Triatlon

 

Sneon wer in moaie dei bij de triatlon yn Wommels.

Mei Pieter en Christine yn it Parc fermé

Foarlêze

 It binne de Fryske foarlêswiken.

Brecht sit yn Skearnegoutum op it pjutteboartersplak

en sij frege mij om foar te lêzen.

Graach......

Fan Brecht krige út namme fan alle bern in moai kadootsje mei in geheimke yn it ear....

at ik wer fuortgean op de fyts, stean se mij bij it stek út te wuiven

Swimbad

Yn Snits wolle se in  iepenloft swimbad. 

Dat meie se fine. 

Dat yn ús fierstente grutte gemeente Wommels en Wytmarsum al sa'n swimbad hawwe, 

makket neat út,

want dat is net in opsje foar Snitsers,

 lês ik yn de Ljouwerter Krante.

"Want dat neemt weer reiskosten met zich mee".

Ja sa kinne wij der ek wol in pear. 

Wij wolle hjir wer in gemeentehûs, 

want no bringt dat reiskosten mei at je der hinne moatte 

om wat op te heljen.

Wij wolle hjir in teater en popseal, w

ant no bringt dat reiskosten mei 

at ik dêr hinne wol

Wij wolle hjir it sikenhûs ek wol ha, 

want no bringt dat reiskosten en parkearkosten mei

at je dêr hinne moatte

Wij wolle boppedat ek in oerdekt swimbad, 

want at je fanôf oktober swimme wolle 

dan bringt dat wol reiskosten mei.

Ik bedoel mar....

Yn de tobbe

 

Fan myn fêste kaartskriuwer út Manchester

krige ik wer in moaie kaart.

"In nijsgjirrich kaartsje foar jo"

stiet er op de efterside.

Mr. Natural fan Robert Crumb

Dankjewol Gerrit Tjallema,

de badman hat wol wat fan immen

dy't ik kin

Jorwert

 Ik lês op dit stuit in boek fan Hakan Nesser.

In prachtich boek, 

wêryn it oer  in boekenresinsjeskriuwer giet.

Fan de 100 resinsjes dy't hij skriuwt foar in krante 

binne der 75% negatyf.

Bewust negatyf.

Negatyf betsjut dat hij de skriuwer oan de grûn ta ôfbarnd.

Ik tink hjir oan 

wylst ik wat skriuwe wol oer it iepenloftspul fan Jorwert.

It leafst bin ik altyd loovjend.

Ik haw mij ferskuorrend fermakke,

ik haw mij de bûsen útskuord

lake om al dy prachtige taalgrappen.

mar dat is allegear foar it skoft.

Nei it skoft haw ik neat field.

Argewaasje miskien oer al dat geweld.

In boek mei sjitterij, ik stop gelyk

In film mei geweld, ik hoech it net te sjen.

In iepenloftspul mei geweld, 

ik hie wol fuortrinne wollen

Dat leit net oan de spilers of oan it dekôr 

want dat wie wer geweldich.

Dat leit oan myn ôfgryslike hekel 

om nei geweld te sjen.

Fytse

De skoallen binne wer begong

raze de doeken ús ta.

Oppasse, dat is de warskôging oan oare dykgebrûkers.

Fannemoarn op de fyts nei Boalsert

Bewust lâns it trekpaad 

om sa mei de skoallebern op te fytsen.

Miskien wol bedoeld om dat nostalgyske gefoel 

fan 1966 werom te krijen

doe't ik as brêgepiper nei Snits fytste

De earste lei al op de dyk

foardat ik op it fytspaad wie.

De triennen yn de eagen

mei in stik as wat meifytsers der om hinne.

It liken mear triennen fan skamte of skrik

dan fan pine.

Yn in optocht nei Boalsert.

Groepkes fan fjouwer of fiif.

It trekpaad is tige geskikt om efter elkoar te fytsen

neist elkoar is it in bytsjes krekt sa as op it balk

wêr't je it evenwicht hâlde moatte.

It gie goed.

De E-bikers holden wat yn en de echte fytsers (lykas ik hjoed)

koene it goed bijsloffe.

Bij Boalsert gie it wer mis

Wer ien oer de wrâld

Giet goed sei er tsjin mij en oaren.

Fytse dat is noch net sa maklik.

Blokkearskiep

 Se hawwe gjin idee wat him ôfspilet yn de grutte minskenwrâld. 

Blokkeare en de A12, dêr hawwe se noch nea fan heard. 

Dit is gewoan harren paad. 

At ik ien skiep oantrún paad te meitsjen folgje de oaren ek. 

Dat seit de siswize. 

Ik kin ek in oar paad kieze. 

Dat doch ik dan mar tusken Boazum en Dearsum. 

Bliuwt myn fyts ek noch frij fan skieppestront......

