Fjoerwurk

Mei grutte argewaasje sjoch ik de bylden út de Arena

Wat in stikken ûnferstân

Dy klup wie sportyf sjoen al stikken

no is de klup hielendal yn in djiptepunt rekke

Puzelman

In moai Frysk boek fine is betiden noch net sa maklik

Mei foaral de nijere boeken haw ik wol wat muoite

om it boeiend te finen

Mei de 'Wraak fan de puzelman' haw ik in foltreffer

Wat in hearlik boek

yn moai Frysk

Sil sjen at  Hedzer mear moaie boeken skreaun hat

Paceshifters

Dêr binne se wer yn Fryslân

Paceshifters, in band út Olst en Wijhe

Us band.

Tsjeard en ik misse frijwol nea at se yn Fryslân binne

Ja, sels Hoogeveen, Grins en Alkmaar is ús dan net te fier.

Yn 2017 op it Greidhoekfestival yn Wommels

en freed stiene se yn DeBeatriks yn Ljouwert

In machtige jûn.

Net lulle mar spylje,

5 kertier in muorre fan lûd

In drummer fan wrâldklasse

en twa broers dy't mei ûnfersteanber sjongen

mar knallende gitaren de sound meitsje fan Paceshifters

Yn jannewaris dogge se Nirvana

en wij binne der bij yn de Oosterpoort yn Grins

Dat wurdt myn 14de kear Paceshifters

der is mar ien band dy't ik faker sjoen ha

34 kear Reboelje.....

Wintersk

It liket de kommende wiken noch net op winter

No hoecht dat om mij ek net.

Stel no dat wij gjin winter krije dizze winter

Dat soe net raar wêze sjoen de klimaatferoaring

Dan haw ik altyd de foto's fan Amelân noch

Sneintemoarn 25novimber eage it as winter

en rin ik in slach troch Nes

Miskien is dit alles wol dizze winter

Fryske boeken

 

Gjin Sinteklaas sûnder in Frysk boek

Dat is in moaie kreet, dy soe no ek noch jilde moatte

Fa. Sipke Dijkstra fynt dat yn 1948.

In ferskaat oan boeken set hij yn syn adfertinsje

Fan de Gouden Swipe oant psalmboek,

fan Robinson Crusoë oant Utfanhûs bij pake en beppe

Skilderij

Yn fan de keunstners op Amelân is Hella de Jonge

Sij is de frou fan Freek

Har skilderijen befalle mij wol

Iets skilderje mar mei in eigen boadskip der yn.

Nim no dizze

'De Redder en de Drenkeling'

Sjoch der goed nei

De rêder dy't neat docht mei syn hannen

gjin helpende hân

en de drenkeling 

dy't help siket mei syn hannen omhelp

Ek dizze fyn ik moai

Se hat Freek skildere

mar de titel is: "Hersens van Freek"

Dat wie doe - Reinder en Rigt Posthuma

Yn Diggelfjoer fan novimber it ferhaal fan Reinder en Rigt.

Under it stikje fan Diggelfjoer it ferfolch, want der is mear te fertellen

It ferfolch

Foarhinne is de woansdeitemiddei de frije middei foar winkellju yn Wommels

mar yn harren bakkerstiid meitsje sij dêr in frije woansdei fan.

De winkel op woansdei ticht dat is wol efkes wennen foar de klanten

Neist de bôle bakt Reinder fansels ek banket lykas oranjekoeken

Tusken bakkers is ek in sûne "striid" dwaande foar it lekkerste of it moaiste 

De Posthuma's  hawwe meardere prizen wûn.

"Wer binne dy eigentlik", freget Rigt oan Reinder.

Ek dy hat gjin idee

It brea is meardere kearen ûnderskieden. 

Dat wie in spesjaliteit fan Reinder syn heit.

"Hij wie in echte breabakker"

Der binne meardere ferbouwingen west.

Op dizze foto is te sjen dat de romte neist de winkel it wenhûs is.

Dy romte is letter bij de winkel lutsen

sadat it winkeltsje in winkel wurdt.

Fansels hawwe der yn al dy jierren klanten west

dy't bijsûndere gewoanten hawwe en binne der moaie foarfallen,

mar dat bliuwt bij Reinder en Rigt.

It makket it winkelwurk ek moai.

mei de minsken en de winsken omgean

Utdaagjend is ek om yn te spyljen op de behoeften fan de klanten.

Dat komt fia Rigt bij de toanbank binnen 

en sij jout dat troch oan de bakker bij de ûne.

