King

 

Yn 1955 is der noch gjin besef 

dat smoke ferkeard is.

In pipermuntsje fan King is de oplossing

tlije stlontglipers

 
It wie yn de jierren 60

Op in skoalle yn Wommels sit in jonge 

dy't bij de Burchwerterhoeke wennet.

Dizze jonge hat wat muoite mei de r.

De r wurdt bij him in l.

At hij in kear te let is foar skoalle seit hij de legendaryske sin

dy't mij altyd yn de holle sitten bleaun is.

Op de Bulchweltelhoeke stiene tlije stlontglipers

Ik hie der alle begryp foar han at der op it nije fiadukt bij Burchwert stien hie

Bulchweltelhoeke

Yn de LC  stie dit:

Pisbak

 

At de BBB de strontgeur en de stjonktrekkers útroppe wol

ta kulturiel erfguod, 

dan wit ik noch wol wat.

De pisbak yn Sânfurden

Njonken de tsjerke 

mei in paadsje mei gieltsjes

en oan de trochrinnende dyk

Snein fytste ik efkes nei it fierste punt dêr

en fansels makke ik op de weromreis gebrûk fan dizze pisbak

Boskrûte

 Snein in moaie dei om wat hoekjes en herntsjes te fytsen

yn Gaasterlân.

Harich de start en Balk it einpunt

Balk

wat efterôf yn Wikel

neist de yogastudio

Wikel bij de iisbaan

Muzyk jout enerzjy

Dit is wer sa'n jûn dat muzyk enerzjy jout.

Wat in hearlik optreden fan Paceshifters yn Neushoorn.

De enerzjy spatte der fan alle kansten ôf bij de band

dy't ik no acht kear sjoen ha

mar noch altyd net in tel ferfeelt.

Dy drummer, dat is in fenomeen.

Dy jout de band safolle gong, safolle ritme

safolle passy.

Op de nije cd en no ek op it poadium

hat it trio fersterking fan twa oare muzikanten

It jout in foller lûd, 

mar de echte rock is in bytsje fuort betiden.

It lêste healoerke as trio

soarge foar in dampende en swingende sfear.

Machtige jûn.

Dy machtige jûn is foar mij al wat earder begong.

Yn Neushoorn kafee is in metal jûntsje

en it past allegear goed 

om dêr noch in optreden fan mei te pikken.

Ferstoarn, in ienmansband

Bijsûnder om te sjen en it klinkt ek prima

mar ik miste de dynamyk fan in drummer

en de bewegingen fan de gitaristen.

Mar Feike Wiegersma hat as Ferstoarn

in prima cd makke, 

dy't hij hielendal allinne ynspile hat

Trije mikrofoanen op it poadium

dus skarrelje hij fan de iene nei de oare

om dy foar de ferskillende metalstimmen te brûken.

AI

 Wat in moaie lêzing fannemiddei yn de byb

troch Evelyn Verburg

Oer de mooglikheden en de bedriging fan AI

Yn in kwisfoarm komt alles foarbij

oan nije en drege termen.

Wat kin dat programma wat!

Mar Pyt Idzenga út Iens die yn 1955 it selde

mar dan foar in wat lytser publyk.

boarne  Delpher

Koarnwert

 

Koarnwert, dêr kom ik sa net faak.

Dat er in mûne stiet tusken Koarnwert en Makkum 

is mij noch net earder opfallen.

Fia in derinnende dyk kom ik der.

Goed foar myn Wandrer kilometers!

Ik fyts bij it keatsfjild lâns

en herinnerje mij dat ik dêr in kear keatst ha.

Myn earste partij in it jongepartoer fan Wommels

Yn it jier nei de Freulewinst

Partoer 8 wie der samar ôf 

en wij moasten mar sjen hoe't wij wer thúskamen.

Ik kin jim sizze dat liftsje fanút Koarn wert nei Wommels

net sa maklik is.

Partoer 15 wint, dêr hiene wij ek op wachtsje kinnen

Loaitsers

 In kaart út Manchester

ik skrik er net mear fan

mar sjoch der nei út.

Wat in prachtich fers fan Annie M.G. Schmidt

'Twa loaitsers' sei Gerrit Tjallema

dy't mij dizze kaart stjoert.

In loaitser, 

dat geve Fryske wurd kin ik net iens,

mar begryp wol wat it betsjut

J en A

 ik fiel mij fannemoarn betiid Jaap

at ik mei de fyts oan de hân fan Spannum nei Wommels rin

of Aaltsje, 

of Jaap en Aaltsje

want dy rinne faak op dizze wize.

sij dogge dat frijwillich

ik net

ik ha in lekke bân

ja, dat bestiet noch

sels mei supersonyske anti lekbannen

de fytstas net echt fol

tafallich de rinskuon oan

en tafallich ek al iten

fyts yn Spannum efterlitte bij Ozzy

giet er efkes troch mij hinne

nee, dy plakt him echt net

dan fuort mar nei hûs mei dat ding

it rinnen giet net hurd

sa no en dan drave giet hurder.

5,3 kilometer rinne/drave

mei de fyts oan de hân

yn 55 minuten

wer in rekôr

it hâldt net op

1955

Noch wat berjochtsjes út de krante fan 1955

 

In moaie sneon

 In moaie sneon

Earst de sinne op kommen sjen

at ik ûnderweis bin nei Boalsert.

