Nammesiik

 Ik tocht lit mij ris wat dwaan mei nammebuorden

It begjint fansels yn Baard

Lâns de Ie kom ik út yn Burdaant

Hjir fiel ik mij in jonge g(e)ast yn Aldegea(st)

Lêzing

It lânbouwmuseum yn Ljouwert is ticht.

Sij binne oan it ferbouwen

1 maaie giet it wer iepen.

Snein wie it foar in lêzing wol iepen

80 minsken sawat (útferkocht) binne bij de lêzing

It boek oer Peenstra haw ik mei nocht lêzen

it jout in moai ynsjoch fan de ûntwikkeling

fan dizze boer mei syn gesin yn Wommels

Hij skildere letter ek

Dy skilderijen wiene no te sjen.

At it museum wer iepen giet

sjogge jim as earste dizze oandachtslûker

De lêzing gie foaral oer Mansholt en de útfiner fan keunstdong

Beide hawwe letter oanjûn dat se spyt hawwe fan harren "belied"

 It wie moai fytswaar 

Foaral werom, foar de wyn

Der sit mij wat dwers of net

Ik fyts in rûntsje. 

Dat doch ik wol faker. 

Ik sykje wer wat dearinnende dykjes op

wêr't ik noch  net earder wie. 

Dat doch ik ek wol faker. 

Ik sjoch in iensume picknicktafel. 

Ik stopje foar in piipskoft 

Dat doch ik faker. 

In tafel foar mij allinne. 

Dy sykje ik wol faker. 

Op de tafel in tekst mei Qr koade. 

Wat soe der efter dy koade sitte. 

In liet, in gedicht, in ferhaal oer de omjouwing. 

Neat fan dat alles 

Sjoch     hjir. 

Mar gau wer op de fyts.
 Der sit mij neat dwers 

Terreur

 

Ik moat der feitlik gjin oandacht oan jaan,

dizze nammebuordeterreur

Benijd hoe lang it duorret foardat it wer skjin is.

Minder

Wandrer myn fytsmaat stjoert mij nei de frjemste plakken.

Yn de buert fan Sint Nyk sjoch ik noch in moaie rûte lizzen 

wêr't ik noch net erader west ha.

It giet moai, oant dit stek

Efter sit stek twa strjitten mei fakânsjebungalows

Alinne mei in koade kinne je der lâns.

Minder van Eysinga soe ik roppe wolle

Folle minder......

It lege midden

It lege midden troch. 

Alles wat dearint is us paad. 

18 kilometer nije kilometers (blau) 

Suorein, Aalsum, Goatum, Birstum, de Bokkumer Omwei en Aldskou. 

Dat klinkt hiel oars as in rûntsje Jirnsum, Grou, Akkrum, Jirnsum

Grou

Grou 

Goatum 

Birstum 

Bokkumer Omwei 

Jachthaven Akkrum 

Fertutearze Aldskou

Jirnsum

Om te gûlen

 

It giet mar troch mei de Fyske flaterkalinder

Fan djiptepunt nei djiptepunt

Sylrees

 

106 dagen binne se no ûnderweis.

De lêste trije dy't noch yn koers binne.

106 dagen allinne yn in sylboat de wrâld oer.

Fan de 40 dy't fan start gyngen 

lizze der no 30 yn de haven fan Les Sables dÓllonne.

7 binne útfallen en 3 binne noch ûnderweis.

Sjoch hjir foar de krekte lokaasje

Skoskerinner

De skoskerinner, 

sa hjit it boek dat Eppie Dam skreaun hat oer Henk Kroes

It boek is fan 2007.

In moai boek, foaral ek omdat Eppie Dam in goeie skriuwer is.

Yn it boek giet it fansels ek oer it wurk fan Henk Kroes bij it Fryske Gea.

Moaie haadstikken oer it Wiid, 

it rekreaasjepark bij Earnewâld dat er sanedich komme moast.

De rol fan Henk Kroes bij it Fryske Gea yn dy saak.

Bijsûnder is ek it ferhaal oer de natoergebieten yn Gaasterlân.

Moaie ferhalen oer Kroes syn lange-ôfstânsfytsreizen.

It fytse yn in groep en it moannen meielkoar oplûke, 

it boek jout oan dat it net allegear sa leuk wie.

Fansels giet it oer de 11stêdentocht, 

doe't hij iismaster of foarsitter wie, 

mar dat boeit mij minder want mei dy hiele 11 stêdentocht haw ik neat.

Ik haw it boek kocht bij Dorcas yn Boalsert foar 2 euro.

Foar in  symboalyske 1 euro wol it it wol wer kwyt.

