Moarnsljocht

 

Ik hoechde fannemoarn net fier te rinnen

om wat moais te sjen.

Gelyk stoppe nei it foto's meitsje, 

want de linker poat woe ek net echt mei

Fiadukt

 It boek oer Burchwert jout ek wat ynsjoch oer tal fan saken.

Sa sjoch ik dit stean oer 1960

Dy lêste sin is bijsûnder.

Yn 1960 wurdt der praten oer in grutte dyk fan Ljouwert nei Boalsert of oarsom....

Yn Burchwert pleite se foar in fiadukt op de Burchwerterhoeke.

De dyk komt der yn 1973....

It fiadukt yn 2023 mei in tekst der op yn in lettertype

wêr't je Google transleet bij ha moatte om it te lêzen

Kinne meitsje (2)

 

Ik bin hast wol klear mei dy spreukenkalinder,

dy Fryske spreukenkalinder 2025.

26 dagen foarbij en de iene nei de oare taalflater 

fljocht hjir troch it húske

Hokker Sjinees hat dit ding makke

freegje ik mij ôf.

It soe net kinne meie of kinne moatte 

sokke flaters.

Ik haw in mail stjoerd nei de útjouwer

en krige dit antwurd:

Geachte heer Hofstra,

We geven de Fryske spreukekalinder inmiddels meer dan 30 jaar uit.

En de kalender van 2025 bevat inderdaad, tot onze grote spijt, teveel spellings- en grammaticafouten.

En dat is ons in die meer dan 30 jaar niet eerder overkomen.

Onze excuses daarvoor!

De kalender voor 2026 was al bijna in productie, echter hebben we op het laatste moment besloten een extra correctie te laten uitvoeren door Afûk.

Tevens doen we in de kalender voor 2026 een oproep voor een nieuwe samensteller van de Fryske spreukekalinder.

Met deze ingrepen hopen we weer tot een goede Fryske spreukekalinder te komen.

Nogmaals onze excuses!

met vriendelijke groeten

Johan van de Berg

Uitgeverij Van de Berg

Typysk

 

Ik haw in boek út de wikselkolleksje fan Mar & Fean

Gjin lêsboek,

mar in boek om je te fernuverjen.

Ik tink wol 1000 foto's oer typysk Nederlâns 

neffens de fotograaf.

Sa sjoch ik talrike foto's fan dingen om en bij hûs

Boedabylden 

Molentsjes 

Fersierde / feburgen kontainers

Grutte blompotten

Syngroam bemamen

Entree hagebôgen 

Buorden mei eten en zo,  bouwen en zo, friet en zo, 

kafé en zo, pizza en zo

Automaten foar fan alles

Buordtsjes mei Home

Frjemde huzenammen

Hjirûnder in pear foarbylden yn byld.....

Noch in meter

 

Noch minstens in meter te gean.........

Giele buorden

 Betiden tilt it op fan de giele buorden.

Moai op tiid en op alle mooglike punten

wêr't de auto's lâns komme

In omlieding, se hawwe der in bealch fol wurk fan

om op it goeie plak de pylken en letters del te setten.

Safolle wurk dat je net dy muoite nimme

om dat foar fytsers ek te dwaan.

Fyts ik moandei mei myn goeie gedrach 

binnentroch nei Burchwert

fyts ik troch Burchwert

kom ik bij de trekfeart bij it lêste hûs

en dan is it Ho......

In skrikstek blokkearet it paad.

In giel boerd seit  dat Boalsert dy kant út is.

Dat is werom 

rjochting Burchwerterhoeke....

Ik fyn in omlieding net slim

in stikje omfytse ek net

mar de wize wêrop se mei fytsers omgean wol.

Der fljocht in ders gefoel troch mij hinne.

Dus gean ik mar rjochting Hartwert

en fyts fia in suterich betonpaad

oer it hiem bij in pleats  (Bargepels) oer de Kleasterfeart 

nei Boalsert

Fokus

Sneontejûn bliuwe de leafhawwers oer op it bluesfestival.

