4 klokkestuollen besocht
op in fytstocht fan 82 kilometer
Yn Smelbrêge komme wij foar in "tichte doar"
It Buma tsjerkhôf is ien kear yn it jier iepen
en dat wie moandei net
Yn Ypekolsgea kinne wij wol te lâne
Yn Yndyk soene je tryst wurde at je op it bankje sitten gean
mei 4 lizzende en 4 steande stiennen en in klokkestoel
Yn Idzegea koe de hageknipper dy't oan it wurk wie
ús hiel wat fertelle
Al in heal jier lang ride der gjin bussen mear troch Wommels.
Foar de ien in seine foar de oare in lestige sitewaasje.
Dêr wol ik it no mar net oer ha,
want as ûnregelmjittige busreizger bin ik ek de dupe
fan 200 meter nei 1000 meter rinne om bij de bushalte te kommen
Hawar, der is wat oars, wat ik fyn.
In heal jierlang is it plak foar alle fytsen is in oanfluiting,
want dat hawwe se ynearsten mar net oanpast.
Wij binne no juny en der wurdt no oan wurke.
It paad leit er en no it plak foar de fytsen noch.
It paad, sa't ik no lizzen sjoch
is twa tegels te smel...
Of bin ik in seurkont?
Aldjierjûn of nijejiersdei
krij ik meast net folle mei fan it fjoerwurk.
Ik haw der ek net folle mei.
Dizze wike wie ik bij trije fuotbalwedstriden
dy't yn in spannende einfase kaam binne
Kosten noch muoite wie der sparre
foar kleuryk fjoerwurk
Workum - Heerenveense Boys 1-0
mei it read fan Workum
Ik sil net neitraapje, mar ik moat mij ynhâlde.
Oanlieding fan dizze konstatearing is dit stikje,
dat giet oer it ferslach fan de lêste wedstriid fan SDS 1
"Teun zat ‘op tien’ lekker in de wedstrijd en had wel langer willen voetballen dan een uur. Op zich een gezonde reactie, maar als je er zoveel plezier in hebt moet je niet stoppen met voetballen op je vierentwintigste Teun"
Wat in ferfelende opmerking fyn ik dat.
Dat immen mei 24 jier stoppet is syn eigen kar.
Dat in trainer dat net begripe kin, seit iets oer dy trainer.
Dat je dat yn in ferslach opnimme is bernich, en foaral negatyf
Ik hâld mij yn.
Op ien opmerking nei
Ik sil it geskel rjochting spilers fanôf de bank net misse
Ik haw it byld noch goed foar eagen.
De man mei de skeppe of de harke
dy man dy't leunt op de skeppe.
Gravers of harkers
de skeppe is der foaral ek om út te rêsten
om om je hinne te sjen.
It like mij logysk.
Wurkje mei in skeppe en mei in harke
dat noeget út ta útrêsten en om je hinne sjen.
Yn Wommels is Delta dwaande mei superfluch ynternet.
Sij lizze de kavels yn alle strjitten, nei alle huzen
De tegels der út, grave, kabel der yn,
tichtsmite en de tegels der wer yn.
Allegear mannen yn reade hesjes.
Sij wurkje as "gekken"
De skeppe is net om te leunen
dy is om te graven
Wat kinne dy mannen wurkje.
se wrotte de hiele dei troch
meast oant in oere as acht jûns ta.
Se sitte net yn in keet om skoft te holden.
Se sitte op de grûn, op in muorke, op in bankje
Bûten, mei-elkoar.
Wat pûden broadsjes bij Jumbo wei
en in sikspek 2 liter flessen kola.
Der giet fierders gjin minút ferlern.
Ik fernuverje mij alle dagen wer
at ik se wurkjen sjoch
Wat in enerzjy.
Ruud Gullit kin best wol ferstannich prate oer fuotbal
at hij oan tafel sit bij Rondo op Ziggo Sport
Hij kin lykwols ek dom lulle, tige dom lulle.
Altyd dat gejank oer donkere spilers.
No dit wer
Ik soe hast sizze wolle
Gullit sit bij Ziggo sport
omdat hij donker is.
In oare reden kin ik no hast al neat mear betinke
De Bûnspartij op pinkstermoandei
dêr bin ik faak wol efkes te sjen.
Mei de klam op efkes,
want oan it begjin fan de middei haw ik it faak wol sjoen,
útsein at Wommels der noch oan is.
Dat efkes, wie moandei wol hiel efkes.
Wommels sjoen
en doe wist ik wer werom keatsen mij sa gau ferfeeld,
Wat in bûtenslaggen,
fan beide, mar wierskynlik fan de tsjinstanner iets minder
want dy winne.
Nei dy partij begjint it te reinen, hurd te reinen
en betink ik goed 11 oer al
dat nei hûs gean better is.
12 oere bin ik thús (dweiltrochwiet)
en hear ik dat it ôflast is.
De hel fan 22
sa neame se de fyts11stêdentocht fan dit jier.
Rein, noch mear rein, hurde wyn en noch hurdere wyn.
Fan start oan finisj.
Sa'n 3000 lju meast yn djoere pakjes en op hypermoderne fytsen
heakken yn it foar al ôf.
Sokken binne dus gjin kaart wurdich.
Sa'n 2000 starten wol mar leine de finishstreep sels wat earder del
Ik begryp dat wol.
Wat fytsen leuk meitsje kin, ís der moandei net.
Der binne sa lytse 10000 dy sette troch.
Dy oertreffe harren sels
Ien fan harren is Jellie Holtrop
Sij is in trochsetter.
Ik hie net stimulearre om mei te dwaan
nei de 1400 kilometer dy't wij de ôfrûne wiken ôflein hawwe.
