Sneintejûn, gelyk neidat Demi Vollering de Tour de Fammes wint
fytse Tsjeard en ik nei Snits.
It is 19 oere 25
"It sil wol net hiel drok wurde" tinke wij
It foarprogramma, Lies! is al dwaande
Dy ha wij al in pear kear sjoen,
dus is in nûmerke minder sjen net slim
Wat in minsken en wat in waarmte,
is it earste wat wij sjogge en fiele
Hatebreed, in hardcoreband út Trump syn lân
begjint om kertier foar noggenen
Om tsien foar tsienen stean wij bûten út te hymjen,
dweiltrochwiet fan de swit
mar foaral mei in geweldich gefoel
Wat in sjo, wat in publyk, wat in hardcorefeest
Wij fytse yn Tsjeard syn tempo nei hûs
en de hearlike soele wyn hat ús sjurts hast droech wjirre
Healwei alven thús, dat binne noch ris tiden.
Geen opmerkingen:
Een reactie posten