Boek

 

Ik sit al in oantal wiken yn dit boek.

Haadstik foar haadstik krûp ik hjir troch hinne.

Net fleanend, want dat past alhiel net bij it de ynhâld.

Psygologysk, fylosofysk, dramatysk, 

dêr moat je wat mei hawwe.

Wat in boek........

Blau tsjin read

 

It is blau tsjin read

en mei it fjoerwurk wint read

Yn de wedstriid ek .

In fermaaklike minne wedstriid

mei in protte folk efter it stek yn Aldemardum.

Warkum is iets minder min as Balk

In hurde striid en in soad passy en in doelpunt 

wêr't elkenien it nei de tiid oer hat.

Sa dúdlik hands haw ik selden sjoen.

Workum profitearret fan dizze blunder fan de skiedsrjochter

Balk fjochtet him der net mear oer hinne

al binne se der noch ticht bij.

Hearlik sokke neikompetysjewedstriden.

De krante

 Krantlêze ûnder it iten 

dat binne wij net wend

Earst it iene, dan it oare, 

dat wie ús rigel.

Nea begrepen hoe't oaren dat tagelyk dogge

Oant fannewike.

Samme wie bij ús op bêd gien 

en waard bij ús wekker.

De tafel dekt en de krante alfêst út de brievenbus helle.

Samme pakt it AD en begjint te lêzen.

Tsjin syn heit soe ik froeger sizze,

"earst ite en dan de krante"

mar dat sis ik no net.

It is in aardichheid om te te hearen wat hij lêst

en wat hij dêr fan fynt.

9 jier en lêze as in grut keardel.

Sa hawwe wij it dus moarns betiid al oer Trump, 

oer Oekraine, oer Telstar en oer Suzan en Freek.

Syn bôle mei sjem en hagelslach peuzelt hij moai op.

De oare deis haw ik it ek prebeare

dat iten en lêzen tagelyk

It is mij net slagge

It sit net yn myn systeem

Stoner

 Stonerrock is een grof soort rock-/metalmuziek gebaseerd op hardrock uit de jaren 70 van bands als Black Sabbath. Het genre wordt gekenmerkt door gedowntunede gitaren (vaak in C-stemming, D-stemming of D-drop) die een diepgewortelde trage groove spelen. Het is herkenbaar aan het trage, zware, meeslepende geluid. (In tekst fan Wikipedia)

At jim it boppesteande begripe,

dan hoech it fierder net út te lizzen. 

Dy muzyktermen as C-D stimming of D-drop begryp ik neat fan.

It giet der bij mij om hoe't it klinkt,

op hokker wize it mij enerzjy jout. dat is foar mij muzyk

In jûntsje Stoner rock dus.

Jierren lyn wie ik op ynto the Void, ek yn Neushoorn.

Wat mij it measte bijbleaun is fan dy jûn wie Komatsu út Eindhoven.

Dat fûn ik geweldich. 

Lûd en strak en meislepend

Freed wiene se der

Krekt wat, 

want freedtejûn is in wol wat myn fêste muzykjûn.,

at der op sneon net wat oars is

Pander past ek yn dat sjênre fan Komatsu, 

mar dat is allegear iets trager.

In hearlike jûn, 

mei in ferrekt bytsje minsken wer.

Yn de grutte seal fan Neushoorn wie de Kleine Prijs van Fryslân foar bands 

en dêr pikt ik ek noch twa bendsjes mei

Swimme

It is sneintejûn 

Wij sitte oan tafel en ite pizza.

Samme (9) en Nyck (7) binne bij ús foar in nacht.

Sij ite in fegentaryske - en wij in shoarma pizza.

Nyck: "Pake, hoefolle bern hie dyn heit en mem?"

Ik: 5 jonges, Hessel, Aant, Meindert, Lolke en Meindert

Nyck: "Meindert twa kear? At dyn mem dan Meindert ropt, hokker Meindert wie dat dan? "

Ik: dy Meinderten wiene der net tagelyk. De  âldste is ferdronken yn de trekfeart". De oare Meindert kaam folle letter.

