Je hoege net fier om.....

 Je hoege net fier om it moaie te sjen.

Je moatte allinne op tiid fan bêde en

de kjeld trotseare.

Moai winterwaar, 

dus op de fyts nei Skrok en Meilahuzen

Myn Ziggo

 Se hawwe it op harren wize sa goed regele bij Ziggo.

Yn de "Mijn Ziggo"omjouwing kinne je in soad sels regelje.

Sa as it opsizzen fan in streamingtsjinsr.

Dat sels regelje kin, at it wurket.

Al twa wiken lang slagge it mij net.

In mail nei dy "helptsjinst" 

en nei 72 oeren krige ik in antwurd.

In allessizzend antwurd

"Sykje it lekker sels mar út

want it is in probleem en wij losse it net op foar dij"

dat is de strekking

Hjoed socht op forums, 

want at ik dit probleem ha, 

dan binne der fêst mear.

Ik seach in efterôf gouden tip.

Bisar gewoan.

Opsizze net fia Wifi, mar fia myn G4 of G5 abonnemint

dat slagget wol.

Dankjwol Ziggo, 

dat hiene jim ek as antwurd jaan kinnen

Bonkwert

 It is wat hijich oer it lân

at ik fannemoarn fia Iens nei Spannum fyts

Bonkwert is it doel, foar in rûntsje rinne.

Ik sjoch it net wat, 

mar hear wol geskraap oer beton.

Mei fiif man sterk binne se dwaande

it ûnkrûd en oare rommel fan it rinpaad te ferwiderjen,

sûnder lûdmeitsjend apparaat mei mei de hân en hânark.

De mannen fan Empatec 

dy't oars yn Berltsum en Bitgum it grienteam foarnje

binne no útliend om Bonkwert op de kreazjen.

It is in hiele klus

en moai dat se wat selskip oan elkoar hawwe.

Oan de ein fan it paad in paniel fan Waling Dijkstra.

Spitich dat ik wite letters op in wite eftergrûn lêze moat.

Dêr haw ik gau myn nocht fan

Suvelfabriken

Der binne fêst boeken

oer de suvelfabriken yn Fryslân

Der is ek wol in nijsgjirrige webside mei foto's

Sjoch hjir

Oseaan rees

 Fiif sylboaten binne dwaande 

de hiele wrâld oer te farren.

Ik folch it mei grutte belangstelling,

dizze "Ocean Race"

Fia filmkes, bylden en fansels de tracker.

Se binne no dwaande mei de twadde etappe

fan Kaap Verdie nei Kaapstad

Se binne no earne tusken Brazilie en Westelik Afrika

Op ûndersteande foto de stân fan saken

It blaue gebiet binne de saneamde Doldrums, 

dêr is gjin wyn.

Se farre no sa'n 5 knopen per oere

en komme dan út op sa'n 170 kilometer yn 24 oeren.

Mei wat normale oseaanwyn is dat gau 600 kilometer yn 24 oeren

De ferskillen binne noch net sa grut

Tusken de earste en de lêste sit no sa'n 84,6 mijlen

Jim kinne de rees hiel maklik folge

mei dizze link

Min rapport

 It soe net earlik wêze

at ik myn suksesrapport hjir allinne del sette soe

Dêrom hjoed myn alderminste rapport ea

Tidens de legere skoalle perioade wurd ik "klearmakke"

om nei it lyceum te gean.

In oantal sneontemoarnen geane wij al nei Snits

om wat lear,- les- en fytserfaring op te dwaan.

Yn dy tiid is der op sneontemoarn gewoan skoalle.

Mei twa fiven en in fjouwer gean ik net oer

en slút myn koarte karriere op it Bogerman lyceum ôf.

Efterôf bin ik der wol wis fan dat 

dat it net oan it learfermogen leit,

mar oan it sosjale aspekt.

Ik bin der gewoan noch net oan ta.

Yn july jierdei, dus in hiele jonge learling

en yn in klas mei in stik as 10 dy't it foar it twadde jier dogge

en dus folle âlder binne

en mear útgeanserfaring hawwe

dy't se graach mei mij diele

en wêr't ik in tige soad belangstelling foar haw.

