Moai festival yn Snits
'Kei hurd' hjit it
en it is yn it Bolwerk.
in stik as 10 bands fan middeis oan 't jûns.
Ik kin it net litte en fyts der hinne foar trije bands.
Stoma,
Kronol (ferrassend goed) en
Incursion Dementa
Foar dy lêste kom ik feitlik
Hearlik
Is Hieslum sa dea as in wjirm?
Dat frege ik mij ôf.
Dus fytste ik der hinne.
Yndie, it rint dêr sân kear dea
Mar is it in dan in dea doarp.
Se hawwe dêr in muzyk buorkerij, mei in soachfunksje
se hawwe in kamping mei sa no en dan in festival
se hawwe in skitterjend fytspaad om it tsjerke hinne lizzen
se hawwe in ferhaal oer in delstoarten fleantúch
en Hieslum hat 9,54 kilometer oan diken
en dêr haw ik 56 % fan fytst
De rest wurdt him net,
in stek, in kowepaad, in hûn en in dongbulte
wiene blokkades
 |
| de reade linen binne it swarte diel binne net te befytsen |
De les wurdt mij lêzen,
en terjochte
Okkerlêsten joech ik oan dat ik in bepaald boek lêsde.
Op it momint fan typen, sloech de twivel ta.
Is it ik lêsde of ik lies....
Bij twivel gûchelje ik
in flater,
want at oaren skriuwe fan lêsde
dat hoecht dat noch net goed te wêzen.
Ik wurd op ôfstân yn de gaten holden.
Myn 'ansichtkaartstjûrdersfreon' wiisde mij hjir op.
Ik krige in nije kaart út Manchester
mei de 'warskôging' dat it lies wêze moat.
Yn it digitale Fryske hânwurdboek stiet it ek sa,
sjoch ik no ek.
Tenei sil ik dat rieplachtsje bij twivel.
In taalkuier yn Wommels, organiseare troch de biblioteek.
In kuier fan de byb nei it tsiismuseum.
Tidens dy kuier mocht ik iets fertelle oer de gebouen
dy't noch herinnerje oan de goeie âlde molkfabrikentiid yn Wommels
De tiid dêr foar en de tiid dêr nei.
Wat in prachtige jûn hawwe wij.
In stik as 10 minsken út in oare lân en in oare kultuer
en wat minsken út eigen doarp dy't helpe mei taalles.
Wij prate Nederlâns (dat is wenne)
en wij reitsje aardich yn petear meielkoar.
Yn it museum docht Ger van Putten syn ferhaal
en erfarings oer tsiismeitsje wurde útwiksele.
Wat in moaie ynsichten komme oan de oarder.
Kin wol wer ris...
 |
stie freedtemoarn bij de wynmûne fan Iens en Wommels
It wie it kearpunt fan de fytsers
dy't meidiene oan de jeugdtriatlon
Nei twa kilometer bealichjen yn de wyn op,
mochten se mei wat oanmoedings fan mij werom nei it swimbad
om dêr noch wat rûntsjes te draven.
Wat wie it wer in moaie barren.
Swimme, fytse en drave
Twa skoallen út Wommels en ien skoalle út Weidum diene mei
It giet net om winne, mar om it meidwaan
Nei ôfrin krije se allegear in kreas oranje teasjurt.
Vera yn Grins,
Net dat ik der faak kom
mar in moaie skiednis fan 50 jier popmuzyk
dat is prachtich.
"Niets zo leuk als een band op het juiste moment zien en horen"
stiet der yn de tekst yn dit artikel
Dat kin ik ûnderskriuwe.
"Idles", no wrâldferneamd
dy seach ik dêr yn 2018 op in gewoane tongersdeitejûn.
Dat fielde doe sa bijsûnder
en dat wie it dus efterôf ek.
Dit jier gjin Jorwert iepenloft foar mij.
Ik bin net fan de mjoesekuls,
better sein ik moat neat fan dat soarte fermaak ha.
Jorwert kiest der dit jier foar dus op syk nei alternatyf.
Arum
Baarderbuorrenbosk
Nea west,
mar wat in moaie lokaasje
Wat in hearlike sfear bij it stik Speak.
