ^ynsin en min Frysk

ik haw him noch yn it húske lizzen

en mei mij dêr alle dagen in heale minút argewaasje ha

Yn op 'e Skille stiet dizze wiisheit mei in oersetting

Ik wit net, mar neffens mij klopt dit net

De tredde man bringt it praat om 

is hiel wat oars.

At twa minsken in goed petear ha

en der komt in tredde bij stean

dan is it praat oer dat ûnderwerp oer

en giet it faak in oare kant út.

Diel it paad

Op in dei fyts ik op de Alddyk

Dy rint fan de Wynserdyk nei de van Sminealeane

Dêr leit sûnt in pear jier in prima betonpaad.

Der stiet in wyt buordtsje mei de tekst

"nei 400 meter rin en ruterpaad"

In gewoan wyt buordsje.

Yn de fierte rint in hûn mei in frou oan it tou

At dy hûn mij oankommen sjocht, 

lit er it tou mei de frou los.

"Dit is net foar fytsers", 

byt dy frou mij ta

wylst de hûn in poging docht 

mei te riden tusken myn speaken.

Ik sis neat en de hûn siket it hazzepaad.

Ik haw troch de jierren  wol leard 

om net te reagearjen op dom praat

Thús sjoch ik de status noch efkes nei 

fan sa'n wyt boerd mei tekst.

Gjin status

Hjoed fyts ik der wer lâns en wat sjoch ik

Us fierstentegrutte gemeente hat goed wurk dien

Hiel goed.

Ik hoopje dy hûn mei dy frou oan tou 

dêr wer tsjin te kommen

Ik hoop ek dat de frou dan wol oan it tou sit

(want dat jout it plaatsje dúdlik oan)

oars moat ik har in ferstannige rie jaan

Neeeeee

Hawwe se dy Sicko fan Jellum krekt begroeven 

mei in soad bombary mei op é Skille as parse

en dan binne wij der noch altyd net.

Wer in hiele nutteleaze side yn Op é Skille

Mei wat pech is der nije wike wer wat.

Grave se him op?

omdat hij op de ferkearde side leit

of de ferkearde pyama oan hat

Ik bin benijd

Fenix festival

Op freed haw ik ek al efter de muzyk oan west

Neushoorn hat  wer it Fenixfestal 

en dat is mij ferline jier poerbêst befallen.

Om 19.30 stean ik al bij de earste band te sjen

Bad Luck Baby, in moaie sound en in prima sjongster

Ik wol myn favoritesjenre fansels net misse

dus op tiid nei de metal fan

Death Möth

Dat foel mij net mei, 

om net te sizzen dat foel mij tsjin

Dan mar enerzjy helje bij in podium fol muzikanten

en Thomas  Azier as fokalist 

De grutte seal is grotfol en ik sykje boppe in plakje

hingjet op de reling 

yn de ferwachting dat ik dit net útsjoch.

want ik bin allergysk foar toetermuzyk.

Mar it is yndrukwekkend wat ik sjoch.

Azier, dy't ik fierder net echt kin, ferrast mij. 

It Noordpool orkest ferfeelt mij net

Dan is it noch mar 21.00 oere

en meitsje ik mij op foar punk

Graaflandgraaf yn de Arena

Wat in hearlik, hearlik optreden

Dat is 40 minuten echt genietsje

Bildtstar is mij bekend genôch

mei Ruben Mulder op toetsen 

makket it ferrassend oars as oars

Bildstar mei Ruben Mulder

It fjoer dat de boel opljochtet 

docht it noch altyd prima

Ik sjoch it net út

want Alexander Moto is mij ûnbekend

en dêr kom ik ek foar: Unbekende arysten

Rap is net myn sjenre, 

mar ik fyn it wol bijsûnder moai om te sjen

Mayte mei band lûkt in fol kafee.

De stevige nûmers komme prima oer

bij de yntimere nûmers hawwe de praters it foar it sizzen helaas.

