Neat mis mei de oare kant fan de brêge
Ik haw der ek op twa plakken wenne.
It wie dan wol gjin boppeslach mar wol in Opslach
Foar 1963 wie der net folle.
De Fabrykswei, de Molewâl en de Trekwei.
Wol stie de suvelfabryk hjir
Dan komt 1963 en is der allegear aksje
want it nije huzenplan komt dêr
en dat betjsut in bettere ûntslutinsgdyk en as kadootsje der bij
it tsjerkhôf
Wij sjogge alle jierren wol efkes bij it skûtsjesilen fan de SKS
Starum en de Lemmer binne ús favorite plakjes
Hjoed nei de Lemmer, want Starum is net trochgien op Starum.
De auto op Spannenburg en op de fyts in rûntsje de Lemmer
Wij sitte dêr moai op de dyk en sjogge sa'n twa oeren wat om ús hinne
nei de typyske sfearbylden
De wedstriid goed folge sûnder Trac Trac is hast ûnmooglik
dêrom sit ik mear op myn tillefoan te sjen
as nei de Lemster Baai
Mar it is goed om de sfear efkes te ûndergean
Us fierstentegrutte gemeente hat fierstentefolle jild
sa docht bliken at je it nijs wat folge,
8 ton foar de organisaasje fan de Snitswike
Dêr haw ik fêst al faker wat oer sein.
Dat skoandere jild is insetten om neatsizzend strjitteater
op in tiisdeitemiddei nei de binnestêde te heljen.
Wêr en hoe en wat
dat kinne je net gefaar wurde op in webside
dy't wierskynlik ek ûntwikkele is
fanút dat gemeentepotsje.
Wat in oanfluiting.
Wij sjogge hast elkenien sykje
mei of sûnder tillefoan yn de hân
Wêr is it dan krekt en wat is it?
Dat er wat ferklaaide lju foarbijkomme
op nuveraardige ynstruminten is prima
mar dat sil dochs net alles wêze.
Sa toffelje wij hast 5 kilometer om en hawwe allinne dat sjoen.
Ik haw oaren frege wat sij sjoen hawwe
mar dat wie net oars.
In rommeltsje en yn neifolging fan de reuzen yn Ljouwert
wie dit fansels in dwergenfestijn.
Mar ja, 8 ton is net folle, dêr kinne je hast neat mei
Post.nl seit dat it net mear út kin,
dy postrûnbringerij
Sy sitte yn de ferkearde sirkel.
De postsegel djoerder, minder post
minder post, de postsegel djoerder
ensf.
Alle dagen besoargje is ek sa'n dinkje.
Om mij hoecht it net,
mar it is tradysje
Hoewol, it hat oars west
Sjoch dit stikje fan 1963
Arcadia hat wer in projekt yn Ljouwert
Wit hoe faak hear ik de lju fan de organisaasje foar de radio.
Wat it betsjut foar de wrâld,
foar ús lân,
foar ús provinsje,
foar de stêd en
foar de gewoane boarger
Je soene hast leauwe dat je wat mist hawwe yn je libben
at je dêr net west ha.
Om no te sizzen dat ik der hinne west ha,
omdat dat it doel wie,
dan is it antwurd nee
Ik bin yn de buert (bij de muzyk yn de Prinsetún)
mar achtsje it foar myn gemoedsrêst goed ta
om in slach troch it gebou te dwaan
Ik besykje te ferjitten wat it allegear wol net koste hat
en besykje mij ek gjin byld te meitsjen wat it allegear foarstelt
en wat it doel no krekt is.
It is net drok at ik der troch hinne skarrelje
en ik haw wat foto's makke sadat jim sels beslúte kinne
at it in besite wurdich is.
It stoppet neffens mij ein augustus.
It is al wer efkes lyn
dat ik libbende muzyk seach.
De simmerrêst fan de podia
en fakânsjetiid foar myn earen en eagen.
Gelokkich hat de Prinsetýn konserten yn de simmer
op sneintemiddei
Snein fyts ik dêr hinne
en jou mij noflik del op myn eigen meibrochte
lichtgewicht kampingstuoltsje
de bidon mei wetter en broadsjes mei tsiis binnen hânberik.
Hearlike middei
Sa sit ik oan de iene kant fan it einekroazige wetter te sjen
wylst oaren op it skootmobyl sitte
of op de fyts hingje oan de oare kant
J.B. Bacon en Arjan Bras dogge it akoestyske foarprgramma
en Ruben Hoekeband de elektryske set.
Op 'e Skille fan dizze wike
wer it tradisjoniele ferhaal oer de winners fan de Freule fan 50 jier lyn.
In foto derbij fan de finalisten, altyd aardich soks
Myn each falt net op de keatsers mar op de blokjerinner
"He, dat is Meindert, myn jongere broer" flitst der troch mij hinne
Wat leuk.....
Mar wat is dit, der stiet bij blokjerinner Tjeerd Dijkstra
Hoe sa, Tjeerd Dijkstra, dit is Meindert Hofstra
Op de PC kom ik Tjeerd tsjin en sprek ik him oan.
