It sil dan dochs wurde: fytsfakânsje
Wij lifte snein mei nei Fussen
dat leit op de grins fan Eastenryk en Dútslân
en fytse fia de Lech, Altmûhl, Tauber, Main, Rijn, Ruhr werom
nei Fryslân.
At it wat giet mei Jellie har lichem
en at it waar wat normaal bliuwt.
Ik sil sa no en dan in foto pleatse
at it wat wol en der is tiid
Wij gean op de dolle roes,
nimme gjin tinte mei
en hope alle nachten in bêd te finen
Ferskûle yn it bosk bij Aldemardum
stiet de Gaaikemabank
At er ek mar iets is wat mij herinnerje docht oan froeger
dan is dat hea.
In lange gers hjir en dêr fan boeren en ynstânsjes
dy't goed rekken hâlde mei de fûgels
is dizze wike meand en hea wurden.
Net bêst foar heakoarts minsken
mar it sicht is sa moai
It sit der wer op.
De moaie Wommelser flagge kin wer oprêden wurde.
In goed idee sa'n flagge.
Sa wist ik moarns gelyk dat it doarpsfeest wie.
Wij hiene wat oppasmomintsjes,
oerdei en nachts,
en dus haw ik my sjen litten
bij de draaimûne, de botsautos,
dat ding dat yn de loft sweeft
en de oaljekoekenkream.
Dat bliuw ik unyk finen.
Sa lang at ik libje stiet dy giele kream op de terp.
Op de lytse terp wol te ferstean
De grutte terp is hjoeddedei fol mei kermisattributen
in feesttinte, iterijdingen, húskes en pisbakken
It feest wie earder sa
dat de weinen fersierd waarden
wer letter waarden de buerten fersierd
en no, seach ik sneontemiddei,
fersiere de minsken harren sels.
Wat in moai feest moat dat west ha.
Ik sykje foar snein wol in oar plakje fan fermaak
Prachtich binne se
dy Grote Bos Atlas Puzzelboeken
No is der wer ien
mei kaartsjes en fragen oer 30 treinreizen.
Topografy op syn bêst
Moandei in Wandrer dei.
Deinum wie it doel
Ik koe stikjes fan Blessum, Deinum, Boksum menimme
 |
| In pear dearinnende betonreden bij Blessum en Hilaard |
 |
| In moaie slach troch Deinum. In protte lytse strjitsjes yn it âlde diel |
 |
| Nijkleaster, in ferboude pleats bij Hilaard |
 |
| Warskôging is terjochte. It is in min, sis mar striemin fytspaad. Om te rinnen wie it no ek net leuk, fanwege al dat wetter |
 |
| De sûnde fan Haitze Holwerda is in moai boek Syn paad is min |
 |
| stekjes, roasters, te heech oerstekkende stikels, plassen en modder |
 |
| ik koe de sipel hast rûke , sa tichtbij |
 |
| Yn Boksum hawwe se it Reedtsje |
At er in bûtenevenemint oankomt
dat sjogge wij te betiid nei it waar op Buienradar
De Slachte wie sneon
en fanôf moandei seagen wij nei it oantal te ferwachtsjen millimeters
Moandei like it op fleanen, 19 millimeter
Tiisdei sakke it nei 16
Woansdei seit dat er in flinke ferbettering oankomt: 9 millimeter op sneon
Tongersdei, it komt goed, 1,8 millimeter seit de app no
Freedtemoarn 3,6 en freedtemiddei seit er 6,8
It is sneontejûn
en ik helje 37 millimeter út de mjitter.
Allegear fallen op dy iene sneon
dat de Slachte ien kear yn de 4 jier is.
At je al dy foarsizzingen optelle,
dan komme je ûngefear op dy 37 út.
Mei oare wurden, ik moat oars nei Buienrader sjen.
Dy Jelske, 12 jier, dy sei lêsten
"ik soe wol plaatsje draaie wolle
at ik oan it nifeljen bin op myn hobbykeamer"
Wat leuk, tocht ik en sei ik.
"Ik haw noch in platespiler en platen,
dy kinst wol brûke, want ik bin fan de Spotify".
Ik bring it draachbere ienfâldich platenspilerke
en lis har út hoe't dat sit mei de nûmers op de plaat
fertel har oer de nulle en oer it oerslaan en de krassen op de plaat.
Ik doch der in pear elpees bij.
Dy wurde mei entûsjaste ûntfongen........
........troch har âlders
Jeugdsentiment.
"Ik sjoch wol bij de kringloop
at der ek leuke platen foar mij binne", seit Jelske
want Dire Straits en Simon & Garfunkel dêr is hja noch net oan ta
Snein in broadsje kroket hân
In trijedûbele elpee fan matige kwaliteit
in samelelpee fan redlike kwaliteit
en in single fan Paul McCartney.
Ik draai se nea.
In leafhawwer út Jobbegea,
net tafallich in âld klasgenoat út de begjinjieeren 70
woe se graach ha.
Ik bin se kwyt........
It AD hie sneon in grut artikel oer Bolle Jos.