It is kertier oer alven

Der komt noch hiel wat jongfolk binnen

foar harren sjenre oant 2 oere ta

ik gean nei de bus

In moaie jûn sit der wer op

Good moon - goeie moanne

It is sneontejûn 

It is hast tsjuster

Echt tsjuster sil it net wurde

De moanne is fol

Ik fyts nei Itens

Fytsljochten komme mij temjitte

lampeljochten en de moanne,

dêr kom ik op ta.

Nei Muzykkafe Itens

Harkje nei Bad moon Rising

ien fan wit ik hoefolle hits fan Creedence.

Op nei tributeband Callahan Clearwater Revival

Wat in feest is it wurden

Jong en âld sjongt en dûnset 

as wie it de jierren sântich.

In machtige jûn mei dizze band

dy't oanfielt wat men moai fynt hjir

De 4 mannen yn houthakkersblûske

komme graach wer.

Oan belangstelling silt it dan net lizze tink ik,

Dizze 170 komme wer en 

oaren sille waarm makke wurde troch entûsjaste ferhalen.

Wite wiven

 Yn de Lc fan hjoed stiet in foto 

fan de leechhingjende bewolking oftewol dize.

De foto wie aardich mar koe net op 

tsjin myn eigen waarnimming.

Ik sjoch mij tiisdeitemoarn de eagen út 

op de Slachte efter Kûbaard

Dat binne wite wiven, skreau immen op myn Bluesky -akkount

It haw dus mar wat ôfstân holden

 

Fuotbal

Wat kin fuotbal soms moai wêze

Sels yn de 4de klasse fan it sneinsfuotbal

Snein nei Littens, want dy moasten tsjin Blauhûs

Littens aardich fan boppen en Blauhûs stridend tsjin degradaasje.

Gjin taktysk gedoch, gewoan fuotbalje 

om doelpunten te meitsjen.

Ferrassend skoareferrin

want Blauhûs komt foar en bliuwt foar.

Skitterjende doelpunten 

Tidens de wedstriid yn selskip fan Lyckle Bleekveld

en dan haw je sosjaal sjoen in moaie middei.

En hij sjocht hiel oars nei it fuotbal

en hie gelyk yn de gaten dat er bij beide teams

en seker bij Littens gjin organisaasje wie.

Dan krije je sokke wedstriden.

Yn it skoft krige ik de 'earste helt analyse' fan

Okke van der Kamp ek in trainer.

Einstân 4-5

Nei ôfrin piza en bier en in protte folk

Myn dei wie al slagge 

en doe moast Manchester U noch begjinne tsjin Manchester C

.....en dat helle it net bij wat earder dy middei sjoen ha.

Winter

 

Wat wie it fannemoarn wer moai op Skrok

Mei 0 graden krekt wat winter en in moaie dize oer it lân

Sicko

De lêste jierren (!) wurde wij hiel goed bijpraten

oer Sicko van Dekema út Jellum

yn ús pleatselike twa wyklikse krante op 'e Skille.

Man, man wat in ferhalen alle kearen

en dêr bin ik hielendal klear mei.

Ik bin benijd wa't bûten Jellum en Bears soks allegear noch lêst.

Hawar, it djiptepunt hawwe wij no wol hân

hoopje ik dan mar:

de begraffenis fan "jonker Sikke"

dy't al ieuwen dea is.

De boargemaster fan Ljouwert hat it sa te sjen net drok

Hij bestege syn kostbere tiid oan dizze flauekul

Of moatte wij dy kant ek út yn Wommels

Dr Sipcke Stapert 

wannear sille wij dêr in happening fan meitsje?

Wat te tinken fan de Freule of Sybren de Vlas

of binne dy noch te koart dea.

It lytse

 

Bij polder de Waal en den Burg

de striid tusken see en wetter

Wat in prachtich natoergebiet is dat.

In rûntsje der omhinne fan sa'n 15 kilometer 

oer prachtige fytspaden

In pronkje

 

Wa wol op Tessel west hat

en net allinne oandacht hie foar den Burg en de Koog

is fêst wolris troch den Hoorn fytst

Dit is in pronkje  fan in tsjerke fyn ik

yn it iepen lânskip raast dy om oandacht