Amelân keunstmoanne

Suver in tradysje
trije dagen nei Amelân:
fytse en keunstsnuve.

Want dat kin sokke dagen
want de keunst
leit, hinget en stiet op sa'n 40 lokaasjes

sa fytse wij mei prachtich waar
fan east nei west
en fan Waadsee nei Noardsee

Keunst
je kinne en meie der wat fan fine
"echt skitterjend" hearden wij hjir en dêr
"hielendal neat" tochten soms wij yn stilte
bij in inkel "keunstwurk"

Bûtenkeunst yn byld
op de ûndersteande foto's

Ek in moai keunstwurk
dizze toer yn Hollum

en in fûgel makket gebrûk
fan in iepensteand lûk
en hat dêr in keunstwurk makke

Freule 1903

ik wie op syk  nei ynformaasje
oer de Freulepartij fan 1903,
de earste Freulepartij

Hiel opmerklik,
de syktocht eindigt
bij de Telegraaf..

In wiidweidich ferslach ek noch wol,
wêrfan hjir ûnder it earste part

Knutselje

It die mij earne oan tinken
doe't ik dit yn de krante stean seach

Ommers yn de jierren 70
doe't ik echt kieze moast
wat ik wurde woe
like it in  karriere as skoalmaster te wurden

twa kear haw ik ynskreaun stien
op de pedagogyske akadeemje
sa at de kweekskoalle sûnt 1968 hjit

mar it gie beide kearen
lang om let net troch,
it wie, sil ik no mar bekenne
"de eangst foar de blokfluit"
want dat wie doe it ferhaal
sa't ik it mij herinnerje

in skoalmaster of -juf
moast blokfluitsje kinne

al myn pogingen dêrfoar
om in ynstrumint te bespyljen
wiene net slagge,
sels it slaan op in stove, as begjinnende trommelman
wiisde op gjin inkel muzikaal talint.

Bist ek muzikaal, freegje se mij no wolris
nee, sis ik dan
ik bin noch sykjend nei it goeie ynstrumint
fandêr myn regelmjittich muzikale útstapkes

Foar de goeie oarder noch dit:
hie "knutselen" in fereaske kwaliteit west
yn dy tiid
dan hie it ek neat wurden,
no noch net .......

Fytsen

Trije lisfytsen
ien reesfyts
trije toerfytsen
it kin net op bij ús yn de garaazje

sûnt hjoed hawwe wij der wer ien bij,
de hurddraaffyts fan Samme
de rôse,
sa seit hij meast
no de blauwe,
want hij hat in kleurke krigen

Fryske hannen

Tresoar hat wer in nijsgjirrich projekt,

Fryske hannen,

in moaie bezichheid foar thús

Wie was je vader, wie was je moeder? Fan wa bisto der ien? Door familierelaties van onze voorouders nu goed in kaart te brengen, kunnen we de Friezen van vroeger straks nog beter vinden. Helpt u mee?

ja wis, help ik mei!

en sa bin ik deis meast in oerke of sa
dwaande mei it ynfieren fan gegevens

deaden üt 1906, 1941 en 1935,
oant no ta,
allegear út Hinnaarderadiel,
want dat koe ik oanjaan.

ek yn dy tiid waarden minsken âld
mar ek stjêrden der in protte bern
sa as dizze, trije wiken âld
en dizze twa dagen âld
beide sûnder berop.....

Yn akten waard wolris wat omskrast

en dan waard ûnderoan fermeld hoefolle wurden

trochhelle wiene

Der wurdt per dei bijholden

wa't aktyf of noch aktiver is.

Soms stean ik efkes yn de top trije

mar dat is omdat ik moarn betiid meast oan de gong gean

De deade waard oanjûn troch twa oaren

en soms koene dy net skriuwe en dus ek net tekenje

Letter op de dei
haw ik muoite om de top 10 te heljen.....



It is ferslavend,
dus pas op....

Bintangs

Machtich

in jûntsje Bintangs.

It Bolwerk yn Snits

wie it poadium

1954

De strontrees is alle jierren 

yn de hjerstfakânsje

De sneins foardat it begjint 

tilt it yn Warkum op fan de boaten en de minsken.

Noflik om dêr efkes te sjen

bij de kreamkes, de boaten, de muzyk,

it sjongen en de fiskrikkerij

Hjir en dêr wat âld spul

lykas kroaden, lampen, boeken en dizze Unimog 401.101

Fan 1954, 

ek myn boujier.

dêrom foel hij mij op

6 fersnellingen foarút 

en 2 efterút

dêr kin ik fansels net op tippe

Mary Gauthier

Net alles wat yn de krante stiet klopt,

dat witte wij al lang

Dat in simpele oankundiging

yn de Ljouwerter Krante 

de lading ek net dekt is wat frjemd.