Taheakke

In nijsgjirrich stikje fûn ik ek wol it ferskil fan miening mei de Vries

Net feroare

Soms fiel ik mij gewoan noch 25 jier.

At ik de jierren 60 muzyk hear, 

at ik efter de muzyk oangean

jout dat in fantastysk jeugdich gefoel

Soms tink  ik ek dat ik uterlik net bot feroare bin.

Mar at ek dan immen tref dy't ik hiel lang net sjoen haw

en dygene seit: ik seach it sa net dasto it bist

dan wit ik genôch.

Dizze foto is nommen op 24 febrewaris 1978

yn de wetterpoarte fan Snits

In jong bruidspear

Isjasses

Ik dangelje no hast trije wike om mei in foet dy't net lekker rint.

Lit stean lekker draaft.

 Isias yn de lofterfoet, is de diagnose

Dat hâldt mij dus dwaande

en flink ek

"dry needling" bij de fysio

en oefeningen dêr en thús.

Myn stive heupen dy't ik al hiel lang haw

krije no op de bealch.

Wat in gedoch.

Tefolle sitte is net handich 

dus aardich minder efter it toetseboerd

Der wol op út at it wat past.

Muzyk yn Itens, it koe krekt

fuotbal yn Skearnegoutum, it slagge goed

blues yn Easterein, geweldige band  (Luther's)

bakje bij foar Diggelfjoer, moai petear

Fytse, dat giet gelokkich wol reedlik goed

Isjasses, hoe krije je it 

mar foaral hoe kom je der sa fluch mooglik ôf.

Winterdei

 

De sinne hat al aardich krêft,

foaral efter it rút fernimme je dat.

Bûten fernimme je dat ek at je op de fyts binne

en foar de wyn hawwe.

Nei Littens hiene wij yn é wyn

en fine wij, foaral ús fuotten, it kâld

mar dêrnei giet it werom at it slydjaget,

De Boalserter trekfeart

it iis leit der moai yn.

De einen hawwe harren strategyske posysjes wer ynommen

en soargje mei syn allen foar hiele grutte wekken.

Yn Littens stean wij stil bij de Iisbaan

hjoed moai iis

dizze simmer grien

Blau

Ik haw der hiel lang oer dien.

It boek "Al het blauw van de hemel"

It wie op lêst sa, dat ik twivele

"sil ik it wol of net útlêze"

In boek net útlêze doch ik wol faker

dan stiet it mij net mear oan

of at ik it idee krij dat ik in film lês.

Mei in boek ophâlde omdat ik it sa ôfgriislik moai fyn

dat is mij noch net earder oerkaam.

Wat in boek, wat in boek.

Ik sis der fierders neat oer

want ik wol neat ferklappe

mar leau mij: dit boek it geweldich

Sa'n moai boek haw ik noch nea earder lêzen

Taheakke: ik haw in e-pub ferzje, foar de leafhawwer

Ferneame

Sneon wie Syb bij ús,

de jongste pake- beppesizzer. 

Hij is noch 2.

It wie wer in hearlik fermaak.

Fjouwer oere sette hij wer ôf.

Om seis oere komme Samme en Nyck.

Sij binne noch 8 en noch 6

Sij bliuwe sliepen.

Oare moarns komt Nyck bij mij lizzen.

"Pake, asto dea bist dan bin ik ek al âld"

 "Dat soe moai wêze", sis ik.

"Pake, at ik bern krij, dan neam ik him Aant, nei dij"

"en Jellie, at it in famke is"

"Wat leaf fan dij".

Mar soe dyn frou dat wol goed fine, 

want dy hat ek in pake en beppe", 

besykje ik mei wat relativearing.

"Tsja", seit Nyck, 

"miskien bliuw ik ek wol allinne,

dy drokte fan bern........."

"Witst al in famke , wêr'st mei trouwe wolst"

"Ja,  Y of Y "seit er beret

Beide mei in Ygrek krekt as mij"

"Dat klinkt net Ygek, beslút ik ús petearke.

Mei Syb in slach rinne

twa jonges en twa fytsen útfanhûs

Suvel

 Yn in  krante fan 1961 stiet dit nijsgjirrige stikje

In oandwaaning

Dit stikje stie earne yn it AD

as ûnderdiel fan in grutter stik.

Jim kinne sels wol betinke wêr't it sa'n bytsje om giet.

In oandwaaning fan de nije tiid

In djoer aaike

Froeger wie alles better.

Minder kriminaliteit miskien

mar mear besoademiterje yn 1961

In stik of in boek

 

Wat moast it wurde en wat is it wurden?