Nei Flavium en Livin Blues binne dêr kertier oer alven de Bintangs

Ik begryp dat wol as santiger,

dat je nei in lange jûn it net mear op fuottten hâlde kinne.

In stampfolle bak, dus hast gjin plak foar sitsjes,

boppedat gong it hurry-up tusken de optredens.

It publyk wie wol gemiddeld oan de âlde kant

en at je dit net wend binne is de tredde band krekt tefolle

Net foar mij, want ik kom just foar de Bintangs.

It is myn 13 kear dat ik se sjoch.

It begjint yn 1982 yn it Dielshûs

at ik sels mei organisear as bestjoerslid.

No stean se 42 jier letter yn it Bolwerk yn Snits

Ik stean bij Tiede

Wij hawwe it oer de sound, 

dy hearlike slidegitaar 

en dat wij sa net in band witte

dy't dit ek docht.

Hearlike hits as Ridin on the L&N, Mona Lisa

en Alright, Alright komme foarbij.

Prachtige ballads spylje se 

meast skreaun troch Art  Kraaijenveld

dy't mei 71 jier ferstoar.

Wij sprekke ús ferbazing en respekt út oer Frank Kraaijeveld

dy't neffens mij 78 is.

Hielendal ferkeard dus. 

Hij is yn jannewaris 80 wurden.

80 en noch sa rocke mei in prima band.

Hoe't hij dat sa lang folhâlde kin

kinne jim lêze yn dit moaie artikel oer syn frou

Sjoch hjir 

Schwartzenbergweg

 

Yn Hichtum is de Schwartzenbergweg.

Dat wit ik sûnt 1978, want doe wennen wij dêr.

Sa'n fjouwer jier lang, mei in soad genoegen

Ik fyts dan ek graach troch Hichtum.

Yn Burchwert hawwe se ek in stikje Schwartzenbergweg sa te sjen.

Schwartzenberg komt fan ien of oare adelike famylje

dy't dêr wenne hawwe op de Wybrandastate.

Dy state is letter ôfbrutsen 

en dêr is in grutte pleats foar yn it plak kommen.

Dy stiet er noch. 

Oer de brêge oan de rjochterhân,

de pleats mei it hôf en de grêft der omhinne.

Dy adelike famylje hat wakker wat namme makke yn Fryslân

Ik freegje Chat GPT wêr't noch mear Schwartzenberg strjitnammen binne.

It antwurd:

De naam "Schwartzenbergweg" komt voor in verschillende plaatsen, vooral in Nederland. Enkele bekende locaties zijn:

1. **Amsterdam**: In de hoofdstad van Nederland bevindt zich een Schwartzenbergweg in de wijk Amsterdam-Zuid.
2. **Rotterdam**: Er is ook een Schwartzenbergweg in Rotterdam.
3. **Utrecht**: Deze straat komt voor in de stad Utrecht.

Daarnaast kunnen er ook andere kleinere plaatsen of wijken zijn die een straat met de naam Schwartzenbergweg hebben. Als je specifieke informatie zoekt over een bepaalde Schwartzenbergweg of een context waarin deze naam voorkomt, laat het me weten!

Ik bin fansels net tefreden mei dit antwurd.

Hichtum, dêr bin ik wis fan en Drachten neffens mij ek.

Dus sis ik tsjin yn de Chatboks:  Ook in Drachten?

Ja, je hebt gelijk, er is ook een Schwartzenbergweg in Drachten, blablabla

Ik wit ek dat der ien yn Bitgum is, dus mar wer freegje

Ja, je hebt gelijk, er is ook een Schwartzenbergweg in Beetgum blablaabla

En Sneek dan freegje ik

Ja, je hebt gelijk, er is ook een Schwartzenbergweg in Sneek, blablaabla

Ik jou de moed op. 

