Strune

 

Blokkearkat

 

In net al te drok strjitsje yn Mullum

mei in opmerklik ferkearsboerd.

Ik haw sa't bliken docht gelok

De kat rint wat om en hâldt kreas links oan

Mar wat at je dêr lâns wolle mei de auto

en de kat bliuwt lizzen....

Wat dan.....

Fan Jentsjemar oant guozzemar

 

Woansdei in Wandrerfytsrit.

Sa moat ik  úteinlik op 75% fan alle diken yn Fryslân komme

Suderbuorren yn Ljouwert is it doel

Ik pak in nij stikje dyk yn Wurdum, Swichum, Himpens en Goutum mei.

Mar foar Ljouwert kin ik 9 kilometer bijskriuwe

It giet dêr net sa hurd yn dat plan. 

Alles dûbel fytse mei al dy dearinnende stikken dyk oan it wetter

Oan Fryske strjitnammen leit it dêr net

Ruurd

 Utgean yn Boalsert

dat die ik yn myn jonge jierren op in oantal plakken

It natte Park fan Bram dêr wiene sneontejûn de bands

lykas Dizzy Man's band, Earth and Fire, Jen Rog en BZN.

Dat wie prima útgean dêr.

In bierke drinke en wat efter de froulju oan.

Sneintejûn seach ik soms efkes yn it Hofje.

Paranoid fan Black Sabbath is dan  in hit

en dêr wurdt folop dûnse.

Ruurd Stevens is barkeeper

Efkes in bierke drinke mei in muzykje op de eftergrûn

dêrfoar gean ik letter mear nei it Diekje

Ruurd Stevens is dêr dan  de kroechbaas 

en dat is in noflike belangstellende fint

Ut syn Hofjetiid tiid komt dit kranteknipsel.

Dat haw ik bewarre 

Ruurd Stevens ferstoar ferline wike 

en hjoed gyng er lâns in earehaach fan minsken 

foar it lêst troch syn stêd Boalsert

Aant

In moaie aparte namme

sa hearde ik dizze wike in pear kear

at wij ús melden bij in sliepadres.

"krekt as dy politikus? 

Ja krekt as dy NSC-er dy't FNP-er wie

en no wer FNP-er wurdt.

Mar dan sûnder Jelle.

Wim Kan song it earder

Niemand weet, hoe of het wordt:

Negenhonderd miljoen tekort

Het dekkingsplan da's nou akkoord

De stier van Potter is ook aan boord

Waar we heengaan

Aant Jelle sal wel sien

Aant Jelle sal wel sien

Aant Jelle sal wel sien

Bron: https://muzikum.eu/nl/

Aant Jelle  en dy FNP sykje it mar út

Ik hâld net sa fan dy lju dy't op syk binne nei in lekkere stoel

De stoel yn Dokkum wie him al gau te min

De stap nei de NSC wie in misstap, 

mar dat wol er net tajaan,

de FNP yn de lannelike polityk de nekke omdraaie is in skande

Bij it keatsen wurdt oerrinne bestraft

Twa kear oerrinne dat soe reade wêze moatte

Us reis

 

Sa seach ús rûte der út dizze wike

Sliepe yn Dalfsen, Enschede, Duiven, Ingen, Almere en Sondel

Totaal sa'n 540 kilometer fytst

6 kear oernachten bij Vrienden op de fyts

Dat wie wer top.

Moaie plakjes en moaie minsken

Ik bin net fotomakkerich

dus in pear kykjes

dat wie it ek: knus

Enschede - Lonneker

Yn Twente de Highway 35, prachtich oanlein

sliepe op in keamer mei keunst

Enschede

Borculo

Huissen

de Achterhoek

Tiel

op de dyk bij Kesteren

in pontje kaas automaat bij in fearpont

fjouwer pontsjes dizze reis

Nijkerk

88%

Der binne op dit stuit 342gemeenten

en wij hawwe yn 88% fytst

Noch 54 gemeenten yn Nederlân

dan hawwe wij se allegear trochfytst.

Op Wielervrienden.nl wurdt it moai bijholden

en nei dizze fytsfakânsje fan in wike 

sjocht it der sa út

It noarden en easten fan Nederlân is frijwol klear

( yn novimber nei Skylge en Skiermuontseach)

de rest kin troch noch in pear fytswikefakansjes 

yn Noard Brabân en Súd Hollân

oplost wurde.

Gjin hout of dochs wol hout

Almere - Hout is in dielgemeente fan Almere

Wij sliepten dêr in nacht yn ien fan de wiken.