Dat it twadde rapport noch in opmerking hat fan

"hard aanpakken" fan generaal Greep hat dus neat jûn.

Ik tink dat it krekt dêrom neat wurden is dêr.

Fabrykskeatsen

Tusken 1952 en 1982 wurke myn heit op it molkfabryk yn Wommels. 

Se makken dêr tsiis en bûter.  

Hij wie dêr sentrifugist. 

Yn myn herinnering wie der ek alle jierren fabrykskeatsen. 

Dat wie de ienige kear yn in jier dat hij keatste.

In krânse oan de muorre dat kin ik mij net herinnerje. 

Hij hie in soad fan mij!

Dy keatserij dat wie  in sportyf en sosjaal barren 

sjoch ik oan de stikjes yn de Boalserter Krante.  

Dat er op tsiis trakteard waard, 

dat begryp ik en dat Rivella (de reade tink ik)  út Wolvegea de doarst leste ,

 fyn ik logysk, 

mar dat der rokerij foar publyk en keatsers beskikber wie en dat ek de prizen rokerij wie, 

je kinne it je no net mear foarstelle

Skiednis

 Al dy kwissen mei fragen oer skiednis

leverje in soad diskúsje op.

At je iets net witte en in twitteraar wit dat tafallich wol,

dan wurde je ôfmakke troch dy twitteraar en tal fan oaren.

Mei de grûn gelyk.

Wij fine it bijsûnder dat immen net wit

dat Franeker in stêd is

dat it ien fan 11 is

dat Eise Esinga dêr syn planetarium hie

en dat de PC, de wichtichste keatsdei yn Fryslân dêr is.

Mar wat witte jim fan Berkel

of fan Reuver, dat hast like folle ynwenners hat?

Ik haw myn rapportboekje 

fan de Herfoarme skoalle der mar efkes bijpakt

om te sjen hoe't it siet mei myn skiednis en sa

Wok

Ha jim wol ris Wok besteld bij Thuisbezorgd?

Wij net.

It soe frjemd wêze dat dat jimnet wok besteld ha.

Want neffens in ûndersyk docht bliken dat

wij yn Fryslân dêr sljocht op binne

Trou boekje

 Ik haw gjin idee, 

at Jellie en ik ek in trouboekje haw.

It sil wol, mar it leit net boppe yn in laatsje

Ik kom dy fan myn heit en mem tsjin.

Yn 1952 binne se troud.

Wat mij opfalt is de lêste bledside 

dy't spesjaal bestimd is foar de memmen.

Fierders kin ik sizze 

dat ik net mei memmemolke grut wurden bin.

Hjir stean wol in oantal opfallende ferplichtingen yn

Nútsjesmoar

 

Ik rûn sneontejûn op de Nijstêd yn Ljouwert

Dêr kom ik net sa faak,

want ik bin net sa fan it winkeljen

en dan kinne je dêr foaral dwaan.

Ik bin ûnderweis nei Neushoorn

en myn each falt op de Pindekaaswinkel.

De Pindekaaswinkel. dat is nij foar mij.

Ik kin mij der best wol iets bij foarstelle

mar dat sa'n winkel op in prominint plak 

"de drokke kant fan de Nijstêd" stiet, ferbaasd mij.

Sneintemoarn lês ik it AD

mei dêryn in nútsjesmoartest.

De beste, neffens it pennel, 

is te krijen bij û.o. de Coop

Ik sjoch yn ús keukenla

en dêr stiet yndie de pot fan de Coop.....

Wij binne dus kenners

Perfekt

 

Etske Thie is lid fan EXTINCTION REBELLION

in aktive miljeu groep minsken.

Sûnder geweld wolle se harren punt meitsje.

Sokke lju lizze sels ek altyd ûnder in fergrutglês.

Sitte se yn auto, is it net goed

Sitte se yn in fleantúch, is it hielendal net goed

Wannear binne je perfekt,

dêr giet dit stikje oer.

Skriuwe

 

In moai artikel yn it AD oer it skriuwen.

Man, man wat kinne wij allegear lang mei in pinne ta hjoeddedei

Jellie puzzelt in protte, dat docht se mei de pin.