Om te gnizen fanwege it bisarre ferhaal
en de moaie, faak dûbele teksten.
Om te janken fanwege it tryste ferhaal
Mei oare wurden it wie fan alles wat.
Lekkere stevige muzyk wat wol ik noch mear.
Yn Aryn spylkje se ien kear yn de trije jier.
Ik sjoch der no al wer nei út.
.jpg)
.jpg)
Fiifhûs
ik wit wêr't it leit, mar der hinne fytse dat bliuwt mar der bij.
Oant snein, at ik op de fyts nei Blauhûs gean
om bij it fuotbaljen te sjen.
Under de reek fan Wolsum,
leit oan de Boalserterfeart Fiifhûs.
Ik fyts der hinne
en kom bij in in streekje huzen.
Ik sjoch gjin bijsûndere dingen.
Thús sjoch ik noch efkes op ynternet
at Fiifhûs ek in ferhaal hat
sa't elk doarp dat hat.
Ja dus.
Nijsgjirrige side oer Hantsje Zijlstra
Neiskrift
Krige in tip troch oer de doku fan NPO
Sjoch hjir
Sosjaal, belutsen, konkreet, ûndernimmend,
humorfol, yn foar in diskusje,
mar boppe alles in famyljeman,
dat is
Norman
ús sweager, troud mei Tineke, Jellie har sus
Ik learde him kennen yn 1978.
Hij wenne yn Alkmaar en wij yn Hichtum.
Wij skreaunen elkoar earst brieven
yn it Bokwerders
Dat is ús kompromy
Hij neamde himsels Jan de Hollander
Frysk prate is der net bij, mar hij ferstiet it wol (sa'n bytsje)
ek al is hij berne yn Noard Hollân en wennet hij dêr
Mei Norman yn de famylje komt der dynamyk.
Gjin Hollânske bluf mar diedkrêft
It famyljewykein op in kamping, no al hast 25 jier,
is útgroeid ta in bijsûnder Holtrop barren
en mei Norman der bij ûntwikkelt it him hieltyd mear.
Nijjiersdei, in buorrel meielkoar?
Gjin probleem it kin wol bij harren yn Frjentsjer,
wêr't se no al lange tiid wenje
In wykein fuort mei de seis Holtroppen en oanhing
Norman regelt mei en geniet der fan.
In moaie herinnering (2018) is ek ús muzykjûn yn Amsterdam.
Dropkick Murphys yn Afas Live.
Tsjeard en ik nimme Norman en syn soan Martijn mei.
Wij drinke foar, wij drinke nei en dêr tuskenyn rocke wij.
Norman bedarret yn it pit en wit net wat him oerkomt.
 |
| Amsterdam noch efkes yn |
Ein maaie is hij der noch bij op it famyljewykein yn Elsloo
Hij set tinten op foar de bern,
sa't er dat altyd dien hat sa'n wykein.
It kost him in soad muoite dat sjogge wij allegear,
mar foar Tineke en de bern en bernsbern stiet hij altyd klear.
Ek de famylje kin altyd op him bouwe.
Ien fan syn spesjaliteiten is de reade wyn útsykje
en yn it wykein priuwe.
Op 1 septimber 2024 is Norman stoarn nei in koart sykbêd.
Noch mar 78 jier.
Ik sil him misse,
wij sille him allegear ferskriklik misse.
 |
| jongkeardels, hij en ik |
In stik oer wite sokken
dy hawwe wij allegear hân
dat wie wat oars as dy swarte, donkerblauwe of grize.
wite sportsokken dat it west
Wite sokken, it stie sportyf.
en je koene se oeral bij drage
at it mar net yn de sandalen wie.
Dat wie as flokke yn de tsjerke.
No lês ik dat wite sokken der wer ynkomme.
Ik haw gelyk sjoen
at ik noch wat fan dy eardere wite sokken
yn myn sokkela lizzen ha.
Dat is net sa.
Dy haw ik allegear brûkt om de fyts skjin te meitsjen.
Wite sokken
jim sille mij der net wer yn rinnen sjen.
Ik haw lêsten 12 pear deselde (donkerblau) sokken kocht
dêr kin noch hiel lang mei ta.