Fytse en gemeenten is in útdaging

 Der binne sa'n 337 gemeenten yn Nederlân.

Sûnt 2020 fytsten wij troch 219 

Dizze wike diene wij in slach yn Grins en Drinte

Dêr leine noch wat gebieten wêr't wij net sa faak komme

Wij fytsten dizze rûte sa'n bytsje

De gemeenten  Hoogeland, Eemsdelte, Midden Groningen,

Oldambt, Veendam, Pekela, Westerwolde, Stadskanaal

Borger Odoorn, Emmen en Assen

waarden in proai foar ús yn in fytstocht fan 4 dagen

mei 450 kilometer totaal

In prachtige rûte, foaral Grins is bijsûnder moai.

Drinte kaam ús goed út mei al dy beammen.

Skaad wie ús grutte freon.

De lêste dei 140 kilometer fan Emmer Compascuum nei Wommels.

Op twa eilannen nei, is it noarden no klear

Yn Brabân is noch hiel wat te heljen

Klimme

Moai fuort west mei Samme en Nyck

Fiskerijdagen yn Harns

en op sneon "stoere dingen" dei

Alles preabearje, hoe heger hoe better 

Samme ûnderweis nei de bel

Samme liedt de bel

Nyck 5 jier, ûnderweis nei boppen

Nyck hellet de bel ek 

Samme hinget 53 sekonden yn de touwen

tegearre op de tank

Beide yn in wetter skooter

Klimme en klauterje

Yn de tank

 

Al wer ien

Op 'e Skille is in regionaal krantsje

dat om de 14 dagen ferskynt yn de Greidhoeke.

Genôch redaksjoniele stikken om it in nijsgjirrich blêd te neamen.

Der binne in oantal fêste kollums,

dy't ik beide net lês,

de rest lês ik wol.

Der is noch in fêst ûnderwerp

dat sa stadichoan myn ynteresse ek ferlern hat.

Dat is it yntroduksjeferhaal  fan in koach.

"Al wer in nije koach", tink ik dan.

"Wer ien dy't fanút in eigen minne erfaring

it ljocht sjoen hat,

en no koach wurden is op dat ûnderdiel".

It AD kopte dizze wike ek al oer de koaches

Neffens dit oersicht binne is op 218 ynwenners ien koach yn Fryslân

Yn Wommels hawwe wij dus  sa'n 12 koaches nedich, 

mar der sit noch rek yn at ik sjoch nei de sifers fan Utert

Skrik

 Skrik net, dit wurdt in posityf stikje

oer Skrik

In festival, opsetten troch de jongerein fan Wommels

en omkriten.

In moaie lokaasje, dy't prachtich oanklaaid is.

Allegear noflike minsken dy't dizze jongeren stypje

troch der te wêzen.

Foar de bern wat ferdivedaasje

foar de mage in fette hap

foar de toarst lekker kâld bier

en foar de earen twa live bands.

Ik wie wer bliid mei de rock

en dizze twa jonge fans ek

Lofts pakesizzer Nyck en rjochts in Stonesfan

At it myn tiid is, sjoch ik noch efkes ta 

hoe de jongelju noch los gean

op in kreas gearstald playlist mei dancemyzk.

Sneintemoarn opromje

9 oere haw ik te hearen krigen.

Minne tiid wierskynlik

want der is net ien.

Om kertier oer njoggenen ek net.

It is net oars,

se rêde it fêst ek wol sûnder mij,

ik gean nei hûs.

Ledenkeatsen?

 

Dêr sitte wij dan mei syn allen

te sjen nei it keatsen

Op it affysje stiet PC froulju

myn each sjocht meast in oar nivo.

it liket sa oan it begjin fan de middei wol ledenkeatsen.

Wat in meager nivo.

Der binne noch mar in pear toppers.

It tuskenspul is om te janken.

Op de boppe stean is foar froulju in dreech plakje

te dreech

Yn de finale makke foaral de boppespylster it ferskil.

Marit Zeinstra dy't alles hat

en wit wat se docht

Louise Krol dy't werom slacht, at se der bij kin,

mar sûnder idee

Hoop dat Sjanet Wijnia in goeie bopp-spylster útsocht hat

dan hat se folgjend jier wer kâns.

Fryske sporten

It is de tiid fan de Fryske sporten

Dus nei it keatsen yn Frjentsjer en Wommels

it skûtsjesilen yn Starum en de Lemmer

en it fierljeppen yn Winsum

Moaie keatserij, 

prachtige silerij

mar it hichtepunt

letterlik en figuerlik

is de sprong fan Rutger Piersma mei 21.06

Einpikefel fljocht mij oer de rêch at ik dat sjoch

Ien gek plak

Miskien wurdt dat noch wolris in útdaging.

