Klimaat

 

Dit skreaun Mathijs |Bouman yn 2022.

4 jier lyn

Hij siet der net fier neist

PC

 

De PC

In fêste tradysje om dêr hinne te gean.

Op de fyts fansels

It is snikhyt.

In protte lege plakken op de banken

Foaral yn de sinne.

Minsken dy't net kommen binne.

Ik kin dus mei myn steanplak oant trije oere sitte

Yn de sinne, dat dan wol wer

Trije oere, dan hat it ek moai west

De waaarmte krij ik net mear út myn lichem

en de al lang besteande irritaasje oer in bepaalde keatser

dy't er wol hiel lang oanbliuwt hjoed

docht mij besluten om te sizzen 

PC tabee

Gironde yn brân

Yn 2014 fytse wij yn Frankryk

De Velodyssee rûte, dy't de kust fan de Atlantyske Oseaan folget.

Wij gean mei de fytsbus nei sawat de Spaanske grins

en fytse fan dêr út nei hûs.

De rûte is nij en mei in protte jild fan it ryk oanlein.

It wie yn 2013 de rûte fan it jier 

Wij fytse ek bij Bordeaux lâns.

Oersichtlike oerstekken

mei helaas noch gjin foarrang foar fytsers

Wij fytse dêr meast yn de lijte fan de beammen

In ticht bosk op de foto ek te sjen

Dat is no allegear yn de brân flein

Pikefange

 Tusken 1970 en 1973 sit ik op de MDS yn Ljouwert

In moaie perioade, mei al dy klasgenoaten

dy't oearal weikomme en allegear  mei harren eigen identiteit en hobbies

Der sit ek in jonge bij út de Harkema

In pikefanger, want dat is al gau bekend

Op de meast frjemde tiden moat hij pikefange

want der moat wer in lading fuort.

Moarns betiid, jûns en soms oerdei.

It fertsjinnet geweldich. 

Us Harekiet is wol ris wat te let op skoalle

en mist ek wolris in moarn,

sibelt middeis ek wolris,

dan witte wij wol hoe let it is.

Hij hat te pikefangen west.

Hij hat in goeie pikefanger west

en ik wol graach leauwe dat hij mei de iene hân de piken fangt

en yn de oare hân de pakte piken fêsthâld oan ien post

mei alle folgen dêrbij.

Jierren lyn hat it 'machtige' Brussel al sein

dat dit net mear mei.

Piken mei twa hannen beethâlde

oars brekke se de bonden foardat se echt dea gean.

Sneon  yn it AD in grutte adfertinsje

fan in bistewolwêzenorganisaasje.

It is harren 'mei in hiel soad aksjes en hantekeningen slagge 

om it beslút fam Brussel ek yn Nederlân yn wurking te stellen.

Se hawwe berekenne dat de it pikefleis en de aaien 

mooglik iets djoerder wurde

Prima toch

AirB&B

Sa no en dan meitsje wij gebrûk fan Air B&B.

Koartlyn noch, doe't wij yn Brabân fytse woene.

It is mar om te sliepen sizze wij altiten

Wij sjogge net sa krekt, at it mar skjin is.

Wij troffen in aardige gastfrou

dy't ús de boekte lokaasje sjen liet.

It sjocht der oars út as op de foto's, 

is myn earste gedachte,

Wij binne dêr 4 nachten.

It foldocht net hielendal oan ús ferwachtingen

mar hawar, oare kear better.

Ik skriuw gjin beoardieling op Air B&B

Dêr bin ik mei opholden.

Ik krij minstens fjouwer kear in mail fan de orgainsaasje

Skiuw in review! Dan help je oaren!

Ik doch it net

Ik krij nei 4 wike in berjocht dat de gastfrou in review skreaun hat

oer ús

"Leuke sportieve mensen, hebben alles erg schoon achtergelaten.
Alles keurig opgeruimd"

Ik sjoch hjoed in artikel yn it AD oer reviews bij Air B&B

en hoe dat wurket.

Stel wij hiene krityk hân op it ferbliuw  en dat wij seurd hiene oer

al dy freeslike trepkes oeral, 

oer dy tafel dy't 33 bij 50 sentimeter is,

de twa stullen dy't der krekt ynpasse,

oer it húske wêr't wij fia bûten nei ta rinne moatte.

Dan hie it kâns hân dat de gastfrou oars oer skreaun hie

"hebben er een grote bende van gemaakt, 

de afwas stond er nog en de prullebakken waren overvol"

Sa wurket it bij Air B&B, neffens it AD

Each om each, tosk om tosk

Ik hie mij al foarnommen om nea mear wat te skriuwen

en adfisear dat no elkenien.