" Hjir is Nix" stiet der op in buordtsje
yn de buert fan Arum, Kimswert en Peinjum.
mar wol in ûnferjitlike herinnering meinommen
It is hjoed 50 jier lyn dat de seestjoerders ferbean wurde.
Veronica en Radio Noordzee wiene illegaal en stjoerden fanút see.
In ferdrach fan Straatsburg ferbiedt dat fanôf dat momint
Veronica, ik bin der mei op groeid.
Alle popmuzyk komt yn dy tiid binnen fia Veronica
Myn ferskillende transisterradios hawwe mar ien stjoerder
Veronica
Op ien fan myn plakboeken stiet dan ek net foar neat dizze sticker
Ik woe graach dat se bleaunen,
mar helaas de polityk net.
Hjoed stiet radio 5 yn it teken fan dy seestjoerders.
Foar mij herinneringen
oan dy stimmen en tunes
en fansels oan de muzyk út dy tiid
dyt gelokkich noch in hiel soad te hearen is op radio 5.
Bij Ajax giet it net sa goed.
Dat is foar de parse smullen
Der is altyd wat te skriuwen
Sa ek it AD
Sij skriuwe oer Bergwijn.
Lit mij begjinne , dat dat net myn favoryt is.
Ik fyn dat hij in mislike útstrieling hat
No sit menear it meast op de bank
want syn kwaliteiten komme der mar net út
de lêste twa jier.
Dêr giet dat stik oer
Hij soe feitlik ferkocht wurde moatte
mar hij kin syn fermiende kwaliteiten net sjen litte
want hij is of bleasseare of passeare
Dan lês ik yn datselde stik
dat hij 5 miljoen per jier fertsjinnet.
5 miljoen
5 miljoen per jier
It betelle fuotbal is siik, deasiik
De Swarte Kat hjit it dêr
en dat leit oan de Ronde Hoep
It is oan de Amstel en dêr binne ek noch in oantal boeren
Dy hawwe harren eigen molkepakken
Foarlêze is prachtich wurk
Foarlêze op it timmerdoarp
jûns bij in kampfjoer foar 50 harkjende bern
is echt "fet cool"
Yn in spesjale pelletstoel lêsde ik woansdeitejûn twa ferhalen foar
mei it tema "Op een Onbewoond eiland"
It twadde ferhaal gie oer twa bern
dy't op in timmerkamp west hiene
skipbreuk krigen op in ûnbewnne eilân oanspielden
en alles wat se op it kamp leard hiene
yn de praktyk bringe koene
It is in klus om op 75 % fan de diken fan Reahûs te fytsen.
Ik sit op sa'n 74 % en moat op syk nei in wat tagonkelike betonreden
dêr't ik wol komme kin.
Tongersdeitemoarn op syk nei 550 meter .........
It earste paad wie grind, los grind, net te fytsen
mar ik nim it risiko fan in fal.
100 meter binnen
It twadde stikje yn it lân einigt bij in bult modder
100 meter derbij..
It tredde stikje einigt foardat in blaffende hûn mij yn de kûten byt
50 meter derbij en gau útnaaie
It fjirde stikje is hast net te finen
en bringt mij mei muoite 100 meter fia in knoffelich paad fjirder
tusken maislân lofts, rjochts en foar
Dy rissultaten fan dit gedoch sjoch ik pas at ik thüs bin
en de gegevns ferwurke binne.
Sjit, sjit, noch 140 meter te gean
Nije wike in nije poging,,,,,
At ik Reahûs klear haw, hoop ik dat de kroech dêr iepen is
dan haw ik wol in Alpha bierke fertsjinne
Fan it grutte nijs wurde je hjoeddedei net bliid.
Ik sjoch der moarns tsjin oan om nei it nijs te harkjen.
Wat in ellinde mei al dat geweld tusken meardere lannen.
Gelokkich kin ik ek noch gewoan argewaasje ha oer lytse dingen
Nim no dat ferhaal oer de jarre yn Seelân
De kening en syn frou sille op wurkbesite yn Seelân.
No rûkt it dêr ornaris ferskriklik nei sipels
mar in amtner fan in gemeente hie betocht
om de boeren der op te wizen dat jarje net mei
at Willem en Maxima yn de buert binne.