Bijsûnder? Ja

Yn dy wyk gjin houten skuttings

mar beamkes, strewelleguod, hagen en gaas,

Grutte kavels mei in hûs der op

mar omdat der gjin skuttingen binne

liket it wol ien grutte foar of eftertún

Tusken de túnen rinne wol paadsjes 

mar dy falle hast net op troch al dat strewelleguod.

Hûnderten fruitbeamkes siere dy buert,

wêr't allinne mar Sweedske wenten stean, op

Net allinne dizze wyk yn Almere Hout hat dit

mar ek ta fan oaren wiken dêr.

Prachtich fyn ik it

Noch 3

 

 Jim ha wol yn de gaten, dat der net folle te dwaan is op dizze bloch. 

Dat komt troch ús fytsfakânsje fan in wike. 

Der wiene yn de Achterhoek, Twente en it rivierengebied noch 12 gemeenten dyt wij trochkrúze moasten foar dizze útdaging

Dy tolve binne klear. 

Wij fytse no wer nei hûs troch trije gemeenten dyt wij noch moatte. 

Dan liket it woansdei aardich donkerblauw yn it noardlikste diel fan Nederlân 

Groetnis út Engen

De helte?

 Bijsûnder stikje

"De geregte helft in het veerschip" stiet der.

en de oare helte dan?

Wol in bakje

 Alle moannen skriuw ik foar Diggelfjoer in stikje

In bakje bij hjit de rubryk.

Altyd bijsûnder, ek dizze kear

Ik hie dit skreaun sûnder oerlis mei de betrokkene

Neidat Diggelfjoer utkaam, haw ik nei har ta west.

Se fûn it prima en hie suver wille bij it idee

dat minsken no begjinne te rieden wa't dat is.

"yn harren fûsk laitsje" neamde se it

Frysman yn LC

De LK ( Ljouwerter Krante) pakt op dizze moandei út

mei in paginafol ferhaal oer de Frysman,

dy't sneon wer holden is op it Reaklif

Of kin ik net better sizze 

der stiet in in ferhaal yn de LK oer Sjirk Bijma en Bries van der Werff?

Der is hast neat mis mei it ferhaal oer dy twa.

illustrearre mei in prachtige foto fan Sjirk.

De  foto fan in fytsende Bries 

past net bij it unike ferhaal oer syn maraton op bleate fuotten

Wat ik mis yn dizze krantereportaazje is

dat der mei gjin wurd sprutsen wurdt 

oer al dy oare dielnimmers.

Want dy dielnimmers hawwe allegear harren eigen ferhaal.

Oer wat sij fielden en ûndergyngen .

De freeslike striid yn it wetter fan it Iselmar

de hurde wyn dy't krekt ferkeard stie

dy aaklike heuveltsjes dy't  je 4 kear opfytse moatte

en 6 kear opdrave.

De hiele dei stride tsjin al dy eleminten,

in iensume striid mei gelokkich oan de kant

geweldige famyljeleden, freonen en ûnbekenden 

dy't je der trochhinne sleepten.

Beste LK, der binne sneon 221 Frysmannen bijkommen

en dat is in melding wurdich yn de krante

Dat er 2 in kertierke te let wiene, dat er ien 75 minuten te let wie mar wol troch giet

en dat de alderlêste dielnimmer hast 18 oeren ûnderweis west hat.

Rom bûten de tiid, mar as iensume draver it folsleine trajekt ôfmeitsje woe

en dan net te hearen: do bist in Frysman.

Dat klopt, hij wie Kris de Belch.......

Beste LK, der is ek in frou 

dy't as earste ûnder de bôge troch komt

dat hie der best wol ynstean kinnen

Der stiet nearne hoefolle der mei diene, 

hoefolle debutanten der wiene.

en hoefolle folk dit op de foet brocht yn dy regio.

Spitich

Bus parkeare

 

De bussen stiene parkeard bij it Griensintrum bij Wytmarsum 

Op it prachtige fjild fan Mulier gjin parkearde bussen sa't je dat soms sjogge at ferdigenje de boppetoan liket te wêzen 

It wurdt 4-5 foar Almere.

Tip foar ScHearrenfean. Sykje in oare keeper of set dy Bekkema der mar yn. 

Noppert is in drama. 

Hoe komt it dûmny.....

Yn 1963 is it dik winter

Wij herinnerje foaral de 11 stêdentocht

 mar de boel wie wiken ûntregele 

Fan hein nei fier

 Sa'n wykein is it.