Ik socht de "slimste" buienradar op
en die der noch in skepke bij op.
It die gjin fertuten.
Jellie sil fytse en dan wit ik it wol
se sil him ek utfytse.
In grut komplimint
De mistral is een harde en koude noorden- tot noordwestenwind die gedurende de dag gemiddelde windsnelheden bereikt van 50 kilometer per uur of meer (windkracht 7), met windstoten van meer dan 100 kilometer per uur.
De duur van de mistral is wisselend maar hij houdt meest dagenlang aan, tot wel een week. De mistral waait regelmatig, zo'n 130 dagen per jaar, en komt in elk seizoen voor, het vaakst in de winter en het voorjaar.
Oant sa fier de ynfo dy't ik fan Wikepedia plukt ha, wêrfoar tank.
At je de mistral nea meimakke ha,
dan kinne je dêr gjin foarstelling bij meitsje,
liket mij sa ta.
Wij troffen de mistral dizze fakânsje
of better sein de mistral trof ús op syn paad.
Moarns op it dakterras bij it hotel
seagen wij efkes yn it waar.
Wij hawwe him mei, dat is in gelok.
Trije dagen in stoarmwyn yn de rêch.
It is allinne mar leuk at je him echt yn de rêch hawwe.
Sydwyn is hast "deadlik" en yn de wyn is net te dwaan.
Wij hawwe sydwyn op wat hege brêgen en rinne meast
Ek sydwyn op dizze smelle (rin)brêge.
In brêge dy't bekend stiet om syn wiebeljen.
Fytse is net ferantwurde.
Mei eangst yn de fuotten draaf ik der hast oer
en Jellie folget
Fytse nei de Middellânske See is prima
mar je moatte ek werom.
Wij diene dat mei dizze organisaasje.
Fital as orgaisator en Snelle Vliet as busmaatskippij.
Yn twa dagen riden wij op Nederlân oan.
De fytsen yn de karre
en wij yn de luie stoel.
Hinnereis gie de bus fanôf Metz mei foar de bagaazje
en at er immen in dei net fytse koe fanwege
in blessure of omdat de akku net goed opladen wie.
Sjoffeur wie earst Marcel en dêrnei Piet.
Oer de organisaasje binne wij tige tefreden
Op dizze foto stiet in dielnimmer
fan ús fytstocht nei de Middellânske See.
Bij oankomst yn Súd Frankryk makke immen dizze foto.
C., hij is 85 jier(!) en hij fytste op in gewoane fyts.
"Dit hebben mijn fiets en ik gedaan" seit hij.
Prachtich dien, in prestaasje.
Wij binne werom dus.
De kommende tiid noch wat ferhaaltsjes en foto's
Le Grau du Roi, dat wie it doel
De kommende trije wiken fytse wij fia Dútslân, Belgie
fan Maastricht nei Montpellier
At er wat leuks te melden is dan stiet dat hjirneist
op twitter
Of miskien wol op faceboek sa no en dan
Sa'n giel boerd mei in warskôging
dy kom ik noch wolris tsjin yn de bergen,
dat er stiennen op je kop falle kinne.
De mûzefalk dy soarget hjir foar gefaar,
tusken de Kliuw en Hartwert binne wij warskôge.
Se binne foaral agressyf salang de jongen yn it nêst binne.
Se binne sljocht op keale koppen.
Ik wie net benaud.
Ik haw in helm op
Je kinne sizze dat it allegear wol in hiel soad kost
mar je kinne ek tinke, wat bijsûnder, wat moai.
at je it sjogge.
Sa giet it mei mij
oer it ferfolch fan Ljouwert Kulturele Haadstêd
No rint er wer in heal (djoer) beammenbosk troch de stêd.
It is bijsûnder at je foar it stasjon stean
midden tusken de beammen
Ik fyn it prachtich
en bin benijd nei dy oare lokaasjes,
de kommende wiken.
Wij binne net foar de beammen yn Ljouwert.
Wij binne der foar de muzyk op it Befrijingsfestival.
Wat in drokte, wat in gesellichheid.
 |
| Seewolf, hearlike muzyk foar de leafhawwer |
 |
| Fortunate Sons , foar de massa herkenber |
 |
| Rachel Croft & Kentucky Snake Oil, tefolle gepraat |
Op de fyts derhinne en op de fyts werom,
Hinnereis noch in aaklik ûngemak
mei 4 famkes dy't it akwadukt ynfytsten
Ien gie slach oer de kop,
fleach mei de holle tsjin de betonnen wand
en wie in skofke út de tiid
It wie krekt bard en wij koene noch wat help biede
foardat plysje en ambu kaam.
Ik bin bliid mei myn helm......
Us ritsje nei de eardere gemeente Doniawerstal
bringt ús ta beslút yn Dunegea
Yn de buert fan Sint Nyk is in golfbaan.
Dêr tuskenyn is in moaie griene flakte
mei in prachtich hôf.
In klokkestoel leit binne de grêft fan dit moaie plakje.
Op dit plak leit Sape Smeding.
Tegearre mei Rely hie hij de Sparwinkel yn Wommels
yn de jierren 70, begjin 80.
Bij Sape en Rely hie ik myn earste baan.
In prachtige tiid
en in soad leard sa tusken de 15 en 20 jier
Oan de râne fan it Prinses Margrietkanaal
dêr earnbe tusken Langwar en Jiskenhuzen leit Teroele
Ut de fierte sjogge wij de klokkestoel al.
Der is ek in sarkofaach seit it boerd.
It tsjerkhôf mei klokkestoel bij Diken.
Dat wie snein de earste dy't wij tsjinkamen
op ús 77 kilometer lange fytstocht nei it eardere Doniawerstal.
Oer it yngongstek wie al hiel wat te fertellen
