Wite sokken

In stik oer wite sokken

dy hawwe wij allegear hân

dat wie wat oars as dy swarte, donkerblauwe of grize.

wite sportsokken dat it west

Wite sokken, it stie sportyf.

en je koene se oeral bij drage 

at it mar net yn de sandalen wie.

Dat wie as flokke yn de tsjerke.

No lês ik dat wite sokken der wer ynkomme.

Ik haw gelyk sjoen

at ik noch wat fan dy eardere wite sokken 

yn myn sokkela lizzen ha.

Dat is net sa.

Dy haw ik allegear brûkt om de fyts skjin te meitsjen.

Wite sokken

jim sille mij der net wer yn rinnen sjen.

Ik haw lêsten 12 pear deselde (donkerblau) sokken  kocht

dêr kin noch hiel lang mei ta.

Nix

" Hjir is Nix" stiet der op in buordtsje 

yn de buert fan Arum, Kimswert en Peinjum.

Dêr hâlde wij wol fan.

fan Nix  iets meitsje

It klopt yndie

It is twa kear nix

mar wol grappich en leuk

Wij hawwe neat lizze litten 

mar wol in ûnferjitlike herinnering meinommen

Veronica

It is hjoed 50 jier lyn dat de seestjoerders ferbean wurde.

Veronica en Radio Noordzee wiene illegaal en stjoerden fanút see.

In ferdrach fan Straatsburg ferbiedt dat fanôf dat momint

Veronica, ik bin der mei op groeid.

Alle popmuzyk komt yn dy tiid binnen fia Veronica

Myn ferskillende transisterradios hawwe mar ien stjoerder 

Veronica

Op ien fan myn plakboeken stiet dan ek net foar neat dizze sticker

Ik woe graach dat se bleaunen, 

mar helaas de polityk net.

Hjoed stiet radio 5 yn it teken fan dy seestjoerders.

Foar mij herinneringen

oan dy stimmen en tunes

en fansels oan de muzyk út dy tiid

dyt gelokkich noch in hiel soad te hearen is op radio 5.

5 miljoen

 Bij Ajax giet it net sa goed.

Dat is foar de parse smullen

Der is altyd wat te skriuwen

Sa ek it AD

Sij skriuwe oer Bergwijn.

Lit mij begjinne , dat dat net myn favoryt is.

Ik fyn dat hij in mislike útstrieling hat

No sit menear it meast op de bank

want syn kwaliteiten komme der mar net út 

de lêste twa jier.

Dêr giet dat stik oer

Hij soe feitlik ferkocht wurde moatte

mar hij kin syn fermiende kwaliteiten net sjen litte

want hij is of bleasseare of passeare

Dan lês ik yn datselde stik

dat hij 5 miljoen per jier fertsjinnet.

5 miljoen

5 miljoen per jier

It betelle fuotbal is siik, deasiik

Molke

 

 
Wij sliepten ûnder de reek fan Amsterdam.

De Swarte Kat hjit it dêr

en dat leit oan de Ronde Hoep

It is oan de Amstel en dêr binne ek noch in oantal boeren 

Dy hawwe harren eigen molkepakken

Foarlêze

 

Foarlêze is prachtich wurk

Foarlêze op it timmerdoarp

jûns bij in kampfjoer foar 50 harkjende bern

is echt "fet cool"

Yn in spesjale pelletstoel  lêsde ik woansdeitejûn twa ferhalen foar

mei it tema "Op een Onbewoond eiland"

It twadde ferhaal gie oer twa bern 

dy't op in timmerkamp west hiene

skipbreuk krigen op in ûnbewnne eilân oanspielden

en alles wat se op it kamp leard hiene 

yn de praktyk bringe koene 

Reahûs

It is in klus om op 75 % fan de diken fan Reahûs te fytsen.

Ik sit op sa'n 74 % en moat op syk nei in wat tagonkelike betonreden 

dêr't ik wol komme kin.

Tongersdeitemoarn op syk nei 550 meter .........

It earste paad wie grind, los grind, net te fytsen

mar ik nim it risiko fan in fal.

100 meter binnen

It twadde stikje yn it lân einigt bij in bult modder

100 meter derbij..

It tredde stikje einigt foardat in blaffende hûn mij yn de kûten byt

50 meter derbij en gau útnaaie

It fjirde stikje is hast net te finen

en bringt mij mei muoite 100 meter fia in knoffelich paad fjirder

tusken maislân lofts, rjochts en foar

Dy rissultaten fan dit gedoch sjoch ik pas at ik thüs bin

en de gegevns ferwurke binne.

Sjit, sjit, noch 140 meter te gean

Nije wike in nije poging,,,,,

At ik Reahûs klear haw, hoop ik dat de kroech dêr iepen is

dan haw ik wol in Alpha bierke fertsjinne

Jarre

Fan it grutte nijs wurde je hjoeddedei net bliid.

Ik sjoch der moarns tsjin oan om nei it nijs te harkjen.

Wat in ellinde mei al dat geweld tusken meardere lannen.