"Wat wiesto blond yn de jierren 70 Tjeerd",
"Ik begryp watsto bedoelst,
ik tink net dat ik dat bin", seit Tjeerd,
"it liket mij Meindert ta.
Mar neffens de oare blokjerinner Jelle, bin ik it ..."
Ik app myn broer Hessel en freegje him wat hij der fan fynt.
"Wol wat blond ja, it liket mij Tjeerd net,"seit dy
Letter op de dei mailt hij mij in foto
fan 1976, in jier letter
Ik gean der fan út dat Meindert de blokjerinner is
of der moat immen wêze dy't mei oertsjûgjend bewiis komt
dat it net sa is.
Ik haw al earder oanjûn dat de Fryske Spreukenkalinder
fan 2025 in Fryske taal ramp is.
Hij is út de hannel helle
en it soe ek better wêze at ik him fuortsmyt.
Dat haw ik net dien,
dus mei ik op 30 en 31 july wer flinke argewaasje ha
ferkearde wurden?
leau
do
do
waskrheid
Se binne der fannemoarn wer
de neakene slakken.
It is wat fochtich en mei it hege gers op it trekpaad
sykje se de droechte fan it fytspaad
Dat is net in goed idee
Dêr rint en fytst noch wolris ien lâns
Foaral foar fytsers in keunst
om der tuskentroch te fytsen
Foar fytsers ek in keunst
om der just oer hinne te fytsen.
At se sokke oanslaggen fan Schwalbe of Vredestein oerlibje
dat wit ik net.
Ik sjoch net efterom.
In wike as fjouwer lyn
komme der nei in lange droege perioade
hûnderten fan dy slakken te foarskyn yn ús tún.
De siswize seit "net op alle slakken sâlt lizzen"
dat haw ik dan ek net dien.
Op in soad wol
Letter lies ik dat soks in ferfelende dea is foar de slak.
Dat doch ik dan mar net wer
Dan der mar oer hinne fytse.
In net al te drok strjitsje yn Mullum
mei in opmerklik ferkearsboerd.
Ik haw sa't bliken docht gelok
De kat rint wat om en hâldt kreas links oan
Mar wat at je dêr lâns wolle mei de auto
en de kat bliuwt lizzen....
Wat dan.....
Woansdei in Wandrerfytsrit.
Sa moat ik úteinlik op 75% fan alle diken yn Fryslân komme
Suderbuorren yn Ljouwert is it doel
Ik pak in nij stikje dyk yn Wurdum, Swichum, Himpens en Goutum mei.
Mar foar Ljouwert kin ik 9 kilometer bijskriuwe
It giet dêr net sa hurd yn dat plan.
Alles dûbel fytse mei al dy dearinnende stikken dyk oan it wetter
Oan Fryske strjitnammen leit it dêr net
Utgean yn Boalsert
dat die ik yn myn jonge jierren op in oantal plakken
It natte Park fan Bram dêr wiene sneontejûn de bands
lykas Dizzy Man's band, Earth and Fire, Jen Rog en BZN.
Dat wie prima útgean dêr.
In bierke drinke en wat efter de froulju oan.
Sneintejûn seach ik soms efkes yn it Hofje.
Paranoid fan Black Sabbath is dan in hit
en dêr wurdt folop dûnse.
Ruurd Stevens is barkeeper
Efkes in bierke drinke mei in muzykje op de eftergrûn
dêrfoar gean ik letter mear nei it Diekje
Ruurd Stevens is dêr dan de kroechbaas
en dat is in noflike belangstellende fint
Ut syn Hofjetiid tiid komt dit kranteknipsel.
Dat haw ik bewarre
Ruurd Stevens ferstoar ferline wike
en hjoed gyng er lâns in earehaach fan minsken
foar it lêst troch syn stêd Boalsert
In moaie aparte namme
sa hearde ik dizze wike in pear kear
at wij ús melden bij in sliepadres.
"krekt as dy politikus?
Ja krekt as dy NSC-er dy't FNP-er wie
en no wer FNP-er wurdt.
Mar dan sûnder Jelle.
Wim Kan song it earder
Niemand weet, hoe of het wordt:
Negenhonderd miljoen tekort
Het dekkingsplan da's nou akkoord
De stier van Potter is ook aan boord
Waar we heengaan
Aant Jelle sal wel sien
Aant Jelle sal wel sien
Aant Jelle sal wel sien
Bron: https://muzikum.eu/nl/
Aant Jelle en dy FNP sykje it mar út
Ik hâld net sa fan dy lju dy't op syk binne nei in lekkere stoel
De stoel yn Dokkum wie him al gau te min
De stap nei de NSC wie in misstap,
mar dat wol er net tajaan,
de FNP yn de lannelike polityk de nekke omdraaie is in skande
Bij it keatsen wurdt oerrinne bestraft
Twa kear oerrinne dat soe reade wêze moatte
Sliepe yn Dalfsen, Enschede, Duiven, Ingen, Almere en Sondel
Totaal sa'n 540 kilometer fytst
6 kear oernachten bij Vrienden op de fyts
Dat wie wer top.