Metal

 

Muzykfeest yn Riis

Wat in moai muzykfeest yn Riis sneintemiddei.

Utferkocht mei 1200 man/frou/bern yn dy prachtige teatertún

Jong mar foaral ek âld jout him del op de simmerstuollen

op de rânen fan it terras yn it gers 

of steande tichtbij de bar en de tostimakker

Moai om te sjen en te hearen

dat myn generaasje al dy lieten noch kin 

the Who, the Hollies, Humble Pie, Deep Purple,

Crosby Stills Nash en Jong en fan de Small Faces

It meisjonggehalte is heech en dat der tal fan lju

net sitten bliuwe kinne en dûnsje wolle

is prachtich om te sjen en ferheecht de sfear.

Der binne meardere hichtepunten, 

mar at ik der ien momint úthelje mei dan is dat dit nûmer

Spile troch de Outlaws en it is bisar om te sjen

dat dit ferjitten hitsje fan the Small Faces út 1966 sa meisongen wurdt

Hulppolitie

 Ik sit yn it Park yn Frjentsjer

Wachtsje op Piter Wilkens

Neist mij sit ek in santiger.

Hij wachtet ek

Op syn boarst stiet syn namme

mei de tafoeging 'Hulp-politie"

De man sjocht mei in skean each nei syn nammebuortsje

en hij sjoch nei mij

Hij freget him wierskynlik ôf at ik it wol sjoen ha.

Ik: Jo sitte bij de stille plysje?

Hij: jaseker, ( en hij sjocht gewichtich)

Ik: wat dogge jo hjir 

Hij: ik let op, at der ek wat bart

Ik: en dan?

Hij; ik stean yn kontakt mei de sintrale yn Harns

Ik: dan jouwe jo it troch

Ik: binne jo plysje west?

Hij: nee, myn neven wol en dy sein dat is wol wat foar dij

Ik: hoe lang dogge je dit al?

Hij: in jier

Ik: wat leuk, 

Hij: ik gaan no su fut, mar kom fanaven weer

Ik: sukse

Dyk ticht

 De dyk tusken Burchwerterhoeke en Boalsert is ticht.

Dat tsjinnet in goed doel

Der komme twa fytstunnels op de drokke Marne krusing

De tunnelbakken lizze al te plak

Dêr bin ik bliid mei

Prizen

Nyck fan 8 keatst

Hij wint ek wolris in priis

In beker of in standert

Hij is der mâl mei

Wij fytse dizze sneon nei A.P van der Feer yn Boalsert

foar in oare keatswant

Hij siket in moaie út.

Giel mei in reade tomme

A.P. sit bij syn grafearmasjine

Dat fynt Nyck tige nijsgjirrich

In moai petear hawwe dy twa

Nyck wol alles witte oer prizen

en A.P. wol witte wat hij allegear wûn hat

Earrebarren

 

Hoe moai kin it wêze ûnderweis?

Freed in moaie rûte bij Drachten yn de buert.

Tusken Lippenhuzen en Beetstersweach sjogge wij dizze pleats

Mar leafst njoggen nêsten

Noard Hollân

Fanút Zaandam meitsje wij in moaie fytstocht

mei as doel Zandvoort

Uteinlik komme wij út op 74 kilometer

Wij fytse ek troch in pear lytse doarpkes

lykas Haarlemmerliede en Stompetoren

Wij fytse dwers troch Haarlem 

en dêr kinne je it Koepelgefanggebou net misse

It is sûnt 2016 gjin gefang mear

mar in brûsend sintrum fan fan alles

Yn Zandvoort stiet bij de see it byld fan de Zonnebaadster

Tusken it Noardseekanaal en Haarlem leit it Spaarnewoude,

in grut rekreaasjegebiet mei golfbanen en dit..

Ik soe efkes yn de boskjes sitte gean te gluren, mar dat mei net

Nochris it byld yn Zandvoort

De tekst is wat lestich te lêzen, mar frij fertaald

Doch wat goed is en lûk dy neat oan fan oare minsken

Mei dizze fytstocht yn Noard Hollân

binne wij dy provinsje klear mei 

ús "alle gemeenten fytstocht"

Bestimminsferkear

De provinsjale dyk tusken de Burchwerter hoeke en Boalsert is ôfsletten

Lestich foar minsken út Wommels dy't nei Boalsert moatte

It foar de hân lizzende alternatyf is de rûte troch Hichtum

Mar sille se tocht hawwe bij de gemeente en bij de Hichtumers

dat wolle wij net, dat is ús te drok.

Dêrom stiet der in boerd

It rûne reade ferkearsboerd betsjut

"Ferbean foar alle ferkear"

Dat klopt net, fytsers kinne der gewoan lâns.