In ritsje foar wat boadskipkes

dy't ek wol yn Wommels te krijen binne

mar de drang om efkes te fytsen moarns 

jout de trochslach om it út Boalsert te heljen.

Dan in jierdei om kofje- en iterstiid hinne

Wij sitte noflik yn de kring en harkje nei elkoar

Dat is better as al ien op ientsjes

Middeis mei Gerrit Hulzinga op de fyts nei al wer Boalsert.

Nei in oantal wedstriden op 4de klasse nivo

hawwe wij ferlet fan 2de klasse nivo

Wat in hearlike wedstriid sjogge wij.

sc Bolsward is in prachtige ploech om nei te sjen.

Moaie kombinaasjes, technysk en taktysk geweldich

en ek noch in prima oerwinning op de koprinner

Jûns nei Itens

Jack in the Box mei lekkere populâre rock as opwaarmer

en Seewolf as de ôfmakker.

Yntins genoaten fan Seewolf.

Wat in hearlike stevige set spilen sij

en wat is it gesellich yn dat muzykkafee yn Itens.

De sneon en al in stikje fan de snein goed bestege

Earmoede

Op AlleFriezen stiet sûnt koart wer nije ynformaasje

De belesting-oanslachboeken fan in protte gemeenten binne digitaal makke

Ek dy fan Wûnseradiel, dus ek fan Dedzjum

Dêr wenne myn oerpake wêr't ik nei neamd bin.

De pake dêr tuskenyn is net bekend.

In boer wierskynlik, hat in ferlechje hân mei myn beppe

en sa is myn mem berne.

Mar werom nei myn oerpake yn Dedzjum

Ik kin no fine yn hokker earmoede sij libben.

In belestber ynkommen fan 50 euro

en dat wie it leechste yn Dedzjum

Hij hat ek yn tsjinst sitten,

kin ik no fine

Aha, brune eagen....

Bikkelje

Bikkelje dat dogge se snein yn Ljouwert.

De safolste Bikkelrin, 

dy't yn ferbân mei it jubileum yn de binnenstêd is.

Gewoanwei sille se bij de Griene Stjêr harren keunsten toane.

Tsjeard docht ek mei;

dy is altiten op syk nei in oar sport

en sa stean wij ûnder oarenyn it Naauw

wêr't boppe it smoarge wetter de touwen hingje

Dêr komt hij oan (nr 159) witte ek Samme, Berber en Nyck

Tsjeard mei in autobân op paad

36 hindernissen en allegear mei in Fryske namme

Draaftalint

 Yn Kûbaard is de hurdrindei.

Tsjeard en Berber dogge mei en pakesizzer Nyck ek.

In fanatyk mantsje en sa fluch as wetter

Hij komt as earste oer de streep mei 1000 meter.

Hij lit sels foarfytser Syb van der Ploeg efter him

hup Nyck

in moai loopke

Grutsk op syn medalje en bliid mei de ijsko

Kuorkebalje

 

Je meitsje wat mei sa'n sneon

Nei de hurdrindei yn Kûbaard, nei it fuotbaljen yn Easterein 

en as hichtepunt nei it kuorkebaljen yn Spannum

Earlik sein, dat lêste wie tafal.

Wij fytsten dêr lâns en it roppen fan de spilers  

en it  razen fan de supporters luts ús nei it smûke fjild.

Twa minuten duorre de sportive wille

want doe wie it skoft.

Gelokkich pakte ik mei ien foto noch krekt in doelpunt mei,

of siet dy net.......

Oare kear mar wer ris sjen en dan net tafallich

Skutters Wommels

In ferfolch op it blochje fan 30 septimber

oer de skutters fan Wommels.

Ik haw trochkrigen (fan myn broer Hessel)

dat it argyf fan dy opheven klup

te finen is yn de Tiid yn Boalsert

De skutters fan Wommels dat binne gjin uniformdragers

Harren tsjinstanners meast wol.

De plysje bijgelyks

Sa hat Popko Wijnia in pear medaljes

fan de jiskebult rêde kinnen 

doe't it plysjeburo yn Wommels ticht gie.

Hij hat se spesjaal foar dizze bloch efkes oppoetst

NB
Foar de dúdlikheid Popko makke doe net diel út fan de plysjeskutters

GrootSneek is in prachtige regionale krante

Groot Bolsward nammers ek

Yn de lêste stiet in prachtige kollum fan Wim Walda...

Net bêst sa stadich oan.

 

Abbekatepraat

Mei in abbekaat haw ik betiden begrutsjen.

At de (mis)die der sa boppe op leit

at er gjin goeie arguminten binne  

dan hâldt it bij in gewoan minske op.

Bij in abbekaat net.

Dat je dan wat betinke, sa as hjir ûnder beskreaun

dan is dat ûnder de ûndergrins.

Man stiet foar de rjochter omdat troch syn tadwaan

twa maten omkommen binne bij in iensidich ûngemak

omdat hij fierstente hurd riden hat 

en fierstente folle dronken hat

De sin wêr't ik oer fal is:

Het staat volgens haar niet vast dat het ongeval niet had plaatsgevonden als hij niet had gedronken en niet te hard had gereden