Dutch disease

 Yn Groot Sneek (wat in moaie krante is dat)

stiet in stikje oer twa promininte meiwurkers fan it Bolwerk yn Snits

Moai om te lêzen

Sij hawwe deselde argeaasje ha as mij.

Spotify

It persoanlike jieroersicht fan Spotify is wer klear

In matich oersicht, 

want ik herkende in hiel soad dingen net.

Dat ik 36140 minuten harke ha yn in jier

dat soe best kinne

Dat bluesrock myn favorite sjenre is,

it is mooglik

Dat ik op 24 juny 98 protestlieten heard ha

ik nim it graach oan 

Dat is op 1 july 58 ferskillende sjenres harke ha,

it sil

Dat ik nei 2806 ferskillende arysten harke ha, 

ik sil it net bestride

Dat juf Roos en Marco Schuitmaker dit jier net yn myn top 5 stean

klopt ek, want Brecht (6 jier)  sit minder op myn Spotify 

en hat oare belangstelling

Mar

dat ik it faakst harke haw nei

Only love wil brake my heart fan Neil Young ferrast mij

dat Life, death and Dennis hopper fan the Waterboys

myn favorite album yn 2025 is dat ferrast mij hiel bot

dat myn muzykleeftyd op 51 stiet is net út te lizzen

Coen

Dy Iselmar doarpen en stêden bliuwe mij boeien

Ik lês no it boek it boek 'Wereldzee in de polder'.

Mei in boat lâns al dy plakken oan it wetter 

en dan de skiedsnis ophelje en fergelykje mei no.

De boat leit oan yn Hoorn en dan kinne je net om Jan Pietersz Coen hinne

Yn it ferline fereard mei in stânbyld mar de fraach is al hiel lang

at er dat wol fertsjinne hat.

In slavendriuwer wie it fan de boppeste planke.

Yn Hoorn is der alle jierren wol in diskusje 

oer wat se oan moatte mei dat byld op in prominint plak yn Hoorn 

wêrbij Coen ferheven oer it plein stiet te sjen.

Stean litte dêr of ferpleatse nei in park

sadat net alle Hoorn besikers dy man sjogge

Yn it boek stiet ek wol in aardich idee

It liket mij in publykslûker

Romje

 

Dêr wie dan it momint

De grêfrjochten fan dizze stien rinne ôf.

Dizze foto is fan 2019 en sûnt dy tiid 

hawwe dy brune flekken harren wurk dien

De tekst is hast al net mear te lêzen.

As trije bruorren hawwe wij besletten

om it grêf te romjen.

Hast 65 jier hat syn namme trochlibbe op it tsjerkhôf 

Dêr komt no in ein oan

Yn myn tinzen bliuwt hij der wol

dat is al slim genôch

Belje

 

Yn it AD in heale pagina grut ferhaal oer mem Angela

dy't de hústillefoan wer fan souder helle hat.

"Is dat een goed idee" freget de skriuwster har ôf

In prima idee, sis ik dan

en hingje him dan gelyk mar wer yn in kâlde gong (at dy der noch is)

en oars mar yn de garaazje

Oh ja, pak alle ôfstânsbetsjinningen dan gelyk ek op

dan is  dat "zappen " ek dien.

Boppedat in bytsje beweging is foar elkenien goed.

Gjin sin om op te stean, 

dan gewoan de hiele jûn nei de selde stjoerder sjen

Myn krystmerke

Jellie wol efkes yn Harich sjen

op de trije jierlikse krystmerke

Liket mij in goed idee

Ik haw yn dy buert noch wat net befytste dykjes lizzen

Dus komt Aldegea, Ealahuzen, Harich en Balk op myn paad.

Yn Balk in flinke slach troch de rekreaasje.

Net in minsk te sjen bij al dy útstjerde húskes

En dat yn in tiid fan wenningkrapte

Sûnder doel set ik yn alle doarpen in toer op de foto

Ik haw 36 kilometer fytst en der binne 14 nije kiloemetrs bij.

Wer thús bin ik tefreden en kâld.