Gelokkich kin ik ek noch gewoan argewaasje  ha oer lytse dingen

Nim no dat ferhaal oer de jarre yn Seelân

De kening en syn frou sille op wurkbesite yn Seelân.

No rûkt it dêr ornaris ferskriklik  nei sipels

mar in amtner fan in gemeente hie betocht

om de boeren der op te wizen dat jarje net mei

at Willem en Maxima yn de buert binne.

De wurden dy't  brûkt binne yn de brief

sjitte  de boeren yn it ferkearde kielsgat,

Opskuor, wat sille wij no hawwe.

Seelân hat gewoan syn eigen geur

en dat is mei jarre, sipels en sâlt

Nee, ferbiede sa dat wie net de boadskip

"Der rekken mei hâlde, at it kin"

De boargemaster sjocht de jarrebui al hingje en 

hij skriuwt in nije brief mei eksuses

"" Iets fan ferkearde wurden brûkt en it wie sa net bedoeld"

At foarhinne de boeren hjir bij Wommels begongen te jarjen

en de wyn stiet efkes ferkeard,

dan skeat ús mem nei bûten.

"De was moat yn, oars stjonkt alles nei jarre".

Wolkom

 

Ek tsjinkommen op in sliepadres

dit kjessen mei in prachtige tekst 

dy't mear is as in grapke

Nostalgy

Tidens ús fytsreis sliepe wij bij "Vrienden op de Fiets"

Dat foldocht ús skoan.

Altyd wer ferrassende adreskes en gastfrije minsken.

Op ien fan de adressen sliepten wij yn in grutte loads

dy't ynrjochte wie mei tal fan âlde attributen.

Ien fan de earste tillefysjes

fan dy moaie âlde radios

âlde pannen, oar keukenark

en dizze prachtige typemasjine.

Net bêst dat wij dêr froeger meiwurken.....

5 eurosint

 

Bij Spijkerboor is een pontsje.

Dit moaie boerd hinget oan boat

De priis is omheech gien

5 eurosinten mar leafst

Mei wat tape en in stift hawwe se de priis oanpast

Dat begryp ik wol.

In nij boerd kost wierskynlik krekt safolle

as de jierlikse mearopbringst 

Gemeenten

Ik haw sûnt april 2020 hast yn 75% fan alle gemeenten fan Nederlân fyst

It doel is 100 %

Dizze koarte fytsfakânsje levere wer 7 nije gemeenten op

De gemeente Voorst (grien)

De gemeenten Renswoude, Scherpenzeel, Woudenberg en Uithuizen

Landsmeer en Oostzaan

Dit alles wurdt bijholden troch Wielervrienden.nl dat koppele is oan Strava.

Rûntsje Nederlân

 Dêr wie der wer

it jierlikse romme rûntsje Iselmar,

Op moandeitejûn 20 oere betocht, 

op tiisdeitemoarn om 9 oere fuort

It waar liket net sa gek, sjogge wij op Buienrader.

Net folle rein.

Wol in hiel soad wyn, docht letter bliken

mar dêr lette wij yn it foar net echt op.

Miskien hiene wij oars wol net fytst.

Wat in wyn, wat in tsjinwyn.

Earst nei Swol, it kin net op

Dan fia de Isel nei Ede

De wyn draait mei ús mei .

Tsjin wol te ferstean.

Fan Ede nei Oudekerk oan de Amstel

is it ek sykjen om lijte.

Sels fan dat lêste plak nei Heerhugowaard

hâldt it ek noch net oer.

De wyn is ynienen stiifwest

De lêste dei fia de Ofslútdyk is it 

sa 't wij it graach wolle:

Foar de wyn.

Reinwetter?

Sa no en dan in buike

mei as djiptepunt Amsterdam nei Landsmeer

ien dikke bui

Wij hawwe bij it pont oer it IJ de reinjas al oandien

want de loft is sa skier as Yfke

Op it kleed

De Prinsetún yn Ljouwert 

is sneintemiddei faak it dekôr fan muzykoptredens.

In noflik plak, dêr bij de fiver.

Snein binne der fjouwer troubadoers 

dy't de ferskes oer de tún klinke litte.

Der binne tal fan fêste harkers sa te sjen

want se binne klaaid fan hûs kommen

mei in kleed en in kuolboks

Se hawwe it goed betocht fan te foaren

want wij gean der wei mei dweiltrochwiete broeken.

Foar dat fuortgean hawwe wij twa optredens sjoen.

Graaflangraaf makke him mei skerpe teksten aardich drok

en dat mei ik wol lije.

Der sit fjoer yn syn optreden

Dat fjoer is gau dôve bij it optreden fan Alexandra.

Moaie stim  dat wol

goed gitaarspul dat ek 

mar oh hearken, wat ik net moai fyn bij troubadoers

binne dy swietsêfte ferskes.

Wij hâlde elkoar wekker en sette ôf foar

optreden 3 en 4.

Twongen, want wij moasten noch efkes nei it MCL

om efkes in koarte besite te dwaan.

Lâns de Swette werom

Klimme, klimme

Tongersdei op 'e Lemmer hast in sinnestek oprûn 

bij it skûtsjesilen

It plan om hjoed nei Winsum te gean,

foar it FK fierljeppen

moat dêrom de kuolkast mar yn.