Nyck: "Ferdronken , koe hij net swimme"

Ik: Nee, hij wie 5 jier en koe net swimme 

Nyck: "hoe is hij ferdronken, wêrom wie der bij de feart"

Ik: wij witte it net presys, wij wennen krekt ien dei yn dat hûs oan de feart, dus wie hij dêr net sa bekend noch.
Mar hij is op syn autoped it trekpaad opgien efter grutte jonges oan en it kin wêze dat syn klomp útfallen is en dat hij dy pakke woe en doe yn de feart gliden is. 
Dy  âldere jonges dy't  fierderop oan it ljeppen wiene, dy seagen him yn de feart lizzen en draafden nei ús hús en rôpen: der leit in jonkje mei in giele broek yn de feart"

Nyck: "mar wêrom sprongen dy jonges der net yn ,  dy wiene dochs âlder en ik haw ek al in a en b diploma

Ik: Dy jonges koene ek net swimme. It swimmen dat learden wij froeger pas yn groep 6 en 7 at je 10 en 11 jier binne

Nyck: : wie hat him út de feart helle dan"?

Ik: Dat hat myn heit dien. Dy fytste it trekpaad op en is yn it wetter sprongen. Wij draafden der ek hinne en hawwe dat sjoen.

Nyck: "mar wêrom kin pake net swimme no"?

Ik: ik bin bang foar wetter Nyck, wierskynlik troch dit ûngelok.
Ik moat beslist bij de grûn kinne mei myn fuottten oars reitsje ik yn panyk.

Nyck: "Yn it swimbad is in bad dêr kinst maklik stean"

( Nyck docht al jierren pogingen om mij nei it swimbad te praten"

Ik: ik fiel mij net noflik bij it wetter dus gean ik leaver net

It is in skofke stil want de jonges moatte dit efkes ferwurkje.
Der komme noch wat fragen en Nyck syn fraach bliuwt it selde:

"Werom kin pake net swimme" 

Gelokkich hawwe se beide goed sliept.....

Heechspanning

It wie kloatenwaar tongersdei

Ik kom dweiltrochwiet oan yn Heech

at ik net reinklean oandien hie.

Dêr binne se foar dy reinklean.

dat wurdt wolris fergetten. 

De auto is tichtbij

Weromreis is it droech en ik haw foar de wyn.

De reinklean binne al wer droech.

In moai optreden fan We try John Maier en Seewolf

Figuerfytse

 Sneon is it moai fytswaar

dus gean ik foar in ritsje Goutum.

Dêr lizze noch wat diken en paden 

dy't ik noch net befytst haw.

At ik werom  bin freget Jellie 

at ik dy kowekop bewust fytst ha

Nee dêr haw ik fan te foaren net nei sjoen.

Fia Barrahûs , Techum, nei Goutum

en dan in stik Wiardabuorren meipikke.

60 kilometer fytst

en wer 14 nije kilometers

Lûd en fjoer

 Hardcore freed is in begryp wurden foar ús

In kear as 8 yn it jier is dat in "hurde muzyk" feest yn Neushoorn

Op freed fansels.

In simpele formule

Trije bands en de Arena fan Neushoorn foar 5 euro

en foar de leafhawwer genôch om te beuken.

Ik hâld foaral fan de enerzjy 

dy't it útstrielt en mij jout 

At wij kinne gean wij

Freed gean Tsjeard en ik wer.

Changing Tides komme ek.

Nea fan heard, mar dat wurdt wol oars.

Eardopkes net ferjitte fansels.

Wat in gewledige band en wat in enersjyke sfear

Wommels oan See

It tema fan de Wommelser feesten is dit jier

'Wommels oan See'

Dêr  is fêst wol wat fan te meitsjen foar de leafhawwers.

De hiele folder is skreaun mei dat tema yn de efterholle.

Mar de muzyk falt wat út de toan.

Want Faam en Butterfly klinkt wat it selde.

Dat hie Seewolf wêze moatten

of The Waterboys 

Spannende aksje

 Ik haw neist myn de Jong E-Bike

en in E-bike út Sjina

Op dat ding fytse is in feest.