Der giet dus wolris ien leech.

Us boadskippen skriuwe wij op in briefke

en it ferhaal wat ik optekenje foar Diggelfjoer

doch ik ek mei de pinne.

Fierders soe ik it net witte.

De pakesizzers dy't grutsk sjen litte,

as se de goeie leeftyd ha

dat se de earste letter skriuwe kinne fan de foarnamme

en dan de hiele foarnamme

Dat fan dy spykbriefkes kloppet

opskriuwe is goed om iets te ûnthâlden.

In feestdei

Oer de brêge, dat is it tsjerklik bledtsje yn Wommels

Ik sjoch dêr in sin yn stean

wêr't myn hier rjocht fan oerein stean giet.

De zondag was vroeger een feestdag........

Hoe kin iets in feestdei wêze

at je neat meie, 

as allinne mar nei tsjerke gean 

en dy stomme spultsjes dwaan

(net kaarte, want dat fan de duvel)

De snein wie de meast tryste dei fan de wike.....

Der wie mar ien ding wat mij oansti:

dat wie de gefulde koek bij de bakker wei

dy't wij snein krigen neist it stikje keek.

in gefulde koek mei dat nútsje

Twilling

 Rik Kuiper skreaun in boekje

oer de ienige Siameeske twilling yn Nederlân.

Yn 1953 berne yn Mûnein

en yn 1953 fan elkoar ôf operearre.

De twa sussen fan no hâlde net fan publisiteit.

It boekje hjit "Lieve meisjes, heel gewoon"

Wol aardich om te lêzen 

hoe't dat dy earste moannen gie.

Meast tryste wie dit stikje.

Krekt foardat de operaasje plak fine sil

komt der in âlderling lâns.

Muzyk

Nostalgyske elpees en stampende klipkes 

mei yn de seal loftgitaarsolo's, 

hertferskuorrende sjongpartijen, 

in swingende dûnsflier 

en in hapke en snapke op syn tiid. 

Moai dien mannen mei de sinnebril

It wie in hearlike jûn yn Itens.

Dizze hoes mei elpee haw ik mei hân nei Itens

 

Stofstoarm

Ik kom yn de list top 50 "sing a song" albums 

it album fan Woody Guthrie tsjin. 

Hij besjongt in cd fol mei ferskes 

oer de grutte stofstoarm yn Amearika yn de midden jierren 30. 

Wurklik in skitterjend album 

oer djiptryste omstannichheden foar de bewenners fan Oklahoma, 

dy't harren heil earne oars sykje moasten,

 mar nearne wolkom wiene. 

In oantal ferskes [op spotify binne se allegear te finen] 

sitte yn dit klipke en de foto's sizze alles. 

Njoggen minuten 'genietsje mei it hert yn de kiel'

Wa't it hiel ferhaal sjen wol

kin dizze doku besjen.

Yndrukwekkend

Lêzing

 

Ik tink dat ik dêr wol efkes sjoch

Liket mij wol nijsgrjirrich

It is ek goed dat der soksoarte lêzingen binne

Frysk

 

Bananendoaze

De lêste,  sis mar 50 jier, is der moai wat feroare.

Dêrfoar ek wol, mar dat bin ik mij net bewust.

Feroaringen dat is de foarútgong , seit men.

Fraach is no wol at sa stadinch oan

net ús delgong oan it wrurden is.

Hast alles feroare, en hast dêr lis ik de klam op.

Nim no de banandoaze,

dy is net feroare.

Se wiene der al yn de 60 en 70

doe't ik in oantal jierren bij Sape Smeding wurke.

Op it plak wêr't doe de Spar wie, 

sjoch ik no Siepie Fopma,

de grienteboer bij Jumbo Kooistra

mei in bananedoaze karkjen.

Siepie wurket ek al moai lang yn de griente en fruit

en wij binne it wol iens,

de bananedoaze is net feroare.

De banendoaze, earst mei Fyffes der op ,

doe mei Chiguita 

en no dus mei Bajella

De banendoaze hat sels op Wikipedia

in eigen side.

Dus wolle jim mear witte fan in stikje

"Kulteriel Erfguod", sjoch dan hjir

Syb

Seis pakesizzers

en fiif dêrfan op skies yn Switserlân.

