Heech wetter

Heech wetter dat hawwe wij hjir ek alris hân yn Wommels.

Yn 1918 moast de boatferbining 

Boalsert - Ljouwert oanpast wurde

Klokkestoel yn Hoarnstersweach

De klokkestoel fan Hoarnstersweach is boud yn 2007

neidat de eardere stoel yn 1977 ôfbrutsen is fanwege houtrot.

De klok hat in skoft yn Mildaam west, 

mar sûnt 2007 werom yn Hoarnstersweach

Geniet fan it beskieden klokkestuoltsje fan Hoarnstersweach

neist de tsjerke fan 1621

In molkesalon

 

In berchplak foar fytsen

bij de "Nieuwe Friesche Melksalon"

Wat in moaie adfertinsje wer út 1918

In fear

Dit stiet tongersdei yn de Ljouwerter Krante

Ien fan de "veertien" bin ik.

Wij hawwe in noflike jûn hân

Lyts Grins

 

At it der wat op liket dan stekke wij graach oan bij in RUSTPUNT

Moandei like it der op,

better sein it is top yn Klein Groningen.

in rêstpunt tusken Hemrik en Wynjewâld.

In krease bank bûten en in prachtige binnenromte

om te sitten en sels in bakje kofje út de automaat te heljen.

Sels in húske is oanwêzich,

Ofrekkenje foar de kofje of gebrûk fan húske 

kin mei de Q koade

Dit is echt in foarútgong

Klokkestoel yn Weinterp

 Op myn list stiet Wynjewâlde,

mar it is Wynterp

It earste leit oan de oare kant fan de provinsjale dyk

en Weinterp oan dizze kant.

Wij fytsten in moaie ein te fier.

De stoel yn Weinterp is oars net ien dy't je maklik oer de kop sjogge.

In grut bouwurk om te sjen

mei mar leafst trije klokken

is der dan ien dy't seit, dit is net lêzen foar Aant 

Lucht is fergees

 Lucht is fergees

de priis kin dus net de reden wêze 

wêrom fytsbannen soms sa leech binne.

Fannemoarn bij de jeugdtriatlon dwaande as frijwilliger.

Ik ferpleatste in fyts en it fielde

of stie dy op it izer.

Gjin lucht yn de bân en dan moat je as bern 5 kilometer fytse

tsjin in hurde wyn.

Ik helje de pomp fan hûs

en soargje der foar dat dit famke wol fatsoenlik fytse kin.

Sa kin ik ek bij de oare fytsen lâns

wylst de bern harren opmeitsje foar it swimmen.

Tweintich bannen pomp ik op, 

omdat er frijwol gjin lucht yn sit.

Tsjongejongejonge,...... tink ik lûdop

dat je as âlders net efkes de muoite dogge

om je bern in fyts mei te jaan mei hurde bannen.

Oan de priis kin it net lizze.....

Sifers en tsiis

 Ik bin sljocht op sifers.

Oersichten en statistiken, kom mar op!

It CBS is foar de sifers 

en sij hawwe betroubere sifers.

Ik fertrou dy sifers yn alle gefallen

Der is no wer in oantal tema's moai yn byld brocht.

Klik op it plaatsje en jim kinne it sels sjen

In foarbyld?

De tsiis

De bakker yn Easterein

 

Dizze adfertinsje stiet yn april 1918 yn de Boalserter Krante.

Wêrom dêr sa'n haast bij is

docht in pear wiken letter bliken

Van der Woude hie der alle belang bij

om de doazen en blikken mei te nimmen yn it boelguod

Klokkestoel yn Hemrik

 It wite tsjerkje fan Hemrik dat kin ik wol.

In opfallend ljocht gebou op hichte.

Dat dêr njonken in klokkestoel stiet

is mij net earder opfallen.

Yn de tsjerke is ek sliepplak

en de klok yn de stoel wurdt alle dagen noch lieden.

Om 12.00 oere set in frijwilliger him efkes skrap

om de klok op gong te helpen.

At de klok it ritme te pakken hat, kin it mei ien hân..

Earbeskermers op is in goeie saak.

Wat in lûd !

Wij binne der om 12 oere dat treft......

Bij it tsjerkhôf ek noch in grêfkelder fan de famylje van der Sluis

Klokkestoel yn Beetstersweach

 Ik socht ynformaasje oer de klokkestoel yn Beetstersweach.

Wêr soe dy stean, tocht ik fan te foaren.

Grut is myn skrik at er op ynternet stiet

dat hij op it terrein fan Lyndensteyn stiet.

Lyndensteyn, skoalle Lyndensteyn?

Dêr haw ik jierren wurke en nea in klokkestoel sjoen.

No wit ik wol, dat ik dêr nea omrûn tusken de middei, mar dochs.

Wij fine him.

Ik skiterich klokkestuoltsje

oan de oare kant fan it gebou.

Jong fan leeftyd, min yn de ferve.

Winsumer salve en Purol

Ik helje wolris Winsumer nútsjes bij de COOP.

Hurd mar foaral lekker sâlt.

Ik tink net dat er no noch Winsumer salve te krijen is 

lykas yn 1918

Purol sjippe

dat is in wûndermiddel.

It hier giet er fan groeien!

Dat sil wol bij kappers te krijen wêze

De klokkestoel yn Aldbeets

 Nijbeets dan kinne jim wol,

lykas Beetstersweach

Dêr tuskenyn leit Aldbeets.

Wat (heare)huzen, wat pleatsen

en in ferskûle tsjerkhôf mei klokkestoel.

It tsjerkhôf hat wat avontoerliks.

Wat ferhegingen, de fundaminten fan in tsjerke

wat famuljegrêven fan adellike famyljes,

âlde ûnlêsbere grêfstiennen

en in klokkestoel dy't er pas yn 1987 stiet.

Moai dat der dúdlike ynformaasje te lêzen is