Mar leafst 10 kilo lichter.

Mar hoe lang dat ding him goedhâldt is fansels de fraach.

Gjin service, gjin ûnderhâld, 

want hij komt streekrjocht  út in doaze.

Dat ding haw ik sa'n 9 moanne 

en 4500 kilometer mei fytst.

Mar mei Sjinezen witte je it nea.

Ik haw soarch oer it ferfolch, oer de akku.

At dizze tenein is, is der dan wol wer in nijenien te krijen

want dy Sjinezen dy feroarje produkten samar

of ûntwikkelje samar wer nije.

In lange ynlieding om te fertellen hoe't it gie tmei de oankeap.

3 jannewaris 2025 bestel ik ien bij Sprinter.nl

De ienige saak dy't in losse akku oanbiedt.

Ik haw in grize fyts en bestel in grize akku

Begjin febrearis noch gjin akku

dus stjoer ik in mail

"Problemen mei de levering" it duorret noch efkes

Begjin maart noch gjin akku

"Problemen met de levering, het duurt nog even"

Begjin april noch gjin akku

"Zal even navraag doen bij de inkoopafdeling"

"Nog steeds problemen met de levering, wij weten niet hoe lang nog"

Midden april stjoer ik wer in mail 

Noch altiten sûnder ferwyt

Ein april haw ik myn nocht

Ik stjoer in sinyske mail, mei in ferbitterde toan

Ik krij lichte eksuses mar noch gjin akku

Begjin maaie stjoer ik mail mei in lilke toan

"Wij gaan er achteraan"

Ik sjoch op harren webside 

dat se de akku noch altiten oanbiede 

en de swarte hawwe is op foarrie.

Ik stjoer in mail, ik wol de swarte wol ha......

Nei twa dagen in berjocht.

De levering kan geschieden.

Nei in wike noch neat ûntfongen

Underwilens haw ik ek efkes op ynternet sjoen 

hoe betrouber it bedriuw is.

Dêr wurd ik net bliid fan.

Allegear negatyf en der is sels immen 

dy seit dat se fajiet binne

Wer in mail en dan...... 

krij ik berjocht fan DHL 

dat sij in pakket oanbean krigen hawwe fan Sprinter.

Sneon wie it safier.

De akku is der.

No kin ik einlik "in review"skriuwe

wêr't se net bliid fan wurde.

Keunst yn Littenseradiel

Der wie wer in hiele keunstrûte útsetten 

yn ús gemeente Littenseradiel.

Tefolle om yn ien of twa middeis te besjen.

Wij keazen dit jier foar ien doarp: Reahûs.

Trije lokaasjes en it wie wakker moai

Wij fytse nei in pleats wat efterôf

en sjogge dêr keunst fan in ferskaat oan ideen en materiaal.

It efterein fan de pleats hat in natoerlike útstrieling

en wat der hinget of stiet komt goed ta syn rjocht

It giet der bij keunst net om dat je it moai fine

it giet er om dat it je oansprekt.

Dizze prachtige gesichten sprutsen mij oan.

Se binne makke troch Teresa Takes

Wat mij ek oansprekt is dit nivelefticht taferieltsje

Sa fyn, sa lyts, sa moai betocht en makke 

Dan is der in ûntwerpstudio

wêr't prachtige kaarten makke wurde 

mei grappige tekeningen.

Dêr hawwe wij mar in pear fan kocht.

Sjoch hjir

Bij de tsjerke

Foar de tsjerke leit in fyts mei ferfblik

It is de oanset nei it ferhaal fan Pieter Bootsma

It is goed om earst efkes op dizze wepside te sjen.

Dizze fyn ik sa moai. Sjoch de tekst dy't hij oanjout as herinnering oan syn jeugd yn Turns

Prachtich om te sjen......

Moai ek dat wij dêr persoanlik útlis krigen fan Joop Bootsma, in omkesizzer fan Pieter

Utstellers

 Trochpakkers binne it net

dy lju dy't de regearing foarmje.