Yn 1999 komt de euro yn it plak fan de gûne.

Dat is foar harren in moai momint om te stopjen.

No fermeitsje se harren mei moaie hobbies thús.

( yn de Groeiwike koene jim dat bewûnderje)

Rigt is fan it itensieden  en Reinder bakt sa no en dan noch in cake

Yn waar en wyn moat de bôle útsutele wurde

De 50 kilo sekken mei moal lizze klear foar ferwurking

Amelân

In wykein op Amelân

wêr't de K fan Keunst

en de F fan famylje sintraal stiet

Bij Nes yn in famyljehûs,

moai sintraal om oeral efkes te sjen.

It hie wol wat warmer kinnen

mar it wie te dwaan

In ympresje

Gjin keunst, om sa'n foto moarns betiid te meitsjen

Kursus

De byblioteek yn Wommels hat wer in kursus.

"Omgaan met computer voor beginners"

Ferline jier wie dat der ek en doe wiene der 8 dielnimmers

Ik bin frijwilliger bij dat projekt.

Wij ha no twa kear in les hân op woansdeitemoarn

en it is wer bijsûnder om it mei te meitsjen

Neat witte fan kompjûters

em der ek neat fan witte wolle

en dan ynienen it dochs mar dwaan.

In hiele grutte drompel oer om je oan te melden

en dan konstateare dat er mear binne 

dy't dy drompel oerstapt binne

en ek fan neat witte.

It is moai om dy minsken op paad te helpen

want se binne nei twa lessen suver al wat entoesjast

 

Bluesrock

In moaie freedtejûn. 

Mei de bus nei Ljouwert

Kafee Neushoorn mei bluesrock

Sa'n 100 man genietsje fan Innes Sibun

in band út Ingelân, mei Rory Gallagher muzyk

Hearlik

Fan 21 oant 23.10 oere sûnder ûnderbrekking

Smetpuntsjes wie der ek

Twa tige en twa iets minder ferfelende knapen 

dy't foaroan foaral onadacht ha woene

wylst it meast wat âldere publyk gewoan geniete wol

sûnder hieltyd in  triuw te krijen of oersprenkele te wurden mei bier

Neffens mij binne se op lêst mei (sêfte) hân de seal útwurke

troch de organisaasje

Smetpuntsje twa

In band dy't 130 minuten oan ien stik enerzjyk troch spilet 

en dan ropt der sa'n oeletoeter nei de lêste klanken

neist mei : we want more....

'Gean faker út' soe ik sizze

der wie ek noch in lytse útstalling mei ûnder oaren in gitaar fan Gallagher sels

Blusse

 

Syb (3 jier) sit fol fan de brânwacht.

At er yn Wommels is, fytse wij altiten efkes oer it Aldhiem

bij de garaazje lâns, wêr't de twa auto's ynstean

Lêsten hat er bij de demonstraasje west.

Machtich fûn hij it.

Tongersdei is hij wer bij ús

en wij fytse ek efkes nei in buorkerij

"de boer" komt krekt werom 

nei in ritsje mei syn hynder en sjees

It hynder wurdt ôfklaaid en dan komt de spuit der op

Wat is dit freegje ik oan Syb.

It hynder wurdt blust.......

10 wiken

Tsjonge jonge

Ik moast yn tsjinst

1975- 1

Der wie gjin reden om mij ôf te karren

16 moanne haw ik mij ynsette moatten foar it lân

Marsjeare, skuonpoetse, sjitte, gewear skjinmeitsje

klean ynromje op mesbreedte, op de plaats rust,

ite yn de mess, op bivak, op je strepen stean

en bier drinke

16 moanne en doe hie ik it wol sa'n bytsje ûnder de knibbel

En no, 10 wiken......

Jierkalinder

Wij ha wat jierkalinders

Der lizze mar leafst trije yn it húske

Oer dy iene haw ik al ris skreaun.

Dat ferskriklike minne Frysk op de Fryske spreukenkalinder

It is hast alle dagen in griis

De oare kalinder dy hat tips

nutteleaze tips oer skjinmeitsje en sûnens

Nim no woansdei 12 novimber

Sjoch jim it al foar jim

Ik wat om grieme mei net skylde jirpels, in teedoek, tou en in pûde..