Dat skynt ien fan de rykste kriminelen te wêzen.
Se kinne himnnet maklik fine
hij wit him mei jild oeral wei te lullen.
Syn spul pakke se him wol ôf
en dat binne gjin stoere elektryske fytsen of fatbikes
mar autos yn it djoere segmint.
Wat se dêrmei dogge at se dy yn beslach nommen ha?
Snein wie der keatsen yn in winerich Itens,
Wij krigen as publyk sa as altyd,
in stikje woarst en of tsiis, oanbean troch de feriening.
It wie Sjouke Sjoukema
dy't gewoanwei it rûntsje makke
en in praatsje hie mei de measten
Sjouke is der net mear,
hij ferstoar begjin dit jier
hij leit op it tsjerkhôf bij de toer
dy't "útsjocht" op it fjild
Jelle Fopma, de ûnfolprezen fjildgeneraal,
traktearde ús no.
Hij hie in blêd mei woarst en tsiis
mei dêr op in moaie foto fan Sjouke Sjoukema
Sa wie hij der dochs noch wat bij.
It skynt mei de Hema wer wat better te gean.
Dat is moai, want dat Action de wrâld oer nimt liket mij net goed.
Dus de Hema, mei in nije topfrou oan it stjoer.
Ik lêsde in posityf ferhaal oer hat
en in oantal dingen falle mij op.
 |
| De taal net mear Ingelsk, it is in moaie stap. Spreuken fuothelje: dat is geniaal. Better middel om it personiel te motivearjen om de beste te wurden is der is. |
 |
| It is dúdlik wêr't wij ús nije keapje. Alle kearen dat gemjit wat de lange en koarte side is, is dan oer |
 |
| De trochjoujas mei in etiket, It is masterlik betocht mar ik kin mij net foarstelle dat dat it ferskil makket |
6 juny 1920 is de bertedatum fan heit Jan.
Berne yn Iens.
Ik tocht lit mij de krante (LC) fan dy dei der bijpakke
Dat slagget net, it is in snein.
Dus yn de krante fan 7 juny 1920 stiean dizze adfertinsjes.
 |
| Djoere reinjassen |
 |
| Oudste jongeman, wat moat ik mij dêrbij foarstelle? |
 |
| Stake is fan alle tiden |
 |
| Sokke adfertinsjes kinne no net mear |
Wat in prachtich fers fan Joost van den Vondel.
Hij skriuwt it at hij him net fermakket op in ytfeest yn Amsterdam.
Wylst hij him dêr ferfeelt, skriuwt er dit fers
en skoot it ta oan freon Govert.
Ik lês it yn in prachtich boek fan Geert Mak.
De skiednis fan in famylje yn Amsterdam
bringt de eardere skiednisboekjes ta libben.
En Mak, dy kin gewoan geweldich moai skriuwe.
It boek komt út de bieb fan Wommels
en ik haw ir oer in wike wol út
Yn 2018 bin ik op it tsjerkhôf fan Hichtum
en skreau dan dit stikje dit stikje
Ferline wike wie ik der wer
en wer stie ik stil bij de grêven fan dizze twa famkes.
Wat moai, at je dat sizze meie,
dat rjochts it grêf is fan de âlders fan Tryntsje
en lofts sûnt koart de heit fan Trijntje leit
Beste Wommelsers,
Ik hoop at it jim ek slagge is "it programma" fan de feesten te ûntdekken.
Ik haw it fûn.
Tusken al dat fotogeweld yn it bijdetiidse boekje fan de feestkommisje
is dit skema te finen.
Daty is alles wat ik witte wol.
It is jim wol dúdlik,
dat feestprogramma dat fyn ik in griis
Weismiten jild om safolle siden te fullen
mei sfearbylden fan ferline jier.
Ik wit it,
it programma is foar 80 % itselde,
en miskien is de wize om minsken yn de stimming te bringen.
Marketingtechnysk soe dat kinne
Bij mij wurket it net.
Dêrneist moat ik bekenne
ik bin net in feestbist.
lêsde ik earne op ynternet.
Bin benijd wat dat betsjut.
Ik soe ús pakesizzer fan 6 graach in want gunne
want dat heart er no ien kear bij
at je op keatsen sitte
en boppedat sommige oaren hawwe ek al ien.
Mar it is mij in riedsel
wêr't je dy dingen keapje kinne.
Kenners jouwe it al oan, dat wurdt in probleem.
Op de gok nei in ferneamde sportwinkel
yn de fytsalvestêdentocht levert neat op.
"Dêr hinget noch wat",
sei de man op in net al te entûsjaste toan
It rek mei wanten liket aardich útferkocht:
In pear linker wanten
en wat oare rjochterwanten mei nappen
sa grut as in spatboerd
"That's all".
"It binne pelotewanten, se komme út Belgie.
Oaren binne der net mear
en at se der binne,
ik haw in wachtlist fan in stik as 15........"
Ik begryp no syn net al te entoesjaste blik
Teloargesteld set ik wer ôf.
It is te tryst foar wurden
dat in keatsbûn graach wol dat de jongste jeugd wer keatst
mar dat er gjin materiaal is.