Utstel is it biedwurd

Het kwam met een aanzet tot een plan...

Tryster kinne je it net omskriuwe

Rinne

 

De earsten stean der

De kommende tiid wurde der noch mear pleatst.

Nim dyn tillefoan mei en rin in rûntsje troch it doarp

en besjoch foto's fan earder op dyn tillefoan 

en lês de nijsgjirrige ynformaasje

Muzyk op strjitte

Freed in lekkere muzykjûn hân as ûnderdiel fan it strjitfestival yn Ljouwert. 

Pulse is wer goed sa as ek al op it Skrik Festival yn 2024

Mocks hat in stevige set mei de ienige echte jierren 70 drumsolo.
In boeiende band

Poppa Jay and the Holy Rollers is lekkere muzyk en fermaak,

Se wiene ek alris yn Wommels op it Nacht fan de Nacht festival

Lekkere muzyk en mei troch in orizjineel mûlripe sjonger ek noch grappich

Bij Orange Skyline kinne de fuotsjes fan de strjitte want dat is wol dûnsbere muzyk. 

It klonk prima, hoewol it net hielendal myn sjenre is

Myn slotstik is foar Jeroen en Emiel fan de Hûnekop. 

It wurdt dêr ek noch gesellich op de Eewâl want in 'bytsje rûch yn de bek' 

en gesellige deuntsjes falle goed yn de smaak bij it wat jongere publyk 

wêrûnder pakesizzer Roan

Op Facebook noch wat filmkes

Moarnsfytser

It rûntsje moarns is hiel betiid 

dizze wiken mei it moaie waar

Deade boel op moandeitemoarn

Meilahuzen sintrum net berikber op tiisdei

Hurde wyn op woansdei

Skaad en beamtegrien

 ij fytse in middei yn it gebiet tusken Garyp, Eastermar, de Pein, Aldegea en Earnewâld.

In moaie rûte foaral tusken skaad en beamtegrien.

Sa't wij hjir ûnbidich grutte stikken lân sjogge yn de greidhoeke

is dat dêr oars.

Oersichtlike stikken lân

mei beamwallen der om hinne

Moai om te sjen

foar in inkele dei

Want,at ik hjir yn de greindhoeke dropt wurde soe

dan soe ik altyd sjen kinne wêr't ik bin

at ik omsjoch nei in toer.

Dêr net, it liket op elkoar

de beammen stean yn it paad

en in tuorke is net maklik te finen

Tusken Eastermar en de Tike

Tusken de Pein en Aldegea

Yn Aldegea

Stokbôle

De Frânsen ite de stokbôle meast net yn ien kear op.

Dat moat wol, oars binne se net mear te iten.

Spikerhurd of taai en sa droech as ........stokbôle.

In stokbôle is altiten krekt te grut.

Dat fine se no ek yn Frankryk

Mei dy sifers oer it wetter wat er foar nedich is

soe ik sizze wolle

se kinne wol in moai stik lytser

Strip fan neat

Ik haw lekker fytst tiisdeitemoarn

Betiid fan hûs op wei nei Friens en Flânsum

Kofjetiid wer thús 

Yn de brievenbus leit in stripboekje

Ik nim de muoite om it troch te sjen

Wat in ûnsin, hat dy baptistengemeente rûnbrocht.

Frijwilligerswurk

 Woansdeitemoarn de helpdesk bemand

yn de byb

De belangstelling wie minimaal

Middeis de boarterstún hast ûnkrûdfrij makke

Untploffe

Hoe is it mooglik?

Woansdeitejûn goed 22.00 oere

ûntploffe der trije stadions

Dat fan FC Groningen, omdat se gelyk spylje

Dat fan PSV, omdat se no gewoan kampioen wurde kinne

Dat fan Feyenoord, puntferlies fan Ajax levert altyd wille op

en no ek noch de ferminderde kânsen op it kampioenskip.

Freonen op de fyts

Sûnt 2003 lid fan Vrienden op de Fiets

Totaal no 114 adressen hân foar in nachtje sliepe mei moarnsbrochje.