Aldegea

Ealahuzen

Harich

Rk yn Balk

KLetsfolk

Sneon moai op tiid thús nei in jûntsje muzyk.

Dat is net in doel mar in gefolch.

Der is rock muzyk yn Ons Gebouw yn Boalsert 

en dat fyn ik in goeie saak.

Dus gean ik dêr hinne yn de hoop fan de muzyk te genietsjen

Nee dus, 

Nei twa nûmers rin ik figuerlik al  blau en read oan fan argewaasje.

Spilet der in band en dan dogge je oars net as kletse

Hast al it Boalserter folk moat sa nedich dizze jûn kletse yn Ons Gebouw

Se wolle kletsend boppe de muzyk útkomme 

en dat slagget harren maklik meielkoar.

In oar plak oipsykje jout mij ek neat 

en myn ek nei de muzyk harkjende buorman Gerben Gerbrandy 

seit tusken twa nûmers troch

"dêr stean de Boalserters wol wat bekend om". 

Ik soe sizze moai sa litte en hâlde.

Sij harren praatjûn dêr 

ik myn muzykjûntsje earne oars.

De REM  tribute band ( Eponymous) fûn ik fierders prima

foar safier ik it allegear heare koe boppe it kletsfolk út.

De twadde band Milk & Alcohol haw ik mar net op wachte

want wat letter wat mear alkohol, wat mear stimferheffingen.

Ik fyts dus goed healwei alven rjochting Wommels

Oer de Bieren, dat dan wol wer.

Wat jim neist it kletsfolk heare op dit filmke , is de muzyk

Sudersee

Wij hawwe hiel wat kearen it Iselmar om fytst.

Wij neame it de Sudersee rûte, 

omdat it fytsboekje ek dy namme hat.

Moaie rûte troch moaie stedtsjes

Stêden en doarpen mei in ferline

Dat sjogge je hjir en dêr

mar hoe't it krekt allegear gien is

doe't de Ofslútdyk der kaam 

en de ynpoldering klear wie

dat kinne je lêze yn dit prachtige boek fan Eva Vriend

Fjouwer gesinnen folget se troch de jierren hinne

en dêryn wurdt de lêzer meinommen 

yn alle feroaringen dy't er kamen 

yn Bunschoten-Spakenburg, yn Volendam, yn Den Oever en op Urk

Der ûntstiet in byld,

hoe't dy lju harren troch de feroarings hinne sleept hawwe.

In boeiend boek wêryn ek beskreaun wurdt

hoe't it sit mei dy ynteelt

Dat der hiel wat Urkers net weromkommen binne fan see

dat sjogge wij alle kearen at wij troch Urk fytse

oan it monumint bij it Iselmar

Utstelle

 Ik haw it net sa bot stean op dy minister Wiersma

Te licht. Fierstente licht.

Dat wie neffens mij al sa doe't se hjir deputearre wie.

Mar ja, de BoerenBoerenBoerenpartij ropt

en dan binne je samar minister

De NRC hat har koarte perioade op in rychje set

Wat je yn sa'n koarte tiid allegear ferkeard dwaan kinne

docht bliken út dit ferhaal

6 jier

Us altyd entûsjaste Brecht is 6 wurden

Wat in feest foar har

Nijsgjirrich

Twa nijsgjirrige stikken yn de krante fan ferline wike

Neist elkoar ek noch wol

De krante is LC

Winterwoartels

 

Dit fyn ik wol grappich

Winterwoartels yn de winkel

en besykje de ferkeap te befoarderjen troch te sizzen

"De  favoriet van Ozosnel"

( dat skynt it hynder fan Sinteklaas te wêzen)

Novimber is de museummoanne 

Mei myn museumjierkaart kin ik net nei de Tiid yn Boalsert

Dat fyn ik belachlik!

Ik bin wat yn twifel 

at ik dit wol in nijsgjirrich museum fyn.

Dan is 9 euro per persoan wol in flinke priis

Dus meitsje wij gebrûk fan dizze fergese moanne

Myn foargefoel is terjochte

Yn minder as trije kertier binne wij der trochhinne

en dan binne der ek twa ekstra útstallingen bij.