Bankhingje mei Syb fan 2

dy't foar it earst fierljeppen sjocht.

"drave......klimme, klimme..... boem   (in it sân)

of .....plons (yn it wetter)

Wij ha ús tige fermakke

Moord in Oxford

 

Wat in boek.

Ik haw it noch net út

want in moai boek giet bij mij altyd langsumer

Dêr wol ik hiel lang fan genietsje

Alle dagen in stikje

Sa'n bijsûinder opset,

sa'n nijsgjirrich ferhaal

en sa moai skreaun.

It hie in Skandinavyske triller wêze kinne

Te lien yn de byb fan Wommels

Yn it Heidenskip rint in soad dea

Hjoed is it woansdei

Merke yn Warkum

Moai foar Jellie net foar mij

Ik fyts mei nei Warkum

en nim mij foar om foar 

myn 'Wandrer' útdaging it Heidenskip te 'feroverjen'. 

Yn it foar thús de rûte makke 

mei mar leafst 12 dearinnende betonpaden.

It is in ûntdekkingsreis fan komsa. 

Fan it Helspaad nei it Paradyske, 

fan Lytse Wjirm nei it Turfhúske, 

fan Skerven fan it Skar nei de Wolvetinte 

en fan beppe's hikke nei Jantje 104.

Underweis sels twa noflike 'bekomplakjes' 

en mei de wiisheit fan in swerfstientsje 

nei 86 kilometer wer thús. 

Mar 10 kilometers wêr't  ik noch net earder fytst ha [myn wandrer risseltaat] 

mar it is in geweldige rit.

Ferbean

It is dizze simmer drok op it fytspaad tusken Boalsert en Wommels.

In protte toeristen meitsje gebrûk fan dit paad.

Neat mis mei.

It is wat smel, mar it kin mei wat fatsoen.

Wat net aardich is binne de twatsjillers mei moters

dy't hieltyd  faker op dat paad jakkerje.

Ik haw it noch efkes opsocht.

It is net tastien.

Ik tink dat ik lju dêr op oansprekken gean.

 Der stiet gjin rûn  boerd

dus........

Helaas wurde dy net fatbikes noch as fytsen besjoen

Pisje

It is wat mei de pisserij bij it Dielshûs 

tidens en nei de Freulepartij

at je frou binne.

Je keapje foar minimaal 13 euro oan munten

(dan hawwe je der mar leafst 4)

en at je dy munten omsette yn bier

dan moatte foar elke kear dat je pisje 75 eurosint betelje.

Je kinne it ek ôfkeapje foar 2,50 of sa.

It is op syn minst skandalich 

dat je bij in horekagelegenheid in drankje drinke

of in pear mear, sa as it gewoan is op de Freulepartij,

dat je dan betelje moatte foar it pisjen.

De mannen hawwe in fergees piskrús ta harren beskikking.

Ik bin der wis fan dat betelje foar mannen gjin opsje is.

Dan wurdt it in plakje sykje bij in hage wat fierderop 

of miskien wol hiel tichtbij.

Froulju, 

wêr binne jim mei in lykweardigens gefoel

Sis der wat fan, it liket op fleanen

dat jild betelje foar it pisjen

Tillegraef

Pyt Postma mocht tiisdeitejûn foarlêze op de jûn foar de Freulepartij.

"Lêze foar de Freule" hjit dat barren 

en der kaam wer flink folk op ôf.  

Yn Pyt syn ferhaal sieten aardich wat nijsgjirrige en herkenbere jeugdherinneringen.

Pyt hie it ek oer de strjitnammen yn Wommels 

dy't ferwize nei it keatsen. 

As oanfulling wiis ik noch efkes op in nijsgjirrich ferhaal dêroer.

Op syk nei de heide

De heide yn bloei, kopt de krante

Hiel betiid, is de ûnderkop.

Men hat it oer Bakkefean

Jellie mei graach oer in bloeinde heide

dus stappe wij op de fyts yn Nijbeets

Mei in moaie "Wandrer"rûte fyn ik it prima

Bij Bakkefean sjogge wij strookjes heide

Bij Wynjewâld sjoch wij in fjild heide

dat net echt yn de bloei stiet

In prachtige rûte fierders

mar heide....

Wol wer in moai blommenfjild om it mais hinne

Keatse

 

Fytse mei in doel

Dat is hjoed efkes om de hoeke sjen yn Wytmarsum

wêr't de jongespartoeren harren foargenerale hawwe.

Ik tref it

At ik kom moat Wommels de twadde omloap keatse.

Sij winne en ik haw in byld wat de kwaliteiten binne

Ik hâld net rekken mei in huldiging

mar mei in goeie lotting

troch wat mindere tsjinstanners  te treffen

en in kear stean te bliuwen

soe in priiske wol mooglik wêze kinne

Foa twaén wer nei hûs

om de earste wedstriid fan it skûtsjesilen te sjen optv en ynternet

Hoop net dat it ferfolch ek sa giet.

Gjin spanning is funest foar dizze sport