Fan dy fiif slaggen der trije mei flach en winpel

Sij rûtse de blauwe pyste del, 

nei trije dagen oefenje

Twa fan de fiif fine snie best wol aardich

mar wiene net fit

of hiene gau harren nocht.

Dan wie der noch Syb, de jongste.

Dat wie myn maat.

Wij bleaunen op de basis

en dat fûn Syb net slim

Ik al hielendal net

Wat in mantsje, wat in wille

Boek

It kin fansels net in minsk wat skele

hoe't ik myn tiid benut.

Mar foar myn eigen gefoel fyn ik it leuk 

om bij te hâlden wat ik sa al lês yn it jier

neist de twa deiblêden en in hiel soad regionale wykkranten.

Ik lês meast twa boeken tagelyk

en de E reader is der foar de fakânsjes

Ik kom út op 60 boeken dit jier

wêrfan

6 muzykboeken

6 Fryske boeken

2 sportboeken

1 fytsreisboek

3 ynformative boeken

en 42 trillers

Tal fan moaie boeken, 

mar goed dat ik gjin stjerren hoech út te dielen

Fytsdoel 2023

Wielervrienden hâldt fia Strava bij

yn hokker gemeenten je fytse.

Ik sit sûnt 2020 aktyf op Strava

Neffens Wielervrienden haw ik yn 159 gemeenten fyts

sûnt april 2020

Dat is 45% fan it totaal

Ik krige dit oersicht oer 2022

It fytsdoel fan 2023 wurdt om it oantal gemeenten nei 200 te bringen

Frysk

 Frysk behâlde wurket allinne mar at je it ek brûke

Al dy Ingelske wurden dy't foarbij komme, 

it griist mij oan.

Moai dat lêzers fan de Ljouwerter Krante

op syk gean nei moaie fryske wurden.

Dit is de rispinge fan 2022

Ik moat der yn alle earlikens bijsizze:

Ik haw fan 50% fan dizze Ingelske wurden 

gjin idee wat it allegear betsjut.

De moaiste?

snikketikker

Enerzjy

De priissouder foar elektrys en gas hâldt hiel wat minsken dwaande.

It komt net bij elkenien goed út.

Hoe sit it mei de ôfrekken dy't middel yn it jier is.

Yn dit foarbyld 1 april.

It skynt dat er dan dizze tabel brûkt wurdt 

om te bepalen wat je der ûnder of boppe sitte

Liket mij ek wol in handich oersicht

at je erstappe wolle nei de WEK

It doel is 1 juny, mar sykje noch út

at dat foardielich is mei de ferrekening fan de sinnepanielen

2023

 

Trend

It is sneontemiddei en âldjiersdei

Ik sjoch efkes wat it nijs is en skrol op twitter troch nei de kollum trends

Ik klik it net oan, wêrom it nijs is 

mar doch in gokje wêr't it oer giet.

1. Oudejaarsdag

Der binne minsken dy dogge hjoed iets wat dêr mei te meitsjen hat. 
Se bakke oaljekoeken, stekke fjoerwurk ôf, sitte al oan de buorrel
en dat meie wij fia twitter best witte

2. Oliebollen

Sa dúdlik as wat, at je dy dingen bakke, keapje of opite dan meldt je dat op twitter.

3, Oud en Nieuw

Dat kin hast net oars gean as oer dit prachtige plaatsje

4. Nieuwjaar

Dit binne lju dy't net genietsje fan dit momint (aldjiersdei) mar al mei moarn dwaande binne

5. Ingelijks

In ynkopper. Je skriuwe op twitter "de bêste winsken" en it makliks is om werom te twitterjen "insgelijks"

6. Benedictus XVI

It kin hast net misse, hij hat de Kryst wol helle mar it nije jier net. 