Ik haw gjin sin om alles foar te sizzen.

Om te fertellen dat der yn Balk in Schwartzenbergstrjitte is

Dat Fysk sil syn grinzen wol te boppe gean

Dêr gean se

April 2024 foar it lêst fuotballe.

De skuon noch efkes holden, 

want miskien wurd ik ûnwennich fan dat oerke Efkes Balje.

Ik bin net ûnwennich nei 8 moannen.

Dizze wike kocht ik nije draafskuon

en ik haw mei klean en skuon in fêste rigel.

iets der yn, dan ek iets der út

Dy rigel haw ik sels oanpast  yn 2025 

Ien (pear skuon) deryn, dan twa pear skuon derút.

Foar klean jildt no it selde.

Dêr gean se yn de tekstylbak...

Sulveren fyts

Der binne no 50 fytsers yn Fryslân 

dy't ûnderskieden binne mei de Sulveren fyts.

In heech oanskreaune priis betocht troch de FNP.

Willem Bosma krige begjin jannewaris de lêste.

De lêste dêr liket it op,

mar Willem is/wie sjoernalist

en dy lit dat net samar oer syn kant gean.

In prachtich stik dêr't ik mij hielendal yn fine kin

en ek wol yn herken.

Dat is logysk want

yn 1998 krige ik de sulveren fyts

At dy ek fan sulver is, 

kin ik sa net sa goed sjen

It is al efkes lyn dat ik him foar it lêst poetst ha..

"Fytser fan al den dei"

stiet der op, 

andêr dat ik 365 dagen yn it jier fyts

en soms 366 dagen

Abbingawâld

 

At ik yn it ferfolch troch Beetstersweach fyts 

sil ik oan it boek Abbingawâld fan Sj. van der Schaaf tinke. 

It skynt sa te wêzen dat hij mei dit boek dat doarp, 

mei al dy fritsen en fratsen fan minsken, 

op it each hat, at er dit boek skriuwt.

It is fan 1947 dus  giet it oer noch earder. 

Al dy koarte stikjes oer minsken út it doarp soargje der foar 

dat ik wer hiel lang oer dit boek doch. 

Wat langer ik der fan genietsje kin wat better. 

Yn 1999 komt der twadde printinge (dat is 52 jier letter) 

en dan wurdt der oer sein dat "het nog steeds een lezenswaardig boek is". 

k kin jim sizze no wer 25 jier letter is it noch altyd in pronkje.

Foar de leafhawwer fan it moaie âlde Frysk stel ik it tydlik beskikber

Op gym

 Ik haw op gym sitten

yn myn jonge jierren

Der stietmij noch bij in "optreden "op it keatsfjild

en in optreden yn it Dielshûs.

De koprol tink ik,

mear hat der foar mij net ynsitten.

Hânstân, it heucht mij net.

Oer dat optreden op it keatslân

fyn ik in krantestikje

út 1960

Elshout

Ik fyts hast alle wiken wol in kear troch Lollum

Ik fyts dan ûnder oaren oer de Elshoutbuurt

Bij de namme Elshout giet mij net in ljochtje brânen

dus oant juster ta haw ik gjin idee

hokker boppe-ierdske betsjutting dizze man foar Lollum hân hat.

Dat wurdt ynienen oars

at ik it nijsgjirrige boek oer Burchwert op de kop tikje

Yn dat boek stiet in prachtich stikje fan dûmny Liuwe Westra

oer hoe't Burchwert krekt net griffermeard wurden is.

Dat hat mei Lollum te meitsjen sa lês ik.

De namme Elshout falt ek

en dan is myn nijsgjirrigheid der hielendal.

Ik wol graach mei jim dit artikel diele

Dat de Elshoutbuurt tusken de 

herfoarme en grifformearde tsjerke leit

dat sil wol gjin tafal wêze.