Us pakesizzer mei it earst wol mei myn want besykje
dy't is 4 maten te grut.......
Dat er oer in jier net mear keatse wol
dan begryp ik dat.
Fytsen bij skoalle, neat bijsûnders,
soene je sizze.
Fytsen fan bern,
wêrfan de âlders net mei de auto nei skoalle ride.
Neat bijsûnders, dy fytsen yn it rek.
Of toch.
Der stean sa'n 25 fytsen op de rige
allegear mei it foartsjil yn it fytsenrek
Allegear? Nee net allegear.
Twa binne gelyk omdraaid en stean klear om gelyk fuort te fytsen.
Tafal? Nee!
It binne de fytsen fan pakesizzers Samme en Nyck.
Dy dogge dat thús sa, bij ús op de oprit, bij it swimbad
en dus ek bij skoalle.
Dat ha se leard fan harren heit
en dy hat it wer fan syn heit.........
Rou-adfertinsjes is boeiend lêsfoer.
Net om al dy boatsjes, frachtauto's en fûgels
dy't wat sizze oer it wurk of de hobby fan de meast man
Nee. it binne de teksten dy't mij boeie.
Hjoed wer sa'n moaie sin boppe in adfertinsje
As de dei fan hjoed moarn net hellet, bist ûnderweis nei wêr't it begjint
Foar de twaentweintichste kear hawwe wij in famyljewykein hân.
Altyd it wykein nei Pinkster komme de seis bern
fan Tjeerd Holtrop en Annie de Weerd bijelkoar.
mei oanhang,
mei bern en oanhang,
mei pake en beppesizzers soms ek al mei oanhang
en mei tal fan hûnen.
De earste kear yn Hoogerheide noch yn tinten
no yn foukarren, karafans, kampers en noch wat tinten
wêrfan in inkele op ynstoarten stie
en dat ek die
nei dy ien groue bui freedtenacht.
Sa'n 75 wiene der sneontemiddei yn Elsloo
doe't de famyljeleden sels de pizza's bakten.
Myn each falt op in berjocht yn de krante oer de Big Four.
De Big Four spotte bij Tsjerkwert?
Dat is in oare Big Four dan dy't ik yn de holle haw.
Ik haw myn bêst dien om de echte Big Four te sjen
en dêr foar moast ik nei Amsterdam, nei Nijmegen en nei Ljouwert
Metallica, Anthrax, Slayer en Megadeth, dat is de Big Four.
Dy spylje fêst net yn it lân bij Tsjerkwert
Wêr is begong dat fûleindige ferlangen fan Jellie
om de 11 stêdentocht te fytsen op pinksternoandei?
Se jout sels dizze wike it antwurd.
"It is 50 jier dat ik út Israel werom kaam
en dy simmer de 11 stêdentocht fytste
mei heit, broer en dêr in freon fan.
Op in gewoane fyts, op in gewoane sneon,yn gewoane klean.
It wie ôfsjen, mar it slagge"
Dêr moat it yndie begong wêze
en hat it him trochsetten
neidat ik yn har libben kaam
en wij meardere kearen de tocht fytst hawwe
Ik bin op tiid opholden
mar Jellie net.
Ek yn 2024, nettsjinsteande in lichem dat net fit is
hat se it wer presteard.
Respekt foar it trochsetten.
en mei in laits oer de finisjstreep
25 registrearde tochten fanôf 1977
5 fan earder dy't net registreard binne
en ien yn 1974 op dy oare dei
Ik rin fannemoarn oer Skrok
en sjoch dêr de twa swannen.
Ik neam se it aai- of âlderleas pear.
Sa sjocht it der út
Oeral sjogge je in swan op it nêst
mei in tasjoggende swan deunbij.
Ik tink dat it hjir ek sa west hat.
Moannenlyn wie der in nêst
bij ien fan de fytsroasterbrechjes.
It like mij net in goed plak ta,
sa flak tsjin it paad oan.
At se fûl op de aaien binne,
blaze se se raar spul.
Fan de iene op de oare dei wie it nêst fuort
en lei der flakbij yn it lân in nêst
Ik tink dat it nêst troch minskehannen is ferpleatst
fanwege de feilichheid.
Ferstannich tink ik dan.
Net leuk, tink de swan dy't er opsitte moat
Hjir settelje ik mij net.....
It nêst liket noch altiten leech
en de twa swannen sitter der wat bij
as in aaileas pear
 |
| Op Skrok, sûnder in eigen nêst |
 |
| Bij it Ienzer tunneltsje |
Ik fyn it in opmerklik ferkearsboerd op dit plak.
Op dizze side fan it boerd stiet dat de 60 kilometersône foarbij is
en dat je dus flugger ride meie.
Op de oare side stiet dat je 60 ride meie, at je dizze kant útkomme.
De betonreed foarbij dit boerd rint noch 65 meter troch oan de bocht ta.
dêrnei ride je it hiem op fan boer Dijkstra yn de Súdhoeke.
"Remje yn ferbân mei in net oersichtlike bocht"
dat soe better wêze.