7. Wilders

Hat wer wat sein oer Marokanen of oare bûtenlanders. De helt fan de twitteraars sil it der meiiens wêze. De oare helt net. Hjir wurdt stienhurd oer twittere

8. Vuurwerkverbod

Der binne no al lju dy't har nocht hat fan it fjoerwurk dat no ôfstutsen wurdt of der binne minsken dy't roppe om in ferbot fanwege de hurde wyn

9. Jaarwisseling

It selde as bij 8

10 Rammstein

Dizze minsken hawwe de Top 2000 der foar en heare Du Hast foarbijkommen.
Krekt as mij. Geweldich nûmer en de muoite wurdich om dêr oer te twitterjen

11. Claudia de Breij

De foaroardielen oer de konferênse jûn fleane al troch de loft.
Miskien freegje twitteraars harren wol ôf at se har TV freontsje M van N ek oanpakt.
Ik sjoch net, mar lês it letter moarn wol op.....twitter

12. Wens 

Ik "wens" jullie enz.....

13. Geert

sjoch 7

14. Vuurwerkoverlast

Sjoch 8

 

Froeger wie net alles better

 

Op syk nei stikjes oer SDS yn eardere tiden

yn regionale kranten

kom ik dit tsjin.

Mar goed dat it net in H.P. te O of te W wie

want dan moast ik fansels op syk 

nei de namme fan dizze drinkebroer

Technyk

De technyk liet it sitte.

Ynlogge wie/is net mooglik

Fandêr de blochrêst.

It is noch net oplost, 

mar kin mij no op in oare wize rêde.

Sil sjen at ik foar de kommende dagen noch wat ha.

Sit folop yn de âlde kranten 

en de âlde papieren fan myn âlders.

Dat wurde foar ús nijsgjirrige oersichten.

Letter mear dêr oer.

Earst op oppasfakânsje.

Hullie op de lange latten 

en ik mei Syb yn ús ferbliuw yn Switserlân.

Der leit noch snie, 

mar wij hawwe noch twa waarme nachten yn Nederlân.

At wij de waarmte net tefolle meinimme

dan komt it goed, foar dy oaren.

Wolkom nei it doarp

Bij Ljouwert yn it Griene Stjêr gebiet 

hawwe se in oantal jierren in meardaags festival hân.

Omdat we dochs alles feringelse, 

neamden se it Welcome to the Village

Ik haw der in oantal kear west op sneon

en prima muzyk heard.

Der is dêr in ferfelende buorman

dy't er foar soarge hat dat it der net mear komt.

It festival waard flink subsidiearre troch gemeente en provinsje,

omdat se fernijend binne of sa.

Fernijend betsjut, gjin bakje patat foar de flaubyt, 

mar vegahapkes yn houten bakjes

It festival koe in oantal jierren ek al net troch gean troch koroana

ferline keazen se  foar wat lokaasjes yn de binnenstêd

mar dat wie gjin WTTV.

Der wiene amper kaarten ferkocht.

No hawwe se foar 2023 noch gjin plak

en giet it oer.

Se hawwe de organisaasje sa delsetten

dat wij hast tinke moatte dat se harren as ûnmisber beskôgje.

Se hawwe in eigen hingplak, dêr't se oer fan alles neitinke

wat se organiseare wolle 

at it ea wer trochgiet.

Ik sis, stoppe mei dy boel

en de subsydzje kin wol nei oare kulturele dingen

dy't wol wat sjen litte kinne

Betelje of sitte

 It is wat in sneuptiid

en de Boalserter Kranten en Snitser Krante fan earder befalle mij wol.

It kantongerjocht yn Snits behannele tal fan strafsaken

It is no in fermaak om te sjen wêr't men in boete foar krige

At ik it goed begryp dan wie it in  jildboete of safolle dagen yn it gefang.

Sjoch mar bijgelyks : niet rechtshouden in een bocht"

F20,- of 4 d.h. (dagen hechtenis)

It wie in dúdlike formule.

Foar elke fiif gûne boete, koene je ek in dei sitte

Dit binne wat úspraken fan 1958

Ik hoop foar jim dat er net te folle famylje bijsit.....

Noch seis

 

Harren adfertinsje falt wer op

ik kin it hast net misse.

En dan binne der noch 6 yn libben

De bruorren en susters mei oanhong

fan in broer fan myn pake Hessel

Ungemak

Ik wit net at ik sprek út namme fan myn generaasje

mar feit is wol dat ik de Boalserter Krante,

sa't dy ea wie, wol wat mis.