Miskien is dit foar toeristen wol nijsgjirrich

mar foar mij binne it tefolle bekende dingen

Teksten fan Gysbert Japicx

De útstalling fan oer Aggie van der Meer is wol nijsgjirrich

Fjoerwurk

Mei grutte argewaasje sjoch ik de bylden út de Arena

Wat in stikken ûnferstân

Dy klup wie sportyf sjoen al stikken

no is de klup hielendal yn in djiptepunt rekke

Puzelman

In moai Frysk boek fine is betiden noch net sa maklik

Mei foaral de nijere boeken haw ik wol wat muoite

om it boeiend te finen

Mei de 'Wraak fan de puzelman' haw ik in foltreffer

Wat in hearlik boek

yn moai Frysk

Sil sjen at  Hedzer mear moaie boeken skreaun hat

Paceshifters

Dêr binne se wer yn Fryslân

Paceshifters, in band út Olst en Wijhe

Us band.

Tsjeard en ik misse frijwol nea at se yn Fryslân binne

Ja, sels Hoogeveen, Grins en Alkmaar is ús dan net te fier.

Yn 2017 op it Greidhoekfestival yn Wommels

en freed stiene se yn DeBeatriks yn Ljouwert

In machtige jûn.

Net lulle mar spylje,

5 kertier in muorre fan lûd

In drummer fan wrâldklasse

en twa broers dy't mei ûnfersteanber sjongen

mar knallende gitaren de sound meitsje fan Paceshifters

Yn jannewaris dogge se Nirvana

en wij binne der bij yn de Oosterpoort yn Grins

Dat wurdt myn 14de kear Paceshifters

der is mar ien band dy't ik faker sjoen ha

34 kear Reboelje.....

Wintersk

It liket de kommende wiken noch net op winter

No hoecht dat om mij ek net.

Stel no dat wij gjin winter krije dizze winter

Dat soe net raar wêze sjoen de klimaatferoaring

Dan haw ik altyd de foto's fan Amelân noch

Sneintemoarn 25novimber eage it as winter

en rin ik in slach troch Nes

Miskien is dit alles wol dizze winter

Fryske boeken

 

Gjin Sinteklaas sûnder in Frysk boek

Dat is in moaie kreet, dy soe no ek noch jilde moatte

Fa. Sipke Dijkstra fynt dat yn 1948.

In ferskaat oan boeken set hij yn syn adfertinsje

Fan de Gouden Swipe oant psalmboek,

fan Robinson Crusoë oant Utfanhûs bij pake en beppe

Skilderij

Yn fan de keunstners op Amelân is Hella de Jonge

Sij is de frou fan Freek

Har skilderijen befalle mij wol

Iets skilderje mar mei in eigen boadskip der yn.

Nim no dizze

'De Redder en de Drenkeling'

Sjoch der goed nei

De rêder dy't neat docht mei syn hannen

gjin helpende hân

en de drenkeling 

dy't help siket mei syn hannen omhelp

Ek dizze fyn ik moai

Se hat Freek skildere

mar de titel is: "Hersens van Freek"

Dat wie doe - Reinder en Rigt Posthuma

Yn Diggelfjoer fan novimber it ferhaal fan Reinder en Rigt.

Under it stikje fan Diggelfjoer it ferfolch, want der is mear te fertellen

It ferfolch

Foarhinne is de woansdeitemiddei de frije middei foar winkellju yn Wommels

mar yn harren bakkerstiid meitsje sij dêr in frije woansdei fan.

De winkel op woansdei ticht dat is wol efkes wennen foar de klanten

Neist de bôle bakt Reinder fansels ek banket lykas oranjekoeken

Tusken bakkers is ek in sûne "striid" dwaande foar it lekkerste of it moaiste 

De Posthuma's  hawwe meardere prizen wûn.

"Wer binne dy eigentlik", freget Rigt oan Reinder.

Ek dy hat gjin idee

It brea is meardere kearen ûnderskieden. 

