Stil

Ik wie hjoed bij in optreden fan Di Gojim,

in klezmer band dy't swingt as in tyt,

oansteklike toetermuzyk

dy't raast tsjin de fuotten: 

beweech.....beweech...dûnsje....dûnsje.....

der waard net beweechd,
dizze middei,

inkel de hannen gyngen efkes opelkoar,
at in nûmer dien wie:

hantsjeklappe

Myn oandacht foel betiden wat fuort
en ik tocht, ja ik tocht .....

Stel no ris dat sa'n klezmerband 

op in freedtejûn yn Poadium Asteriks spilet,

dat soe samar kinne,......

dan springt en dûnset de helt fan de helt 

dan stiet de helt fan de helt te harkjen en is stil

mar ek.....

dan stiet de helt fan de helt mei de hân en de tillefoan omheech

en stiet de helt fan de helt te praten oer auto's, oer wurk of fuotbal....

Hjoed wie dat net sa,

yn Boalsert.

der wie gjin gedûns (sels Geartsje doarde it net oan)
der wie gjin gepraat

der wie gjin tillefoan yn de loft

der wie allinne mar stilte

ien en al ear foar de muzyk
en der oandacht en wurdearring

Ik doarde it net iens oan

om in foto te meitsjen foar dizze blog....

Wat in ferskil..
wat in stoel al net dwaan kin...

Ynstrumentaal

Der hat in tiid west dat muzyk mij sûnder sjongen tsjin stie. Der binne útsûnderingen mar in sjonger of sjongster bepaalt foar in grut part it lûd fan in groep. Fansels ik hâld fan dy jankende gitaar mar likernôch ek fan de stim.
Der binne útsûnderingen. En it kaam foarhinne dan ek in inkele kear foar dat in ynstrumentaal nûmer in grutte hit waard. Sûnder djip nei te tinken kin ik mij sa in oantal nûmers foar de geast krije.
Booker T & Mg's mei Time is tight. Dat fyn ik hjoeddeisk in prachtich nûmer mar yn dy jierren dat ik útgie ferflokte ik dizze klanken. Dit wie earne yn in diskoteek it lêste nûmer en dat betsjutte ein fan de jûn.
Ek Albatross fan Fleetwood Mac siit goed ynelkoar mar it ferprutste in jûn omdat it dûnsen dan oergie yn skowe en dat wie net myn ding: myn begjinnende ferkearing rekke dan meast út.
Dat ik The 5th fan Exception ek wol aardich fûn wiisde op klassike belangstelling mar ik kin jim sizze dêr is it bij bleaun.
Mar it nûmer wat mij it measte bybleaun is , komt fan de Swinging Soul Machine. Gjin muzyk dy't mij oanspruts mei dat getoeter mar de titel wie geowan leuk: Spooky's day off.
Sjonger Spooky mocht bij ien nûmer net mei dwaan en krekt dat waard harren grutste hit.

Spesjaal foar jim de top 150 mei ynstrumentale nûmers. In list fan alle tiden.
Ik bin benijd wat jim favoryt is.
Twa filmkes dizze kear.
Spesjaal foar de fans yn Parregea en omkriten fan Pink Floyd.




En spesjaal foar mijsels omdat dit nûmer fan de âlde BZN altyd in hichtepunt wie.