Moast it in stik wurde en is in boek wurden

of moast in boek wurde en is it mear in stik

Ik bin der noch net út mar ik haw it ek noch krekt net út

It tema makket wol nijsgjirrich,

it is dêrom dat ik trochlês.

Is it grappich? 

Ja, dat giet

Is it fantasij? 

Dat wol wat

Is it spannend? 

Haw ik noch net field nei 165 siden

Is it oangripend? 

Foar mij net

Mei oare wurden, 

lêze dat boek mar dat hawwe jim net fan mij

FUC

De hiele wike siet ik yn jierren 60 muzyk troch NPO radio 5. 

Ien fan myn favorite nûmers is Summertime Blues fan The Who. 

Der is sûnt justerjûn in noch bettere útfiering bijkommen fan dit nûmer. 

De útfiering fan FUC mei Daan Span as 'Daltrey'

wie in hearlike ôfsluter fan dy jierren 60 wike. 

Of wie it al snein doe't FUC ús ek fermakke mei ûnder oaren Little Red Rooster 

mei Pier Koopmans as 'Jagger'. 

Mei noch twa hearlike bands dêr yn Itens (Historian en Milk & Alcohol) 

wie it in tige slagge jûn. 

Gjin filmkes makke juster 

mar dit is dan as kompensaasje de twads beste útfiering fan Summertime Blues

 

Sukkel

 

Wat sjoch ik faak immen efter it autostjoer beljen

Dat giet de hiele dei troch, 

wêr't je ek binne yn ús fierstentegrutte gemeente

De pakkâns is frijwol nul, lês ik hjoed yn it regionale AD

Ik sjoch der alle dagen meardere yn de buert fan Wommels

en dan lês ik dat der ferline jier 356 minsken in print krigen

foar dizze oertreding

356 bekeurings, dat is minder as ien per dei.

Nee, de pakkâns is net grut

At je pakt binne, binne je hast in sukkel

Foltreffer?

 

Op it tsjerkhôf fan Wûns stiet dizze grêfstien.

Trije bern út ien húshâlding op ien stien.

S komme om op de dei nei de befrijing yn 1945

It ferhaal spilet bij de Wunsstelling en wie in freeslike flater

In Kanadees tocht dat er in noch in Dútser wie bij it hûs 

wêr't it gesin wenne wêr't de bern ta behearden.

Hij skeat in granaat ôf.

De granaatynslach treft gezin en de trije bern komme om.

De iene wat letter as de oare.

Hoe is it mooglik dat op de grêfstien stiet 

door een voltreffer

Fierderop sjoch ik noch in stien mei in ferhaal

(feitlik hawwe alle stiennen dat)

Trije bruorren ferdrinke

1825

 Wat in drokte om de oerstreaming fan 1825

De "ferjitten"oerstreaming wurdt it neamd

Ferjitten? 

Hoe komme se der bij.

Asing Walthaus skreaun in moaie kollum yn de LC.

It lêste stikje dêrfan stiet hjir ûnder

Tietvoorn

 

Oer de Fryske Spreukekalinder 2025 haw  ik it al hân.

Ien stik argewaasje

Mar de argewaasje is no omslein yn nijsgjirrigens

Nijsgjirrich wat se no wer ferkeard dien ha.

De útjouwer jout ek oare kalinders út

Drints, Achterhoeks en Oersisels

Ik haw it idee dat dit stikje op de kalinder fan Oerisel pronkje moast.

Oh ja,

as spreuk stiet der dizze kear in froufreonlike siswize op,

wêr't ik noch nea fan heard haw:

Memmedei komt njoggen moannen nei heitenacht

Fergunningen

 It falt net ta om wat te organisearjen yn dizze tiid.

De betingsten wurde hieltyd stranger

en in gemeente dekt him foar fan alles yn.

Alle jierren it selde ferske.

Steapels papieren ynfulle

en mar wachtsje at in amtner yn ús fierstentegrutte gemeente 

it goed fynt.

Dat moat oars sei de gemeenterie

en dus wurde der no stappen setten

Sneon yn de LC stie soan Tsjeard 

út namme fan de Frysman, 

de ienige hiele triatlon yn Fryslân,

mei wat amtners op it Reaklif

want sels sjen is better as úttekenje en útlizze op papier.

Oare talen

 Appie Heyn  en Jacob Jumbo fine it net nedich

dat op harren produkten de Nederlânske taal stiet.

It is goedkeaper om gewoan ien taal te brûken.

Dêr binne fansels tal fan taalorganisaasjes op tsjin

en ik ek.

Neffens mij is Brinta al begong....