Fan de Harkema fytse wij fia Surhústerfean,
Boelensleane, Houtigehage nei Drachtster Kompenije.
Dêr foar gean wij troch Blauhûs
en lavearje wij troch twa stekjes dy't de grins oanjouwe
tusken Achtkarspelen en Smellingerlân
Boppedat fytse wij oer ferskate sinnepanieltsje hinne.
Benijd wat dy dogge yn it tsjuster.
Sa komme wij yn Drachtster Kompenije
en fine dêr ús 45 ste klokkestoel
 |
| gjin tou |
 |
| wol stroom |
Yn de Harkema, bekend fan the Boys,
op syk nei in klokkehûs.
Mar goed dat ik it earst opsocht haw,
want ik soe it oars net gelyk herkend hawwe.
In klokkehûs is echt wat oars as i klokkestoel.
Mar hawar,
tusken de Weenings, de Landen, de Spinders
stiet it klokkehûs
mei dêr efter is kreas urnenfjild
 |
| Yn de dea skûlet it libben |
Op it album "Underweis"fan Sytse van der Werff
stiet it nûmer Wolmoed fan Bouwekleaster.
It is in mankelyk nûmer.
Bouwekleaster leit tusken Droegeham en de Harkema
en yn dy buert wie earder in kleaster,
dêr't in klokkestoel bij stie.
Op syk nei Wolmoed en de klokkestoel dus.
De earste fine wij net, de twadde mei muoite
De oprydleane leit fuortdrukt
troch twa frijsteande hûzen mei mânske tunen
sa't dy yn dy oanjouwing gewoan binne
De hortensias om de klokkestoel hinne
helle alle trystens fuort dêr.
Mei de rûteplanner fan Komoot gean wij op paad.
Ik jou thús oan hokker doarpen wij oandwaan wolle
en dan siket "dat ding"de moaiste rûte.
Sa liedt hij ús fan Twizel nei Droegeham lâns in binnenpaad nei Koatstertille.
Ik sjoch meast goed om mij hinne
en ta myn grutte ferrassing (en skrik) sjoch ik ynienen in klokkestoel stean,
dy't ik noch net ferwachte hie.
Hoe sa, yn Koatstertille? Stiet net yn myn list, dêr bin ik wis fan.
Wij sjogge efkes rûn.
De klokkestoel, it grêf fan Rienk Waaksma (grut Cambuurfan) en in yndrukwekkend stikje hôf mei bernegrêven.
Thús sjoch ik yn dit bestân en hij stiet er net bij.
jout mij ûnrêst
Wachtsje foar oerstekkende kij
jou rêst
Sneintemoarn, krekt oer achten,
rin ik Skrok Hinaard Iens om.
Twa jongfeinten litte de kij wer bûten.
"Hoe let fannemoarn", freegje ik
"5 oere, mar it wie hjoed wat letter"
Ik begryp it, it wie juster sneontejûn.
"Oant 12 oere nei bûten,
dêrnei wurdt it te waarm,
fertelt de iene
"Binnen ha se harren eigen plak,
Beter Leven keurmerk"
lit er mij ek noch witte
De boer is op fakânsje,
hij hat twa goeie ferfangers
Op de fyts troch de Wâlden op syk nei klokkestuollen
en in klokkehûs bringt ús yn Twizelerheide, Koatstertille, Bouwekleaster,
de Harkema, Drachtster Kompenije, Rottefalle en Nijtap/de Pein.
Hjir en dêr wie it wat sykjen mar it is slagge.
In slachje oer it tsjerkhôf en je sa no
en dan je ferbaze oer de moaie keunstwurken
of efkes glimkje oer de teksten op de grêfstien.
Yn Twizelerheide in ienfâldige klokkestoel op it begraafplak.
De stien mei in bijsûndere tekst luts de oandacht
 |
| Under oan de stien stiet: Wat jo binne wie ik wat ik bin wurde jo |
Sij ferfange buorden dy't der net mear útsjogge
trochdat se troch waar en wyn oantaast binne.
Mar hoe is it mooglik
dat er net immen yn dat hiele trajekt oanjout
dat it Weakenserdyk wêze moat.
Mar gau wer in oaren en oars it troch waar en wyn oantaaste boerd mar werom
Sokke taalflaters dat kin echt net
Bea Falkema út Spannum jout op twitter al oan
dat dit net de earste flater is fan dizze gemeente.
De dyk nei Spannum hjit no Leakwerterwei
en dat is Laekwerterwei.
Fanút Sint Nyk krij ik in reaksje fan Rients Smeding
Hij is der siik fan at er hjir lâns fytst
Efkes wat oansprekkende sifers fan july.
71 oeren beweecht neffens Strava
en dat yn 29 dagen.
Ien dei koroana en ien dei oppasse,
doe waard it him net.
Mei Bosch fytse, fytse, rinne en drave
moai ferdield yn persintaazjes
It skûtsjesilen op tv is dit jier geweldich.
Ik sit der alle dagen foar.
Utsein de fan de PC en
Op de Freuledei ferkeas ik sels it silen sjen boppe it keatsen belibje.
It kommintaar fan Eelke Dijkstra is prima
en de analyse fan Roelof Bouwmeester is geweldich.
Hij wie der twa dagen bij op 'e Lemmer
en wat nimt hij de sjogger mei yn de spanning fan de wedstriid.
De Freule op woansdei folget altyd op it lêzen foar de Freule op tiisdei
Wat in moaie tradysje is om sa'n bytsje in heal oerke te harkjen nei immen
dy't wat te fertellen hat oer it keatsen rint dizze kear wat út.
It docht wer bliken dat in heal oere harkje nei in goed ferhaal prima is
mar alle minuten dat it langer duorret it ferhaal better noch wurde moat.
Helaas wie dat dizze kear net sa.
Ik haw it net útharke.....
De Freuledei wie ek prima.
In protte minsken, te moai waar
in oantal spannende partijen
en ferrassende finalisten.
Oh ja, in moaie maklike app
dy't de list prachtich yn byld bringt.
Sa maklik, dat je net iens nei it keatsen ta hoege
at je noflik oan de bar stean bij it Dielshûs of Jimbar
Der wie jûns in soad folk yn Wommels.....
De PC is wer foarbij.
5 spannende partijen haw ik sjoen
Dat is best genôch.
Wat opfalt
De blommen dy't útdield wurde oan keatsers
dy't sizze dat se ophâlde,
en in oantal jierren wer meidogge
Dat is in dinkje fyn ik.
Dat is wat frjemd en dat seit ek wol wat.
Se hâlde te betiid op
want se kinne noch maklik mei (Daniel, Hylke)
It folksliet foar de finale
dat wurdt fûleindich meisongen
dat heare je net faak,
Seker at je it fergelykje mei it neurien
fan de taskôgers bij de pompeblêdenklup