Ik soe sizze

Sukses der mei en gjin tank foar dizze tip

De tredde kalinder lit nostalgyske foto's sjen

út de jierren 80 sa ûngefear

Allegear apparaten dy't wij doe brûkten

en no âlderwetsk binne

of net mear brûkte wurde kinne

Foar 2026 gean ik op syk nei goeie kalinders

Moaie loft

 

In moaie loftfoto op Skylge is net dreech

Der is hast alle dagen wol ien of meardere mominten

dy't er ta dogge

Hurde wyn

 

Yn de haven fan West besykje ik in foto te meitsjen

op de dei dat it dêr wynkrêft 8 is

Op it strân waait it ek hurd

Wei, mar.....

Mar leafst 139 minksen gean dea yn dit boek

Earder foar de radio foarlêzen troch Waringa

no yn boekfoarm

Ik fûn it moai om te lêzen

 

Moaie teksten

 

Wij gean meielkoar nei it Wrakkenmuseum yn Formerum

Leuk, al dy rommel dy't se fûn hawwe

en útstald hawwe

Noch leuker binne de teksten yn it museum

Mei Samme en Nyck

 

It Strieper froutsje mei it Wommelser jonkje

Nyck en Samme op it dún

Wij sieten flakbij it waad en dat is foar bern geweldich

It ferrin fan de Berenloop

It is novimber 2024.

Wij krije de fraach fan Tsjeard en Berber

at wij in wykein meiwolle nei Skylge.

Sneins oppasse en bij de Bearenloop yn novimber 2025 sjen

Dat liket ús gesellich

en ik sjoch in útdaging.

"Dan doch ik de sneons mei foar de 10 kilometer"

Dat is in tasizzing mei gefolgen

want fanôf dat momint moat ik myn loopkes

fan 4 of 5 kilometer langer meitsje

Neffens eigen plan slagget dat en 

mei wat sûne spanning reizgje Jellie en ik

5 dagen earder nei it eilân 

foar ûnder oaren wat parkoers orientaasje.

Dêr wurd ik net gelyk bliid fan

Wat in klimkes, wat in wyn dêr.

Ik sjoch wêr't de kilometer punten binne

sadat ik de sneons op dy punten 

efkes op de smartwatch sjen kin

at ik wat op koers lis

Ik haw 90 minuten de tiid foar de 10 kilometer

mar start op in skema fan 80 minuten

Ik fiel in sûne spanning op dy sneontemoarn 

foar de start om 10.30 oere.

Samme en Berber gean mei nei de start

It waarberjocht is min en it komt út dizze kear.

It reint hûnen en katten 

en dat docht it salang ik ûnderweis bin.

Mar, reine en drave is in prima kombinaasje

It ienige is dat der sa'n 1000 dravers foar mij binne 

en dy meitsje der hjir en dêr in drekboel fan.

"Rinne, rinne' ropt de orginaasje mij ta 

at ik hast bij de finisj bin 

omdat der al meardere ûnderút giene binne.

Dat kin se wol ferjitte.

Wat in start, wat in sfear

mei al dy hûnderten lâns de kant en de rûte

Mei Jellie, Tsjeard, Berber, Samme en Nyck ûnderweis

foar wat oanmoedigings.

En al dy oaren dy't mei taroppe mei namme

omdat ik der wierskynlik wat âld útsjoch

At de measten mij foarbij binne of se binne earder starten

helje ik al gau ek wer minsken yn dy't al gau drave en rinne ôfwikselje

Ik bin grutsk op it feit 

dat ik it hiele ein it draven folhâlde kin.

Mei 1 oere en 21 minuten en 22 sekonden bin ik rom op tiid

en sjoch ik noch moai wat lju nei mij finisjen.

Ik bin ek net stikken

Nei in lekkere waarme dûs 

middeis nei de rees fan Samme en Nyck sjen

Hûnderten bern yn fjouwer groepen

meitsje der ek in draaffeest fan.

Snein komme de toppers

21 of 42 kilometer

Tsjeard en Berber  gean foar de 42 kilometer 

en it slagget harren poerbêst.

In moai wykein en de folgjende Berenlopen

binne op 30 en 31 oktober 2026

Wij hawwe it húske al wer reservearre

en sjoch der no al wer nei út

Yn de rein foar de start mei Berber en Samme

de lêste bocht ......rinne, rinne ropt se

ik bin net te stopjen en draf troch

sa bliuw ik dy iene ek noch foar

efkes útpûste tsjin it stek oan, bij myn supporters

Tsjeard en Berber foar de start op snein

Berenloop

 Kleintje Berenloop hjit it dêr op Skylge

mar foar mij is 10 kilometer de grutte Berenloop.

Tige tefreden oer hoe't it gie

en ek oer de tiid

In geweldige belibbenis

om yn sa'n sfear te draven.

Letter mear