Ik fyn it hiel tapaslik

Iis

 

Sneontemoarn eage it allegear wat wintersk

Dus it trekpaad mar efkes om

Rinnende

Hast gjin wyn en dan leit de trekfeart samar ticht

De fûgels sykje bij de fûgelwyk in plakje yn de lijte

De sinne komt wer moai op

Jan

Ik kin in protte minsken troch de muzyk.

Muzyk ferbynt

It is  2013 en 2018 dat ik yn Poadium Asteriks bin.

In optreden fan Claw Boys Claw.

Yn dat switterige âlde sealtsje boppe

is it beide kearen ien grut rockfeest

Wij gean út ús dak

en op ien fan dy jûnen tref ik Jan.

Ik kin him net echt

haw him wol faak sjoen

mar op dizze jûn genietsje wij beide 

foaroan bij it poadium.

Jan út Itens.

Wij hawwe it der dy jûn noch efkes oer.

Nei dy dei sjoch ik Jan folle faker.

Bij de Jumbo bijgelyks

"bist der noch wolris op út"

is it begjin fan in meast koart petear.

Yn Itens bij de muzykjûnen

"moai dat wij der wer bij binne

en wat in goeie band"

sa hawwe wij it der wer efkes oer.

Mei de klam op efkes.

Wij wiene gjin lange praters.

Net tafolle wurden seit soms mear,

oer ús muzikale freonskip.

Wat in skrik dizze wike.

Earst al it berjocht dat der in man yn de sleat fûn is yn Itens

'Wa soe dat wêze?'

Dan de adfertinsje yn de LC.

Jan Flier út Itens, 

noch mar 71 jier, is stoarn.

Harrebarre...

Wat in gemis foar syn famylje

en ik sil him op 8 febrewaris yn Itens ek misse.

Dealkoholiseare

Wêrom is in alkoholfrij bierke like djoer 

of sels djoerder as in echt bierke?

Dat is de fraach boppe fan in artikel 

dat ik tsjin kom op ynternet

Ik bin benijd en lês it

Dat ligt voor een groot deel aan het productieproces van de 0.0-drank. 

Het grootste deel van de alcoholvrije dranken is gedealcoholiseerd, meldt het Voedingscentrum. 

Dat houdt in dat alcoholvrije dranken op dezelfde manier worden geproduceerd als de alcoholhoudende variant, met nog een extra stap om de alcohol er weer uit te halen.

Bidon

Jellie hat hast altyd in bidon bij de hân.

Yn 'e hûs mar foaral op de fyts.

Op de reesfyts en de elektryske fyts

pronkt in ljocht blauwe Frysman bidon.

At ik mei Syb fan twa bij de Opslach lâns rin

en ik sjoch de twa fytsen fan syn neefkes stean

sis ik: sjocht de fytsen  fan Samme en Nyck.

Syb, dy't altyd earst goed sjocht

en dan reagearret seit

Nee, fyts fan beppe...

Nee, dit is de fyts fan Samme.

Fyts fan beppe....

Ik kin prate wat ik wol, 

mar it bliuwt de fyts fan beppe

dy mei dy ljochtblauwe bidon

Skrik

Op woansdei 3 desimber belje ik oan bij frou Ruiter.

Ik bin op stap foar de rubryk 'Bakje bij" yn Diggelfjoer

Frou Ruiter liket mij in moaie kandidaat.

Ik kin har al hiel lang en fia it digitaal kafee 

en de kompjoeterkursus yn de byb 

haw ik in protte wurdearring foar har.

Tiid foar in petearke

Hjoed, 6 jannewaris haw ik de famylje kondolearre

en haw ik thús fia ynternet 

de prachtige, respektfolle ferhalen fan har bern en bernsbern heard,

yn de betinkingstsjinst.

Op 28 desimber is hja ûnferwachts stoarn.

Wat in skrik

Sa tryst, in frou dy't noch safolle koe en woe....