De wurden dy't brûkt binne yn de brief
sjitte de boeren yn it ferkearde kielsgat,
Opskuor, wat sille wij no hawwe.
Seelân hat gewoan syn eigen geur
en dat is mei jarre, sipels en sâlt
Nee, ferbiede sa dat wie net de boadskip
"Der rekken mei hâlde, at it kin"
De boargemaster sjocht de jarrebui al hingje en
hij skriuwt in nije brief mei eksuses
"" Iets fan ferkearde wurden brûkt en it wie sa net bedoeld"
At foarhinne de boeren hjir bij Wommels begongen te jarjen
en de wyn stiet efkes ferkeard,
dan skeat ús mem nei bûten.
"De was moat yn, oars stjonkt alles nei jarre".
Tidens ús fytsreis sliepe wij bij "Vrienden op de Fiets"
Dat foldocht ús skoan.
Altyd wer ferrassende adreskes en gastfrije minsken.
Op ien fan de adressen sliepten wij yn in grutte loads
dy't ynrjochte wie mei tal fan âlde attributen.
Ien fan de earste tillefysjes
fan dy moaie âlde radios
âlde pannen, oar keukenark
en dizze prachtige typemasjine.
Net bêst dat wij dêr froeger meiwurken.....
Dit moaie boerd hinget oan boat
De priis is omheech gien
5 eurosinten mar leafst
Mei wat tape en in stift hawwe se de priis oanpast
Dat begryp ik wol.
In nij boerd kost wierskynlik krekt safolle
as de jierlikse mearopbringst
Ik haw sûnt april 2020 hast yn 75% fan alle gemeenten fan Nederlân fyst
It doel is 100 %
Dizze koarte fytsfakânsje levere wer 7 nije gemeenten op
 |
| De gemeente Voorst (grien) |
 |
| De gemeenten Renswoude, Scherpenzeel, Woudenberg en Uithuizen |
 |
| Landsmeer en Oostzaan |
Dêr wie der wer
it jierlikse romme rûntsje Iselmar,
Op moandeitejûn 20 oere betocht,
op tiisdeitemoarn om 9 oere fuort
It waar liket net sa gek, sjogge wij op Buienrader.
Net folle rein.
Wol in hiel soad wyn, docht letter bliken
mar dêr lette wij yn it foar net echt op.
Miskien hiene wij oars wol net fytst.
Wat in wyn, wat in tsjinwyn.
Earst nei Swol, it kin net op
Dan fia de Isel nei Ede
De wyn draait mei ús mei .
Tsjin wol te ferstean.
Fan Ede nei Oudekerk oan de Amstel
is it ek sykjen om lijte.
Sels fan dat lêste plak nei Heerhugowaard
hâldt it ek noch net oer.
De wyn is ynienen stiifwest
De lêste dei fia de Ofslútdyk is it
sa 't wij it graach wolle:
Foar de wyn.
Reinwetter?
Sa no en dan in buike
mei as djiptepunt Amsterdam nei Landsmeer
ien dikke bui
Wij hawwe bij it pont oer it IJ de reinjas al oandien
want de loft is sa skier as Yfke
De Prinsetún yn Ljouwert
is sneintemiddei faak it dekôr fan muzykoptredens.
In noflik plak, dêr bij de fiver.
Snein binne der fjouwer troubadoers
dy't de ferskes oer de tún klinke litte.
Der binne tal fan fêste harkers sa te sjen
want se binne klaaid fan hûs kommen
mei in kleed en in kuolboks
Se hawwe it goed betocht fan te foaren
want wij gean der wei mei dweiltrochwiete broeken.
Foar dat fuortgean hawwe wij twa optredens sjoen.
Graaflangraaf makke him mei skerpe teksten aardich drok
en dat mei ik wol lije.
Der sit fjoer yn syn optreden
Dat fjoer is gau dôve bij it optreden fan Alexandra.
Moaie stim dat wol
goed gitaarspul dat ek
mar oh hearken, wat ik net moai fyn bij troubadoers
binne dy swietsêfte ferskes.
Wij hâlde elkoar wekker en sette ôf foar
optreden 3 en 4.
Twongen, want wij moasten noch efkes nei it MCL
om efkes in koarte besite te dwaan.
Lâns de Swette werom