Oke, 

Mary wie yn de Harmonie

de foelist Michele Gazich wie der ek

en fierders.....

fan de 11 "angrijpende songs"

fan it prachtige album "Rifles & Rosary Beads"

song se der amper trije,

dat wie spitich, 

omdat se de tiid fan noch trije songs

folprate oer de oanlieding fan de lieten

it proses en it gefolch.

Moai om te witten,

mar ik haw it allegear al lêzen

en bin dêr foar de muzyk,

boppedat is 90 minuten dêr te koart foar

It repertoir wat se wol spilet

is âlder, ek prima 

mar dêr kom ik net echt foar

Mary jout ek romte oan har twaddestim songeres

dy't net oankundige is.

It fielde wat as in promoasjekertierke
foar Jaimee Harris

om allinne 3 lieten te sjongen/spyljen

Neat mis mei,

fan in "ferlegen" twadde stimke

stiet er ynienen in jonge frou

mei power en in prachtige stim

In sa ûntdek ik dus Jaimee Harris

op de jûn dat Mary Gauthier 

mei in ûnferjitlike besoargje soe

mei har nije album

In moaie oktoberdei

Oktober
mear as 20 graden
dus op de fyts fuort...

Yn Dronryp binne se dwaande mei en hawwe se noch spul oer de nije brêge. Dizze helpbrêge foldie skoan

Yn Menaam myn freon "it feintsje"

Ferwert 

it brechje fan Bartlihiem, in djiptepunt foar fytsers

In prachtich byld fan Wânswert ........

..........fanôf dit smelle fytspaad

Pypskoft bij stasjon fan Jellum- Boxum

Wommels-Ferwert-Wommels: 80 km

Claw Boys Claw

Poadium Asteriks,
yn de Blokhúspoarte giet 1 jannewaris 2019 ticht.
It is in skande,
en it is begrutlik
foar de stifting dy't jierren bands sa'n moai poadium joech.

wat in prachtige jûnen haw ik dêr hân, meast op freed
wat in prachtige begjinnende bands haw ik dêr sjoen,
dy't grut groeid binne:
Birth of Joy, Afterpartys, Traumahelicopter
wat in moaie bands út in alternative wiene dêr
Hallo Venray en Claw Boys Claw

dy lêste band
dêr wie ik juster
wat in feest makken se der wer fan;
folle bak yn in geweldige sfear

Op de teantsjes trape

Ynstjoerde stikken
it is betiden in fermaak

nim no dit plaatsje,
dat de útkomst fan in enkête yllustrearret

Op de fraach at je in tablet hawwe
joech  25 % oan dat dat net sa wie
en dus kaam dêr in plaatsje bij te stean
fan in hûntsje om dat oan te jaan
in hûntsje dat tasjocht......

Ien fan de lêzers fan it blêd Computer Idee
skreau in lilke brief:
"dat it belachlik is dat sij
fergeleken wurdt mei in hûn
omdat sij gjin tablet hat"

It is om je de bûsen út te skuorren

woef, woef.....

Amelân

Relive 'Morning Oct 4th'

It wiene wer trije moaie dagen
op Amelân.
Sûnt 2011 mei op skoalkamp
fan de Súdwester,
ek al wurkje ik dêr net mear.

Mei de fyts de bern wer in soad sjen litten fan it eilân en wij hawwe moaie aktiviteiten dien.
De heechste dún en it strân op,
it ferhaal fan Rixt fertelle bij it stânbyld,
it hynstegrêf besykje,
nei de fjoertoer,
kwallen en krabben sykje op it strân,
fuotbalje en spultsjes dwaan yn it (tsjustere) bosk.
Boartsje yn de Vleijen en
fisken en oare bisten besjen yn it natoermuseum
en in terraske pakke mei patat en sa.
Wat in prachtige groep bern.
Soks jout enerzjy.

Poesie album

Taal út 1934
"Kent gij"
"Maakt gij"
"u Grootvader"

Ut poesie album pake Aant oan mem Hiltje

Bibel

Ik tink wol
dat wij noch in bibel yn hûs hawwe;
boppe,
fier weistoppe yn in hoekje
krekt as oare boeken
dy't je net wer lêze
mar ek net fuortsmite wolle

Ik tocht er oan doe't ik dit stean seach

Haw ik de bibel lêzen,
mei de klam op ik.
Twongen nei tsjerke te gean oan myn 15 de
dêrnei noch in 10 jier
frijwillich nei tsjerke op syk nei iets
(tsjin better witten yn)
en doe ôfheakke

Ik frege mij ôf at er neist dûmny's
ek oare minsken binne
dy't de hiele bibel lêzen ha

Bewust
fan de begjin ta de ein
Genesis oant Iepenbieringen
lêze
as in roman,
in misdietriller,
of miskien wol as in sprookjesboek