Dy krante fan no, krije wij al moannen net mear yn de bus

en ik kin mij dêr ek net drok om meitsje.

Sa folle stiet der al net mear yn

en op it ynternet is de digitale ferzje ek te finen.

Nim no dy krante fan earne yn 1957.

Ik bin op syk nei stikjes oer SDS

(dêroer letter mear)

en stuit dan op dit prachtige nijsberjocht.

yn it Frysk ek noch wol

At ik mij net fersin 

hat Pyt de Jong letter de Freulepartij en PC wûn 

en is Durk Lemstra

(dy't se letter fêst Dirk neamden)

in goeie ruter wurden (sa no en dan wat dwers)

Logysk dat Pyt der ôffoel en Durk net

Toerisme komt op

 Help, "Vreemdelingenverkeer". 

ja sels "buitenlanders" yn Gaasterlân

Wat in prachtich stikje út in Boalserter Krante 

fan 1955

De skriuwer fan doe, 

moast no ris sjen kinne 

hoe't it der no útsjocht

God

 

Twitter

ien fan de leukste akkounts om te folgen is DeSpeldSport en DeSpeld

Hearlike humor

Alles omdraaie en relativearje.

Foar in wedstriid, om God bidde

It is te tryst foar wurden.

Of soe der in fuotbalgod wêze yn de himel 

neist de door Ajax supporters beneamde Johan de Messias

Wij meie dochs oannimme dat God him net drok makket 

om wa't it fuotbal wint.

At er der wêze soe, 

dan soe  drok meitsje om oarloch en geweld better wêze.

Mar ja, wa bin ik om dat te sizzen

Ik leau der allegear neat fan

Oppasse

 

Gebak en in pantsje.

Dat byld die mij oan iets tinken.

It sil de jierren 80 west ha.

Wij drok dwaande yn it Dielshûs mei popjûnen

en beppe en frou de Boer pasten op,

op twa bern.

Sels wat bij de kofje te pakken dat diene se meast net.

Dus setten wij it klear, 

sadat se der net ûnderút koene.

Ferline wike mocht ek efkes oppasse.

Op jûn, dat dogge wij net folle,

wij hawwe leaver dat er wat mear libben yn sit.

It gebak en it pantsje stiet klear.

Ik haw fansels in stikje naam

In nuver fersin

 It sil septimber west hawwe

dat Tsjeard en ik entûsjast waarden fan it berjocht

dat Paceshifters yn Paradiso komt.

16 desimber dat haw ik yn holle

op in freedtehûn dat hat Tsjeard yn de holle

It Sinteklaa wykein stekke wij de koppen efkes bijelkoar

Hoe sille wij it dwaan?

"It is de dei fan de finale WK, dat is dy sneon"

"Nee, it is op in freed"

"Nee, it is op sneon, it stiet er dúdlik, sneon 16 desimber"

"16 desimber is net op in sneon, dat is op in freed"

Ferrek,

it is pas yn 2023

Wij ha al kaarten foar takem jier......

Bêst genôch

Skuldich?

Tsjonge, jonge,

sokke koppen yn de krante wurd ik net goed fan.

Foar 2300 euro skuldich oan de biodiversiteit

En dan stiet dit ek noch yn deselde krante

Mar goed dat ik Trouw mar trije wiken ha.

Ik fiel gjin "erfzonde", hielendal neat

dus praat mij dat net oan.

 

Sjuery

 Dat hat mij altyd moai talike,

in kear in sit hawwe yn in sjuery bij in rjochtsaak.

Soks is kommen troch de boeken fan John Grisham.

Dy kin perfekt beskriuwe wat sa'n sjuery meimakket

en wat der yn  in sjuerylid omgiet.

Yn België hawwe se bij bepaalde rjochtsaken ek noch in sjuery.

Sa as bij dizze saak

In sjuerylid wêze is net frijbliuwend.

Der wurde lykwols hiel wat smoezen oandroegen 

om der mar fan ôf te wêzen.

Yn dit gefal begryp ik wol wêrom.

Moannenlang , sille je alles oanheare moatte.....

Sterkte "útferkoarne Belgen"