Lâns alle 222 gekste plakken fan Nederlân fytse

sa't dat beskreaun wurdt yn in boek.

It boek leit thús altyd foarhannen

want it bliuwt nijsgjirrich.

Hjoed fytse wij troch  Blesdike.

"Rustpunt" stiet er oanjûn 

en wij binne ta oan in bakje.

It docht bliken dat it "Rustpunt"

bij in kamperplak is.

Net samar in kemperplak 

mar in moaiste plak fan Nederlân yn 2023,

neffens "deskundigen" út de hiele wrâld

De kofje is prima, de stoel sit noflik

it is der skjin, it 'útsicht is goed

en de eigner is freonlik.

Dy titel jildt dus ek foar dit Rustpunt

Wij stappe wer op de fyts 

en sjogge tusken de beammen in bousel 

Ik moat mij al raar fersinne

at dit gebou net yn myn boek

"222 Allergekste plekken van Nederland" stiet

Dizze kin ik dus ôfstrepe.

Fierders in moaie tocht fytst om Wolvegea hinne

Liet 4

 Tiisdeitejûn is der in lêzing yn de haven

"Lêze foar de Freule", in moaie tradysje.

In geweldige foarlêzer hawwe se útnoege:

Sjoerd Bottema lêst in bijsûnder ferhaal foar.

Oer it ferhaal binne de mieningen wat ferskillend

mar ik haw mij fernuvere.

Foar de lêzing kinne wij genietsje fan de Freulesjongers.

In sjantykoar mei net allinne sjantys op it repertoir.

ik hear ek  keatsferskes.

"Komst út Littens, Rie bij Berltsum

Moddergat of komst út Baard"

Dy earste sinnen komme mij bekend foar.

Thús sykje ik in cd op,

want is dat net in ferske dat ik skreaun haw

foar it 100 jierrich jubileum fan de Freule yn 2002?

Freule Clara is werom

Dat haw ik wol faak

dat ik betink hoe soe immen it fine

at dy no noch libbe.

Hoe fersteld (ferbjustere) soene myn heit en mem wêze

at se no fanút harren grêf yn Iens nei Wommels fytsten.

It fytspaad  bij de feart wie der al yn 1998 en 2000

mar al dy feroaringen yn it doarp yn dy 25 jier?

Hjoed fyts ik troch Wommels

en slingerje mij en paad tusken frachtautos 

en noch mear frachtautos 

dy't de Terp, it keatslân en it Bosk 

befoarriede mei fan alles

Ik tink oan freule Clara

dy't hjir sa'n 125 jier troch it doarp kuiere.

Clara dy't begien wie mei earmoede

en nije huzen bouwe liet yn Wommels

Clara dy't graach woe dat de jonges keatsten

en dêrom prizen beskikber stelde foar it jongesekeatsen

Dy Clara dy soe no troch Wommels kuierje moatte

te  begjinnen op de Freuleleane.

At se de brêge oer is

soe se dan skrikke?

Skrikke fan al dy wite tinten, dy blau/wite kassa's

en dy no noch lege biertanks

dy't fan de frachtauto takele wurde op de Terp?

Soe se skrikke fan al dy piskruzen om en bij de Terp, 

dy't ús doarp stankfrij hâlde?

Soe se skrikke fan dat selde taferiel yn it Bosk?

Skrikke fan al dy swarte stekken, dy tribunes, 

op om it keats- en sportfjild hinne?

Skrikke fan dy keatsmuorre foar har freulewenten?

Soe se it mei ôfgrizen oansjen 

en graach gelyk werom wolle yn har grêf?

Of soe se grutsk in slach om it fjild dwaan,

efkes yn de bestjoerstinte sitte wolle

neist de foarsitter en de kommisaris fan de kening?

en dan mei in brok yn de kiel sizze:

Sa hie ik it net betinke kinnen

\mar it is moai..........

Dropkick Murphys yn de Feanhoop

It wie in prachtige jûn 

mei in stevige set fan the Rumjacks

en in meisjong oere fan Dropkick murphys. 

Prima regele dêr en in hearlike sfear. 

En at the Kilkennys ' daar in het kleine café' sjonge 

dan witte je dat de Ierske jûn tige slagge is. 

Us pakesizzer Samme (hij is al 7) mocht ek mei. 

Wat hat er genoaten dêr foaroan 

yn de sône fan de befeilgers fan syn favorite Rose tattoo.

 In pear kear in boks fan de sjonger en gitarist en......

de setlist mei hantekens bliuwe foar altyd yn syn herinnering 

en yn dy fan syn heit en mem en syn pake. 

Dankjewol Veenhoop Festival foar dizze prachtige jûn.

Mei al dy fleurige muzykfreonen koe it ek net mis gean.