Moaie plakjes en moaie minsken
Ik bin net fotomakkerich
dus in pear kykjes
 |
| dat wie it ek: knus |
 |
| Enschede - Lonneker |
 |
| Yn Twente de Highway 35, prachtich oanlein |
 |
| sliepe op in keamer mei keunst |
 |
| Enschede |
 |
| Borculo |
 |
| Huissen |
 |
| de Achterhoek |
 |
| Tiel |
 |
| op de dyk bij Kesteren |
 |
| in pontje kaas automaat bij in fearpont |
 |
| fjouwer pontsjes dizze reis |
 |
| Nijkerk |
Der binne op dit stuit 342gemeenten
en wij hawwe yn 88% fytst
Noch 54 gemeenten yn Nederlân
dan hawwe wij se allegear trochfytst.
Op Wielervrienden.nl wurdt it moai bijholden
en nei dizze fytsfakânsje fan in wike
sjocht it der sa út
It noarden en easten fan Nederlân is frijwol klear
( yn novimber nei Skylge en Skiermuontseach)
de rest kin troch noch in pear fytswikefakansjes
yn Noard Brabân en Súd Hollân
oplost wurde.
Almere - Hout is in dielgemeente fan Almere
Wij sliepten dêr in nacht yn ien fan de wiken.
Bijsûnder? Ja
Yn dy wyk gjin houten skuttings
mar beamkes, strewelleguod, hagen en gaas,
Grutte kavels mei in hûs der op
mar omdat der gjin skuttingen binne
liket it wol ien grutte foar of eftertún
Tusken de túnen rinne wol paadsjes
mar dy falle hast net op troch al dat strewelleguod.
Hûnderten fruitbeamkes siere dy buert,
wêr't allinne mar Sweedske wenten stean, op
Net allinne dizze wyk yn Almere Hout hat dit
mar ek ta fan oaren wiken dêr.
Prachtich fyn ik it
Dat komt troch ús fytsfakânsje fan in wike.
Der wiene yn de Achterhoek, Twente en it rivierengebied noch 12 gemeenten dyt wij trochkrúze moasten foar dizze útdaging
Dy tolve binne klear.
Wij fytse no wer nei hûs troch trije gemeenten dyt wij noch moatte.
Dan liket it woansdei aardich donkerblauw yn it noardlikste diel fan Nederlân
Groetnis út Engen
Alle moannen skriuw ik foar Diggelfjoer in stikje
In bakje bij hjit de rubryk.
Altyd bijsûnder, ek dizze kear
De LK ( Ljouwerter Krante) pakt op dizze moandei út
mei in paginafol ferhaal oer de Frysman,
dy't sneon wer holden is op it Reaklif
Of kin ik net better sizze
der stiet in in ferhaal yn de LK oer Sjirk Bijma en Bries van der Werff?
Der is hast neat mis mei it ferhaal oer dy twa.
illustrearre mei in prachtige foto fan Sjirk.
De foto fan in fytsende Bries
past net bij it unike ferhaal oer syn maraton op bleate fuotten
Wat ik mis yn dizze krantereportaazje is
dat der mei gjin wurd sprutsen wurdt
oer al dy oare dielnimmers.
Want dy dielnimmers hawwe allegear harren eigen ferhaal.
Oer wat sij fielden en ûndergyngen .
De freeslike striid yn it wetter fan it Iselmar
de hurde wyn dy't krekt ferkeard stie
dy aaklike heuveltsjes dy't je 4 kear opfytse moatte
en 6 kear opdrave.
De hiele dei stride tsjin al dy eleminten,
in iensume striid mei gelokkich oan de kant
geweldige famyljeleden, freonen en ûnbekenden
dy't je der trochhinne sleepten.
Beste LK, der binne sneon 221 Frysmannen bijkommen
en dat is in melding wurdich yn de krante
Dat er 2 in kertierke te let wiene, dat er ien 75 minuten te let wie mar wol troch giet
en dat de alderlêste dielnimmer hast 18 oeren ûnderweis west hat.
Rom bûten de tiid, mar as iensume draver it folsleine trajekt ôfmeitsje woe
en dan net te hearen: do bist in Frysman.
Dat klopt, hij wie Kris de Belch.......
Beste LK, der is ek in frou
dy't as earste ûnder de bôge troch komt
dat hie der best wol ynstean kinnen
Der stiet nearne hoefolle der mei diene,
hoefolle debutanten der wiene.
en hoefolle folk dit op de foet brocht yn dy regio.
Spitich
Op it prachtige fjild fan Mulier gjin parkearde bussen sa't je dat soms sjogge at ferdigenje de boppetoan liket te wêzen
It wurdt 4-5 foar Almere.
Tip foar ScHearrenfean. Sykje in oare keeper of set dy Bekkema der mar yn.
Noppert is in drama.
Yn 1963 is it dik winter
Wij herinnerje foaral de 11 stêdentocht
mar de boel wie wiken ûntregele
.jpg)
.jpg)
.jpg)