Frijwol alles yn Nederlân,

mar sûnt dizze fakânsje ek twa yn Belgie der bij.

Wij hawwe ek al twa yn Dútslân hân.

 

Beatriks

 

It bêste nijs dat sneon yn de Ljouwerter Krante stiet !

Het smoarge gat

 

Sneintejûn sjoch ik it berjocht dat de Haringvlietbrêge

fan middeis 14 oan jûns 19.00 oere ticht is fanwege in steuring.

Krekt in wike lyn, 

op sneontemiddei fytse wij oer dy brêge.

Middeis in oere as 14.15.

Dat hie wat west, 

oan de oare kant fan de brêge, 15 km fierderop

leit ús sliepersadres.

Dêr haw je gjin alternatyf.....

Het Vuile Gat is de bijnamme

Dy namme docht it ear oan.

Arena

 

Nei 14 dagen  fakânsje

(10 dagen fytse en 2 dagen bekomme)

is it wer tiid foar in muzykje

Nei Neushoorn yn Ljouwert

Wat in jûn.

Molstone klinkt as Deep Purple

en dat stiet mij tige oan.

(Klaas Hingst docht it slachreau)

The Ayreon Project is in muzykfeest fan komsa

mei wit ik hoefolle muzikanten

en wit ik hoefolle instruminten

en wit ik hoefolle ferskillende muzyksjenres.

Machtige jûn.

79%

 

Dat nim ik dan wer moai mei

at ik in rûntsje Nederlân doch.

12 gemeenten der bij,

foaral yn Brabân, Seelân en Súd Hollân.

Ik sit no op 79 %.

Mei sa'n grinsrûte kom je ek regelmjittich yn Belgie.

Dat is te sjen.

Ik sit dêr op 5 %

Ik haw it idee dat de weryndieling yn Belgie noch begjinne moat

60

 

Nei de Berkwertertunnel stie okkerlêsten dit ferkearsboerd.

Dat is raar, tocht ik.

Alle diken sûnder fytspaad binne 60 kilometer yn ús gemeente.

Ik skriuw op 17 spril in mailtsje nei de gemeente

dat dit net goed is.

Op 6 april krij ik antwurd

Geachte meneer Hofstra,

Wij hebben naar de situatie gekeken en wij geven u hierin gelijk.
Dit betekend dat het bord van 'einde zone 60' weg gaat en er een bord 'zone 60' voor terugkomt.

Bedankt voor uw oplettendheid!

Met vriendelijke groet,

Team Verkeer

Op 8 maaie fyts ik der wer lâns

Kompliminten foar dizze flugge ôfhanneling

Nee, it is net sa raar

dat je yn in fierstentegrutte gemeente wenje.

Grinsrûte

 

Oan in moaie fytstocht is in ein kommen.

De grinsrûte tusken Belgie en Nederlân folbrocht.

Mei Tsjeard en de jonges meiriden nei Eysden

en dêr de rûte oppakt.

Dan wer yn B. dan wer yn N.

Wij binne hiel wat grinzen oergien.

Rêstige paden, hast altyd.

It wie in fytsfeest.

De rûte begong yn Eysden

en einige yn Cadzand.

Wij hiene prachtich waar dêr.

Dan stean je yn Cadzand  

en moatte je wer nei hûs.

Yn 4 dagen dagen dien, 

mei in hurde kâlde noardenwyn

10 prachtige dagen

en neffens Jellie wie it totaal 805 kilometer

8 kear sliept bij freonen op de fyts

en 1 kear in appartemint fia Bookin.com

Oer de grins en werom

 

It soe samar wêze kinne 

(nee, it is wis)

dat wij de kommende dagen de reade line fytse

It is de grins fan Belgie mei Nederlân 

en dat bochtet aardich faak oer de grins

Maondei sette wij ôf bij Eysden

en dat leit ûnder Maastricht

Byld

 

Prachtich, 

in oar wurd haw ik net 

foar dit byld dat bij it âldereinhûs stiet 

yn Weidum