Dat wie in spesjaliteit fan Reinder syn heit.

"Hij wie in echte breabakker"

Der binne meardere ferbouwingen west.

Op dizze foto is te sjen dat de romte neist de winkel it wenhûs is.

Dy romte is letter bij de winkel lutsen

sadat it winkeltsje in winkel wurdt.

Fansels hawwe der yn al dy jierren klanten west

dy't bijsûndere gewoanten hawwe en binne der moaie foarfallen,

mar dat bliuwt bij Reinder en Rigt.

It makket it winkelwurk ek moai.

mei de minsken en de winsken omgean

Utdaagjend is ek om yn te spyljen op de behoeften fan de klanten.

Dat komt fia Rigt bij de toanbank binnen 

en sij jout dat troch oan de bakker bij de ûne.

Yn 1999 komt de euro yn it plak fan de gûne.

Dat is foar harren in moai momint om te stopjen.

No fermeitsje se harren mei moaie hobbies thús.

( yn de Groeiwike koene jim dat bewûnderje)

Rigt is fan it itensieden  en Reinder bakt sa no en dan noch in cake

Yn waar en wyn moat de bôle útsutele wurde

De 50 kilo sekken mei moal lizze klear foar ferwurking

Amelân

In wykein op Amelân

wêr't de K fan Keunst

en de F fan famylje sintraal stiet

Bij Nes yn in famyljehûs,

moai sintraal om oeral efkes te sjen.

It hie wol wat warmer kinnen

mar it wie te dwaan

In ympresje

Gjin keunst, om sa'n foto moarns betiid te meitsjen

Kursus

De byblioteek yn Wommels hat wer in kursus.

"Omgaan met computer voor beginners"

Ferline jier wie dat der ek en doe wiene der 8 dielnimmers

Ik bin frijwilliger bij dat projekt.

Wij ha no twa kear in les hân op woansdeitemoarn

en it is wer bijsûnder om it mei te meitsjen

Neat witte fan kompjûters

em der ek neat fan witte wolle

en dan ynienen it dochs mar dwaan.

In hiele grutte drompel oer om je oan te melden

en dan konstateare dat er mear binne 

dy't dy drompel oerstapt binne

en ek fan neat witte.

It is moai om dy minsken op paad te helpen

want se binne nei twa lessen suver al wat entoesjast

 

Bluesrock

In moaie freedtejûn. 

Mei de bus nei Ljouwert

Kafee Neushoorn mei bluesrock

Sa'n 100 man genietsje fan Innes Sibun

in band út Ingelân, mei Rory Gallagher muzyk

Hearlik

Fan 21 oant 23.10 oere sûnder ûnderbrekking

Smetpuntsjes wie der ek

Twa tige en twa iets minder ferfelende knapen 

dy't foaroan foaral onadacht ha woene

wylst it meast wat âldere publyk gewoan geniete wol

sûnder hieltyd in  triuw te krijen of oersprenkele te wurden mei bier

Neffens mij binne se op lêst mei (sêfte) hân de seal útwurke

troch de organisaasje

Smetpuntsje twa

In band dy't 130 minuten oan ien stik enerzjyk troch spilet 

en dan ropt der sa'n oeletoeter nei de lêste klanken

neist mei : we want more....

'Gean faker út' soe ik sizze

der wie ek noch in lytse útstalling mei ûnder oaren in gitaar fan Gallagher sels

Blusse

 

Syb (3 jier) sit fol fan de brânwacht.

At er yn Wommels is, fytse wij altiten efkes oer it Aldhiem

bij de garaazje lâns, wêr't de twa auto's ynstean

Lêsten hat er bij de demonstraasje west.

Machtich fûn hij it.

Tongersdei is hij wer bij ús

en wij fytse ek efkes nei in buorkerij

"de boer" komt krekt werom 

nei in ritsje mei syn hynder en sjees

It hynder wurdt ôfklaaid en dan komt de spuit der op

Wat is dit freegje ik oan Syb.

It hynder wurdt blust.......