Sliep lekker

 

In kreaze tekst oer it drama fan Grins

It stiet dizze wike yn lannelike deiblêden.

Sa song ek it mei Boudewijn it yn 1966

(doe wie ik 12)

Abbingawâld

Abbingawâld is in boek út 1947.

It leit op de 'meinimtafel' bij Tresoar.

Ik nim it mei en hoop dat ik ferrast wurdt.

Mei Abbingawâld wurdt Beetstersweach bedoeld yn eardere tiden

De skriuwer hat dêr op it gemeentehûs wurke

en beskriuwt yn it prachtige stl yn geef, âld Frysk

alles wat er yn it doarp bart.

It jout in moai byld fan earder

en ik genietsje fan it Frysk

útsein wannear it op de kop stiet

Sinne

 

In hoopfol begjin fan de dei

at ik fannemoarn op de Bieren fyts

In momint om bij stil te stean

yn dizze oer it ginneraal tsjustere tiid

Fytst en draafd hjoed 

en mar ien kear wiet 

at ik net skûle hie

Droech dus

Lokkich nijjier

 

Sifers 2024 en doelen 2025

It  sifermatich produktyf jier 2024

8.400 kilometer fytst op in E fyts

3620 kilometer fytst op in gewoane bukfyts

322 kilometer draafd

518 kilometer rûn

48 nederlânstalige boeken lêzen

8 fryske boeken lêzen

2 E-reader boeken lêzen

91 bands ensf live sjoen

0 kear mei de hûn rûn

Doelen 2025

400 kilometer drave

mei as haaddoel de 10 kilometer Berenloop yn novimber op Skylge 

2600 kilometer op fyts

7401 kilometer op E bike

400 kilometer rinne

Wandrer

Doel is te fytsen oer 75 % fan alle diken/fytspaden yn Fryslân 

It sit no op 35%, dat is 4.379 kilometer

Doel foar 2025 is op  60 % te kommen

 

Gemeentechallenge 

Ik haw sûnt april 2020 yn 75 % fan de Nederlânske gemeenten fytst

Doel foar 2025 is 90 %

Postkoadeschallenge

Dizze challence is nij.

Fanôf april 2020 haw ik 41,65 % fytst

Doel foar 2025 is 75%

Delta

It wie wat maklik om it Delta glêsfeselnetwurk oan te skaffen

Superfluch ynternet en fergees oanlein, wie it lokkerke

Yn jannewaris 2024 sletten se it oan.

Ik hie Ziggo ek noch efkes oanhâlden

sadat ik fergelykje kin.

Delta  is in tsjinfaller

Hielendal net supersneller as Ziggo.

It jier is om en yn myn agenda

stiet alle lange tiid: Delta opsizze.

Dat is noch net samakllik.

Fia ynternet en harren supersnelle glêsfezel kin dat net

Ik moat belje

Dêr bin ik net gerêst op en nim mij foar 

dêr in healoerke foar út te lûken.

In healûrke is te min.

Keuzemenu 'opsizze"

dan frees ik it slimste

dy komme as lêsten oan bar.

Nei 36 minuten in dame oan de line

Ik jou de gegevens op.

"Dus opzeggen"

"Waarom"

'Omdat Ziggo better is'

"Ik zet u in de wacht dan komt er zo een kollega die dit regelt"

Wer 3 minuten wachtsje

De kollega:

"Mag ik uw gegevens"

"Ik zie het, dat pakket, dat gaan we regelen,

ik zet u even in de wacht, 1 minuut,

dan krijgt u een collega die dit kan afhandelen"

1 minút is bij Delta 4 minuten 

want nei 4 minuten krije ik de ôfhandelkollega:

"Mag ik uw gegevens"

Ik hâld it net mear.

"Gegevens? die heb ik al twee keer opgegeven

bovendien ben ik nu 44 minuten aan de lijn,

en nog steeds zonder resultaat". 

Dat stiet menear net oan.