Ik fyts fan hein nei fier

Sneontemoarn NK keatsen yn Snits

in inkel partijtsje sjen,

mear út as yn

bedrôvjend min

Sneontemiddei nei Bolstjurrich

in lekker bandsje heare

wat oare muzyk en strjitteater

Sneintemoarn 

3 kilometer drave.

it is foar achten al te waarm foar mij

Sneintemoarn wat letter

nei Itens

1ste klas keatsen

praatsje hjir en in praatsje dêr

dan is it altyd slagge

sneintemiddei wat letter

Formule 1 neat oan

dus nei tsjom 

finale sjen haadklasse keatsen

gjin spanning

mar wol in praatsje mei dizze en dy

slagge dus

Oerfal op de Grits

Soms kom ik nijsgjirrige berjochten tsjin

yn kranten fan earder.

Dizze kop yn in krante fan desimber 1962 falt mij op 

 

Yn 1963 stiet dit yn de krante

Bus

Nee froeger wie net alles better

It iepenbier ferfier útklaaid, wurdt der no sein

troch minsken dy't nea mei de bus reizgje

Falt wol ta, seit dizze busreizger

Sjoch mar ris nei de lêste bus.....

Ik kin no om 23.30 út Ljouwert wei

Fan wa bisto ien

 

It is oars net de tiid om efter de kompu te sitten

mar foar in moai projekt meitsje ik wol tiid

Krekt wer begong mei dit projekt foar de Tiid yn Boalsert

Jonge

 

Bin noch wat dwaande mei stikjes yn de kranten oer Wommels

Fanôf it jier 1954 sykje ik dat wat út

Bin no yn 1962

Dêr kom ik boppesteande stikje tsjin

Tilkema wurdt boargemaster yn Oldemarkt

Moaie boel wie dat.

Dy gemeente Oldemarkt berôve mij fan in klasgenoat

Sjoerd Tilkema

Sjoerd en ik wiene de ienige twa jonges

Nei klas 2 giet hij fuort

Ik bliuw allinne oer mei 5 famkes

Pas yn klas 6 (de lêste klas doe)

krij ik wer selsskip fan in jonge.

De herfoarme en grifformeard komme bijelkoar 

In hânfol famkes derbij en ien jonge

Jan Joustra

Blues

 Sa klinkt in bluesband mei

in drummer út Denemarken

in bassist út Finlân

in sjonger/gitaris út Amearika

en in gitarist út Aalsmeer

en dan sa no en dan ek noch oanfuld mei in

mûlharpspiler  út Grins

Moaie bluesmiddei yn Easterein

ek mei de BluesBusters en Ivan Schilder

en fierstentemin leafhawwers.

Spitich, mar miskien

wie it waar te moai

de intree te heech

de Wommelser feesten noch yn de holle

of in te lech ferwachtingspatroan

Legend hero

Fannemoarn  betiid Iens om,

goed 5 kilometer drave

Bin krekt thús

krij ik in berjochtje 

fan Niels Boonstra

de ûnttroande Local Legend

It stikje troch Iens 

de ôfrûne 90 dagen it faakst lâns draafd.

Local Legend neamt Strava dat

Efkes sjen wa't myn direkte belagers binne....

Ik haw Berber en Tsjeard al efkes berjochtje dien

"Toch in kear boppe-oan"

Sa grutsk as in 

Mei de rêch

Stel je sitte bij it popkoar.

Dan sitte je dêrbij omdat je fan sjongen hâlden 

en fan popmuzyk (tink ik dan mar)

Fan it optreden krije je in goed gefoel,

omdat der minsken nei je sitte te harkjen 

en sels klappe at je in liet útsongen ha

Sa wie it sneon net op 'Jouwer

Nei it popkoar komt in ferskesjonger 

mei gitaar en piano.

Harkerslieten dus.

It koar ferlit it poadium en 

kwek, kwek, kwek, kwek, kweeek

dêr giet it los.

Mei de rêch nei de ferskesjonger

en drok mei harren sels.

Doe't it koar nei de lietsjessonger wer mocht

bin ik mar fuortgien.

Sjonglju dy't gjin respekt hawwe foar oare muzikanten

kin om mij.......

Heremaparklive

 Ik hie ek nei Butterfly kinnen

dy spilen harren ding op de Terp.

Ik kombinear fytsen en muzyk

Op  'e Jouwer is muzyk yn it park

Dêr fyts ik hinne

Frank Blueka is der ek en dat is ien fan myn favorite sjongers

Mei syn djippe soms hege stim spilet hij alles.