Wij komme miskien wol wer ris

at er wer sa'n geweldige band is.

Wat er noch bijkomt wie it feit

dat wij der op de fyts hinne koene

4 kilometer fan it terrein kampearden

en noflik hast foar de wyn werom fytsten

Sa fit as wat......

De PC

It is tiisdei.

Moarn is de PC

Hjoed sjoch ik te faak op Buienradar, Weeronline en Meteored

Se jouwe allegear it selde byld.

Rein en net sa'n bytsje ek.

Wat sil ik dwaan moarn?

Thúsbliuwe is gjin opsje.

Wietreine litte is ek net oantreklik.

Foar de buien of nei de buien

Op de fyts of op de fyts

Bliid dat de PC kommisje oan de ein fan de middei my helpt

It begjint net foar tolven

dus kin ik de swierste buien fanút hús besjen.

Ik kin sels earst op jierdei bij dochter Hildau.

It sil letter wol efkes droech wurde

dus iterstiid dy kant mar út.

De weromreis makket net folle út.

ik haw ljocht op de fyts

dus de lêste slach wol ik feitlik wol sjen.

Chat GPT

Earst fregen wij alles oan Google

Dat kin no ek oan Chat GPT.

Dy soe alles witte en kinne.

En fluch.

Ik die de proef op de som

Ik frege

Maak een routebeschrijving voor een wandeling in Wommels . Wat is er allemaal te zien. Vertel iets over de straten, de wijken en de oude gebouwen. Wat zijn de bekende inwoners (geweest). Een rondje van 5 kilometer

Ik krige dit as antwurd

ChatGPT

Routebeschrijving voor een wandeling in Wommels (5 kilometer):

Deze wandeling neemt je mee door het schilderachtige dorp Wommels, waar je kunt genieten van de historische straten, charmante wijken en prachtige oude gebouwen.

Startpunt: Dorpsplein Wommels

1. Begin bij het Dorpsplein, het bruisende hart van Wommels. Hier vind je gezellige cafés en restaurants, evenals een aantal lokale winkels. Neem even de tijd om het standbeeld van een bekende inwoner te bewonderen, zoals Epke Zonderland, de beroemde Nederlandse turner.
2. Loop vanaf het Dorpsplein naar het zuiden en sla rechtsaf naar de Skilpaed. Deze straat staat bekend om zijn mooie oude huizen en prachtige tuinen.
3. Ga verder langs de Skilpaed en sla linksaf naar de Terp. Onderweg kom je historische boerderijen tegen, die typerend zijn voor het Friese platteland.
4. Vervolg je weg naar het westen en sla rechtsaf naar de Terpstrjitte. Deze straat leidt je langs enkele van de oudste gebouwen van Wommels, waaronder de imposante Sint Martinuskerk, die dateert uit de 12e eeuw. De kerk is een prachtig voorbeeld van romaanse architectuur en heeft een rijke geschiedenis.
5. Loop verder over de Terpstrjitte en sla linksaf naar de Lytse Buorren. Hier kun je nog meer historische panden bewonderen en genieten van de pittoreske omgeving.
6. Volg de Lytse Buorren tot je de voormalige stoomzuivelfabriek tegenkomt. Dit gebouw herinnert aan het agrarische verleden van Wommels en is een mooi stukje industrieel erfgoed.
7. Steek vanaf de Lytse Buorren over naar de Ljurkstrjitte en volg deze weg naar het noorden. Je komt langs de Wommelsermolen, een karakteristieke windmolen die nog steeds in bedrijf is en een bezoekje waard is.
8. Sla linksaf naar de Hottingawei en loop verder langs deze weg, waar je enkele moderne woonwijken zult passeren. Hier zie je hoe Wommels een mix is van historische charme en hedendaagse voorzieningen.
9. Aan het einde van de Hottingawei sla je rechtsaf naar de Graldasingel. Deze straat leidt je terug naar het Dorpsplein, waar je de wandeling begon.

Tijdens deze wandeling krijg je een goed beeld van het idyllische dorp Wommels, met zijn rijke geschiedenis, prachtige oude gebouwen en aantrekkelijke straten en wijken. Geniet van de wandeling en de mooie omgeving!

 

Ik winskje jim in moaie speurtocht

It iene heechhout is it oare net

In slach troch Wjelsryp brocht mij bij de Frjentsjerterfeart

It dykje rint dea.

Ik kom út bij in heechhout

In opfallend moai heechhout fan beton

Op de side fan it doarp Wjelryp lês ik letter dit

Bovendien is er een fraaie ronde betonnen brug over de Frentsjerter Feart, die het buurtschap ’t Heechhout ontsluit.

Sa, dan wit jim dat ek.

Hoewol sommigen wisten dit al 

en witte miskien wol mear te fertellen