19 maart dan hawwe wij ferkiezings.
foar de gemeenterie.
De lêste kear as Littenseradiel
Spitich, want yn dizze gemeente dogge se harren bêst
om de polityk tichter bij de minsken te bringen.
Wat bin ik bliid dat ik net yn in gemeente as Harns wenje
dêr binne noch folle mear partijen
Fjouwer partijen hawwe wij hjir
Ferdomd ferfelend dat je mar ien stim útbringe meie.
Se hawwe allegear fêst wol wat goeds wat mij oansprekt
Stimme, wêr doch ik dat op?
FNP ? Omdat ik dat altiten dien ha salang de partij mei docht oan ferkiezings
en ik stimme mei
CDA? Mei de beste politikus fan ús gemeente Gosse Hiemstra
SAM? Mei tige belutsen minsken dy't net allinne yn ferkiezngstiid aktyf binne
VVD? De partij fan ûndernimmers en boeren foar safier dat net ûndernimmers binne
De "stimwizer" yn Op 'e Skille eaget as in goeie papieren stimwizer mar bij it sjen fan de antwurden komt it net fierder as algemiene kreten. Dêr kin ik hielendal neat mei. Wat der stiet en wat men wol moat wer dield wurde mei de oare partij dy't ek meidocht yn it kolleezje en wat bliuwt der dan oer fan de eigen miening?
Boppedat mis ik hurde útspraken.
Of gean ik foar de holle fan de listlûkster of foar de ynhâld efter de kreet dy't betocht is?
Of kies ik ien fan de 5 wêrûnder in kollega?
Of wurdearje ik dat alderaardichste struibledsje fan Sam mei dat pakje simmerblommen dy't it Swettepaad sa moai meitsje
Stimme, wat is dat lestich. Want wat binne myn tema's? Is dat it keunstgers fan SDS? Is de partij dy't dêr alles foar docht myn partij? Of sjoch ik leaver nei de partij dy't it meast noed stiet foar de Fryske taal? Of moat ik foarútsjen en rekken hâlde mei de partij dy't it goed foa rhat mei de âlderein?
It bliuwt lestich mei ien sa'n stim op safolle tema's. Ik wit it net...of miskien wit ik it wol, miskien bin ik wol krekt sa tradisjoniel as safolle oaren, dy't altyd op de selde partij stimme. At it der op oan komt.
Bin benijd hoe't der foar stiet as ik woansdei yn it hokje stean.
kin ik miskien ek op Jelle B stimme?
.
Geen opmerkingen:
Een reactie posten