Fan Tom Waitts oan Radiohead en fan Pink Floyd oan t Pearl Jam

Hij treedt trije kear bij de stoepe fan it gemeentehûs.

Ik sit bij alle trije de optredens  en dat foldocht skoan

Tusken troch sjoch ik fanôf de bult under de beammen

bij it tribute poadium en it talintpoadium

Loe, relekste muzyk en moai om nei te harkjen

Dan and the Middle Man, pittich en enrsjyk sels yn de waarmte

Crimping Iron, prima muzyk mei in moai ferskaat.

Jûns ek noch in moai programma mei Beatle Session en Seewolf

mar dan fyts ik wer nei Wommels

wêr't de Butterflys al fuortflein ninne

mar it feest noch net hielendal dien is

Middeis om trije oere frijwol gjin minsken yn de oune.....

Skermferslaving

 

In ynkopper

 

Hij is wer perfekt

dy nije hjearring

neffens it Fiskburo

sa lês ik yn de krante

Krekt as ferline jier

it jier dêrfoar

it jier dêrfoar

it jier dêrfoar

it jier dêrfoar

it jier dêrfoar

it jier dêrfoar

it jier dêrfoar

it jier dêrfoar

snsafuorthinne

Fûgels

Hoe faak fyts ik wol net nei Kûbaard?

Dy "Vale gier"

Hoe grut hie de kâns west dat ik dy fûgel sjoen hie?

Hoe grut hie de kâns west dat ik mij bewust west hie

at sij dêr sitten hiene yn dat lân tusken Wommels en Kûbaard

dat ik oeremis west hie.?

Ik fyts alle wqiken wol in pear kear nei Kûbaard 

as antwurd op de earste fraach.

Op dy oare twa fragen is it antwurd 0%

Sa hat elts syn  ding

Ik fytste fannemoarn betiid oer Skrok.

Doe koe ik net ynhelje.

Wat fan fûgel dit is, gjin idee

mar hij kin wol hurd drave

en hat in hekel oan lang gers sa te sjen

De Gielguorde

Famyljewykein 

foar de 22 ste kear, it earste wykein nei Pinkster

op in kamping earne yn Fryslân of neiste omjouwing.

Begong mei in man as 30, 

ûnderwilens koimme der sa'n 70 oant 80  

fan âld oant jong

Wij sitte no yn Bantegea.

op kamping Bolderik en dat foldocht geweldich.

Gjin programma, mar gewoan dwaan wat je dwaan wolle.

Der is in nichtje fan 7

dy't op in skoalle sit yn Mantgum.

"Hoe hjit dy skoalle" freget har omke út Wommels

"De Gielguorde", seit se gelyk

"En wat betsjut dat wurd", freget dy omke troch

"Dat wit ik net', seit se 

"Miskien wit jim mem it wol" tipt dy Wommelser har.

Mem wit it net, beppe en pake ek net.

Oare omkes  en muoikes en neven en nichten,

alle 70 moatte se it antwurd skuldich bliuwe.

"In bist,  in fûgel ? 

Wij hawwe der suver wille om

wylst it net bêst is dizze ûnkunde

Ik fertel wat it betsjut en jou oan 

dat der yn Fryslân earder noch twa skoallen dy namme hiene.

In dei letter is dy Wommelser yn oar selskip

en kin hij  it net litte om ek dêr de fraach te stellen.

Gelearde gesichten, djippe tearen mar

helaas, gjin goed andert.

Ik tink dat se it net wer ferjitte

De Gielguorde is in plak yn it hea

wêr't boeren harren apels rypje lieten.

In symboalyske betsjutting foar de skoalle dus

Opsitte

 

Yn dit gefal wie it figuerlik, mei ik oannimme

Hoe dan ek, 

tryst soks

Smoarch

Toetsebuorden binne de grutste smoargensnêsten dy't je betinke kinne

lêsde ik in kear.

It klopt....

Dit is net samar in toetsebûrd 

dat yn ien of oare goare kringloopwinkel leit

Dit is myn toetsebûrd.

Bij de nije kompjûter, heart in skjin toetsenbûrd.

Dus , de letters der ôf en de túchslobber der op.

Topprestaasje

 

Mei respekt sjoch ik moandeitejûn

Jellie wer oer de finisj kommen yn Boalsert

26 kear neffens de boeken

32 kear yn it echt

Ik moat der net oan tinke om dit te dwaan 

mei safolle minsken op de dyk.

Boppedat is safolle kilometers mij fierst te folle

om ek noch te genietsjen

De lêste tocht is noch net oankundige

Op nei 2026....