Hij falt mij yn de rede dat "ik kalm moet zijn'

oars kin hij it net oplosse.

Ik jou noch in kear op dwingende toan oan dat......

tút...tút....tút

Menear Delta hat de ferbining ferbrutsen.

Dêr sit ik dan nei 48 minuten.....

Ik wol fan dat Delte ôf, dus mar wer besykje

Nei 19 minuten wachtsje de selde prosedure.

Earst de frou mei de selde fragen

dan wer minuten wachtsje in man

mei deselde wurden,

"ik zet u in de wacht voor een collega om het af te handelen"

nei 8 minuten de ôfhannelkollegea  oan de line

In frou, alderfreonlikst, krekt as mij.

Nei twa minuten is it beslikke

Nei 1 oere en 22 minuten bin ik fan Delta ôf.

Gemeentlik grapke

Dat wij no in ûnderdiel binne

fan in fierstentegrutte gemeente moat in oorsaak ha.

Wêrom hawwe wij net op tiid ferkearing socht mei Wûnseradiel

om mei Boalsert as haadstêd in moaie gemeente te meitsjen.

Wêrom net?

Wat is der mis gien yn it ferline?

Ik haw it fûn.

It kin net oars as oan dit ferhaal lizze.

Ik begryp it skeel mei Wûnseradiel en Boalsert no hiel goed.

Wûnseradiel as saneamde "grappenmakker"

en Boalsert as útfierder

Yn 1959 is it dus mis gien

In hûn deryn ....

......ik der út

dat haw ik altyd sein, at ús bern om in hûn freegje.

It is al lang dúdlik, ik haw neat mei hûnen.

Ik wurd der ûnrêstich fan.

Rinne mei in hûn ? 

Ik tink net dat dat er ea fan komt.

Dit wykein hawwe wij in útfanhuzer:

in hûn, in jonge hûn, drok dus.

Jellie gong der mei te rinnen 

en ik prate wat mei him.

Del, del en sa

Silke is net wend oan in trochgeande dyk te wêzen

dus wat beweging dan is it opstean ek koekeloere

Is it hûn, dy't foarbij komt

dan is it wat mear dan dat.

En ik....

Ik sit er bij en meitsje in moaie foto 

fan in leave hûn

Mei taal boartsje

Sygrid van T Zet skriuwt prachtige koarte fersen.

Fersen mei gefoel foar taal.

Meast yn it Frysk mar ek wol yn it Nederlânsk.

Ik folch har op Facebook

en sij ferrast mij alle kearen wer.

Sygrid wie dit jier ek op it Skrikfestival 

mei in ferhaal en in pear koarte fersen

Op 22 desimber stiet dit prachtige fers op har side

Ik "pik" it mar efkes yn de hoop 

dat mear minsken har folgen gean.

Fryske metalenjûn

 

Sa sjocht it programma derút

op myn lêste muzikale feessie 2024,

Net in ferkeard feessie liket mij de Frisan Metalnight ta

It is de 20ste kear en ik haw der noch net earder west.

It is drok yn Neushoorn,

sa drok dat efkes letter op de doar it buordstje "útferkocht" stiet

wylst it ek noch fergees is.

Wat in moai feest

Krinten?

Kronol, fol fjoer mei in tige enersjike sjongeres

My Minds Mine, wat in hearlike sound, meislepend,     

de eardopkes hiene der wol yn kinnen

Brainbasket, woh, ik hâld dus fan death metal,

die mar wer bliken. 

Geweldich optreden

Oaren?

Drôvich hat pech mei it lûd,

Earst fierstente sêft en dan in gitaar dy't hieltyd skrast

Bildtstar lekkere hardrock mei fjoer en al, 

mar it miste de echte dynamyk dizze kear

Mei Deafened to Death en Dimaeon is ek neat mis

De bustiid ropt mij ta de oarder.

Helaas, moat ik trije bands  misse

Mar miskien is 7 wol genôch...