Der stiet ek iets bij 

"uitgezonderd bestemmingsverkeer"

Hjoed fyts ik dat stikje dyk troch Hichtum

12 autos kom ik tsjin of helje mij yn,

wat in bestimmingsferkear hjoed, 

want meast sjoch ik gjin auto's dêr.

Op de weromreis binne it der sels 14 auto's,

dy't de tekst net alhiel begripe

of wol begripe, mar wol ynsjogge

dat hjir net hanthavene wurdt

Psoas

It draven gie net sa geweldich mear,

it rinnen waard ek wat lestich

dus is it tiid foar in check bij de fysio

No al in oantal wiken dwaande mei de Psoas

As leek wit ik al wer hiel wat mear oer spieren 

en ademhelling en oefeningen en strekke en Tai chi

Ik haw it der betiden mar drok mei

mar it lichem begjint him wat soepeler te fielen

Ik kin de sokken no al wer mei minder muoite oandwaan

Nea witten dat in tennisbal mei helpe kin te herstellen

Debút

 

Jelske, ús pake/beppe sizzer fan 14 en har freondinne Lotte

krije de ôfrûne winter in muzikale oanfal.

Se gean beide foar in gitaar en se "piele" dêr thús wat op om.

Dan komt it programma fan 'Wommels bloeit' foarbij

en sjogge se in útdaging

Sij wolle in lyts optreden dwaan.

At dit gjin Wommels bloeit is.....

Sij gean oan de slach mei 1, 2, 3, 4 ja sels 5 nûmers

Lotte kin ek wol aardich sjonge...

Sneon is der túnfeest bij Tsjeard en Berber

en dêr meitsje se harren debút.

In echt debút, krekt as in grutte band

mei  pratende lju troch de muzyk hinne

Echter kin, steurender ek net......

'Brek je fuotten net' tunnel

Okkerlêsten skreaun ik oer de fytstunnel

tusken Deinum en Boksum

Libbensgefaarlik om dêr mei in swiere fyts trochhinne tegean 

Hjoed pikt de LC it op

mei in ferhaal oer de timmerman fan Deinum

dy't eigenhandich in trep makke hat op de trep

Neffens Pro Rail hie it in miljoen djoerder west

at der in fatsoenlike tunnel dellein wie

in pil

'Hasto ek belangstelling foar it boek 'Friezen yn 'e frjemdte'

Ik stimde yn, yn de ferûnderstelling dat it oer sommige friezen giet

It boek hat in omfang fan jewelste,

in oantal siden dêr binne je fuort net mei klear

en it is hast net te tillen

Wêr't en hoe't je it lêze moatte

ik bin der net efter kommen

Yn bêd is útsletten, op'skurte is net fol te hâlden

en op de keukentafel past it hast net iens.

Ik haw it besocht om der trochhninne te blêdzjen

it is mij net slagge.

"kinst it boek wol weromkrije, ik haw it út"

sa lit ik Teade witte

Moai, seit Teade, bring it mar ris werom

it hat gjin haast, miskien kin in oar (ûn) gelokkich meitsje

Dus wa't alles witte wol, oer fryske kriten "all over the world'

kin him melde bij Teade de Boer

hij wol dizze pil noch wol in kear útliene.

Sterkte dan mar

Boek

 

Ik haw mij kostlik fermakke mei dit boek.

Koarte ferhalen oer minsken en sitewaasjes

Ofstappe

 

De Slachte dêr binne se in moai skoft oan de gong west.

De dyk tusken Lollum en Jûbaard wie in skoft ticht

Wij kinne der no wer lâns.

Mar, wij moatte ôfstappe

De dyk is bedekt mei grutte izeren platen

en dy lizze der kreas bij.

No stap ik meast net ôf at ik sa'n boerd sjoch

mar hjir is it ek mear as ûnnedich.

In stik fan 500 meter giet it om

500 meter platen en wij soene ôfstappe moatte?

Stille sneon

 Ik mei sneons graach in kar ha

Wat sil ik dwaan, wêr sil ik hinne?

Hjoed is it gjin lestige kar.

Der is neat te dwaan.

Alles, fan wege it waar skrast.

Utsein Bolstjurrich, strjiteater en wat muzyk

Dan dêr mar hinne

Strjitteater is net myn ding

en it muzykprogramma fyn ik matich

Wat lichte muzyk allegear

mar ik lit mij mar wat ferrasse

Ik sjoch Nancy en de Sinatra's (dat swingt)

ik sjoch Mr en Mrs (of oars om, dat sil hast wol)

ik sjoch Mayte ( moaie stim, mar wat wat dreech hjoed)

en ik sjoch

Ek noch noflik efkes praten mei Riemer, mei Ruurd en mei Diny

Ik bin krekt foar de bui thús