Dy lju fol Qbuzz hawwe it noch net op oarder

Neat die it op it stasjon en yn de bus

In fergees ritsje nei Wommels

wol wat spitich dat er altyd ien mei in keale kop foar mij stean giet,
it glinstert sa

Goed miss

 De Miss ferkiezing is oan de ein kaam.

Notabene nei Swarte Pyt

Wat is der mis mei swarte Pyt?

Neat

Wat is der mis mei Miss?

In hiel soad.

Beoardielje op úterlik,

je opmeitsje om moai te wêzen,

popperich gedrach fertoane

en yn in wrâldsje komme dy't ferkeard is.

De ferkiezing sportman, sportfrou, sportploech fan it jier,

fuotballer of atleet fan it jier is ek sa iets frjemds.

Kieze tusken  

in auto koureur dy't kompleet ôfhinkilk is fan syn team en de elektroanika

In hurddraafster, dy't it op eigen krêft docht mar de snelheid net hellet fan in auto

In reesfytser dy'mei gefaar foar eigen libben alle risiko nimt op in brike libbensgefaarlike baan

In hurddraafster dy't op de 100 meter as in speer giet,

In swimster dy't frijwol neat sjocht

It is gjin dwaan om dêr ien út te kieze

en talrike oaren teloar te stellen.

Gaat heen

 

Taalferoaret, oars is it in deade taal.

"Brugwachter gaat heen"

at ik dat lês tink ik oan it slimste.

Mar it falt ta

Hij giet fan Tsjerkwert nei Wommels

In hiele ferbettering sis ik dan.

de Weerd

Wij dogge in slach troch Gaasterlân.

Op de fyts.

Tusken de beammen waait it iets minder

Bij Nijemardum jout Jellie oan

dat hjir in de Weerd lizze moat

Yn har herinnering hat se hjir doe west op begraffenis.

Jellie is in Holtrop mar de Weerd fan memmekant

It klopt dus.

Yn 1970 stoar Theunis nei in ûngefal, 41 jier âld 

wylst syn frou Hilda (nei in sykte) mar 34 wurden is.

Ik haw thús wer hiel wat út te sykjen

want mei de famyljerouadfertinsje yn de LC fan doe

kin ik jûnen foarút.

Dat hawwe je at je lykas Theunis

 út in gesin fan 11 bruorren en susters  komme

de foardoar

de efterdoar

See you later alligator

 At de pakesizzers fuortgean

dan sizze wij faak

"see you later alligator"

sûnder ús ôf te freegjen wêr't dat wij komt.

Op de kalinder De tijdloze mei allegear muzyknijtsjes

stiet op 12 desimber in aardich ferhaaltsje oer  Bill Haley en the Comets

Hij skriuwt it liet net

mar omdat it flopte yn in eardere útfiering

sette hij it op nij op de plaat yn in heger tempo

In moai filmke fyn ik

at je betinke dat it begjin is fan de rock 'n roll

Op jacht nei postkoades

 

Dêr is it oersicht al.

Oant no ta dogge 587 minsken mei oan dizze "útdaging" fan Wielervrienden.nl

Yn Fryslân noch in pear postkoades,

en de rest fan Nederlân noch mear as de helt.

Machtich!

Lit it mar moai waar wurde

Krystpakket

Dat is lang lyn, in krystpakket krije.

As frijwilliger bij de byblioteek yn Wommels

wurd ik dêr mei ferrast.

Net in bon mei koade en dan wat útsykje op ynternet

nee.....

gewoan in doaze mei alles 

wat wij oars net keapje.

Allegear hearlik tink ik

Ik hoop al dat wij wat help krije.

Mei de oare frijwilligers haww wij dan sa'n noflik oerke 

mei kofje/tee, gebak, wat sûkelade

en in taal bingo, 

want dat heart fansels mear bij in byb as in siferbingo.

Oh ja, ik bin de ienige manlike frijwilliger